打邊爐最開心就係一班人一齊慢慢傾、慢慢食，所以最緊要就要揀間乾淨企理、食材選擇多、又坐得舒服嘅火鍋店，先至可以全程enjoy。位於佐敦站附近嘅「伍佰海鮮火鍋」佔地兩層，地方闊落，主打新鮮海鮮同埋多款自家手工配料，即刻睇下有咩湯底同火鍋配料推介啦。
環境寬敞、座位舒適
主打新鮮海鮮，現場更設有大型魚缸
【自家熬製湯底】
伊比利亞黑毛豬骨鍋
湯底絕對係一個邊爐嘅靈魂，掌控住全餐嘅食慾。每日熬製5至6個鐘嘅伊比利亞黑毛豬骨鍋，選用西班牙橡果黑毛豬製作，再加入牛肋條、豬筒骨、紅蘿蔔等熬煮，湯底濃郁帶肉香，仲有啖啖肉食。打邊爐之前建議可以先飲一碗湯，感受一下原味。
竹笙五彩菇乳鴿鍋
五彩菇意指蟲草花、姬松茸、鮮冬菇 、鹿茸同雞脾菇，仲有大大隻乳鴿，滾起可以直接飲咗湯同食下啲湯料先。好滋補架呢個湯，鮮味十足，而乳鴿肉質依然嫩滑。
【自家製配料】
芫荽黨員必試無誤。平時較少見嘅配搭，係師傅自家嘅創作。濃烈嘅荽味同鮮甜嘅帶子泊埋一齊，原來幾夾。
芫荽帶子餃
漲卜卜嘅黑松露蛋餃，香濃惹味，滲有蛋香，富滿足感。
黑松露蛋餃
多款丸類都由師傅新鮮手打製作，款款彈牙。海蝦墨魚丸就混合作兩款海鮮，以清淡少少嘅湯底淥完嘅話，鮮味更為突出。
海蝦墨魚丸
喺蝦丸中混入西方芝士，遇熱後即會溶化， 變成流心。
芝士蝦丸
墨丸係好多人嘅comfort food，雖然成日都話打邊爐唔使太多丸，但又總係忍唔住要叫埋啲墨魚丸，彈牙、爽口、有肉感。
墨魚丸
同樣都係心機手作嘢，混合油炸鬼同蝦膠，索埋啲湯食仲有微微脆。
吱喳鬼馬蝦條
將蝦膠同墨魚膠分別釀入魚肚內，此舉既可增加鮮味，亦令口感更加豐富。
鴛鴦魚肚
【推介配料】
豬天梯即係豬上顎，近喉嚨嘅位置。坊間較少機會食到，嚟到當然要試啦，建議淥大約3、4分鐘就食得，咁就食到佢最爽口嘅狀態咯。
豬天梯
食到啖啖爽脆嘅鮮鵝腸，就知道師傅非常認真、嚴謹咁處理每樣食材。
鮮鵝腸
話晒餐廳都係以海鮮為主打，壓軸當然都要介紹返啲海鮮嘅。師傅特意挑選本地桂花蚌，肉質鮮爽清甜。
桂花蚌
當然唔少得多款新鮮刺身、海鮮同肉類啦！
開飯仔依家仲有好野益大家！於2022年4月29日至6月9日期間，到【伍佰海鮮火鍋】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
伍佰海鮮火鍋
地址: 尖沙咀山林道21-23號1及3樓
電話: 23861328