一粥麵 (+WOO嘉湖一期)

營業中

休息中

今日和妹妹去外吃午餐。妹妹之前光顧過一粥麵，覺得挺好吃的，於是提議再去這餐廳。我點了一個套餐--五香牛腩粒河加炸兩。不消5分鐘便可以拿餐了。五香牛腩粒份量挺多的，有8塊。牛肉味道濃郁，肉質軟腍。河粉則滑口有彈性。牛肉配著清淡的河粉同吃，十分配搭。炸兩有十塊之多，可能放久了，油炸鬼不夠香脆，但味道恰當，不會太鹹，吃到有淡淡的芝麻香味。妹妹點了個上海排骨菜飯套餐--有3塊肉排，一小碟肉燥豆角。肉排比預期大塊，多肉少骨。我吃了一塊，很容易咬開，肉排入味，鹹中帶甜，挺特別的。肉燥豆角青嫩，煮得軟腍，我也吃了幾條。

今天去了一粥面吃一個小小下午茶首次飲冰鎮奶茶 需另加+$5奶香茶味濃以冰鎮方式 最好的 當然是飲極都吾會淡不過呢 係環保角度黎講 要浪費多個膠杯 就吾太好😂

上星期六食過米芝蓮推介雲呑，今晚試下連鎖快餐店出品。雲呑麵一如傳統麵在上，雲呑在下。雲呑大小如one bite size,金魚散尾，蝦和肉的比例如6:4，蝦細細隻，幾爽，雲吞有少少鮮甜味；湯底淡淡的有少許味道；相比擇星雲吞的有層次的鮮味雖有一定距離，但也算不錯。油菜燙得爽脆，不會過老，蠔油乃大路貨式少少咸無乜蠔味；薏米水：誠實之作，濃濃薏米味，煲到有少少黏口，仲有淡淡的甜味同薑味，很順喉，幾好味！

及第粥不及格食過好幾間傳統粥店，今午試試連鎖快餐店。及第粥：豬膶- 完全無乜醃過，生熟剛好但唔滑；肉丸細細粒，有D肉味是ok的；豬肚好靱咬唔開，豬腸：是有粉的；但粥底好稀，粥水咁完全無味。反而水餃好足料，有大大隻蝦同肉，仲有爽爽木耳，推介！燒賣同叉燒包乃包裝點心貨式，不過不失。

今日又係好夜先放工，去銀座睇下仲有咩食啦，仲有一粥麵同埋麥當奴，最後揀左一粥麵。見到佢有個宵夜套餐，皮蛋瘦肉粥或雲吞麵加一個小食都係2x 蚊咋！  好抵呀！男朋友就叫左個挺仔粥同冰震奶茶。  我就叫左個雲吞麵加腸粉。個雲吞麵好好食，d 麵好爽食落去好彈牙，d 雲吞都足料既，仲有五粒咁多。 個腸粉有好多條，加埋上邊d 蝦米一齊食好好食！ 雖然已經係宵夜時段，但係佢d 野食都唔會凍又唔會好求其咁。 個挺仔粥好食，唔會好水，又足料，味道適中唔會太鹹。 不嬲都覺得佢d 粥幾好食架！冰震奶茶係我男朋友既至愛，佢次次都會叫！ 佢話d 冰係出邊就唔會搞到杯奶茶淡晒喎，哈哈！我試左幾淡，又真係幾好飲喎，好濃郁既奶茶味，唔會好似平時d 奶茶飲到最後會淡晒，但杯野又凍架喎！本身就唔係好中意集團既食肆既，但我對一粥麵既印象係幾好既！

今天自己一人來這裡吃午餐，餐廳已很多食客，我點了鮮蝦雲吞麵蠔油生菜，好不容易才找到位子坐下，等看見號碼便取食物。這款雲呑麵有5粒雲呑，雲吞餡的蝦很鮮味爽口，味道不錯。麵的質地軟硬適中，很易入口。生菜算大碟，菜很爽口新鮮。可是，餐廳冷氣不足，我邊吃邊滴汗抹汗，不太舒適。另外，也有蒼蠅飛及天花板冷氣滴水的情況，令餐廳扣了不少分數。

朋友提議食到此食下午茶，本以為只有粥、粉、麵、炸両、腸粉……原來佢都有熱狗、猪扒包、炸雞翼等等連凍飲$25 熱狗餐脆皮腸仔就無乜特別啦，係特別在配呢個少少芥末味嘅沙律醬，令到熱狗一啲都唔孤單，沙律醬由頭帶到落尾好醒胃，一啲都唔欺場👏👏酸青瓜加鮮蕃茄又足料最窩心係佢個包裝紙袋，無錯係"袋"，食熱狗好多時食食吓會漏晒啲汁lei 咁 hea, 呢個紙袋就可以令你好有儀態咁K.O. 一條熱狗。

