元朗合隆潮州粉麵 (智群商業中心)

營業中

休息中

呢間潮洲鋪新開張幾個月左右lunch次次經過都見佢地排晒長龍搵日終於同男友嚟試下第一次食完覺得好食，所以有再嚟翻兜第二次第一次嚟叫左：🍽蠔仔泡飯個湯係白胡椒湯底，幾好味，少少辣味，d蠔仔都大粒同比得多，整體唔錯，可以encore🍽沙薑雞沙薑雞另外有比醬點雞食，但我通常唔點，試佢夠唔夠入味，雞肉有d鞋，個雞好淡味，似白切雞，唔掛得要靠點醬食，呢碟沙薑雞覺得好麻麻🍽牛筋腩正常水準，唔算好特別，筋位唔算好多，因為都“多肉”第二次再嚟食：🍽單餸 - 鮮牛肉 白胡椒湯 銀針粉個鮮牛幾好味，唔會"那"冧去冇晒牛味，同埋都比得幾多肉，白胡椒湯勁正，因為我鍾意白胡椒個辣味，飲左好多啖，冬天飲完暖笠笠，返到公司唔算口渴，味精應該唔重🍽3餸 - 魚片頭 黑椒牛丸 珍珠蠔 撈銀針粉魚片頭正常，黑椒牛丸就失望了，因為完全冇黑胡椒味，覺得似街邊好普通既牛丸咁，珍珠蠔係比泡飯隻蠔再細粒少少，就正正常常，銀針粉鋪頭加左少少豉油落去撈撈🍽上湯白蘿蔔蘿蔔正常貨仔，個湯係白胡椒湯底嚟

😎位置方面，喺灣仔站行過去大概2分鐘，方便而且喺皇后大道中，絕對唔難搵，大大個綠色招牌！😎食物方面，梗係要食佢嘅胡椒湯，同米粉配搭非常好，而家天氣轉涼，食胡椒湯個人成個人暖笠笠，非常好！揀咗牛舌，墨魚丸同埋支竹，三個餸都非常好食，支竹再加胡椒湯底吸入佢本身精華嘅味道😎服務方面，上菜時間都幾快，大概5分鐘，覺得可以接受😎價錢方面，有好多個餸可以選擇我揀咗三個，$53，如果食飯嘅話就加15！我覺得食米粉類別嘅會比較抵

呢間餐廳係食胡椒湯，如果冬天食嘅話一定暖笠笠，同事非常推介，所以就去咗試佢嘅三餸米～$53/3款, 佢嘅辣椒油同埋菜譜都好似好好食，嘢食未到之前就食咗佢嘅菜譜 味道都幾辣 不過我覺得都幾好食好開胃 碗嘢好快到咗 大概3分鐘 胡椒湯嘅味道非常香濃 飲啖湯先開始食 都好好飲 好暖個胃 佢嘅招牌牛肉餅原來可以外賣 下次打邊爐買啲返屋企食 味道非常好食 好似牛肉滑 爽口彈牙！牛舌就冇乜味道 不過勝在厚身 整體都可以嘅 米粉好大碗 我都食唔晒啲米粉 下次再返嚟試吓佢其他餸先 有好多唔同嘅選擇

同事呢一排都推介呢一間胡椒湯底為主嘅餐廳，佢係有幾間唔同嘅分店，咁啱就開咗喺皇后大道中，公司行過去大概都係5分鐘路程，新舖嘅裝修亦都非常簡約，空間感亦都比舊舖大，坐低堂食亦都唔會有好迫嘅感覺，今日就嚟試咗佢嘅三拼米🙈🙈 本身想食墨魚丸，但係賣晒🙈🙈芫荽牛肉餅係呢一間餐廳其中一樣特色嘅食物，喺出邊都好少有呢一個牛肉餅嘅配搭，係用新鮮嘅牛肉滑製造，所以食落去都非常爽口彈牙🙈 牛舌亦都非常有口感，佢同日式嘅唔同，佢比較厚身，所以咬落去有另類嘅口感🙈🙈 加埋米粉食嘅配搭都好，鍾意食辣嘅我，尤其我哋點少得㗎呢一間餐廳嘅辣椒油，餐廳自家製嘅辣椒油做得非常出色🙈 有衝動買一支返屋企🙈🙈

堂吃，冷氣未開，我要用点餐紙撥涼幾次，服務員先發現才開，唔夠要夠人數才可以開啟。😅另一男後生服務員，我已進食中，但不停比份餐同飲品我，我已說了兩次唔係我，又唔看單，又唔問人，其實我張檯有另一名食客，佢又唔問人。但付款單又識比兩份對方，我要問雙方取回。這位服務員比較👎👎。這位服務員好想快 d收工，北上嗎😅😅

