東北燒烤 (砵蘭街)

營業中

休息中

話說有晚好肚餓嗌左個外賣，咁d外賣app上面個炒米粉價應該貴10-20% 一盒炒米粉收我$80好唔緊要，因為個圖片望落真係好似幾juice咁。一打開個飯盒，第一個諗法就係【好滿，好抵食】頂（其實想打粗口結果唔比post）食食下唔對路，全部係菜，一啖肉都冇，我心裡面expect係有些小肉絲火腿絲都已經夠皮。簡單黎講即係大陸嘅炒米粉。同埋一望d米粉，白篩篩咁款，已經心知中伏。然後唔知係心理原因定點，硬係覺得d米粉有d臭，腐壞左嘅味，我都唔清楚，但我都幾肯定大陸d炒米粉唔會落胡椒粉。最後睇在係糧食嘅份上都食左半盒，Σ_(꒪ཀ꒪」∠)嘔，但真係好難食。半夜比80蚊一啖肉都食唔到。全是素啊！！！！！

好地道既東北燒烤味道好食，自從番過大陸食過一次東北燒烤，已經好想再食，但無奈冇時間番上去食，聽朋友講羊蛋好好食，但好小機會搵到黎食，呢間竟然有得食，試過真心好食

茶都無杯收茶位費？上菜慢，態度差，又難食又唔正宗又貴，仲有人食？執左佢啦。牛肉串：乾身，細串，極難嘴嚼牛板根：叫做比較正常少少烤茄子：唔熟，唔新鮮。雞中翼：雞翼都可以燒到乾哂，問佢有無蜜糖又無，咁叫正宗？金針菇：全餐最正常，因為淨係加牛油煮康師傅：麵極難食，蛋硬過你個頭，香腸係大陸假香腸。烤小饅頭：可以填肚麻辣寬粉：淨係得個辣字，寬粉口感唔好新年流流，係選擇不多既情況下見佢入面幾多人，就入去試下，點知就中左伏，原來係上菜極慢所以有咁多人。

某次下班晚了想外賣這家店的海鮮回家，剛巧賣光了無緣吃上，然後發現這家店有很多燒烤是比較罕有，還居然開到凌晨四點！那這次就試試堂食吧！(圖末有菜單)🫶🏻我點的燒烤串都是平常燒烤店比較少見的，像是風乾牛肉，牛板筋，胸口油，豬脆骨，雞脆骨，雞腳筋等等在香港不是每家都有的燒烤我都點了😋海鮮方面，生蠔、元貝可以各點6隻(12隻起燒)元貝超大很滿足！不過最特別的莫過於是烤蠶蛹了！我知道不是很多人會嘗試吃烤蠶蛹但作為一個美食博主應該什麼也嘗試😂其實它的口感像是燒棉花糖而已它家燒烤很有內地風味，而且店裏的服務員小妹也很和藹可親，快去試試吧！人均💰 $400東北燒烤 (砵蘭街74號) (旺角)旺角砵蘭街74號地舖

来的很早，但是一个小时才上了一点东西，其他比我们晚来的顾客的食物都慢慢上齐，上来的食物半凉不熟，后来发现根本没有下单我们的食物，且这样的情况不止一桌，不推荐大家来这里用餐。

有朋友推薦話有正宗東北燒烤，所以特登揀星期六黎試下。結論係唔會再黎多次。其實佢冷氣問題我唔緊要（都十月中），我亦冇漏單嘅問題。點知最後衰係一間餐廳最重要嘅食物質素上面。我肉菜叫左羊肉串、牛肉串、五花腩、田雞、雞胗、雞翼，素菜叫左金針菇、茄子、饅頭和玉米。肉菜除雞翼外全部烤至極乾，無肉汁且非常韌。雞翼冇問題係因為佢係唯一一款較大塊嘅肉，其餘肉塊全部如食指第一節般大小，串4-5塊，因此全部都過曬火。其次，燒烤串端上來時有些串已經只是溫熱。我吃燒烤就係想吃一種新鮮滾熱辣烤出黎嘅口感，不知道後廚和前台如何協調，才能在客人不多的情況下仍端出非即時烤熟的食物。這失去了燒烤店的精髓。素菜的話金針菇、玉米和饅頭同樣過乾，而且調味單一，即只一味鹹。蒜蓉茄子算是為數不多符合期望的菜式。以上全部食物四百幾，人均二百幾。這個價錢即使砍半仍覺不值。

