影片
以上資料只供參考, 請與餐廳確認詳情
3點3下午茶，超想食上海菜，就跟好友去覓食。估唔到呢一間餐廳下午茶款式多，性價比又高，真的很不錯。✨芝麻綠茶煎餅✨煎餅呈淡淡的綠色，大量的芝麻圍邊，香氣十足。一口下去，裏面餡料滿滿，帶點點微甜，真的很不錯。✨梅菜干燒餅✨真的是第一次食，食落脆卜卜，中間加了不少梅菜干，鹹香味十足，又脆又好食。✨鮮肉小籠包✨尺寸剛好，同好友一人兩個，入邊有不少湯汁，熱辣辣好好食。✨上海排骨蔥油拌麵✨蔥油拌麵蔥香十足，但不會過於油膩。上海排骨炸得金黃酥脆，炸粉薄，肉厚身，的確啖啖肉。✨上海粗炒✨見到不少客人也點，決定跟風，果然冇錯😍色澤誘人，份量很多。食落有鑊氣之餘，還十分足料，蔬菜清甜，肉絲有咬感，麵條彈牙，筷子冇停過食到最後😂✨桂圓紅棗茶✨✨黑糖老薑蜜✨✨陳年菊普✨飲品令人有意外驚喜，整個杯面都是紅棗及菊花，完全見不到底😍飲完非常養生，超正。環境舒服，性價比高，值得再去。想睇更多介紹，馬上Follow我啦😁。
繼續閱讀
上海上海今次要介紹一間喺粉嶺嘅一間上海菜餐廳叫「上海上海」，呢間餐廳入面空間都算大，輪椅人士都方便入到去食野，下午茶時段都幾乎滿座，食物同店員服務質素都好好，店員仲同我講呢間餐廳啱啱開咗三個月，我仲記得前身係茶餐廳添！其實名都商場唔算係方便輪椅人士，要進入名都商場有兩個方法，第一方法係港鐵站一出有升降台（超重型電動輪椅不建議使用）可以入去名都商場，第二方法係兜個大路去名都商場嘅停車場搭升降機，我係用第二方法入名都商場，我部輪椅係屬於超重型電動輪椅，連人帶輪椅至少240KG，過去十年試過最少五次用升降台搞到「半天吊」，要大約六位消防員用粗麻繩連人大輪椅一齊抬我離開升降台，所以我好驚見到升降台，唔敢再用！1.廣元麻婆豆腐 配江南菜飯+黑糖老薑蜜$48（9.5/10）呢個麻婆豆腐套餐份量好足夠，麻婆豆腐都幾辣下，豆腐非常滑，再配埋菜飯真係好飽！下午茶套餐係包埋飲品，我揀咗黑糖老薑蜜，原來黑糖老薑蜜同桂圓紅棗茶差唔多樣，飲唔到薑蜜味，只係水嘅顏色深少少咁姐！2.金湯酸菜肥牛 配江南菜飯+桂圓紅棗茶$48（8.5/10）呢碗金湯酸菜肥牛個肥牛唔算太多，肥牛大約有5片，芽菜就好鬼多，入面仲有薯粉，再配埋菜飯真係好飽！下午茶套餐係包埋飲品，我揀咗桂圓紅棗茶，呢個價錢有得飲花茶真係好抵！3.鮮肉小籠包（4件）+凍豆漿$32（8.5/10）呢個鮮肉小籠包如果單點都係$32，下午茶就送埋飲品，小籠包外皮煙韌，得過入面小籠包嘅湯汁如果多返少少會更好，鮮肉小籠包一共有4件！飲品揀咗凍豆漿，豆漿唔夠滑，有少少豆漿渣，豆漿味就好香濃！4.蘿蔔絲酥餅$32（9.5/10）呢個蘿蔔絲酥餅咬落熱辣辣，外皮炸得好香脆，入面有勁多蘿蔔絲，一共有4舊蘿蔔絲酥餅！5.