131
32
8
等級4
2010-03-30 29 瀏覽
師傅最近整左個悠長假期, 於是就趁住假期去做一d平時做唔到嘅野啦, 於是就籍著下午茶時間過左中環, 去搵下培哥吹下水, 之後就一條冷去搵個下午茶吃! 但中環區到底有咩好選擇呢, 師傅邊行邊搵, 最後決定搵呢間食店為作為下午茶!入到去冇咩人, 坐底即刻睇下有咩好食, 最後師傅柯打左牛腩雲吞米同凍檸茶! 等左一陣就有得食, 先試下湯底, 清清淡淡冇咩味道, 唔吸引; 而米粉煮得有d硬, 唔腍唔好味; 雲吞得兩粒, 係就係幾大粒, 大到好似乒乓波咁, 皮都幾薄餡亦甚多, 入口蝦身爽口, 不過一d都唔鮮, 而胡椒味亦頗重, 口感都係一般; 而牛腩就柱侯整法, 牛腩炆得就好入味, 加上十分之腍, 少少韌都唔覺, 師傅覺得牛腩好味過雲吞! 凍檸茶又幾好飲, 茶夠凍而且茶味夠, 加上唔知師傅係咪口渴, 所以覺得特別好味!總括黎講食物質素一般, 未算出色, 價錢唔平, 下午茶餐雙拼加凍飲, 埋單三十二 , 未算抵食; 不過黎得中區抵食呢兩個字真係好難用得著! 是次下午茶笑臉未能一比, 而師傅相信再黎機會不大!
更多
師傅最近整左個悠長假期, 於是就趁住假期去做一d平時做唔到嘅野啦, 於是就籍著下午茶時間過左中環, 去搵下培哥吹下水, 之後就一條冷去搵個下午茶吃! 但中環區到底有咩好選擇呢, 師傅邊行邊搵, 最後決定搵呢間食店為作為下午茶!

入到去冇咩人, 坐底即刻睇下有咩好食, 最後師傅柯打左牛腩雲吞米同凍檸茶! 等左一陣就有得食, 先試下湯底, 清清淡淡冇咩味道, 唔吸引; 而米粉煮得有d硬, 唔腍唔好味; 雲吞得兩粒, 係就係幾大粒, 大到好似乒乓波咁, 皮都幾薄餡亦甚多, 入口蝦身爽口, 不過一d都唔鮮, 而胡椒味亦頗重, 口感都係一般; 而牛腩就柱侯整法, 牛腩炆得就好入味, 加上十分之腍, 少少韌都唔覺, 師傅覺得牛腩好味過雲吞! 凍檸茶又幾好飲, 茶夠凍而且茶味夠, 加上唔知師傅係咪口渴, 所以覺得特別好味!

總括黎講食物質素一般, 未算出色, 價錢唔平, 下午茶餐雙拼加凍飲, 埋單三十二 , 未算抵食; 不過黎得中區抵食呢兩個字真係好難用得著! 是次下午茶笑臉未能一比, 而師傅相信再黎機會不大!
餐牌
159 瀏覽
0 讚好
0 留言
凍檸茶
55 瀏覽
0 讚好
0 留言
牛腩雲吞米
62 瀏覽
0 讚好
0 留言
牛腩雲吞米
62 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$32 (下午茶)
推介美食
餐牌
凍檸茶
等級2
6
0
2010-02-11 19 瀏覽
同d同事午膳去三多食~~明知多人, 於是十二點半就定去排隊, 其實都唔算要排好耐, 通常2-3 個字就入到啦~~一個人的話好多時唔駛等就入到去tim~~4女一男點了:鵝腸米($24) , 鵝腸面($24) , 鯪魚球菜肉雲吞面($24). 冬蛄菜肉雲吞面($24), 炸醬鮮蝦雲吞撈河($30), 白灼鵝腸($30)d 鵝腸係瘦同爽的, 怕肥的人都可以食, 而且腸同面的比例幾乎係一比一, 好多~~聽同事講話個冬菇幾好味~另外個菜肉雲吞同鮮蝦雲吞都好味~~又試下同事d 炸醬, 係有少少番茄同肉絲, 所以食落就酸酸辣辣咁~~我食o個個雙併面, 鯪魚球好似隻大雞蛋咁大隻,口感就硬身過沾仔記少少, 但係有成三粒,雲吞都有三粒, 淨係食餸都好飽 ... 食埋個面個胃飽到頂住頂住...orz~~~~~o係中環食lunch 平平地的價錢都幾抵食丫~~
更多
同d同事午膳去三多食~~
明知多人, 於是十二點半就定去排隊, 其實都唔算要排好耐, 通常2-3 個字就入到啦~~一個人的話好多時唔駛等就入到去tim~~

