影片
付款方式
其他資料
無障礙設施
詳細介紹
當面支付
以上資料只供參考, 請與餐廳確認詳情
今天去食午餐，因為工作人員最近門口的就是收銀櫃檯，我走到收銀那裡同那個收銀女人講，唔該我哋5個人，然後他態度極其惡劣，佢話喺嗰度排隊啦，我答哦排隊就可以嗱，佢又答我喺嗰度排隊啦！呼喝人，我哋第一次來，點知唔洗登記，就咁排隊呀，問下都比人喝，戴住口罩都睇到佢眼神，不知所謂，人哋禮貌問佢，佢就呼喝人，依家咩事呀，新年流流，咁唔鍾意做咪做啦，服務行業咁樣對客人，請到呢d咁嘅質素既人，就係幫老闆倒米，好彩入到去個waitress 姐姐好好人，令我地食得好開心，balance 番個情緒，出品方面中規中矩，價錢係好抵嘅，不過如果冇人窒住哂，條氣會順d囉!
繼續閱讀
今天，與一班車友前往深圳踩單車，回到上水已經7:30 ，好肚餓，去到就近的上水廣場睇吓有咩啱食，巴士總站側有升降機直上廣場5樓，見到呢間有闊落卡位，又唔使等位，即刻入去，店員第一時間推薦藥膳豬骨煲二人套餐給我們，表示原價要$400多元，現在做優惠只需$259，好抵食喎，即管試試；另外可以$49選三款特色小食。🍇 藥膳豬骨煲二人套餐 $259套餐包括豬骨煲、半隻亞參去骨海南雞、小食拼盤（鳳尾蝦春卷、香烤豬肉串、秘製魚餅各兩件）、馬拉盞炒通菜、飲品兩杯（可選除椰青外的飲品）豬骨煲好大煲，有五件大大件的豬骨，唯藥膳味道不濃郁；海南雞好滑嫩，正！ 呢個套餐足夠3人份，真心抵食👍🏻👍🏻🍇 小食拼盤（三併$49）叫了椰香芥央南洋麵包、斑斕咖央多士及鳳尾蝦（4件），當中斑斕咖央多士最香脆！
繼續閱讀
今日放假行街行到攰攰地，見下午茶時間到就想搵間嘢食個下午茶先。上到上水廣場5樓就見到有間阿參，有職員熱情喺門口介紹有下午茶，所以索性入去食返個下午茶先。間舖都幾大，但感覺環境整潔衛生，坐低我第一時間點咗鴨腿滲滲，不到10分鐘便上菜了。落餐時員工提示鴨腿有錫紙包方便成隻攞起，原隻食真的感覺很爽。員工見我們有小朋友還細心問我們需要碗及小茶更嗎？真的很專業。價錢$38包飲品真的值回票價，下次再試其他茶餐。
繼續閱讀
呢間食店係我最近試過嘅其中一間,真係幾有水準!首先,佢嘅班蘭多士（加映？）好味,外層脆脆香香,入口即化,超滿足。不管係牽住面包絲咬下去,定係用匙羹抹上側邊咁食,都好難抵擋佢嘅誘惑。作為一個主打多士嘅食店,佢可以話做到爐火純青。除左一樣，呀仔唔鐘意食整塊牛油。再來,佢嘅海南雞飯真係好飽滿,個雞肉嫩滑多汁,完全唔似有時會乾乾地雞飯。加上靚靚嘅雞油飯同番茄醬汁,整個組合好下飯又好開胃。沙律又新鮮脆口,好似一啖咬落就感覺特別清爽。至於雞湯麵,湯頭味道濃郁,軟滑Q彈嘅麵條好配佢。雖然麵底有少少太多油,但雞肉好鮮甜,湯汁好入味,都唔算太bad。
繼續閱讀
平日走去食下午茶，唔算太多人，叫左2份餐，$48海南雞飯只得幾件雞胸肉，配油飯和熱班蘭咖啡都是暖的，又苦又冇咖啡味。另外$46咖喱豬扒撈麵都唔熱，共有3小塊豬扒和2舊薯仔，咖哩味微辣。加$3配杯薄荷特飲味道ok！員工的服務態度尚可，座位比較寬敞，如無其他選擇不妨去一次😌
繼續閱讀