之前媽咪見到呢間元朗合興隆有黑豚肉餃賣，位置係喺灣仔德仁街，於是放假返屋企之前就去嗰度買咗半斤豚肉餃返屋企俾媽咪食。媽咪話好食。某天我放工行返屋企嘅時候，發覺呢間元朗合興隆竟然開咗間分店喺我屋企附近，於是我下次返屋企就買咗個豬油撈銀針粉，另外雙拼餸係黑豚肉餃加佢推介嘅牛肉餅。買到返屋企梗係俾媽咪試先，黑豚肉之前食過都係一樣咁好食，牛肉餅就同一粒扁咗嘅牛丸冇分別😂豬油撈銀針粉就偏鹹，味道一般，總括嚟講唔會有下次😂

仲以為呢間元朗合隆只係喺灣仔近住摩理臣山嗰邊得嗰一間，原來而家除咗灣仔呢間分店，喺港九各區都已經多咗好多間分店。不過我之前見到灣仔摩理臣山嗰間排晒長龍，排咗外邊又熱又曬，都不是問題，內裏入咗去，仲要搭枱搭上搭，就無謂。我點了個白胡椒湯，想不到是比起家中的胡椒豬肚湯或是酒樓的胡椒豬肚辣得多，非常辣😥。辣的白胡椒味道，辣到喉嚨有點兒嗆；不過由於它是潮州舖頭，這也是正常的，因此你都唔使再試佢嘅辣椒油都會估到辣椒油應該更加係潮州辣椒油咁辣；另外我是了它的菜譜，同樣亦都是，食一粒，好似「辣椒版嘅香口膠」，一野就上頭，然之後頭頂直冒汗。🫨不過佢嘅配料分幾多，因此容易受客人歡迎，例如我叫呢個豬心、豬肺及鮮牛脷，基本上每一樣配料佢都有五六件，因為你內臟其實本身非常便宜，然之後仲要切到薄薄的細細塊，🤤其實成本也不用太多銀針粉嘅份量其實都唔算太多，都只係剛剛吃到飽的那個狀態。😳豬肺細細件的，質感尚可，不算是有些酒樓見到那些大大塊厚實的豬肺，不過味道都算清新。🤓豬心就偏向細化，細塊得唔嚟質地就比較硬實，🙂‍↕️因此都要慢慢咀嚼。最美味的，就是意料之外，在粉麵舖吃鮮牛脷竟然那麼爽口彈牙，可能因為它是鮮牛脷的原因

有朋友曾經推介過, 因為看過所謂食神Ricky San 推介, 從來唔信呢啲所謂廚神講的食評, 尤其是我佢過佢果間祥仔茶記(永康街9 號食過2次) 更加知道咩野料, 間野超難食都好快摺咗, 講真成舊水一嚄粟米玉粒反, 味道真係好so so 果程囉, 抵摺講返呢間元朗潮洲粉面環境好擠迫, 坐得唔舒服. 人手間野算大, 請了3 個樓面一個收銀. 明顯人手不足, 服務和態度好一般啦, 叫做唔駛QR code 落單食物質素點了2 個餐1 個是隻併米粉 481 個是三併撈飯 68小吃蘿白一碟 25見佢出名是爆汁牛肉餅, 一看見上枱, 妖佢老味, 牛肉餅只是牛丸 一開3 應該有2粒, 唔明點解會叫爆汁, 片開3片, 啲汁係邊?  味道唔覺好出色, 反而面環附近有間達豪仔, 味道好有驚喜, 另外是墨魚丸, 普通雪藏野味道沒有特別, 最後是黑豚肉餃, 食完覺得點解唔去附近間餃子店吃. 平凡個平凡. 最出事係個白飯, 啲飯偏硬難食, 成碗野叫好味係個湯, 叫味道香濃, 不過68元,  2 粒牛丸, 2 粒墨魚丸再加5 隻餃子, 真係係貴同唔飽.  食附近出名的燒味飯碟頭應該會飽肚和滿足啲米粉方面, 太太

每次路過都見到排長龍，好奇就試吓呢間潮式粉麵。排咗大概15分鐘隊之後就會入座裏面環境比較狹窄，人比較多所以有點嘈。有粉面同湯飯嘅選擇粉麵嘅叫法有點似車仔麵，我點了這裏推薦的牛肉餅和蠔仔，湯底選了招牌胡椒湯。面的份量不多，但都足料，蠔仔鮮甜是新鮮蠔仔原汁原味，牛肉餅有點似牛丸，味道也不錯。但最可惜的是胡椒湯的味道實在太刺激，胡椒磨得太多。好幾次令我濁親。

