來多碗車仔麵 (康寧道) (已搬遷) 新店位置

來多碗車仔麵 - 觀塘區最推介車仔麵一個人既午餐, 簡簡易易食個麵就最方便快捷, 於是走去食好耐無食過既車仔麵🍜係觀塘要選擇一間車仔麵店, 康寧道既來多碗係我既首選☝🏻首先門面乾淨企理, 衛生狀況唔錯價錢方面幾公道, 28蚊有二餸麵, 每加多個餸就加6蚊, 叫夠5餸麵就46蚊仲有學生優惠, 著校服買就30蚊3個餸連紙包飲品👍🏻我叫左油麵+豬紅/蘿蔔/辣魷魚/冬菇/豬腸湯底好似好深色但其實唔會咸, 清清地甜甜地而餸既份量就超足, 唔會話俾1-2舊係就算, 基本上我碗麵係見唔到麵咁濟, 全部俾餸覆蓋著來多碗有好多款餸都好味, 食得出係有落心機整辣魷魚🦑 - 每次必叫, 辣辣地又爽口冬菇 - 厚身得黎炆得好淋, 入晒味豬紅/ 豬腸 - 整得乾淨無腥味蘿蔔 - 又甜又淋又無渣, 大大舊都可以用筷子輕易夾斷, 超好食另外不得不提既係佢自家製魔鬼辣醬🌶, 其實唔算好辣但好香加1-2羹落個麵到, 味道即刻提升晒😋再加多8蚊要杯凍檸茶少甜 - 味道都ok, 茶唔澀亦都唔會太甜配埋車仔麵一齊食, 好滿足既一餐😊

上星期喺觀塘附近返工，忽然間車仔麵癮又起🥴 所以即刻喺OpenRice搵左間幾多好評嘅車仔麵黎試吓！見到呢間車仔麵嘅辣醬好似好出名，聲稱係魔鬼辣醬，令到我更加想挑戰👀食落口唔係好辣，返而好重鹹香！我嗌左一碗淨餸。蘿蔔好軟腍，煮得好入味。而且有三大舊，好容易就食飽🤪豬皮吸晒湯底嘅精髓，入味爽口彈牙！見到我點單嘅時候豬皮已經賣得7788👀食車仔麵好驚會食到啲香菇無左本身陣香味。依間既香菇保持原有嘅獨特香味，夾雜着少少湯底既味道，而且每粒都切到一啖可以食晒既size👅仲叫咗雞翼，雞翼就比較遜色，雖然都煮得幾淋，但除咗外皮之外，雞肉既味道較淡🤔另外朋友分咗幾啖河粉俾我食，幾重米香，唔會limp埋一舊，不過不失啦！Overall黎講呢度啲餸表現幾出色，下次再黎🤪

午餐.好久沒吃過車仔麵有事經過這邊 順便吃一下.1) 這次一口氣叫了5款餸 配米線- 蘿蔔 好入味 好好吃- 牛腩&牛筋 很軟- 生菜- 魚蛋- 香腸米線的軟硬度適中湯的味道亦不錯有點甜又不會太鹹吃完沒有很口渴的感覺.2) 最後因為天氣太熱好想飲凍飲忍不住久違地叫了罐可樂哈 是張敬軒

去到觀塘，雖然面臨重建，但仍然都有好多特式抵食嘅鋪頭。今次路經觀塘，見到有間車仔都叫來多碗，又見到有學生係門口，我諗應該係食得過嘅餐廳，所以就入咗去試試啦。入到去，果然好多餸可以揀，佢係先揀餸再拎埋位食嘅設計，所以基本上揀好就有得食架啦。我就叫咗辣魚蛋、牛腩、豬血、豬皮同鹵水蛋，叫咗個粗麵底，仲加咗啲辣醬。豬皮爽口好食，魚蛋彈牙，牛腩少肥多肉夠哂好食，鹵水蛋就入味好食，而粗麵就煮到岩岩好，唔太淋。最後叫埋杯凍奶茶，為美味一餐劃上完美句號。

