上海上海

營業中

休息中

20241218 平日星期三行完山約下午3：45在粉嶺站附近揾下午茶餐，在商場轉了一圈，見店內有食客，價格合理，而且友人想食飯，有四款菜飯套餐，麵食包點選擇也多，有豆漿酸梅湯黑糖紅棗水等，反而這樣可以不用又是咖啡奶茶。友人覺得豆漿不錯，但她覺得如果係原味可以自己加糖就更好。而我的黑糖薑水，我不覺有薑味，但也算清甜，而且賣相不錯。上海粗炒味濃不鹹，不十分油膩，食完碟底也未有很多油，肉絲配料也多，上海麵較碎，我覺過軟淋，但合友人口感。菜飯就合我味，乾身有咬口，但朋友就覺得稍硬，講話要費勁咀嚼喎😂，排骨細細粒，有骨落地，肉也軟淋，味濃稍甜，朋友就覺可以。所以味道真係好個人，但整體我們也滿意，服務員細心，食完好滿足😊

放工想食酸酸辣辣嘅嘢，一出粉嶺站個商場搵到間上海嘢，地點幾方便就腳，所以去咗試食呢間上海菜。餐牌好多嘢揀，嗌咗碗擔擔麵，再嗌咗兩款前菜同小食。手拍小黃瓜：嗌咗個涼菜，黃瓜好爽脆，加上有麻油香味，好開胃。蘿蔔絲酥餅：炸得金黃香脆，上面有啲芝麻粒。蘿蔔絲一層層，層層酥脆，唔算油膩，好有口感。招牌擔擔麵：一上枱，好香濃嘅擔擔麵辣味飄嚟，個湯底好濃郁，加上有啲豬肉碎係面頭。麵條麵質彈牙，不過唔太辣，容易入口。

今日去粉嶺明都嘅［上海上海］下午茶，叫咗上海粗炒，香辣炒飯，雞絲粉皮，哩間鋪已經唔係第一次黎， 就係因為味道好先再黎幫襯，叫嘢嘅時候明明叫咗一杯凍豆漿同一杯熱薑茶，結果黎咗一杯熱豆漿，同凍豆漿， 咁就同職員講出錯咗比我哋啦， 第一個員工反應，就同我講出咗Lu喎， 跟住我同佢講，出咗唔可以換？之後落單嘅員工又走過黎， 死同我哋咬，講有覆單， 講到好似我哋錯咁，其實落錯單成日有， 有必要咁嘅態度嗎？雞絲粉皮，雞絲份量小到，可以係離晒普，跟住店員睇到都即時拎返入廚房幫我哋加返，真心哩間嘢食係唔差嘅，不過員工態度都真心令人不快，應該不會再去了.....

山長水遠嚟到粉嶺就梗係食埋嘢先回府啦見到上海上海，諗應該係食上海嘢入到去服務員禮貌招待裝潢簡約舒服食物款式種類都幾多，基本的小籠包、擔擔麵、酸辣湯、雲吞等等都有，價錢也合理👍酸辣雲吞湯麵～大大碗份量十足，酸辣湯配料豐富（竹筍絲、木耳絲、胡蘿蔔絲、冬菇絲等），濃稠度適中，酸酸辣辣，係開胃醒胃之選，而且雲吞大隻飽滿含肉汁，麵質爽彈👍雞絲粉皮～夏日消暑冷盤涼拌小菜，清新好味又健康，我食上海菜必叫的😄

今日同同事去左粉嶺做野，之後就起粉嶺食埋飯😝， 發現到有間麵店好似幾好，就入去試下排骨擔擔麵排骨大大塊，炸得好軟熟，上面仲有啲蔥油， 好香 👍🏻擔擔麵份量好多，仲有花生碎和肉碎，湯底辣味適中，十分岩我口味蘿蔔絲酥餅嘩，蘿蔔絲即叫即整，熱啦啦，好好味，脹卜卜，裏面啲蘿蔔絲仲好豐滿，師傅手勢好好呀， 個皮猜得好靚一層一層，炸得剛剛好，好香脆，高溫起鑊唔肥膩，份量仲有四隻， 每人兩隻好滋味，下次再黎會想試其他小食😋

