元朗冰室

營業中

休息中

「養兒一百歲，長憂九十九」一到K3又要開始煩小學既野，今日帶左佢去小一面試，放低左佢之後就係附近食過早餐再返學校接返佢，揀左呢間朝早已經有人排隊食既元朗冰室，羊群心理總係覺得要排隊既應該唔差，早餐就揀左最普通既火腿米粉同熱奶茶火腿湯米粉配西煎雙蛋、熱奶茶清湯正常發揮，配料有火腿絲、粟米粒同菜，米粉份量都唔少，不過最好趁熱食，唔係索哂湯淋哂就冇咁好食，早餐仲有煎雙蛋同多士，多士略嫌唔夠脆，煎雙蛋我就叫熟蛋，煎到少少燶邊都幾好食，試埋佢地既熱奶茶，提神早餐夠哂energy啦

看到店門外的宣傳海報，$18的下午茶餐，包括鹹牛炒蛋菠蘿包和飲品，可選冷飲、熱飲或紅豆冰，甚是吸引。先送上的是紅豆冰，不過甜，可是不夠濃稠，拌勻後仍稀稀的，並不好喝。接着送上菠蘿包，外皮夠脆，但麵包乾乾的，不好吃，而最令人失望的是鹹牛炒蛋，蛋也算滑，但鹹牛肉只有幾粒（如圖），蛋的其他部份是沒有鹹牛肉的。雖說只是$18的下午茶，不能要求太高，但這鹹牛肉也實在太少了吧，建議把售價調至$27 ，和另外兩款推介下午茶的價格一樣，多給一點鹹牛肉，並改善麵包和飲品的質素，顧客會食得更開心。

痴線員工入到來汁野已經將杯水放到最入個員工抹枱都可以整跌杯水搞到書包同褲都濕晒都算連道歉都唔識又唔俾返杯水人仲即刻行開等人叫先肯過返來落單未見個人咁冇禮貌個經理又唔出聲當冇事

今晚夜左食飯就0係附近簡單食呀朋友話呢間茶餐廳幾好就揀左黎呀點左~厚切豬扒飯配咖哩汁一黎到真係呆左個飯好大個連豬扒都好大份切開左都十件OR 以上咖哩汁幾香少少辣送飯好惹味呀豬扒質感還好唔會好實~臘腸潤腸籠仔飯朋友點既STAFF講左要等15分鍾應該即整既黎到好熱辣辣賣相都OK飯量就正常呀一提係個豉油用個心形碟裝住好SWEET

中午去開會後又要趕返公司, 唯有係附近搵食, 揀左元朗冰室。入到去原來都坐滿人, 好彩我一個人好易有位。餐廳入到去都會探熱, 枱面亦有隔板提供。元朗冰室出名係厚豬扒, 所以揀左10號 , 一開始問職員, 沙律係野菜沙律定什果沙律 ?  職員答我 : 乜有無沙律醬既沙律嗎 ? 個一下真係少少呆左, 職員之後有補充係有沙律醬的什果沙律。食物上枱時有少少失望, 因為豬扒唔係厚, 就算唔係極品無問題, 同普通出面豬扒一樣SIZE, 味道都OK, 炸得香口, 夠JUICY。沙律就有驚喜, 份量好多, 雖然什果沙律但加了蘋果粒, 增加了口感。點了熱華田, 餐廳冷氣比較凍, 好快已經唔凍, 建議帶外套。

元朗冰室近年來極速壙張，全港九都有其分店，今天帶友人初來報到！長沙灣分店位於元州街一號，店內環境相當闊落，卡位四人坐亦不會有壓迫感。看看餐牌，都不難發現厚豬扒的招牌字眼，跟友人分別點了：厚豬扒配蓮藕餅飯、厚豬扒包午餐，價錢適宜$53、＄47 連熱飲。大胃王可選配＄63 的DOUBLE厚豬扒飯，足足兩大塊豬扒，份量十足。豬扒厚身不在話下，肥瘦分明，極有口感，脂肪比例適中。值得一提餐廳提供的咖啡是即叫即磨，比茶記size更大一點，跟豬扒飯是絕配！

我諗我真係上咗癮，其實平時冇乜幾可食茶餐廳，但係自從幫襯左第一次之後，就成日掛住豬扒all day breakfast, 因為種類夠多樣樣都有少少，加加埋埋就會好飽肚，樣樣野都好平均，所以搞到我成日都掛住佢，今日明明去買電腦野，買到大包細包又重，同呢度距離都幾遠，但係都硬係要行過嚟食，厚切豬扒真係好厚，外有焦香內香軟，牛角包好正熱辣辣香脆，今次沙律唔要醬食落更加清新，轉咗太陽蛋好香蛋味，香腸有少少黑椒同香草味

5點零開始肚餓，路過，求其入左e間叫元朗冰室嘅茶餐廳..e個時間食dinner真有d唔咸唔淡咁，最後懶理了，照食🤣兩大一小叫左三個下午茶，一個肉醬意粉（我覺得普通d，唔夠酸&野味），一個焗豬扒飯（要讚👍🏼👍🏼👍🏼都知e間豬扒ok，話晒叫厚豬扒專門店，豬扒厚切軟熟，茄醬汁好鮮好野味，蕃茄菠蘿果d配菜都多🤤），另外再叫多個熱狗（都ok wo，配菜多又新鮮，而且仲落左d芥末沙律醬😚)。餐飲叫左杯凍O茶，一杯紅豆冰（豆唔夠軟，但椰奶好香），仲有叫左杯兒童鴛鴦比個仔🤣原來兒童鴛鴦係指好立克mix華田，又幾搞笑wo😆員工都好nice，時不時有哄下我仔食嘢，無諗到e區仲有好服務嘅茶餐廳😚👍🏼