今日嚟咗銀座呢一面買嘢，同埋有病病地，想食番啲清少少嘅嘢，但係又唔想無肉食，咁啱又見到呢一間舖，所以就嚟呢度食啦。叫咗碗牛腩面，份量適中，啲牛腩做得都算入味，又唔會有牛嘅腥味，軟硬度都適中，另外啲面都冇鹼水味，不過不失。綜合來講，呢個價錢有咁嘅質素係都算抵食。

一粥麵 下午茶套餐之前因為小妹吃壞肚子，所以只有吃點靚粥套餐$26。竟然一粥麵的腸粉做到白滑又不黏身，加上花上醬及甜醬可以加點香味！長度一致，入囗腸粉不是即蒸般會有米漿香，不過滑溜程度已經不錯了！ 田園脆皮熱狗腸$22+即烤澳門豬扒包$16+靚粥套餐$26脆皮熱狗腸個外表跟餐單上的相簡直是有極大偏差！麵包有微溫，加上沙律醬，熱狗腸雖然是脆皮，肉也結紮的！即烤澳門豬扒包，豬扒只有半個手掌的大小。沙律醬多但味道只有沙律醬味，麵包又不香脆，整體是伏！

呢間快餐對面就是麥記，不想食麥記就唯有選擇呢間但係好多人，要自己等位，等左十幾分鐘買了呢個豬排包加紅豆冰22蚊，幾抵食wor....但質素不及一般茶餐廳飽用了本身比較軟的餐包夾硬焗硬佢，所以根本就無可能做到脆，只是皮累了，同有少少硬身為何不換上其他麵包令佢不用焗至變黑呢？而豬排方面，應該是用慢火慢煎的，仍然是偏白的顏色，偏軟，沒有煎的痕跡， 沙律醬汁用了平價的半效明沙律醬而非蛋白醬包與豬排是完全用錯方式去配合紅豆冰的紅豆是一堆堆的，沒有一粒粒的口感，不夠奶香，比較讚的是不會太甜22蚊的價錢吃了22蚊質素的下午茶

在美心香港地吃完晚餐還未夠飽，但又不想再在那裡點菜，便到樓上的一粥麵填肚。去到時剛好是宵夜時段。 我們仨一起點了宵夜餐，不用30元，十分抵食！ 宵夜餐有一碗雲吞麵和一碟生菜，雲吞麵裡有四粒雲吞，咬起來啖啖肉，麵量適中。而生菜則一般般，味道主要來自旁邊的蠔油，不過為此餐增添膳食纖維，以快餐質素來說中規中矩，是充飢的選擇之列。

唔知點解病既時候總係會想食粥，唔通呢個係定律黎?所以呢日係銀行整完野就同男朋友同埋姪女去一粥麵開餐啦我要左荔灣艇仔粥+齋腸粉，男朋友要左荔灣艇仔粥+炒麵，而姪女就要左雲吞河...雖然一早已經搵左位坐低，但等拎野食都等左幾耐，可能制作需時啦...好夠味，唔洗落胡椒粉都已經岩食，而且好多料，有蝦、豬皮、叉燒，鯇魚片等等...不過個人就唔係咁鐘意d粥入面有鯇魚片，可能覺得多骨，食起黎唔方便...而男朋友就覺得d鯇魚片有腥味，唔係好新鮮...去拎野食既時候見到d腸粉佢係即叫即整架，而且碟野本身只係落左豉油，如果想要醬既話，係拎野食隔離有個位係放左好多支醬任你落，咁就唔驚唔夠醬啦

銀座變了很多，沒來大概一年，下午茶時間本想在麥當勞買雪糕便算，但發現麥當勞對面開了一粥麵。很久沒吃粥，決定放棄雪糕吃碗粥。很多人，店外店內都滿座，最後等了一會才有位。看過餐牌發現原來下午茶的價錢非常相宜，有散叫也有套餐，其中覺得「香荽鮮魚片粥」（忘了確實名字）非常吸引，配蘿蔔糕/豉油王炒麵/白腸粉都只是$24，很便宜吧？最後配了白腸粉白腸粉很薄皮，因為本來沒什麼味道，所以配上甜醬，花生醬和辣椒醬非常好吃。至於粥，在圖中有看見鮮魚片嗎？十！分！好！吃！通常二十多元的餐，不會有太多料，但這兒的粥非常足料呢～食到最後我還在吃魚。粥底很綿，加上魚的鮮味和芫荽的香味，變成一碗好好吃的粥。除了食物好吃之外，這裡的員工都很友善呢～好好的服務態度值得表揚一下 ^_^有機會會再試其他的粥品！（看banner見到狀元及第粥好吸引）

平時差不多一星期平均三天的早午晚餐都會在這醫肚 原因係因為價錢大眾化 品質又唔差 佢地既粥真係好食 最鍾意食魚腩粥 好滑 十分推介仲有牛腩麵都好正 好入咪 麵又冇簡水味 平時就咁雲吞麵都係23，4 十分抵食