4女一男點了:
鵝腸米($24) , 鵝腸面($24) , 鯪魚球菜肉雲吞面($24). 冬蛄菜肉雲吞面($24), 炸醬鮮蝦雲吞撈河($30), 白灼鵝腸($30)

d 鵝腸係瘦同爽的, 怕肥的人都可以食, 而且腸同面的比例幾乎係一比一, 好多~~

聽同事講話個冬菇幾好味~
另外個菜肉雲吞同鮮蝦雲吞都好味
~~
又試下同事d 炸醬, 係有少少番茄同肉絲, 所以食落就酸酸辣辣咁~~
我食o個個雙併面, 鯪魚球好似隻大雞蛋咁大隻,口感就硬身過沾仔記少少, 但係有成三粒,雲吞都有三粒, 淨係食餸都好飽 ... 食埋個面個胃飽到頂住頂住...orz~~~~~


o係中環食lunch 平平地的價錢都幾抵食丫~~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2010-02-11
人均消費
$24 (午餐)
等級4
2K
91
7-12-2009是日想食碗粉, 無懼風大雨大, 嚟到呢間迫爆店碰碰運氣. 1:20pm 嚟到, 門口人龍幾長, 不過我一個人好快就「攝」到位, order 的鵝腸雲吞米 ($27) 亦好快有得食.- 米粉淥得有點過生, 食落幾硬, 加上湯底淡淡的, 唯有自行落點辣椒油, 不過辣椒油係得個辣字, 唔香, 麻麻哋.- 雲吞係呢度招牌之一 (?), size 大如乒乓 餡料勁多蝦, 食落亦爽口, 不過欠點鮮味, 又無乜麻油香 / 豬肉香, 唔識欣賞; 而薄薄的雲吞皮遇上「重量級」餡料, 明顯「支撐唔住」, 一夾即爆裂 我本身好鍾意食蝦, 如果雲吞做得鮮味的話,「乒乓」都有「乒乓」好的, 不過而家 d 人成日嫌傳統 bite size 雲吞「太細粒」又「太少蝦」, 但遇上多蝦版「乒乓」雲吞, 又嫌人哋「跌餡」/「包得唔好」, 唔跌的又話人皮厚云云, 都覺得幾搞笑 -- 其實你想點? - 鵝腸應該係另一招牌, 不過淥得過火, 同「爽口」二字完全扯唔上關係; 味道本身係無的, 唯有蘸點另上的豉油, 不過一味鹹, 幾掃興. 食物一味份量大, 環境就 as expected 迫夾; 阿姐
更多
7-12-2009

是日想食碗粉, 無懼風大雨大, 嚟到呢間迫爆店碰碰運氣. 1:20pm 嚟到, 門口人龍幾長, 不過我一個人好快就「攝」到位, order 的鵝腸雲吞米 ($27) 亦好快有得食.

- 米粉淥得有點過生, 食落幾硬, 加上湯底淡淡的, 唯有自行落點辣椒油, 不過辣椒油係得個辣字, 唔香, 麻麻哋.
- 雲吞係呢度招牌之一 (?), size 大如乒乓
餡料勁多蝦, 食落亦爽口, 不過欠點鮮味, 又無乜麻油香 / 豬肉香, 唔識欣賞; 而薄薄的雲吞皮遇上「重量級」餡料, 明顯「支撐唔住」, 一夾即爆裂
我本身好鍾意食蝦, 如果雲吞做得鮮味的話,「乒乓」都有「乒乓」好的, 不過而家 d 人成日嫌傳統 bite size 雲吞「太細粒」又「太少蝦」, 但遇上多蝦版「乒乓」雲吞, 又嫌人哋「跌餡」/「包得唔好」, 唔跌的又話人皮厚云云, 都覺得幾搞笑 -- 其實你想點?