今日遲了起床，和老佛爺食下午茶當午餐，試在深水埗的元朗冰室，地方闊落，好多位，吾使等位。野食都算多元化，簡單點了雞脾配沙律，豬扒配薯條，散叫了件加央西多士，餐加4元配紅豆冰。豬扒吾算厚，薄薄的，雞脾都好香脆，薯條粗條但比較咸，整體所有炸物都偏亁身，有一點點炸過龍，而沙律，西多大路野，紅豆冰比想像細杯，而且冰不夠，吾夠凍。結帳111元，人均消費55元，算是合理，不過不失，但係過後非常口喝，我想是薯條作怪。

今日早左起身去左食個靚早餐去左元朗冰室的總店或者叫第一間啦叫左個沙爹牛面早餐正正常常不過不失突然有個待應走去問我對住張枱個客呢度有咩車去元朗市中心支吾以對左一陣我出聲話後面有架68x 直到轉頭個待應同另一枱客人講番原來係幫手問但我感覺到果種做街坊生意的人情味

睇完餐牌覺得似岀名厚豬扒，厚豬扒就無食過，系朋友食既，當距OK LA，但常餐個湯米粉就無味既，要撈人地啲肉醬汁食先有少少味。而講返我自己叫個拉麵，以下系我直接wtsapp fd 內容 “個拉麵冧，叉燒又硬又鞋，白色果塊蟹塊好似膠咁，蛋可以，奶茶正常，我隔離個食辛辣麵(平時自己煮公仔麵果種)，個麵都系冧，前面果位食米粉，無味，要旁邊果位share d 肉醬比距，豬扒就⋯⋯無人有意見，應該最唔伏系豬扒😳”我個叉燒拉麵，最後頂唔順，扒晒d麵算，個叉燒好似乾肉咁，仲勁硬又鞋，好似恰肉渣咁煲湯豬肉都冧過距。。。陰公。唔開心。不竟，四個有兩個半話唔掂，比返一線生機可能豬扒Ok 我就比個OK算。

Today went to work And originally want to have lunch at a western restaurant, finally just went to a Chinese style instead Since the most famous food is pork, I ordered a 常餐, pork with noodles The pork is just right, not too fat or too thin. The texture is good. But for the noodles, it is just Normal, nth special. For the milk tea, taste bad that I just drink a few sips. Overall, the pork worth trying.

下午茶時段明明有三張吉嘅卡位，但都唔俾我兩位坐，個呀姐話要搭枱咖喎，其實戈陣有幾張卡位坐緊兩個人囉好冇！坐底咗有啲gur, 之後候佢哋唔為意行返過去卡位到，點知放底咗個留座牌，然後另一個呀姐好串咀咁話：喂，你哋係咪兩位呀，坐戈到啦（指住原本編俾我哋個位）之後食食下，入咗兩枱二人坐卡位喎，又話要搭枱嘅？講真你多人嘅話唔俾兩個人坐卡位/搭枱我完全理解，但戈陣根本冇乜人，仲要態度咁差！下次唔會再去

呢間元朗冰室最出名就係厚豬扒、炸脾！-歐美全日餐厚豬扒套餐有厚豬扒、茄汁豆、炒蛋、歐陸腸、火腿、牛角包、沙律🥗(⁎⁍̴̛ᴗ⁍̴̛⁎)豬扒一如既往又淋又香😋牛角包都係熱辣辣好脆好香牛油味😍其他火腿炒蛋腸仔味道都係好味的❤️不過沙律就嘛嘛地！-燒春雞配薯條 有燒汁/洋蔥汁簡🤪賣相非常吸引😍燒雞肉質嫩滑 而且雞皮燒得勁香😍點埋燒汁非常正🤤薯條都有驚喜！即炸熱辣辣脆卜卜！似M記脆薯皇既味道/口感整體味道唔錯之餘價錢都好抵食😋-厚豬扒配圍頭酸菜飯豬扒外脆 入口鬆軟入味有肉汁🤤配上附上既秘制豉油 粟米粒🌽甜甜酸酸既酸菜 簡單既配搭已將成個豬扒飯加曬分 好正😆

雖然呢間餐廳叫元朗冰室 但呢間冰室嘅設計一啲都唔似冰室 同傳統嘅冰室有好大差別... 不過唔緊要啦最緊要係好食姐 咁就去咗試吓啦。今次係去元朗冰室度食早餐 九點幾十點都仲係好多人 不過好好彩唔駛等好耐位 早餐都有四五個選擇 同平時其他餐廳嘅冇乜大差別 都係有面有通粉有包去揀 不過我個人喜好就係番茄牛肉通粉 佢個番茄湯底真係好吸引 個湯底好濃！啲牛肉唔會好硬 都唔會好鞋。 佢個多士亦都係一個賣點 鍾意蒜蓉味嘅朋友可以叫多蒜！ 佢啲蒜味真係好香！其實元朗冰室係出名食豬扒包 仲要係厚切嗰種 只不過今次係食早餐 所以就冇叫豬扒包 如果平時你食下午茶嘅朋友可以一試啊！