全記點心專門店 (已結業)

放假諗住輕鬆下，所以今日就去飲個茶、食個點心全記點心2:30就開始下午茶，好多人係店外排隊等飲茶，望一望都十分抵食，各款點心$13唔好以為$13蚊點心會唔足料，事實係賣相唔錯、足料，而且款式都好齊，店內環境懷舊蝦餃皇，大大粒，一籠有3粒入面冇偷工減料，啖啖蝦因為同友人都比較鐘意食蝦，所以叫埋蝦春卷，即炸即上，春卷入面真系捲成條蝦，好鬆脆同朋友總共叫左7樣嘢，加埋以上2樣仲有燒賣、金錢肚、鳳爪、叉燒腸，食到飽一飽。埋單100蚊都唔洗，唔洗加一，茶位3蚊，係一人一杯提供茶包。

.想食點心又唔知去邊好？💛「全記點心專門店」係光榮冰室老闆開嘅點心鋪普通時間嘅點心大約$20-30而早餐、下午茶同宵夜時段係超級抵食！$36-39就有兩款孖寶點心啦🤤除翻開都係十幾蚊一籠～午餐都有勁抵食嘅套餐！$49有盅頭飯/粥、點心、菜、茶/豆漿.食物嘅質素都正正常常（應該係工場攞貨🤣）推介黑金流沙包同埋鴛鴦燒賣😍流沙包係超靚，啱晒打卡～鴛鴦燒賣就有蝦肉同牛肉燒賣，一籠可以試兩款點心.兩個人食咗百幾蚊飽到痴線大家想食點心可以試下全記啊😙.鴛鴦燒賣 $25黑金流沙包 $21流沙奶黃煎堆仔 $23蜜汁叉燒腸 $25魚翅餃 $21瑤柱珍珠糯米雞 $27———不專業評分💯食物指數 🍴: 💛💛💛🤍🤍環境指數 ⛱: 💛💛💛💛🤍抵食指數 🤑: 💛💛💛💛💛推薦指數 👾: 💛💛💛💛🤍———📍全記點心專門店荃灣兆和街16號地舖———👉🏼 #ewhk荃灣 #ewhk港式 #ewhk黃店#荃灣美食 #荃灣黃店 #黃店 #黃色經濟圈 #黃店推介 #黃店地圖 #美食推介 #吃貨 #食好西 #相機食先 #香港美食 #美食日記 #一路食一路post #hkfood #foodhk #hkfoodie #foodie

星期日，望完彌撒 (網上) 我哋就去飲茶 ....去飲茶，當然要找一間「黃店」，💛 飲茶地方不多，但唔代表冇 ~嘆茶地點 , 就在這家位於 荃灣－兆和街 (光榮冰室 隔離)，全記點心專門店，就係一間黃店 ~點心種類選擇多，全部即叫即蒸，精巧美味，傳統的或是新派點心都有，而且少味精 ; 座位舒適，價錢平 .... 喺一個唔錯嘅飲茶地方 ~Menu & 點心紙 ~魚翅餃 : 魚翅餃內當然沒有魚翅 , 外觀的的骰骰 , 一籠有三粒 , 細細粒但頗飽滿的 , 餡料滿滿 , 家陣有魚翅餃吃的地方不多 , 有就要點來吃 , 這個味道不錯  ~ 鮮蝦燒賣皇 : 對我來說  , 沒有吃過燒賣 , 就等於沒有去飲茶一樣 , 這家的燒賣既大粒又紮紮實實 , 豬肉餡料的肥瘦比例很好 , 配合冬菇餡 , 好味 ~蝦餃皇 : 一籠有三大粒 , 又大隻又重手 , 我沒有去考究這個蝦餃皮是幾多摺 , 還是什麼 , 只是知道吃進口裏 , 蝦餃皮是煙煙靭靭的 ,  蝦肉餡大件又夠爽口彈牙 , 而且有筍絲在內 , 是高水準的蝦餃 ~鳳凰煎米雞 : 經典菜式之一 , 就是沾上雞蛋來煎糯米雞 , 雞蛋煎得香 , 糯米雞餡料豐

疫情影響下，好耐無出街食嘢啦。 。今日忍唔住想去飲個茶，一盅兩件。。呢間係荃灣嘅小店，鄰近光榮冰室，下午茶做緊大優惠！全部點心紙上嘅點心，都只係13蚊一籠，無睇錯真係13蚊！抵到爛！我地兩個人瘋狂地點左8樣食物！蝦餃一籠係3粒，出面酒樓食最少都大點啦，呢度13蚊3粒，除咗皮較厚之外，餡料好足，蝦肉好多 爽口彈牙！燒賣4粒完全無將貨就價，每粒燒賣上面一樣有粒大蝦，好食！蝦春卷入面不是蝦膠，係原隻蝦拉長捲入春卷皮包住。即點即炸，脆卜卜！炸兩腸油炸鬼乾哂又硬，好油，腸粉皮應該唔係即拉，係heat住，唔好食。。灌湯餃13蚊一碗必食啦！雖然湯頭係清雞湯，不過味道唔差，值得一試棉花雞雞札無左腐皮包住，都好食豉汁蒸大腸坊間小見！大腸無臭味，個味道又幾好食啵，鍾意食大腸嘅你可以試下腐皮角呢款係一般，好油，餡料小又un，不太好食大家唔好以為13蚊好多點心無，其實基本上全部都有！茶位3蚊用茶包的。食物大多即點即蒸，大部分都好食，整體上可以再食，cp值好高！

