影片
開飯介紹
主打日本黑毛和牛一人涮涮鍋，設自助吧提供多款新鮮蔬菜及涮涮鍋配料。客人可以自由配搭不同湯底和蘸醬，創造個人化口味的一人鍋。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
葵芳但馬屋牛肉放題火鍋店真係牛肉控嘅好選擇！佢哋嘅牛肉質素穩定，牛小排、牛肩同日本黑毛和牛片肉質嫩滑，油花分佈啱啱好，涮一涮入口即化，牛味濃郁，點少少醬油超正！湯底選擇多，昆布湯清甜養生，完美襯托牛肉鮮味。可惜火鍋配料比以前少咗好多款，之前有嘅和牛肉粒而家冇，略為失望。其他配料如菇類同蔬菜仍新鮮，勉強補救。環境舒適，坐位寬敞，抽風系統好，食完唔會滿身火鍋味，氣氛輕鬆。服務態度真心讚，服務員親切有禮，隨時幫手加湯、拎料，效率高又貼心。價錢合理，CP值唔錯。雖然配料選擇少咗，但牛肉質素同服務依然高水準，想喺葵芳食靚牛火鍋放題，但馬屋值得一試！
繼續閱讀
新都會廣場，有三間同一類型嘅一人一鍋， 包括一鍋堂和山見台式火鍋，各具特色。 呢度嚟講食材比較優質，尤其是係佢嘅主食，豚肉和牛肉都算滑，豚肉更優勝。 其次係佢哋嘅自助配料巴，雖然唔算精彩，但係整整有條， 推介蟹子魚蛋。配合精緻嘅用具，用餐極具享受。驚喜位喺任食dreyer's四款雪糕，有最熱門嘅開心果，cookie and Cream，最醒貴嘅柚子，同埋人見人愛嘅雲呢拿。99蚊一個午餐， 包括飲品放題，絕對吸引！
繼續閱讀
斟水果茶，咁啱該職員喺旁邊refill緊杯，就多口問佢有冇飲管，佢愕然望住我：「小姐我地呢度冇飲管㗎」我好有禮貌笑笑口同佢講唔緊要ok的，點知佢再補一句：「就咁用口飲就得㗎啦小姐」（講經責備mode) ??????由入門口帶位嘅職員好有禮貌，好有心機解釋每個set 有咩唔同，到上餐嘅職員都好有禮貌，最後收拾餐盤嘅職員都好Nice，同佢講咗句茶包好好飲，佢好 Nice咁同我介紹，成個感覺好賓至如歸，算係香港數一數二遇過最好禮貌嘅餐廳，冇諗過就出咗個"異類"，大感失望！可惜未能睇到佢身上嘅名牌，只見到佢掛住個P字。一直好鍾意但馬屋嘅甜豉油湯底，其中一個set送每人兩隻生蠔，望落個樣唔太靚成嚿雪咁仲未解凍，食完之後食物中毒，當晚不停屙嘔超過10次，仲發高燒到40度。小心生蠔！！！其他ok!!
繼續閱讀
當返工壓力好大好想食好野既時候當然要食好啲和牛任食✅第一次食到encore叫第二盤會員有時有啲優惠券都不錯葵芳呢間啲職員都幾有禮貌出面啲菜都補充得好快大滿足食完先再減肥喇
繼續閱讀
午市黑毛和牛放題，加埋一$350，只是包一碟靚0既黑毛和牛係似樣，第二碟質素已經相差天同地，有圖為證，都知道日本牛火鍋第2碟開始係無甘靚等人吾好再叫，但第二碟未免肥得太過份？叫人點食呀，其實叫得幾多碟食？都好快飽啦。就算包兩碟靚都吾過份啦。講味道：豚肉又厚身又無豬味（圖一右上），第一碟黑毛和牛係好好味（圖一左）油脂平均又好有牛味。澳洲牛就有少少咬口都好有牛味（圖一右），第二碟黑毛牛肥到（圖二）有目共睹
繼續閱讀
您可能會有興趣的...