すき焼 森 (歌賦街) (已搬遷) 新店位置

依間咁出名嘅壽喜燒就唔需要同你講有幾好食，可能有唔少人已經食過好幾次，所以依個post純粹提大家又到book位嘅時間喇🤣 皆因依一間就算見到幾好食都好，假期嘅日子最好早一個月book，仲要注明食sukiyaki set (須預訂)，如果唔係可能想食都冇得食🤷🏽‍♀️ 而今次去嘅依間係中環嘅第三分店，係今年二月份開，由於比較新，訂位相對比較容易~-Sukiyaki Lunch Set ($580/位) 建議預約bar枱位，有啲似食omakase feel，卡位坐得就較舒服，兩邊都有師父幫手煮。*<前菜>味噌漬茄子🍆 青紅椒&茄子，配搭下層係粒粒桃膠，整體口感幾特別*<蒸物>櫻花蝦蒸蛋，面層嘅櫻花蝦唔係全乾身個種，係比較大隻飽滿，蝦嘅鮮味好出，但就偏腥左啲，腥在有薑蓉緩和一下。而蒸蛋就幾滑溜🥰*<壽喜燒>有牛同豬可以選擇，牛肉就採用左A4近江牛 (牛西冷，2款牛肩胛) 晚餐好似會多一款牛肉眼。師傅會先放糖，再放肉，途中會倒入壽喜燒醬汁。牛肉軟淋入味，而且口感嫩滑。西冷就肉味較濃，但質感都同樣柔軟。為免一次過食牛肉會膩，所以會梅花間竹咁加插蔬菜環

Lunch Sukiyaki Set ($580)High quality sukiyaki in Hong Kong- booked this resto for my bf's birthday and it's did not disappoint. Got the chef to cook for ya right at your table❣️Great resto with high quality food and good service, defo worth going hehe (especially when I'm missing a trip to Japin in these COVID days)

yummy Sukiyaki !! Not tried before. Tried a set lunch mini set. A bit pricy for a normal lunch but is worth it.Restaurant is clean, efficient and service is great. Food quality is fantastic.Would come back again and recommend it to anyone who wants to try this Japanese speciality

前菜櫻花蝦蒸蛋我大咗肚之後味覺就變得好敏感我覺得鹹咗少少 但我男朋友話唔喊味道剛好 個蛋好滑兩人叫同一set食牛牛 每人4塊肉廚師有介紹過 但係我已經唔記得係咩😆只記得有A4牛 同所有蔬菜雞蛋都來自日本點咗蛋汁 成個質感會更加滑口不點 牛味會重d第一塊 我最喜歡 油脂分佈好平均加埋有嚿大肥膏🤤my favorite牛舌 跟set額外加$100 有4塊仔所以只點了一份 試試佢我男朋友話咁多塊肉 最好食係佢😆我覺得同出面比較 差不多好鍾意食佢個蔬菜成個醬汁入晒味 個魔芋粉絲 超級入味得滯所以覺得佢甜咗啲😆滑蛋牛肉飯 麵豉湯 漬物好神奇 覺得個麵豉湯有浸泰國檸檬草味有點fresh😆最後有抹茶同芒果我揀咗佢我同男朋友都係鍾意食燒牛 多於壽喜燒這個對我哋來講有點甜$568 加10%這店service 加食物 可以一試同埋我估三間分店來講佢最容易book我5月1打去 其餘兩間都話要6月先有位

有師傅在你面前替你煮sukiyaki 。但當日該師傅服務態度太差。完全影響了整個飲食經驗。原本好好的食物味道，結果大打折扣。以後我也不會去再幫襯；如果知道朋友要幫襯，我也提醒他們再三考慮

歌賦街呢間係Sukiyaki Mori第三間分店，位置有啲隱蔽，要行到落石梯底先會隱約見到入口。新店係連住隔離間燒肉店，不過絕對唔會覺得油煙，店舖唔算好大，大概八至九個counter 位，亦都有卡位。對比起前兩間分店，呢度個氣氛感覺冇咁急促，由訂位開始店員已經好有禮貌，亦唔會硬推貴d嘅Omakase Menu，建議第一次嚟可以食普通sukiyaki/shabushabu就可以，因為份量都唔少。Menu其實好簡單，除咗Set Menu，仲會有單點俾你加，當日亦可能會有季節性嘅item推介，而我哋就加咗隻生蠔🦪 如果同行唔食牛肉，佢哋亦都有豬肉揀。呢度嘅服務同埋食物質素都好好！除咗頭盤，蒸蛋同甜品之外，師傅全程都係我哋面前即場烹調，師傅亦好有耐性咁等我哋影完相先開始😂我哋今次試Set Menu牛肉有四款，野菜，最尾仲會有滑蛋牛肉飯😋上第一款牛嘅時候店員會提供白飯，但份量大概係一兩啖左右。店員話因為唔想客人係等待師傅烹調後食到凍嘅白飯，所以唔會一次過上一大碗，客人可因應自己胃口添加，好細心！我初初見到得一碟牛肉上枱都好有信心，仲諗緊之後嗌多碟乜好，最後食到第2塊牛肉已經覺得好飽！今次用餐成個

Happy Friday！難得限聚令放寛可與兩位BFF飯聚，今次試中環Sukiyaki Mori，相連鋪是同集團的日本燒肉店，同樣是店子細小空間較少，選址十分勺鑽不好找。餐牌精簡選項不多，簡說只有牛肉和豚肉，以sukiyaki或shabu shabu煮法。同行三人點了三個set，二人選牛 (近江牛)，一人選豚 (鹿兒島豚肉)，其他前菜，配菜及甜品都是一樣。前菜精緻，鵝肝蒸蛋喜出望外，蒸蛋香滑，放上煎香的鵝肝並淋上漿汁，加上山椒 (與原粒胡椒相近) 調味，既有層次又搭配，很想多吃一份。肉類和蔬菜由廚師在客人面前即場烹調，sukiyaki在日本有不同做法，此店源用關西風味，先將糖及牛肉微微煎香才加燒汁烹煮，味道較香口。每set有四片肉，牛肉有西冷、肉眼及肩胛不同部位。最喜愛西冷，油脂豐富卻不油膩，肉質是三種中最；肉眼肉味較香濃；肩位最平庸，脂肪少口感略嫌韌。基本上整晚廚師烹煮得比較熟，肉質欠缺和牛入口即溶的嫩滑口感。Sukiyaki燒汁也是另一個精髓，糖的份量全由廚師拿捏，這晚調味剛剛好。蔬菜也是以燒汁調味，新鮮可口；白飯可任意order，中和牛肉「膩」的感覺。隨後廚師準備最後一道牛肉蛋飯

利申返先: 我個人就好鍾意食壽喜燒, 所以去親日本, 咩城市都好啦, 都會搵餐去食壽喜燒因為疫情關係無得去日本, 所以我已經好耐好耐無食過壽燒燒啦上星期有日早放工行過見到呢個位開左新餐廳, 第二日戚起條根打去睇下有無位, 已經話full booking, 再打去荷李活道舖同卑利街分店, 都係full booking上星期四再打, 竟然比我book到今日即係3/15 lunch兩個人叫左兩個set, 每人有4片A4近江牛: 先食肉眼> 食啲菜> 再食西冷> 又食啲蒟蒻> 再食牛肩胛, 牛肩胛最好味 不得不讚佢用料 雞蛋都係靚野另外我地兩個人都有加100要牛舌壽喜燒形式煮牛舌 好好味