從來未試過坐一個半鐘都未上曬菜，坐到熱都唔知有無開冷氣問下幾時上菜態度又超差，話要師傅決定，咁你可唔可以去催下師傅啊頂最白癡就係上漏兩個菜又唔L信，最後要落來數簽，數簽又數錯，無野啊嘛？價格亦都唔算特別實惠無下次，絕對無下次

食物係好唔錯嘅，辣度亦都夠，不過唔知會唔會唔夠人，經常有漏單同比錯野食嘅情況，但鋪頭入面個冷氣係廢嘅，冷氣微弱到爆，冷氣仲會15分鐘自己熄一次，如果唔怕熱嘅朋友可以一試

招牌同裝修都好有大陸feel入座時見其餘兩枱客人都係大陸人都抱有期待結果係嘅，的確有好多大部份串燒舖冇嘅嘢牛黃喉胸口油咩羊蛋牛筋膜牛肚但食落又並非如你所想有啲可以落咗粉都冇味小弟掉都應該掉咗4,5串人勁少少又可以漏單新舖？冷氣唔夠嘢食上得好慢啤酒櫃唔凍調味粉的確有啲大陸味但串燒真係唔得坊間太多好食過佢唯一要讚係唔算貴行過想過口癮可以一試真係要講比較好食嘅係雞軟骨同雞翼非串燒嘅嘢就冇試見到有人叫小龍蝦食到津津有味

首先成間鋪得一個侍應打全埸冷氣開左好似冇開咁落單後等左半個鐘先黎左3串串燒之後隔多15分鐘再黎個娃娃菜餵雀仔咁餵坐左個半鐘頭入面都只係上左幾串串燒半張單既野都未到齊最後頂唔順 同佢講未上既全部取消埋完單餓到冇食過野咁🫠未食飽既人超級無敵唔建議光顧呢間野怕熱嘅都可以唔洗幫襯

自清零兩年多來，出街食飯次數真的寥寥無幾，小小紀念日下來這兒串串燒啤啤佢。串燒與啤酒皆是本人至愛，坊間串燒多是港式或日式，要感受祖國情懷的，我覺得這間最好。這小店之前在轉角路邊經營，環境不濟但出品確是國內的風味，已幫趁十來次，上月開始就轉了入新鋪。新鋪光鮮，但衛生感覺就是一般般，地上不少垃圾，但來的是求吃，比起之前在路邊已好多了。國內串燒就是烤得透，孜然調味重手，是國內木屋燒烤的風味，雞翼、雞軟骨等串物都烤得恰到好處，脆卜卜的就是下酒好小吃。特別推介這兒的烤豬手，一開二，外脆內軟糯，香噴噴要落手來吃，正。這兒的麻辣薯粉亦是是坊間少見，用的是粗薯粉份量不少，煙韌湯汁夠麻夠辣，吃得過癮。通關無望，通到你都未必敢去，來這兒吃吃便好了。

幫襯左幾次了好味🤤🤤🤤🤤終於搵到間大陸風味又唔貴既串燒😎突登由屯門出黎食👍🏻👍🏻食到爆肚都係300左右一個人我覺得可以🤣2條友叫左廿幾30串.小龍蝦.金菇.土豆片.茄子😂😂😂😂超多好夠味，好香，亦都夠哂辣!!!!!!!落完單好快就有得食😛😛😛雖然係遠左啲 但好味就無乜所謂啦 哈哈哈店員都好有禮貌好nice串燒整體幾好，環境都幾乾淨！！坐又坐得舒服，唔會好逼😎👍🏻

今日路經油麻地，想同朋友去飲下酒，又未食飯，途經一間新開既燒烤，望見好似幾吸引就入去試下，點左幾樣野，你知啦，飲酒為主，食野為次，點左8串羊肉🐏，兩串五花腩，一份小龍蝦，疫情咁耐都好耐無返上去玩咪食下呢啲，羊肉串同係大陸既路邊攤一樣既味道，真係好懷念，五花腩佢用左佢地既特別醬汁加上孜然粉同辣椒粉，唔使返上去都食到呢個味道，正用來送酒一流一傾計先知，老闆原來係東北人，傳統既味道，值得去試❤️❤️❤️