三多

營業中

休息中

三多係出名雞脾、雞翼，非常馳名，開到成個香港周圍都有，今次嚟到大埔總店，當然唔少得叫滷水雞翼同炸雞翼，因為佢冇晒雞全翼，本身我哋叫滷水全翼同炸全翼一份，點知賣晒。每一次我都會黎叫呢個XO醬腸粉，因為佢不單止有少少辣味道，而且有啲肉碎粒，再加埋我至愛嘅芽菜，味道一流！反而覺得炸雞翼好食過滷水雞翼，滷水雞翼塊皮好入味。所以我比較鍾意三多嘅滷水系列。不過我就是覺得價錢同食物唔成正比，而且地方比較污糟，又唔值呢個價錢。

同女朋友踩完單車，一於食返隻炸脾補充下體力先。呢度都幾多單車友黎，今日就見到十幾架單車一齊拍埋一邊。炸雞髀即叫即炸要等係正常嘅，所以就叫多個炒公仔麵試吓。炒公仔麵都炒得幾香口不過就冇乜特別，價錢亦都偏貴。差唔多食完個面，終於等到主角出場。原隻炸雞脾大大隻，用竹籤串住，拎住食都幾方便。麵包糠上得啱啱好，唔會話好厚。皮香脆雞髀又好juicy,加少少辣粉食，滿分！

三多渣比好出名就係人都知，我都食過好多次。但今次就試吓油比諗，住冇咁熱氣。估唔到都好好味，滷水嘅咩完全入晒落隻雞髀度，隻雞髀好似手掌咁大只，醬汁好多，用個盒載住又唔食得好狼狽。下次攞嚟送飯一流！

做得大埔人就一定要食三多啦總店同分店我都食過我想講嘅係總店嘅炸髀真係做得出色好多雖然分店呢係環境舒服啲嘅但係兩隻雞髀根本係天同地總店嘅炸雞髀，麵包糠上得啱啱好，香口雞髀炸得juicy一口咬入去肉汁就出嚟雞髀醃得出色而且辣粉係自己加，flexible 分店辣粉係佢加埋俾你麵包糠太多…重點我相信係火候總店炸得外面乾身，唔會食到成口油之餘入面juicy分店係做唔到所以，要食三多一定要去總店

食炸雞肶唔食皮 係一種罪 😈三多分店近年愈開愈多～早前在科學園跑完步，終於去了三多總店試神聖的炸雞肶！！！雞肶肉質嫰口，炸皮薄而脆口，果然浪不虛傳！做運動後去食，罪疚感冇咁重呢～：Ｐ 炸雞翼一樣咁正，即叫即炸係唔同Ｄ！所以都等了一段時間～仕應哥哥介紹的炒腸粉實在below average：（令人有點失望呢腸粉唔夠香又唔夠辣，而且炒得太濕身一個人的話，一枝汽水加雞肶就夠了！現在睇相都好想可以再食呢︿︿

個個住大埔或者唔係住大埔的人都話三多好味！今日就去試試佢～無想像中咁多人排隊，好快就有位，叫了佢最出名的兩款雞肶，果然不錯。炸雞腿大大隻 又脆又香，不過價錢略貴。經過大埔的朋友可以試試！

It was my second time to visit there!!!The first time I came here for the crispy fried maryland.This time, it's the turn to try the marinated maryland!For me, I love the marinated maryland more,as it's more juicy compared to the crispy one.The texture of the chicken was soft, and the chicken skin are sweet.It's a lovely maryland! I am quite sure I will come again!

踩單車的朋友經常提起這一間炸雞髀，上次特登揸車入嚟點知佢6點後先開門，今次特登6點後先嚟食， 真係唔講得小，個脆皮食落卜卜聲，雞肉仲有肉汁又夠味，仲有個豉油皇雞髀都勁正，今次太飽食唔落，下次一定要留肚試埋個辣肉碎炒腸粉😆

出名的三多炸脾啊~~~~小編在大埔工作這麼久，竟夜未去朝聖，所以那天與友人晚飯後，特意行去一試。(小小提示：要前往大埔總店，記得太和火車站落車，穿過太和村和了河就見到哦~~) 門口已經有一班食客在等候。 以前只有一間，現在開到兩間，很厲害哦~~ 叫了炸脾一隻~~$29~~~拿了牌子就在等~~~ 嘩~~~其實大隻！而且新鮮即炸，袋子拿著還是熱呼呼！一口咬下去~~~OHHHHH！好脆！是標準吉列的香脆口感！每一啖連肉汁都好正。最好味是雞脾本身有味，不用後加調味粉，雞脾吃後不會有想飲水的感覺~~~WOW~~多年來都沒吃過這麼好吃的炸脾！！(小編當時心想：要是餓著肚子去就糟糕！一定再多吃一隻=.=)

今日黎大埔揾個朋友宵夜，跟住為左揾個地方好好坐低傾下偈，就費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間炸雞脾舖，作為炸雞脾發燒友嘅我地，就簡左呢度開飯喇。炸雞脾炸雞脾都算有口感，入口都算已經令人滿足嘅。不過呢份量都真係大架雖然唔算平，但真係好小地方係即叫即整架，今次嘅體驗都算幾好嘅，但比起一般舖頭都有好多位做得更好更加到位，食材亦都更加好，但有機會都會黎

由一間變兩間，我終於忍唔住去大埔試一試！可能我抱太太太大期望，去到食完之後覺得好正常，無話超超好食好特別既感覺。不過雞腿確是好食，並非浪得虛名，但價錢算貴，間唔中先會食一食～～

三多炸脾都應該唔需要作太多介紹, 無論係炸定油, 都係咁正,但炒腸粉先係值得大家留意既一味, 聽人講個辣好出色,不過我唔食得辣就叫左個唔辣, 炒得好正,有獲氣, 都好入味, 估唔到腸粉都可以整到咁唔平凡, 顛覆左腸粉淨係可以點甜醬麻醬既傳統,值得一試。

個日咁岩去開大埔冇野做想搵下午茶食，上網見到有好多推薦既大埔名物三多炸脾就決定去試下。不過個日喉嚨痛就叫左個油脾，油脾大大隻再加上滷水汁好入味，肉亦都煮得好嫩，雖然有d貴但係值得一試

去到大埔 慕名而來 三多小食 舖面唔大 等左一陣先有位 叫左個滷水雞髀同埋炒腸粉 相比個滷水雞脾，個腸粉仲有驚喜。唔記得左佢叫咩名 不過就係辣個款，因為問老闆兩款有咩唔同😂辣辣地好好味。反而個雞脾就冇咩特別，都係咁，覺得唔值呢個價錢。

大埔之旅，可以說是衝著「三多炸髀」而來，最後一站，去了「三多」，吃鼎鼎大名的炸髀﹗未夠六點到達，小店鐵門半掩，只好到附近Hea遊一會兒了。炸髀即叫即炸，等候期間，要了一碗薏米腐竹蛋$17，糖水豆味濃郁，夠晒冰凍，且不太甜，沉底薏米富咬口嚼勁，只稍嫌質感略為水汪汪的。三多炸雞脾 $28 ，預先以調味料醃製，雞髀大大塊的，以竹籤撐起，幾乎可以遮蔽蝸阿牛塊臉﹗店家用吉列的方法來炸雞脾，雞皮金黃酥脆又不太油膩，咬下已聽到脆卜卜的聲音， 內裏肉汁充盈，雞肉嫩滑，且醃得十分香口惹味。