屋企人想食上海食上海野朋友介紹係粉嶺既上海上海今次我地叫左幾個餸都幾滿意！首先是蟹粉豆腐煲，這個餸有豆腐的滑嫩配上蟹粉的鮮甜，濃郁的湯汁令人一啖接一啖，好好食食上海野一定要食小籠包，薄皮包裹著濃郁的湯汁和鮮美的肉餡，一口咬下去，真係幾好！花雕醉雞亦都係食上海野常見既野食！雞肉經過花雕酒的醃製，肉質鮮嫩，酒香好正！奶黃流心南瓜丸作為甜品岩晒，外層酥脆，內餡流心，甜而不膩，每一口都充滿了驚喜。最後是水晶芝麻餅，晶瑩剔透的外皮包裹著滿滿的芝麻餡，咬下去滿口芝麻香！總括黎講，上海上海的每一道菜都好岀色！值得黎食！

我個人不嬲都唔係太鍾意食澱粉質，反而鍾意試啲唔同嘅小食，感覺可以食到多啲唔同嘅嘢，今日喺呢間餐廳食咗幾樣嘢，都覺得真係幾好食。首先就係個蒜泥白肉，肉本身唔會太嚡，而且蒜泥切得好細，一啖咁樣食好正！紅油抄手每一粒都好大粒，而且辣度剛剛好，外皮都好滑！我最愛嘅就係個老上海臭豆腐，感覺有d類同長沙臭豆腐，外脆內入軟。超香口！而梅菜煎餅都係我第一次食，煎得酥脆，好香梅菜味，最緊要就係食到最尾一塊 ，佢都完全冇變淋！

呢排有朋友搬咗入粉嶺，所以我都多咗嚟呢邊食飯，最近食過呢間上海餐廳都覺得幾好食，而且好抵食，今日叫咗幾樣嘢我都覺得好正，首先就係個小食：雞絲粉皮。啲粉皮晶瑩剔透，口感一流，雞絲亦都冇話太嚡，最正就係啲麻醬舊濃郁。通常食到麻醉好嘅餐廳，我都即刻會叫埋擔擔麵，啲招牌擔擔麵都好好食，麵條口感一流，微微辣味，辣度好啱我口味。芝麻黃橋燒餅我都覺得幾好食，有酥脆嘅口感，芝麻味好香，係我第一次食呢道菜，都覺得大家可以試吓。

難得今日入到粉嶺做嘢，晏晝又要自己一個人食，上網睇吓見到呢間餐廳好似都幾吸引，於是就入嚟食，雖然自己一個食，但係都食得幾開心，因為真係幾好食！我叫左老壇酸菜魚，酸菜味剛剛好，好啱我口味，亦都唔會太鹹，魚嘅份量都好多，而且每一塊仲要好厚身！重點係啲酸菜都唔少，可以一啖酸菜一啖魚咁樣食，覺得好豐富！另外都配埋酸辣湯同上海菜飯。上海菜飯個口感都幾好，酸辣湯亦都夠濃郁，係我鍾意嘅，入面又有好多豆乾絲，一流！

之前去粉嶺名都初遇食過台灣料理，果日經過見到呢間 "上海上海"，覺得都唔錯，因為好耐都未食過上海菜，所以今日就入去品嚐一下～上海粗炒過往去食上海菜我必點上海粗炒，亦係餐廳招牌菜之一。炒得乾身帶濃郁醬汁，麵條爽滑，帶有淡淡麵粉香，仲有肉絲、香菇、蔥等等，鑊氣十足，炒得好惹味，唔會過鹹，而且價錢仲好實惠。小籠包小籠包亦係我最喜愛嘅上海菜之一，每次都必食。小籠包蒸得剛剛好，咬入去非常多湯汁，而且仲熱辣辣，鮮肉餡料嫩滑鮮味，湯汁清甜，沾上醋汁更好吃。今日同好友食，下次要叫埋屋企人一齊食。

