位於尖沙咀天文臺圍嘅「SAKEH」裝修型格有個性，從牆上嘅浮世繪畫作到掛滿傳統油傘嘅VIP房，都係打卡熱點。餐廳主打日式串燒，必食稀有雞肉部位同海鮮，前者選用的稀有雞肉部位，有提燈、雞冠等部位選擇；後者係從日本各地精選時令海鮮。餐廳有一系列日本酒供應，週末更設清酒放題，可以任飲坊間罕見嘅季節限定清酒！
稀有部位燒鳥 必試新鮮鳥之提燈
餐廳特別從日本訂製烤串燒爐，最高溫可達980°C，以高溫鎖住食材原汁原味。而且餐廳有多款坊間少見嘅雞肉部位，鳥之提燈係串燒界限量珍品嘅部位，來自母雞輸卵管同剛好成形而未受精既蛋黃，好難得先會搵到，而且裁切依個部位裁切需要好多技巧，要師傅花相當心機先可以做成一串！提燈亦比一般部位難燒，輸卵管要做到脆皮、同時保留半熟流心蛋黃，少啲心機同功夫都做唔到。師傅特別提到餐廳同本地農場合作，所有提燈都係即日新鮮由農場送到餐廳，比起坊間多用急凍貨，佢哋用嘅係新鮮提燈，雞蛋同輸卵管真係連埋一齊，做到「提燈」效果！食落富有蛋黃香同雞味。
鳥之提燈
雞冠亦係坊間少見嘅雞肉部位，有獨特嘅雞皮加軟骨酥脆口感，燒過更突顯阿波尾雞黃油甘香嘅特色！另一推介係雞軟肉，即係雞尾，油香更濃郁、送酒一流。
免治雞肉軟骨亦係熱賣燒鳥之一，選用日本華味鳥或日本阿波尾雞，以自家秘方製作而成。點埋日本赤卵雞蛋黃，提味更增加滑溜口感。
自家制免治雞肉軟骨
師傅另外推薦呢款雞皮紫蘇蝦卷，燒到焦脆既雞皮，彈牙嘅蝦肉吸收雞油變得更香，同時紫蘇葉又可以平衡油膩感，難怪得到唔少客人好評！
雞皮紫蘇蝦卷
日本直送 時令海鮮燒物
海鮮亦係愛日本菜嘅朋友必點嘅種類，餐廳多款海鮮由日本直送，保證新鮮。海膽松葉蟹蓋甲羅燒非常豐富，蟹蓋中放滿蟹肉同蟹味噌，再加上海膽，每啖都係大海嘅鮮味啊。
海膽松葉蟹蓋甲羅燒
師傅指馬友特別嚴選野生馬友，同一般餐廳用嘅養殖馬友一食就知道分別，因為野生馬友無論係鮮味同油脂都係更上一層樓。只需簡單鹽燒，一放上枱就可以聞到魚油香氣！
鹽燒馬友
鍾意食魚嘅朋友仲可以點埋燒油甘魚鮫，油甘魚肉質肥美甘香，燒過後更係入口即溶。
燒油甘魚鮫
新出嘅鮟鱇魚肝有「海中鵝肝」嘅美譽，皆因其油潤、滑嫩嘅口感可以媲美鵝肝。配搭味道微酸嘅醬汁，作為開胃前菜就最啱。
鮟鱇魚肝
新鮮嘅日本生蠔肉厚飽滿，味道鮮甜。蟹膏豆腐有濃厚嘅蟹膏鮮香，同唔同配料都好夾。
日本生蠔
蟹膏豆腐
餐廳精選推介
鹿兒島係正宗和牛嘅原產地之一，加上餐廳選用嘅係當中最高級嘅A5西冷，油花豐富而且呈大理石紋狀。食落略帶嚼勁，和牛味道同油脂甘香比例完美。
網燒鹿兒島A5和牛
荔枝豬肉卷以荔枝嘅清甜果肉平衡豬肉嘅肥膩，果香同肉味估唔到又幾夾，食多串都無難度。
荔枝豬肉卷
厚切牛脷芯名副其實夠厚身，而且師傅火候控制得宜，有燒烤香氣，將牛脷外面切走，只取芯，口感軟滑，外皮燒到極脆，做成外脆內軟、軟嫩爽彈嘅口感。
厚切牛脷
香噴噴嘅蒲燒鰻魚最啱送飯，醬汁鹹中帶甜，襯托出鰻魚嘅嫩滑肥美。
蒲燒鰻魚飯
唔少女士都有第二個「甜品胃」，同時呢度嘅甜品非常適合打卡！晶瑩剔透嘅水信玄餅裡面係鹽漬櫻花，配搭黃豆粉同黑蜜，一食好似去咗日本咁啊。
水信玄餅
綠茶同紅豆向來都係最佳拍檔，綠茶蕨餅口感Q彈，食落有綠茶清香。而香甜嘅紅豆加上軟糯嘅白玉同薄脆嘅最中餅，層次豐富。
綠茶蕨餅紅豆白玉
週末清酒放題 暢飲特色/季節限定清酒
各位清酒迷唔好錯過餐廳最近推出嘅週末清酒放題，可以無限品嘗多款日本清酒，部分更係著名日本酒庄嘅季節限定清酒，款式不定期更新。套餐包括十二款餐點，同三五知己一齊邊飲邊食就最嘆！
Sake Menu
最新嘅春季限定酒單有以下四款清酒：
- 磯自慢 純米吟釀 火入：帶清爽嘅麝香葡萄香氣，淡麗微辛口，適合配搭串燒
- 榮光富士 純米大吟醸 おりがらみ 暁乃翼：春季限定嘅薄濁酒，帶純米原酒香味同清新蘋果酸
- くどき上手 純米大吟醸 ジューシー辛口：有清爽、細膩嘅果香，味道辛口
- 黑龍 春しぼり 吟醸：春季限定，帶檸檬和麝香葡萄香氣，同時不失米甘旨味，口感清爽
開飯仔依家仲有好野益大家！於2022年4月29日至6月9日期間，到【Sakeh】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
Sakeh
地址: 尖沙咀天文臺圍5-9號寶軒酒店地下及1樓
電話: 37099251