今日朋友就帶咗我嚟呢間來多碗食車仔麵呢度叫餸既方法係舊式既方法，隔住塊玻璃企係d餸面前想食咩就叫咩，而家好多都係用紙去畫餸，欣賞佢地呢種環保方式，而且又保持到傳統。我企係麵檔前諗左都幾耐下，老闆娘就話有麵，米粉同米線，我叫左蘿蔔，豬紅同埋豬皮米線，都係果D叫車仔麵必食既送。一間好食既車仔麵，呢3樣野係唔可以唔好食既。麵既份量適中，冇叫加底。豬皮爽彈得黎入味，豬紅做得好滑，蘿蔔亦都好甜。餐廳既環境都算乾淨，張檯唔會痴立立。

今無意中路過發現而間車仔麵店，環境十分乾淨價錢又十分抵食所以決定入去試一試👍食物種類都非常多五個餸加一個麵都係$46🤭朋友叫了辣魚蛋，辣魷魚，豬紅，牛腩，魚皮餃，豬腸及油麵。再加埋秘製辣油😋😋😋而我就叫了五個餸有五餐肉，腸仔，魚蛋，牛腩，魚皮餃😋😋😋值得抵食位係午餐肉同腸仔都各有兩件👍👍👍👍午餐仲要係厚切呀😍😍😍係厚切👍👍其他車仔麵店都只會比一片薄薄既午餐肉同一條腸仔🙈所以而到要特別推介😋另外豬紅都好好味😋😋😋

今日心血來潮好想食車仔麵，上網搵吓有冇邊啲車仔麵比較有特色，又近近地，見到呢間喺地鐵站附近，所以就決定去試吓啦。睇睇佢嘅餐牌見到除咗有車仔麵之外，仲有特色小食，好耐冇食過辣嘅我見到有麻辣鴨血，真係食指大動！大量韭菜底嘅麻辣鴨血好惹味，啲韭菜亦都好新鮮好好口感。十分開胃! 我叫咗個油麵，車仔餸方面我叫咗豬腸、豬耳，冬菇、雞翼尖同埋通菜，你豬腸好入味，豬耳好爽口，冬菇夠晒厚肉，而啲雞翼尖同埋通菜都做得唔錯。飲埋罐可樂，個人好舒服好滿足！

上次去紅磡搵朋友佢介紹咗呢間來多碗車仔麵俾我，覺得好好食，今日去開觀塘就搵返呢間係官塘起家既總店試😀我叫咗個豬皮，豬紅，蘿蔔，生菜，冬菇配油麵朋友叫左個豬皮，蘿蔔， 鹵水蛋，魷魚，通菜幼麵配少辣～豬皮同蘿蔔都好入味，又夠淋👍豬紅就好滑，生菜爽口👍冬菇好大粒好厚肉，睇得出用料好靚👏 朋友話呢度既辣唔算好辣，岩啲唔太食得辣嘅人，但係佢嘅辣唔係齋辣，係好香，帶啲蒜味😋所有材料份量都好多，例如一份豬紅都有六，七舊，嗌咗五個餸先四十幾蚊，好抵又好食👍👍車仔麵嚟講感覺算好乾淨，店員仲好好笑容好好禮貌，抵讚👍👏

好耐都冇去觀塘， 今天約咗朋友喺觀塘行街， 搭van仔之後喺裕民坊附近落車😁😁呢邊嘅環境都變咗唔少。 喺行街之前搵個地方食啲嘢， 康寧道附近都有幾間連鎖式食店， 實在冇乜頭緒揀邊一間， 又用咗偉大嘅openrice app😎😎。 見到呢間車仔麵有差唔多一百個like應該都ok好食ga😁😁我哋兩個人各自嗌咗,五餸車仔麵🍜🍢呢間車仔麵係先買嘢食,再搵位坐。 企咗喺麵檔嗰個位諗咗一陣間， 店員姐姐好好人推介咗 佢哋比較出名嘅，炆牛腩🐂、牛肚🐮、魷魚🦑， 信佢ga介紹，叫呢三樣嘢， 再嗌咗我鍾意食嘅魚皮餃🍜同埋咖哩魚蛋🍢。牛腩、牛肚、魷魚、 魚皮餃、咖哩魚蛋、河粉魷魚、豬皮、魚皮餃、芝士腸、牛肚、 米粉凍檸茶之前跟幾好👍， 比平時啲尖頭🥄更易篤啲檸檬🍋🍋🍋總括嚟講，牛肚、牛腩、魷魚都炆得入味，幾好食。 50幾60蚊就有個麵同埋一杯凍檸茶， 算係唔錯。留意到舖頭，大部分都係附近嘅街坊幫襯， 同舖頭嘅姐姐都好熟落。街坊小店， 隨著附近嘅地區改變，往後怕會越嚟越少 。 下次再嚟觀塘嘅時候會再來幫襯。