原來這家粉麵店有幾間分店，平時午飯時間太多人排隊，傍晚前來試一試。白胡椒湯底 豬膶豬肉丸 油麵 $48胡椒湯底十分鮮濃，適合暖胃驅寒，補一補。有數片豬膶，新鮮、不粉。麵軟硬適中，份量還好。整體份量可以再多點會更好。

外賣豬什米、白胡椒湯底，走肝及肺，除了豬大腸和粉腸可算得上軟之外，其餘的脷、耳及肚均煲唔淋，你可以說是有咬口，但實際上是咬極都有渣，豬耳的骨差點讓我咬崩牙！聞名已久，以豬什起家的舖吃出這狀況實在令人氣餒！湯底只係覺胡椒的辣沒有香，只有米粉算合格啦。𠄘惠$59，價錢可以接受，但性價比不高。冇乜需要只怕日後也不會再去幫襯了。發現這店短時間內開了不少分店，估計有人想擴充生意，上市🤔？不過似乎逃不過坊間食肆開始擴張就出現食品水準下降的定律。可惜。

上一次幫襯摩理臣山店估唔到而家係灣仔半山後街咁近嘅距離都開多間🫣難得經過又有啲掛住佢嘅胡椒湯底即刻入去！.兩個人每人點一碗三拼粉麵 $53碗🍜🍜花雕醉雞 $48🐔韭菜豬紅 $38🐷.我自己嗰碗三拼要咗牛肉球，粉腸同豬膶拼油麵配胡椒湯，三個餸都出色，牛肉球爽口豬潤都滑嘅，粉腸夠粉真係幾好食！反觀個油面比較腍，唔係我自己喜歡嘅口感，湯底我覺得冇以前個胡椒味咁重咁辣，有小失望但好彩啲餸好食救到😂😂.枱上面嘅辣菜脯同埋辣椒油都值得食！尤其係辣菜脯真係超辣好惹味，鍾意食辣嘅朋友唔好錯過🌶️另一碗要咗珍珠蠔仔、鯪魚球同牛肉餅配河粉豬骨清湯（因為男朋友唔食得胡椒湯）珍珠蠔仔喺香港嘅潮式粉麵檔都比較少見，所以好難得有得食，每粒都脹卜卜好食🤤個湯底有啲似茶記自己叫貨嘅豬骨濃湯加水或者係即食麵嘅豬骨湯底😂😂我會支持要返胡椒湯如果你食嘅話🤣🤣我哋兩個不嬲都好鍾意食豬紅，所以見到牆上面貼咗韭菜豬紅即刻要叫碗！如果單餸叫好似加$13，佢個豬紅係跟胡椒湯底，份量略嫌少咗啲以$38嘅價錢，豬紅質地好食嘅，唔會碎濕濕，整體不過不失，下次就未必再叫了今餐最印象深刻係呢個花雕醉雞$48！男朋友極力推薦要食！雞胸唔會好嚡，個

放工心血来潮想食豬膶，第一時間諗起去呢間食豬什馳名嘅地方同行友人叫左個豬什撈飯⭐️⭐️⭐️⭐️1/2🤣首先，我哋都好喜歡邪惡的豬油撈飯，個豉油唔死咸，好惹味，有細個時食冬菇亨嘅蒸飯豉油嘅味道 至於豬什，份量都唔少，冇騷味，洗得乾淨，最正係個白胡椒湯，好入味少少辣，如果冬天飲返碗一定暖笠笠。三餸（豬潤豬肉丸豬手）撈麵⭐️⭐️⭐️⭐️我個人認為叫三餸的份量不及豬什多，但女士就剛好嘅！豬膶夠嫩滑、豬肉丸好味彈牙、豬手也不錯吃 至於麵質，我認為略淋左少少，個豉油係一樣嘅，撈埋一齊食，好味。

🌟餐廳主要係食豬什，同埋唔同嘅內臟，佢嚟灣仔地鐵站囍帖街出口大概係2分鐘路程，都幾方便，我今日就叫做一個三個唔同嘅餸，再加米粉，$53，牛猁嘅味道，我覺得幾好食，再加埋本身胡椒湯嘅味道更加夾，反而豬粉腸有一兩件有少少苦，豬潤就有啲住得太耐，令到成個口感有啲差，不過總括嚟講多幾好食嘅，呢一個價錢都冇乜嘢可以忐忑，另外要介紹吓佢嘅菜舖，非常開胃好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟

呢間係第二次同同事吃了 黎親都排隊 不過真係好吃既白胡椒湯底配豬肚 加 墨魚頭 米粉豬肚 洗得好乾淨 無壓味墨頭頭好爽口彈牙加埋豆漿 又5係好甜 細細支 剛剛好嘗試埋辣椒油 先香後辣 不妨一試