奶黃流心南瓜丸（5件）$32（9/10）呢個奶黃流心南瓜丸咬落個心好熱，完全感受到真係即叫即炸，一咬奶黃流心流哂出嚟，奶黃味唔算好濃，至於話係南瓜丸唔覺得有南瓜味，一共有5粒奶黃流心南瓜丸！6.芝麻綠茶煎餅（4件）$28（9.5/10）呢個芝麻綠茶煎餅真係好好味，個煎餅鋪滿咗白芝麻粒，令到每一件煎餅好香，又大舊又厚身，一共有4件芝麻綠茶煎餅，如果綠茶味濃多少少會更好！2人總共價錢$220個人口味總評分：9.08/10 地址：粉嶺粉嶺車站路18號粉嶺名都商場2樓53&57號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#上海上海 #上海菜 #香港美食 #粉嶺美食 #粉嶺好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今日去粉嶺做嘢，諗住去返茶A食lunch加佢哋嘅秘製辣椒油💕點知發現原來已經轉咗舖頭🥺呢度附近嘅舖頭我哋都試齊，所以有新嘢就試新嘢🤩佢個老壇酸菜魚飯真係必食👍🏻食物老壇酸菜魚菜飯呢個性價比超級高！因為我哋喺出邊食酸菜魚飯都唔平～佢呢個質素同個價錢真係超絕⚠️我哋見到佢個辣椒🌶️寫微辣…因為我都比較怕辣，所以我預先分開咗啲辣椒…佢個酸菜真係好好食！佢個辣都好開胃👍🏻鍾意食酸辣湯嘅人一定要試🫱佢魚片都有好多，爽口鮮甜嘅魚💕個底仲有薯粉🤩凍熱豆漿食上海嘢梗係飲豆漿😄男朋友嗌凍豆漿，凍豆漿真係好解辣！但係我覺得熱豆漿嘅豆香好飲啲👍🏻雞絲粉皮我食上海嘢一定會嗌雞絲粉皮🤭謎思黎～～可能因為我鍾意雞絲粉皮加麻醬嘅感覺！佢另外仲有青瓜絲鋪底，食辣嘢要食返青瓜先解到膩👍🏻蒜泥白肉呢個又係勁好食！我哋係連蒜泥都食晒😂佢啲腩肉好脆蔥油豬扒拌麵個豬扒烤得好香好好食！好香嘅蔥油～～佢個面係幼身上海麵，份量都好足！
繼續閱讀
「上海上海」下午茶好抵食，份量又足夠，最緊要不另收加一服務費。家鄉蒸餃蒸餃的皮薄而有彈性，內餡鮮美多汁，搭配醋和辣椒油，味道更提升。醬香牛腱心牛腱心肉質鮮嫩，醬香味濃厚，搭配蒜末，味道更濃郁水晶芝麻餅水晶芝麻餅外皮透明，內餡香甜，濃濃芝麻香。芝麻綠茶煎餅芝麻的香氣和綠茶的清香完美結合，外脆內嫩。上海粗炒每次食上海野，必定會點上海粗炒，粗麵口感筋道，豬肉鮮嫩，蔬菜清脆，味道濃郁又不會過鹹。南京清湯牛肉麵牛肉麵湯頭清澈，充滿牛肉的鮮香。麵條彈牙，搭配軟嫩的牛肉，清新而不油膩。
繼續閱讀
「上海上海」開左咁耐，都未去食過，今日終於有時間去食下午茶啦。鮮肉小籠包小籠包皮薄而韌，內餡鮮嫩多汁，湯汁香濃。搭配醋和薑絲，口感更加升華生煎牛肉包生煎包的底部金黃酥脆，內餡牛肉鮮嫩，肉汁豐富。黃橋芝麻燒餅燒餅外層酥脆，內餡有濃濃的芝麻蓉。奶黃流心芋泥丸外層一樣香脆，內餡有芋泥蓉和流心的奶黃，甜而不膩。上海排骨蔥油拌麵上海排骨非常厚身，肉質軟腍，肉汁充分滲透，拌麵的麵條彈牙，每條麵條都掛滿蔥油，蔥香味道恰到好處，不會過於油膩
繼續閱讀