影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
之前睇過YouTube有介紹呢間舖頭，呢排成日都係喺香港🇭🇰周圍食。夏日炎熱🥵，都唔知食咩好？見到👀呢間車仔麵個招牌都好特別，於是就過嚟試吓，的確有驚喜😘【食後感】📝✔️好鍾意佢上菜的雞公碗好懷舊，好有特色👍✔️出名大份及抵食，實食到你飽🫄✔️多款選擇，大雜燴♨️✔️麵真係好大碗，配料充足✨✔️又平又正💰✔️環境舒服😌💥行過路過唔好錯過，試過就唔會令你失望，大家都嚟探掂啦✌️✌️
繼續閱讀
用外賣平台落單，食到差唔多最底先見到有隻曱甴喺湯入面，即刻反胃想嘔。聯絡咗外賣平台客服專員，但客服拒絕退款，食物質素有問題，餐廳責無旁貸，建議餐廳同外賣平台溝通下。
繼續閱讀
尋日因為屋企人一個話要食飯一個話食麵。見呢間車仔麵兩樣都有，於是分別order左一個滷肉牛腩飯同埋一碗三餸車仔麵。個飯同碗麵份量都好足，個女仲話個飯好味。點知碗車仔麵就出事。我仔和工人share 碗麵。點知個仔12點幾已經開始第一次肚痾，半夜再痾過，前後分別痾左3次。今日返學都話肚痛。第二日問工人有冇事，原來工人都半夜起身痾咗兩次。好彩個細女只係食飯。唔知關唔關事碗麵事，希望唔關。但應該唔會再幫襯。
繼續閱讀
奉勸大家呢間嘢可以少食為妙喺foodpanda嗌外賣，叫咗個車仔麵同蒜香雞翼尖，諗住見佢哋啲餸咁新奇，又好似好多選擇咁，就諗住試吓啦滿心歡喜咁等到個外賣到夠膽死一打開個麵係臭死老鼠味，啲魷魚又係臭嘅個鮮蝦卷係宿既！最大獲係咩啊，我真係第一次食蒜香雞翼尖係甜㗎諗住喺foodpanda度退款，點知foodpanda唔退淨係俾啲垃圾優惠券我，我成個外賣150幾蚊，俾個垃圾優惠券$20，真係多謝佢哋之後就直接打電話去餐廳同佢地講返個情況，態度極差話送過嚟嘅時候冇問題，喂唔通送到黎我屋企我整臭既？我真係會永久blacklist呢間垃圾！
繼續閱讀
車仔麵又叫嗱渣麵，由於看似製作簡單，所以車仔麵的餸係最見真章。任你點的餸菜款式豐富，有花膠（魚肚）、日式叉燒、手打墨魚餅等。咁今次試下佢就叫左牛腩、雞翼同埋手打墨魚餅。首先份量非常大，牛腩最有驚喜，居然唔係用平時車仔麵檔用的碎腩，而係真牛腩。你望落以為舊牛腩好似好硬，但食落去就會知道炆得入味，夠晒淋。而手打墨魚餅夠彈牙，有墨魚粒，基本上係必點之選。而瑞士汁雞翼都有正常發揮!最後提議大家要加自家製辣椒油，令碗麵的味道提升，配埋枝裝可樂就perfect池！
繼續閱讀