- 鵝腸應該係另一招牌, 不過淥得過火, 同「爽口」二字完全扯唔上關係; 味道本身係無的, 唯有蘸點另上的豉油, 不過一味鹹, 幾掃興.


食物一味份量大, 環境就 as expected 迫夾; 阿姐唔係特別醒目 / 快手快腳, 但又呼呼喝喝的, 食完快閃好了.

放低 $27, 平平哋一試無妨, 但隔嚟街「粥麵皇」(http://www.openrice.com/restaurant/commentdetail.htm?commentid=2030107) 好食得多, 呢間唔會再來了.
57 瀏覽
0 讚好
0 留言
35 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-12-07
人均消費
$27 (午餐)
等級3
70
0
2009-12-03 31 瀏覽
天氣轉涼~想吃一個飽飽的早餐還有時間,走過去三多早上跟中午的情況真的有點差距找個位置,點了心水雞翼米粉+熱奶茶雞翼炸得香口,熱呼呼的~(雞翼只限上午供應,中午的人沒口福了)奶茶味香濃滑~正正!!有員工看見熟客,打個招呼就知道要奉上什麼~這些小店的特色,往往叫人窩心吃得飽飽又滿足~又到上班時間了~
更多
天氣轉涼~想吃一個飽飽的早餐
還有時間,走過去三多

早上跟中午的情況真的有點差距

找個位置,點了心水雞翼米粉+熱奶茶
雞翼炸得香口,熱呼呼的~(雞翼只限上午供應,中午的人沒口福了)
奶茶味香濃滑~正正!!

有員工看見熟客,打個招呼就知道要奉上什麼~
這些小店的特色,往往叫人窩心

吃得飽飽又滿足~又到上班時間了~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-12-02
人均消費
$20 (早餐)
推介美食
  • 雞翼
等級1
2
0
我係中環返工, 今日星期六, 下午二個人去食。我叫左碗雙併雲吞米, $23, 有菜肉雲吞 和鮮蝦雲吞各3粒。d菜肉雲吞好粒, 鮮蝦雲吞都係好大粒, 食唔到雪味。總之, 係好好味啦, 抵食。不過迫左小小, 一張木圓枱要坐成5-6個人。有個三十幾歲的老闆(我估)好好口去招孚客人, 唔該前唔該後, 但背後, 我見到d小小心酸既情景, 中途食緊時不禁令我覺得原來自己好幸福。有個三多伙計夠鐘放飯, 佢坐係我隔離同枱,我八掛望下佢食咩啦, 原來.....一碗河粉加2塊好薄好薄既魚片, 仲有幾條菜。眼見同枱對面有個office lady都係一樣食緊魚片河, 但人地塊魚片成0.8cm咁厚, 仲有成5片。但我隔離位果位三多伙計,佢塊魚片得0.2cm薄, 只有2片, 差唔多半透明, 薄到冇得再薄。果幾條菜呢只得d莖頭, 冇葉既。見佢落好多紅醋係碗粉度食。仲要如果有人埋單, 佢又要走出去收錢,見到佢都心酸, 覺得自己原來好幸福, 因為自己可以有能力去買8粒大大粒既雲吞面,可以坐係度15-20分鐘慢慢食。原來呢個世界上係同一間鋪頭, 食同一樣野, customer 同埋 labour係完全唔同既。我在懷疑,
更多
我係中環返工, 今日星期六, 下午二個人去食。

我叫左碗雙併雲吞米, $23, 有菜肉雲吞 和鮮蝦雲吞各3粒。

d菜肉雲吞好粒, 鮮蝦雲吞都係好大粒, 食唔到雪味。

總之, 係好好味啦, 抵食。不過迫左小小, 一張木圓枱要坐成5-6個人。

有個三十幾歲的老闆(我估)好好口去招孚客人, 唔該前唔該後,

但背後, 我見到d小小心酸既情景, 中途食緊時不禁令我覺得原來自己好幸福。

有個三多伙計夠鐘放飯, 佢坐係我隔離同枱,我八掛望下佢食咩啦, 原來.....一碗河粉加2塊好薄好薄既魚片, 仲有幾條菜。眼見同枱對面有個office lady都係一樣食緊魚片河, 但人地塊魚片成0.8cm咁厚, 仲有成5片。

