上海一品香菜館

營業中

休息中

從小跟家人吃到大的「上海一品香」，絕對是觀塘街坊的集體回憶！最愛這裡的小籠包，皮薄透光卻不易穿，輕輕咬開湯汁洶湧，豬肉餡鮮甜無味精，蘸點陳醋更提味。酸辣湯料多到驚人，木耳、肉絲、豆腐堆得滿滿，酸香醒胃，辣度溫和，冬天飲一碗即時暖身！ 奶油津白是我的必點，白菜燉得軟嫩掛汁，奶香濃郁卻不膩口，連平時少吃菜的朋友都搶著夾。擔擔麵花生醬香撲鼻，微辣湯底伴著彈牙麵條，撒上蔥花更惹味。 雖然裝修樸實，但人均$84就能吃到高質上海菜，晚市經常爆滿，想食記得早啲霸位！

所有嘢都普通唔係特別好味，又細細碟，最重要既小籠包皮厚冇肉汁唔鮮甜(睇相就知)，粟米羹好有生粉水feel🙁(粟米罐頭湯都好過佢）最好係鱔糊，個汁都夠濃郁，但係啲鱔唔夠彈牙，津白都超普通，醉雞無雞味無酒味。。。間餐廳啲老闆（？）定侍應（？）講嘢好大聲，問個侍應有冇落到上海年糕，佢隨口話有，點知等咗好耐都冇，原來係冇落單既😵‍💫雖然現場都幾full，又有訂枱，但係唔明點解咁多人食，唔使排隊都可以試吓既，但絕對唔值得排隊去食！

官塘一品香，無人不識，老香港式上海口味，價錢合理，老闆同員工彬彬有禮，滿載回憶的美味。以上讚美，係我對老手致敬。先講餸菜，餸嘅份量少左，麵嘅湯淡而無味，同幾個月前差好遠：如果年初係7分，9月就係3分。。。最近去到，由新人一男一女夫婦當道，響舖面講嘢大聲過客，眼見兩枱人叫餸，問嘢，都俾個男人吋，果個客只不過因為唔熟，或者忘記，而講唔出 “擂沙湯圓” 四個字啫。。。另一個客叫左煎鍋貼，唔要豆辦醬而想要醋，只不過因為一樽醋俾餐牌遮住而唔知，就俾果個女人吋。如果純粹想念舊，緬懷，大家可以繼續去官塘一品香，如果想食得滿意，食嘅時候同食完都開心，大家應該去灣仔369（夠地道，越夜越旺場），九龍灣小南國（食物精美，服務同環境令人舒適滿意）。

小籠包一下有八粒，咬開都有湯，不過就唔會爆汁，唔使驚彈到週圍都係同埋太熱會淥親。上海鍋貼一客四件，個底唔會煎到燶曬，餃皮又唔算好厚，食落都唔錯。酸辣湯叫咗一鍋，酸味同辣味都幾均勻，入面有肉絲、木耳絲、豬紅絲、豆腐絲同埋筍絲，真係好開心食到以前細個成日食嗰啲上海舖嘅味道，依家真係買少見少。今次冇食上海粗炒，反而叫咗個上海炒年糕，呢個覺得相對比較一般，如果咁樣炒法應該上海粗炒好食啲，如果食炒年糕應該叫三絲炒年糕或者薺菜炒年糕嗰啲汁醬比較淡味嘅會好食啲。呢度嘅豆漿係一支支嘅，味道都唔錯。

商場內二樓的角落， 沒有裝修但性在價錢實惠， 午飯時間人比較多， 主要是上班一族。午餐時段的客飯有懷舊感，蒸小籠飽湯汁略嫌唔夠多湯，但味道可以而且皮夠薄 酸辣湯酸辣程度亦剛好。整體唔錯，不錯的老上海小館。下次經過開會想再來試試其他出品

呢間上海菜由細食到大，價錢非常的平民，光速的上菜，當你好肚餓嘅時候，勁快就上咗成枱野食係咪超開心先，而且味道完全合格，話說最近帶返爸爸黎到 (佢勁多年冇黎過，好意外仲喺度)，平時外出食飯大多數時間都有彈冇讚嘅佢冇阿支阿左，仲講明要再嚟，可能老人家都係鍾意啲老味道吧。