對觀塘人嚟講，多年前結業嘅金僑小食簡直係集體回憶。好彩佢一早復活咗，改咗名叫做「來多碗車仔麵」。其實我呢幾年已經食過好多次，但每次必點魷魚🦑。夠晒爽口，吸晒辣汁好入味。仲有蘿蔔都係次次都會食，超級甜，份量又多🥰。呢次食咗豬耳同埋牛肚，佢啲滷水好高質！尤其係牛肚，比起好多潮洲粉麵店整得更淋更入味👍🏻。喺呢度食佢地自家製嘅餸絕對可以品嚐到佢地嘅心思。觀塘區好食嘅車仔麵唔多，呢間都可謂碩果僅存。

呢間車仔麵都食過好多次，覺得質素都唔錯😛，入座前就係門口排隊買左食物先，食物嚟講其實唔算好多選擇，普遍車仔麵食材都會有，一麵四餸$40，某d食物就要再加一蚊，（加價了😟）-我就選左油麵，車仔麵一定食油麵🤣，冬菇夠厚肉炆得好入味，豬紅冇血腥味，豬腸洗得夠乾淨，唔會有好多肥膏痴住，玻璃魷魚🦑係招牌每次都會必叫，食落夠爽脆，必嗌呢到既秘製魔鬼辣醬成碗麵會加好多分，唔食得辣都唔驚因爲唔係好辣，但湯底就會變得更濃味👍🏻，總括份量都幾大碗食得都夠飽，但凍茶要加$10就有啲貴🤨

係附近番工，間中就會諗想來多碗🤤 因為價錢相宜，平時lunch hour好多學生黎食，暑假就可以坐得舒服啲。今次叫左個四餸車仔面，豬紅、豆卜、冬菇、魷魚。魷魚係呢度既熱門餸，好多人叫！啲餸既份量唔少，呢個價錢食到呢個份量既四餸車仔面CP值已經好高👍🏼👍🏼👍🏼另外，不得不提佢既秘製辣醬，雖然一pat黑蚊蚊，但好得我歡心🤤🤤鐘意食辣既一定要試下！每次都叫埋豆卜，索晒啲湯同點個辣醬，諗起又流口水🤤

觀塘有好多間車仔麵，但始終都係覺得呢間最好食，價錢合理$45/5個餸。呢度環境好 ，坐得舒服，服務態度又好。今日朋友話想食車仔麵，特登介紹同佢一齊黎食，落住大雨都照行上黎。我地揀左一碗食牛腩，豬腸，雞翼，蘿蔔，墨魚丸米粉。另一碗豬耳，魷魚，大腸，豬紅米線，味道不錯，好入味。食得辣既一定要食佢地秘製個D辣醬呀，超好味呀。通常會加多碟菜。食辣野一定唔少得可樂。簡簡單單又一餐。由於出面太大雨，食飽之後姐姐們叫我地再坐多陣才離開，實在太難得。

聽朋友說官塘有間車仔麵店價錢公道，但食物質素不錯，值得推薦。星期日有空，一於同太太慕名試試。店地點離官塘地鉄站略遠，約十分鐘步程。叫了幼麵加魚蛋、豬皮、蘿蔔及魷魚，並加少辣。太太叫了米粉加雞翼、豬皮、雞翼尖及滷蛋，及少辣。蘿蔔非常清甜，淋身及無渣，好食。魚蛋則普普通通。豬皮亦軟身，吸收了辣汁，食得好滋味。魷魚爽脆彈牙，亦好吃。雞翼及翼尖則中規中矩。滷蛋則滷水味濃，味道不錯。二碗四餸車仔麵加二杯凍飲，埋單$96，以香港現今物價來説，非常抵食。加上這店食物水準亦不俗，可以繼續捧場。

This is a wonderful noodle shop in Kwun Tong close to APM mall.Before sitting down, choose your noodles and topping from the main counter. Look at these amazing prices! We went for the 3 topping noodle bowl for $38.$38 3 topping noodle bowl (fish ball, mushroom, beef). Delicious chewy oil noodles with great texture. Fishballs are bouncy like a relaxed scrotum. Flavourful shitake mushroom and tender beef cubes. Sauce is spicy and you can choose your own spice level.Must try homemade spice sauce.