但我隔離位果位三多伙計,佢塊魚片得0.2cm薄, 只有2片, 差唔多半透明, 薄到冇得再薄。
果幾條菜呢只得d莖頭, 冇葉既。見佢落好多紅醋係碗粉度食。

仲要如果有人埋單, 佢又要走出去收錢,見到佢都心酸, 覺得自己原來好幸福, 因為自己可以有能力去買8粒大大粒既雲吞面,可以坐係度15-20分鐘慢慢食。

原來呢個世界上係同一間鋪頭, 食同一樣野, customer 同埋 labour係完全唔同既。我在懷疑, 呢位員工吃得飽嗎???

可能係我諗多左啦, 呢位員工在on diet,所以叫廚房整小d料比佢啦。

在此飲食留言版分享左本人之小小感受,希望大家唔好介意啦。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-10-24
人均消費
$23 (午餐)
推介美食
  • 菜肉雲吞
等級3
81
5
2009-10-19 40 瀏覽
本人好少黎中環,今日咁啱行開呢頭,又想食番D本地野,一碗鯪魚球麵就合晒我心水。我同太太每人叫左一碗粉,另SHARE 一個炸雲吞。我叫左0既鯪魚球米 有4大粒鯪魚球。雖然個鯪魚球並無其他餐廳食評提及0既'網球咁大粒',但係都己經好好好夠食... 當然個鯪魚球亦都好彈牙都算係幾好食,同埋以街頭雲吞麵舖黎講,好似己經越黎越少人落果皮。確實,加左果皮粒0既鯪魚球更香更好食。另外炸雲吞大概有8/9粒 (冇計過),雖則係話炸,但係都唔算好油膩,當係餐前尔吃都唔錯。 當然,餸埋佢俾個甜酸醬就更理想喇。喺CBD可以搵得倒呢D咁有本地特色0既野食真係難得,希望可以KEEP 得倒。仲要兩個人都係收70蚊,都算係幾抵食喇。
更多
本人好少黎中環,今日咁啱行開呢頭,又想食番D本地野,一碗鯪魚球麵就合晒我心水。

我同太太每人叫左一碗粉,另SHARE 一個炸雲吞。

我叫左0既鯪魚球米
有4大粒鯪魚球。雖然個鯪魚球並無其他餐廳食評提及0既'網球咁大粒'
,但係都己經好好好夠食...

當然個鯪魚球亦都好彈牙都算係幾好食,同埋以街頭雲吞麵舖黎講,好似己經越黎越少人落果皮。確實,加左果皮粒0既鯪魚球更香更好食。

另外炸雲吞大概有8/9粒
(冇計過),雖則係話炸,但係都唔算好油膩,當係餐前尔吃都唔錯。
當然,餸埋佢俾個甜酸醬就更理想喇。

喺CBD可以搵得倒呢D咁有本地特色0既野食真係難得,希望可以KEEP 得倒。仲要兩個人都係收70蚊,都算係幾抵食喇。
鯪魚球米
109 瀏覽
1 讚好
0 留言
炸雲吞配甜酸醬
122 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-10-18
人均消費
$35 (午餐)
推介美食
鯪魚球米
炸雲吞配甜酸醬
  • 炸雲吞
等級4
108
2
Jul 16, 2009 (Thur) Lunch又係夠期去捐血嘅時候 la,約咗CK 食完晏一齊去,近近哋就嚟食個麵算啦!栢葉豬肝河粉 $28呢度係用黑栢葉的,份量頗多!豬肝亦是用黃沙豬肝嘅,厚切3大塊!D餸舖滿整個碗面,上面再舖滿好新鮮的蔥絲,再點一點辣椒豉油,味道特別特別好食!栢葉菜肉雲吞麵 $27菜肉雲吞皮薄餡滿,肉味鮮!『還有鮮蝦雲吞可供選擇』炸鯪魚球 $16 (細碟有4粒)這是我嚟到必點的,係即叫即炸會耐少少,但全是鯪魚肉,唔好似有D鋪頭咁只食到粉!呢度嗰D炸得超大粒,熱哄哄的,仲勁彈牙,點點D蜆介真係停唔到口!門口個哥哥真係好招呼到不得了,極落力,仲非常非常好禮貌添!食緊嘢過程中,發現呢個哥哥仔一段小插曲,就係鄰近有個呀姐叫【菜肉雲吞2份加牛腩】即係3拼 $27,唔知個哥仔點解唔識轉彎,竟然話唔可以2份喎!一係菜肉雲吞 + 鮮蝦雲吞 + 牛腩啦!(咪一樣俾3份餸)激死!一定係做到傻咗!!!仲要碗嘢嚟咗佢望一望先醒覺,HAHAHA 死蠢!
更多
Jul 16, 2009 (Thur) Lunch
又係夠期去捐血嘅時候 la,約咗CK 食完晏一齊去,近近哋就嚟食個麵算啦!
栢葉豬肝河粉 $28