午市時間叫咗客飯，但唔係爆枱不呢間野多數要你搭枱。當時對面客人走咗，個位啊姐執枱。將吉碗放入有湯個碗到，所以啲湯彈曬出來。我部電話碟餸同碗湯，水花四濺。啊姐仲望一望走，梗係叫住佢。佢仲話無，我比部電話佢睇。佢先幫我揾紙巾抹，然後另一位啊姐走來，話人都有失手，我要求換過啲野食。個老闆仲好似唔想換，係到搖頭。一路食個位啊姐不停望過來，我都唔理佢。我都諗住食完就走，點知佢有一刻近距望住我，出聲同佢講唔做就唔好做，佢仲話有病。之後另一個女人有話我唔合又成，做飲食業係咁，個老闆又走埋又話我敏感，仲不停講都有道歉換曬野食。個老闆開頭都無出個聲佢無道過歉，係後尾先走來用面前講野。其實呢間野換咗老闆，第一代個個老闆真係好人野食又好食，依家今非昔比，本身對食無咩要求，所以無咩所謂。只有一位比較後生年資較少有禮貌，個兩啊姐加個老闆，個兩個啊姐做得最耐我終於明白點解。食埋今次唔會再去，費事食幾十蚊飯比佢整到。

好多年前黎食過，喺星期日嘅觀塘唔知食乜好，諗起觀塘廣場一品香，就行咗入去啦。記憶中，一品香是屹立多年的傳統上海小店，一人食飯又得，一家人食又得。呢度唔係追求精緻，而係追求傳統上海的家味道。一個人，又唔想食客飯套餐，點咗散叫排骨湯麵，有粗麵幼麵揀，小妹揀咗粗麵，麵條係上海粗炒嗰款，有少少似似哋烏冬，配上上海醬油湯，仲有小白菜，正宗上海家常味道。炸排骨薄薄的一層粉漿，唔嚡口。$52，仲有茶水，真心抵食。

爸爸說他找到一間傳統上海菜，今晚我們一家人來到觀塘一試究竟。位於舊商場內的一角，不特意去找是很難留意到她的存在。餐廳面積不大，入座之後才來的客人已經要等位了，都有不少是熟客、街坊。開胃的酸辣湯料多份量足，酸酸辣辣十分醒胃，裡面有雞絲、木耳絲、豆腐等材料，為這頓晚餐揭開了序幕醉雞做得夠味又入味，不會雪到很硬；燻魚所調教的味道也適中，沒有過度的甜味，也不會炸得很硬。炒麵正常，保留了一些咬口，為了麵條不會黏在一起是有點油膩。小籠包皮厚度適中，裡面有不少的肉質，餡料味道調教得不錯；獅子頭正常，是一道普通的小菜；鱔糊的份量都幾多，每條沒有很大的一條但都是漲？？的。生煎包是正路的，可以點來過過口癮，沒有甚麼特別。糖醋雞塊幾有驚喜，糖醋醬汁調配的酸酸甜甜十分醒胃，充份地掛在剛剛炸起的脆雞塊上讓人忍不住一口一口的接住食最尾我們還點了一客豆沙鍋餅作結。豆沙餡都幾多，不會太甜，味道都不錯。就這樣我們吃了一頓豐富的上海菜，都是傳統的味道，難怪那麼受街坊歡迎，價錢實惠味道好；大概不久會再來吃一頓老上海味道

2 送1湯寫193 蚊白飯原來要再多10 蚊一碗埋單果下 其實都只係問清楚 因為原本以為唔洗加 係送兩個飯個老細收銀即刻發脾氣 串串貢話4 點前食先唔洗加 暗示叫我唔好食晚市 態度好差我冇反駁 佢都仲要趁我一邊走 一邊比說話我聽 好似唔憂做咁比錢買難受 原本諗住試下小店下次寧願光顧大店本身唔係特別好食 熏魚太凍 口感一般 店舖好嘈 唔方便傾計 位置又比較擠壓下次唔想再光顧 主要係態度好差 張單問多小小又發脾氣 客人已經只係問佢一句 仲要一邊走一邊話

今日有事情要過來觀塘處理, 未夠鐘, 要找東西醫肚, 以往過來會食譚仔同米線陣, 不過今日想揀d小店食, 之前去觀塘廣場都有經過, 但一次都未食過🤣😅 一品香依個名字, 我估好多土生土長的香港人都有聽過, 但這個名字都已經好似絕跡🤔無見好耐, 舊式裝修店鋪唔係太大, 舊式餐牌😆 喜歡食湯粉麵的我都係只看湯麵個一行, 又想試上海湯麵亦想試酸辣湯麵😚, 最後叫左酸辣湯麵要左幼麵😋, 凍豆漿🥰, 隔左一陣送來豆漿, 再送上湯麵, 先飲啖湯, 有d酸沒有什麼辣味, d湯倘算夠熱, 再食湯麵, 份量好多一定夠飽, 一啖一啖去細嚐當下依頓午餐, 之後再飲豆漿, 夠凍唔太甜💞, 食左都唔係太口乾, 雖然無舒服的座位亦無豪華的裝修, 但食到一份地道的人情味👍 而且價錢唔貴🤩 我會再來😍 到時試其他😘