上海上海｜粉嶺
——————————————————
My FAV✨
🫶🏻 干煸四季豆南京清湯牛肉麵
新鮮嘅四季豆口感外脆內嫩，搭配香辣調味，好食！牛肉麵的湯底清澈卻鮮美，牛肉軟嫩，麵條Q彈。
🫶🏻 奶黃流心南瓜丸南瓜丸每一口都能感受到濃郁的奶黃流心，整體，口感柔滑。
——————————————————

📍粉嶺粉嶺車站路18號粉嶺名都商場2樓53&57號舖

—————————-—————————-
Overall 💗💗💗💗

#上海上海#粉嶺


昨晚加班收工後醫肚，9:20左右到此店，門口寫關店時間為10:30. 首先無人帶位，唔緊要，自己找了近門口枱坐低，然後侍應默默遞來餐牌，侍應把點菜紙放回我張枱時叫我埋左單先，當時落單時間為9:31！ 我話咩都無得食，水又無，然後你叫我埋單？那位女侍應聽後轉身離去. 幾分鐘後，第一碟餸一上枱，另一位戴眼鏡男經理立即由收銀位行來叫我埋單，我同佢講：未食就要埋單，如果系趕截單，至少在俾餐牌我時講聲幾點截數要埋單或者直接唔好做呢枱客.然後他回我：好呀！結果我在飯餐中出收銀度俾錢，但成個感覺好差😡應該唔會再去第三次！

講真粉嶺真係無咩好食，尤其係無上海野食！好彩最近開咗間「上海上海」，又坐得舒服，太好啦，又多個地方選擇！我最鍾意食濃味野，佢嘅濃油赤醬菜式就岩晒我！除此之外，佢啲菜飯都好吸引呀，所以今次試吓菜飯！《梅菜扣肉菜飯》 男人的浪漫！扣肉好白軟入味，脂肪同肉相間，唔會成舊都係肥膏，梅菜又香，撈飯一流！ 菜飯都好唔錯，菜多又有油香～ 《麻婆豆腐菜飯》呢個辣辣哋幾開胃，豆腐同肉碎都係撈飯好正！ 下次試吓佢嘅濃油赤醬菜式先！

新開張阿媽話想試，咪試下食完唔會再去，要食上海菜去粉嶺中心湘川滬落單後即上菜，超快小籠包質素，同公仔點心一樣，唔係自家整，肉無鮮味鍋貼，只是煎餃，仲要勁細隻，肉無鮮味酸辣湯有怪味

#上海上海今次講嘅係位於粉嶺食滬菜嘅上海上海💕原來呢間舖頭係新開嘅 店員服務態度都好好☺️Menu種類都幾多✨雪菜肉絲拉麵 $62💰（7.5/10）呢個雪菜肉絲拉麵大大碗份量十足🤤食晒一個絕對會飽🤤雪菜份量好多 好香 而肉絲都唔會好乾😋配埋拉麵呢個配搭幾岀色‼️鎮江排骨餐 $63💰 （7.5/10）送到上枱面覺得好香🤩排骨份量都幾多✨而且佈滿醬汁 食落去唔會好乾☺️呢個套餐係會配一份主食 小編揀佐蘇式拉麵🍜拉麵大大碗而且一啲都唔淡反而幾濃味咸道適中 配埋麵食會幾夾‼️‼️睇到呢度 快啲約埋朋友一齊去‼️‼️推薦指數🌟 7.5 / 10 🌟📍#巨B覓食粉嶺上海上海 (粉嶺)⚜️粉嶺粉嶺車站路18號粉嶺名都商場2樓53&57號舖