呢度係用黑栢葉的,份量頗多!
豬肝亦是用黃沙豬肝嘅,厚切3大塊!
D餸舖滿整個碗面,上面再舖滿好新鮮的蔥絲,再點一點辣椒豉油,味道特別特別好食!
栢葉菜肉雲吞麵 $27

菜肉雲吞皮薄餡滿,肉味鮮!『還有鮮蝦雲吞可供選擇』
炸鯪魚球 $16 (細碟有4粒)

這是我嚟到必點的,係即叫即炸會耐少少,但全是鯪魚肉,唔好似有D鋪頭咁只食到粉!呢度嗰D炸得超大粒,熱哄哄的,仲勁彈牙,點點D蜆介真係停唔到口!
門口個哥哥真係好招呼到不得了,極落力,仲非常非常好禮貌添!
食緊嘢過程中,發現呢個哥哥仔一段小插曲,就係鄰近有個呀姐叫【菜肉雲吞2份加牛腩】即係3拼 $27,唔知個哥仔點解唔識轉彎,竟然話唔可以2份喎!一係菜肉雲吞 + 鮮蝦雲吞 + 牛腩啦!(咪一樣俾3份餸)激死!一定係做到傻咗!!!仲要碗嘢嚟咗佢望一望先醒覺,HAHAHA 死蠢!


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-07-16
人均消費
$35 (午餐)
等級4
2009-07-12 28 瀏覽
近期駛錢駛得有點兒過份,突然發覺自己所餘無幾,真係窮到燶...所以決定搵啲又平又抵食既地方﹗第一時間就諗起三多,於是十二點幾一個去左食。去到已見到有條隊係出面,我前面有三個人,但係都係五分鐘就有位。要了一個鮮蝦雲吞豬肉丸河粉,加腩汁。來到已留意到佢唔記得同我加腩汁,有點兒失望,不過見啲伙計們全部都humhum聲咁就算啦。雲吞同豬肉丸都大粒得有點兒嚇人,味道又如何呢?每粒雲吞都有好多蝦,幾爽口的,但係全部都冇挑腸,有點兒嘔心。起初有啲擔心雲吞只係得蝦,但原來都有少少豬肉的(如果有埋蝦子更好),但仍然缺乏了點鮮味。豬肉丸不太爽口,但味道不賴,有啲令我諗起以前中學的豬肉丸哈哈。河粉都好多...多到係會痴住個碗-_-,但就切得好唔整齊同有啲粉會痴埋一齊。味道一般,但好抵食,份量又足。如果之後仲係咁窮的話,可能都會再來的...。
更多
近期駛錢駛得有點兒過份,突然發覺自己所餘無幾,真係窮到燶...所以決定搵啲又平又抵食既地方﹗第一時間就諗起三多,於是十二點幾一個去左食。去到已見到有條隊係出面,我前面有三個人,但係都係五分鐘就有位。要了一個鮮蝦雲吞豬肉丸河粉,加腩汁。

來到已留意到佢唔記得同我加腩汁,有點兒失望,不過見啲伙計們全部都humhum聲咁就算啦。雲吞同豬肉丸都大粒得有點兒嚇人
,味道又如何呢?每粒雲吞都有好多蝦,幾爽口的,但係全部都冇挑腸,有點兒嘔心。起初有啲擔心雲吞只係得蝦,但原來都有少少豬肉的(如果有埋蝦子更好
),但仍然缺乏了點鮮味。豬肉丸不太爽口,但味道不賴,有啲令我諗起以前中學的豬肉丸哈哈。河粉都好多...多到係會痴住個碗-_-,但就切得好唔整齊同有啲粉會痴埋一齊。