又要嚟觀塘整耳機😫，順便食個快飯，揀左呢間上海小店。星期三晚上6點3嚟到，當時已經有人食緊，未夠7點就要等位😯 估唔到平日晚市都有呢個人流!!小籠包 $52/8隻幾乎每枱客人、每個食評都會食，而且好評不斷!!可惜，當晚嘅小籠包唔係即蒸出嚟😿，食果陣包只係溫暖，包底已經比D汁浸左一段時間，夾起個底就穿左😑，基本上無一粒可以完整唔爆。肉汁可能流走左，所以唔算多汁，麵包皮亦偏厚🤔，唯一中意嘅係個肉餡，調味幾好，啱我口味。糖醋盲鰽魚 $103原條魚即炸後淋上汁，趁脆趁熱就快手食。盲鰽魚大部分都係大骨，所以好易食到。兩個人食份量啱啱好。個糖醋汁酸甜適中，無偏向某一邊。對比起個椒鹽排骨，呢個性價比高D。椒鹽排骨 $70上海排骨即係豬扒，上枱果陣好香蔥味，不過流於表面，入唔到肉入面；😐豬扒夠厚，肉質偏實，無肉汁可言。份量唔多，個人覺得少貴。白飯 $10呢個最抵，裝到好高😂，等於平時餐廳嘅1.5倍。以上共$241，無加一，但有$3/位；收卡、八達通，不過當日卡機咁啱壞左。

我都幫襯左20幾年，餐廳都轉過幾次手。今晚去食晚餐，竟然見到咁嘅一幕，真係嚇親街坊。隔離枱食客嫌上菜慢，正常語氣向後生男職員要求上菜快點。可能係太子爺財大氣粗，大聲向食客呼喝: 唔係你黎先就俾你先架！你唔想等，請你走！嘩！個意思姐係，我大把生意，唔爭做你一個生意。正確唔係應該禮貌請佢等多陣嗎？佢哋鬧交鬧到全餐廳都靜左。講返食物，晚餐叫左三餸一湯，碗飯比以前大左，餸就比以前少左，味道不過不失啦。老老實實，我都唔想做下一個食客俾人鬧，雖然我係此餐廳嘅多年捧場客，但應該食埋呢餐就唔會再幫襯。

在繁華的觀塘開源道68號觀塘廣場2樓，有一家多年老字號的上海菜餐廳——上海一品鍋菜館。這家餐廳憑藉著正宗的上海菜和平民美食的價格，吸引了眾多食客。對於喜愛上海菜的朋友們來說，這裡無疑是一個絕佳的選擇👍。今天，我們就來品嚐一下這家餐廳。首先，讓我們來品嚐火丁津白。這道菜的主要原料是津白和金華火腿粒，色香味俱佳。在烹飪過程中，師傅巧妙地控制火候，使津白菜保持了脆度，同時保留了營養成分。火丁的加入，不僅為菜肴帶來了一絲絲鹹味，增強了層次感，讓人回味無窮。接下來是雜錦粗炒，這道菜以新鮮的時蔬、火腿和豬肉為主要食材，經過師傅的巧手炒製，色澤亮麗，口感豐富。蔬菜的新鮮與豬肉的鮮嫩相互襯托，使人一嚐難忘。炒制過程中，師傅運用了上海菜特有的烹飪技巧，使菜肴更顯美味。最後，讓我們品嚐了油豆腐粉絲鍋。這道菜以油豆腐和粉絲為主要食材，經過鍋煮的過程，味道濃郁，口感獨特。油豆腐經過煮炖變得更加滑嫩，與粉絲的滑爽口感相得益彰。鍋中的湯汁鹹中帶微甜，滲透到油豆腐和粉絲之間，讓人垂涎三尺。這道菜的獨特之處在於，油豆腐和粉絲在鍋中煮炖，味道更加濃郁，同時保留了食材的營養成分，既美味又健康。上海一品鍋菜館的菜式都展現出

酸辣湯一鍋大約也好五碗左右，入面有豆腐絲豬紅絲榨菜絲豬皮是等，好足料，不過味道偏酸，似乎落醋重手咗。上海粗炒都幾正宗，椰菜絲肉絲再加啲白菜仔喺面，個汁唔算太甜又唔會好杰。小籠包一籠有8隻，如果以上海小籠包嚟講佢嘅皮算薄，不過佢個頂嘅髻就幾大舊幾厚身。另外叫咗一支豆漿，冇叫一杯杯咁樣，因為一支抵啲，倒出嚟大約有兩杯多少少，九味香幾好飲。