High Tea 最重要有儀式感，打卡層架、精緻茶點一定要有。呢間日本料理店「花樂」更一改西式High Tea，將精緻日本刺身、壽司、料理放上唯美鳥籠層架，一出已經好高人氣！
除咗嚟堂食打卡，而家仲有外賣版—「花樂外送層層格」，純白3層架放滿茶點，刺身、鮑魚、水信玄餅等都有，估唔到喺屋企都可以chill 住High Tea。
【外賣High Tea】花樂外送層層格$368
純白3層架超唯美，喺屋企都可以輕鬆High Tea 打卡。
第1層 日本直送刺身
// 三文魚刺身，甜蝦刺身，油甘魚水菜卷，海葡萄酢物
喺屋企沖壺熱茶就可以享受me time，由最上層刺身、酢物開始食。
第2層 豪食鮑魚拖羅
// 香蔥拖羅蓉配米通，芥未八爪魚鱈魚三文治，蟹籽醬伴吉列廣島蠔，磯煮鮑魚
第2層有多款開胃料理，個人最愛「香蔥拖羅蓉配米通」，軟綿綿拖羅蓉加埋脆米通好香口。鮑魚都煮得好入味，口感軟Q。
第3層 少女心甜品
// 日本千層蛋糕，水信玄餅，櫻花和菓子，芝麻和菓子，日東卷，法國特濃榛子蛋糕
甜品唔係一般小蛋糕，而係超美打卡「水信玄餅」、「和菓子」，仲有特別由法國引入嘅「法國特濃榛子蛋糕」，係法國甜品師親製㗎。
【堂食打卡】2款鳥籠下午茶
花楽經典下午茶$298
堂食下午茶有多款日本料理小食—碎蔥吞拿魚腩蓉、芥辣八爪魚鱈魚三文治壽司，亦有西式小食—鵝肝多士、黑毛豬風乾火腿等。
「芥辣八爪魚鱈魚三文治壽司」係Q彈芥辣八爪魚+輕韌燒鱈魚，雙重口感好過癮。
「碎蔥吞拿魚腩蓉配日本鍋巴」擺盤造型影相好靚。
「香蔥玉子配黑毛豬風乾火腿」嘅火腿有種獨特油甘香。
「鵝肝多士」要將原件多士一次入口，鵝肝同黑糖多士嘅鹹甜交織恰好。
甜品有水信玄餅、十勝紅豆厥餅、法國直送香梨吉士醬批、法國榛子餅等。
「水信玄餅」內有花瓣，女生一定鍾意。
堂食下午茶有「前菜層層塔」同多款花茶選擇。
花楽deluxe下午茶$498
有拖羅蓉、松葉蟹、甜蝦等，多款日本魚材滿足魚生癮。
上層鳥籠就有「松葉蟹甲羅鳥巢壽司」，松葉蟹份量好足！
厚切拖羅刺身都有！日本築地新鮮直送㗎。
「拖羅蓉伴香蔥玉子燒」都有滿滿拖羅蓉。
「鵝肝壽司」外焦內軟。
下層有多款甜點，如水信玄餅、十勝紅豆厥餅、法國直送香梨吉士批等。
「前菜層層塔」則有日本海草Cocktail 杯、磯煮鮑魚、蟹籽醬伴芝士年糕。
花楽二人前$888
晚市時段則有二人前，擺盤都好靚㗎。
前菜有日本海魚皮cocktail 杯、磯煮鮑魚、松葉蟹膏豆腐、慢煮鵝肝，用料矜貴。
刺身金目鯛、深海池魚、鮮拖羅、北海道甜蝦，全部日本直送㗎。
壽司有北海道鮮紫菜配海膽、輕燒宮崎和牛，海膽爆多。
燒物同揚物有玉子和牛、日本帆立貝冬菇天婦羅，海老天婦羅，紫蘇葉天婦羅，今次二人前由刺身至料理都夠晒豐富。
最後就有和食芝士伴明太子蕎麥麵、甜品海鹽雪糕。
【同場加映】必食料理
日本酒粕煮蜆$148
花楽卷$188
開飯仔依家仲有好野益大家！於2022年4月29日至6月9日期間，到【花樂】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