味道一般,但好抵食,份量又足。如果之後仲係咁窮的話,可能都會再來的...。
巨型得有點嚇人
73 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$23 (午餐)
等級4
2009-06-16 65 瀏覽
六月十二日(星期五)因為之前同同事steve提過三多又抵又大碗!前日他說想試試,擇日不如撞日就今日去帶他試試!千叮萬囑要早點去,否則要等位了!準時出發,去到時有位!我當然選擇了鴛鴦雲吞米加腩汁,老公要了豬肉丸雲吞河加腩汁,steve要了鵝腸牛丸米都是加腩汁!戲肉來了!雲吞當然是大大粒呢!很彈牙!未發生事之前,我仲吃得津津有味...但是惡夢來了!吃到了第二粒菜肉雲吞時,覺得有點硬,就吐了出來,原來是一隻曱由腳!應該那隻是大型的!想起也...叫店員換,但是此時,我已經再沒有胃口了...我們不會再來了!之前曾經是我的最愛,如今.....一次不潔,百次不容!
更多
六月十二日(星期五)

因為之前同同事steve提過三多又抵又大碗!前日他說想試試,擇日不如撞日就今日去帶他試試!

千叮萬囑要早點去,否則要等位了!準時出發,去到時有位!

我當然選擇了鴛鴦雲吞米加腩汁,老公要了豬肉丸雲吞河加腩汁,steve要了鵝腸牛丸米都是加腩汁!戲肉來了!雲吞當然是大大粒呢!很彈牙!未發生事之前,我仲吃得津津有味...但是惡夢來了!吃到了第二粒菜肉雲吞時,覺得有點硬,就吐了出來,原來是一隻曱由腳!應該那隻是大型的!想起也...叫店員換,但是此時,我已經再沒有胃口了...

我們不會再來了!之前曾經是我的最愛,如今.....一次不潔,百次不容!
38 瀏覽
0 讚好
0 留言
35 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-06-12
人均消費
$23 (午餐)
等級4
2009-04-19 13 瀏覽
四月十五日(星期四)昨日吃了比較貴的lunch,今日要吃點平的去balance...自從第一次吃過三多後,我就愛上了!不只是他的價錢,而是他的質素!我特別喜歡吃菜肉雲吞!首選是鴛鴦雲吞米粉加腩汁!沒有一次令的失望!雲吞大粒,而且好吃!鮮蝦彈牙!廿三元有如此的質素,而且在中環區,難得!
更多
四月十五日(星期四)

昨日吃了比較貴的lunch,今日要吃點平的去balance...

自從第一次吃過三多後,我就愛上了!不只是他的價錢,而是他的質素!我特別喜歡吃菜肉雲吞!首選是鴛鴦雲吞米粉加腩汁!沒有一次令的失望!雲吞大粒,而且好吃!鮮蝦彈牙!廿三元有如此的質素,而且在中環區,難得!
鴛鴦雲吞米
86 瀏覽
0 讚好
0 留言
鵝腸牛腩米
83 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-04-16
人均消費
$23 (午餐)
推介美食
鴛鴦雲吞米
鵝腸牛腩米
等級4
2009-03-09 145 瀏覽
三月九日(星期一)今日的午餐終於可以再去吃三多了!我喜歡吃三多,一來價錢便宜,二來雲吞大大粒!用料十足lunch時間來一定要排隊呢,今次等了一會就有位了,坐了個比較偏僻的座位,才沒有被趕走的壓力,不用多說我一定要菜肉雲吞鮮蝦雲吞米粉,今次醒目點加腩汁,老公要了鵝腸牛腩河粉不出一會就有食物了,雙拼雲吞大大粒,各有三粒,而且蝦仍然彈牙,菜肉雲吞都鮮味,菜比較多,很健康!而且加上了腩汁,令整碗米粉生色不少老公的鵝腸牛腩河粉都不錯,不過牛腩比較少,只有兩件,不過都很香入味,很稔!鵝腸就飳得過火了,很稔!最後還加了炸鯪魚球,新鮮炸的,份外的脆,不過小心燙口呀!!
更多
三月九日(星期一)

今日的午餐終於可以再去吃三多了!我喜歡吃三多,一來價錢便宜,二來雲吞大大粒!用料十足
lunch時間來一定要排隊呢,今次等了一會就有位了,坐了個比較偏僻的座位,才沒有被趕走的壓力,不用多說我一定要菜肉雲吞鮮蝦雲吞米粉,今次醒目點加腩汁,老公要了鵝腸牛腩河粉

不出一會就有食物了,雙拼雲吞大大粒,各有三粒,而且蝦仍然彈牙,菜肉雲吞都鮮味,菜比較多,很健康!而且加上了腩汁,令整碗米粉生色不少
老公的鵝腸牛腩河粉都不錯,不過牛腩比較少,只有兩件,不過都很香入味,很稔!鵝腸就飳得過火了,很稔!

最後還加了炸鯪魚球,新鮮炸的,份外的脆,不過小心燙口呀!!
鵝腸牛腩河
108 瀏覽
1 讚好
0 留言
雙拼雲吞米
121 瀏覽
1 讚好
0 留言
炸鯪魚球
98 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2009-03-09
人均消費
$35 (午餐)
推介美食
鵝腸牛腩河
雙拼雲吞米
炸鯪魚球
等級4
2009-01-31 22 瀏覽
一月三十日(星期五)同老公仔想試三多,昨日有同事提起,所以今日決定吃個午餐!排隊時遇見同事們,於是一起坐!原來他們都喜歡吃三多,特別是鵝腸!我叫了菜肉雲吞拼鮮蝦雲吞米粉老公要了牛丸,鮮蝦雲吞,牛腩河粉無論丸也好,雲吞也好,都十分大粒,抵食之餘,質素都好!鮮蝦彈牙,真的鮮!而菜肉雲吞都值得推介!菜與肉的份量是一半,剛好!不過米粉就最好加腩汁,因為湯底比較淡老公的牛丸都很大粒!他說整體上不錯而且十分抵食,雙拼都有每樣3粒!份量足夠!都是廿三元,三拼是廿七元中環抵食之選!
更多
一月三十日(星期五)

同老公仔想試三多,昨日有同事提起,所以今日決定吃個午餐!排隊時遇見同事們,於是一起坐!原來他們都喜歡吃三多,特別是鵝腸!

我叫了菜肉雲吞拼鮮蝦雲吞米粉
老公要了牛丸,鮮蝦雲吞,牛腩河粉

無論丸也好,雲吞也好,都十分大粒,抵食之餘,質素都好!鮮蝦彈牙,真的鮮!而菜肉雲吞都值得推介!菜與肉的份量是一半,剛好!不過米粉就最好加腩汁,因為湯底比較淡

老公的牛丸都很大粒!他說整體上不錯

而且十分抵食,雙拼都有每樣3粒!份量足夠!都是廿三元,三拼是廿七元

中環抵食之選!
菜肉雲吞拼鮮蝦雲吞米粉
80 瀏覽
0 讚好
0 留言
牛丸,鮮蝦雲吞,牛腩河粉
99 瀏覽
1 讚好
0 留言
抵吃之選
66 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$24 (午餐)
推介美食
菜肉雲吞拼鮮蝦雲吞米粉
牛丸,鮮蝦雲吞,牛腩河粉
抵吃之選
等級3
85
0
2008-09-17 17 瀏覽
星期二和男友在IFC百老匯買了7:45PM 看MAMMA MIA ,放工後便立即到中環,未想到食什麼,行過這間麵店,店仔細細約可以坐15-25人,在平日這個時段都有有10人左右在食,我們便入去一試,叫了一個雲吞麵、一個牛腩麵及細炸鯪魚球,14元有4大粒,雲吞麵有4大粒,牛腩好入味,鯪魚球好彈牙。下次再去開中環要再去的。
更多
星期二和男友在IFC百老匯買了7:45PM 看MAMMA MIA ,
放工後便立即到中環,未想到食什麼,
行過這間麵店,店仔細細約可以坐15-25人,
在平日這個時段都有有10人左右在食,
我們便入去一試,
叫了一個雲吞麵、一個牛腩麵及細炸鯪魚球,14元有4大粒,
雲吞麵有4大粒,牛腩好入味,鯪魚球好彈牙。
下次再去開中環要再去的。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$25 (晚餐)
等級2
23
0
2008-08-19 17 瀏覽
昨日行行下街,有D肚餓,女朋友就拉左我黎呢間食。佢話朋友介紹好好食架我叫左一個菜肉雲吞牛腩河,女朋友叫左一個墨魚丸米線。另外再加一碟油菜。個菜肉雲吞算係幾驚喜下。見到一碗五六粒大大粒既雲吞,食落去菜同肉既味道剛剛好,D牛腩都算煮得夠淋,但係就唔夠味道。墨魚丸同樣好大粒。味道屬正常之作。特別一題,近排係唔同地方食過幾個通菜,呢個算係幾好味既一個,好爽口。
更多
昨日行行下街,有D肚餓,女朋友就拉左我黎呢間食。佢話朋友介紹好好食架
我叫左一個菜肉雲吞牛腩河,女朋友叫左一個墨魚丸米線。另外再加一碟油菜。
個菜肉雲吞算係幾驚喜下。見到一碗五六粒大大粒既雲吞,食落去菜同肉既味道剛剛好,D牛腩都算煮得夠淋,但係就唔夠味道。墨魚丸同樣好大粒。味道屬正常之作。
特別一題,近排係唔同地方食過幾個通菜,呢個算係幾好味既一個,好爽口。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$30 (午餐)
推介美食
  • 菜肉雲吞、通菜
等級4
2008-07-25 19 瀏覽
18-JUL-08 6:45PM 8:15PM 先開始跳舞,又要食D野填下個肚先. 平時是但食個包就算, 今日突然唸起三多既菜肉雲吞未試過, 一放工即刻飛黎食左先~ 店內人不多. 只見有唔少人外賣生雲吞水餃. 粉麵太頂胃, 可免則免, 唸起媽媽經常推介的冬菰, 就黎個淨菜肉雲吞+冬菰 ($22) 剛好. 起初唔太明媽媽點解大讚呢間冬菰, 而家知喇! 以為加冬菰會係兩三隻, 原來都有4,5隻, 仲有一隻異形MA 菰!!好大隻啊~ D菰好厚肉, 入口又爽中帶滑, 味道好濃郁, 不錯不錯! 菜肉雲吞好似BING BONG BALL 咁大個, 菜肉比例無 50/50 都有 60/40. 而家D肉咁貴, 佢都算捨得喇. 而且食落唔覺有肥肉, 感覺健康, FIT 晒我~ 食畢, 漸漸感到師傅到.........超渴! 下次再試還是買生料回家算~~
更多
18-JUL-08 6:45PM

8:15PM 先開始跳舞,又要食D野填下個肚先. 平時是但食個包就算, 今日突然唸起三多既菜肉雲吞未試過, 一放工即刻飛黎食左先~


店內人不多. 只見有唔少人外賣生雲吞水餃. 粉麵太頂胃, 可免則免, 唸起媽媽經常推介的冬菰, 就黎個淨菜肉雲吞+冬菰 ($22) 剛好.


起初唔太明媽媽點解大讚呢間冬菰, 而家知喇! 以為加冬菰會係兩三隻, 原來都有4,5隻, 仲有一隻異形MA 菰!!好大隻啊~ D菰好厚肉, 入口又爽中帶滑, 味道好濃郁, 不錯不錯! 菜肉雲吞好似BING BONG BALL 咁大個, 菜肉比例無 50/50 都有 60/40. 而家D肉咁貴, 佢都算捨得喇. 而且食落唔覺有肥肉, 感覺健康, FIT 晒我~


食畢, 漸漸感到師傅到.........超渴! 下次再試還是買生料回家算~~
入味冬菰
146 瀏覽
2 讚好
0 留言
BING BONG 雲吞
103 瀏覽
0 讚好
0 留言
50/50 菜肉比例
86 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$22 (晚餐)
推介美食
入味冬菰
BING BONG 雲吞
50/50 菜肉比例
  • 菜肉雲吞
  • 冬菰