叫咗魚翅餃+黑金流沙包+馬拉糕+瑤柱炸兩全部都勁淡味，又冇魚翅，冇瑤柱一條都冇。最慘係態度又超差，拎到籠點心過來 又唔會撥開其他野食擺係枱面早茶價錢平均都要$25-$30 真心大把酒樓好食又平過佢好失望！！

平時食開第二間點心店，但係由於疫情嗰間冇做堂食，上OpenRice搵吓荃灣有邊間係食點心嘅，就搵到呢間全記，咁都好評，仲要係黃店，就即刻去試吓～點知大部份點心都相當普通甚至可以講唔好食，都唔知啲好評點樣走出黎嘅。唯一覺得好食嘅就係古法馬拉糕$21，又香又鬆軟。鳳爪唔太入味，叉燒腸粉$25啲皮厚到阿媽都唔認得，每條腸粉入邊得勁少叉燒，千祈唔好食。然後飲嘅茶仲要係陸羽茶包，好鬼Hea...仲要排隊，真係一次就夠。

夜晚想食點心基本上都係得小店 近期疫情嘅關係冇得堂食 呢間竟然平到半價吸客！夜晚9點去買，都唔少人，舖頭俾人係入面等外賣，唔洗企街，落完單大概15分鐘就有。即叫即蒸👍🏻八樣嘢加埋都係$100左右，外賣冇辦法啦所有嘢都係會掉轉咗，賣相會爭啲，最緊要唔影響味道👍🏻中間嗰個係北菇雞飯。燒賣肉實淨又足料，正👍🏻（原價$31）半價鮮竹卷塊腐皮幾爽唔會太林 （原價$21）半價棉花雞啲雞多過北菇雞飯啲雞，食咗條蟹柳先至記得影相😂（原價$26）半價我至愛就係春旦燒賣，依家好多酒樓都冇得食了（原價$24）半價$10左右就有一籠點心，邊度搵，最緊要係價錢一半質素無減👍🏻 總之就係野好食 價好抵 好味😋

真係唔係講笑非常抵食唔來食就蝕底！都咁嘅價錢真係唔係講笑！唔係個疫情咁，小商戶都要諗方法自救努力呀小商戶！大家都支持你！頂住呀！捱下捱下下就冇事㗎啦！努力呀老闆！

💛 #全記點心專門店 💛 #荃灣 香煎菜肉包既包好軟熟，加左蔥花令咬落更加香口 豬肉餡料就普通，如果可以爆餡或者爆肉汁就更加出色 金錢肚多汁入味，咬落好香好爽，又唔會好難咬開 菠菜餃皮係類似粉果既皮，比較黏，菠菜食落好fresh健康，點辣椒油食好夾 蝦餃皮薄餡靚，多蝦肉，食落爽口 牛肉球肉質鬆軟唔夠結實，肉味較淡 豬潤腸粉都幾特別，但味道較淡 P.S. 如果蒸得再熱d就更加美味

荃灣搵食攻略 下午茶點心 超級優惠 $13一款 即點即蒸 新鮮好食 全記點心專門店 C.K Dim Sum 晚市外賣折扣優惠 荃灣兆和街16號地舖 黃藍 光榮 網上外賣平台6月底食過一次,堂食下午茶 全部點心$13一款,不準打包超級抵食,堂食要收茶位費 3蚊位,叫左2款點心,即點即蒸,等5分鐘左右啦鴛鴦燒賣,金錢肚牛肉燒賣同鮮肉燒賣,新鮮熱辣,大大粒,份量同正價一樣燒賣有蝦粒冬菇粒,味道唔錯,口感豐富!咬開好有肉汁!金錢肚力推,底托既唔係蘿蔔片,係麵根,更加吸汁咬落有彈性,醃得夠入味,少少辣好滋味!另外第2次係禁晚市叫外賣,7折優惠叫左八款點心都係$135咋!!好平!!自取都係等5分鐘就有齊拎得走鴛鴦燒賣,金錢肚,鮮竹卷,,牛肉球,魚翅餃,蘿蔔糕,叉燒賣,菜乾豬骨粥每一個外賣盒收1蚊,總共收7蚊,大家可以慳D自己帶餐盒去裝豬骨粥超大碗,幾香綿,非常足料,有肉有菜乾,香味夠,份量足,唔錯呢上湯鮮竹卷?成碗湯入面有一隻特大餃子...放滿餡料,但味道偏淡,不過都食曬牛肉球好食,肉有彈性,三大球蘿蔔糕就爭少少,煎得太乾,但夠香口,同埋比較散,但呢個價錢收貨魚翅餃,滿滿既餡料,有粉絲,蘿蔔絲,肉

呢間點心鋪門口成日都有好多客等位、等外賣，好耐之前已經想買黎試下，今日終於的起心肝食一次。試完之後，終於明點解平時有咁多人食。今次買左好多樣野試下，印象最深刻係個瑤柱炸兩腸，因為一般酒樓都係預先準備好，客人即叫即蒸，所以炸兩會淋晒。但係呢間既炸兩食落仲係脆既，而且落單既時候，店員講明呢個要等一陣，所以我估佢係即叫即包，而唔係預先整定，食落先可以外軟內脆，非常有誠意。而其他點心都係水準之上，而且價錢唔貴，依家晚市外賣仲有半價，好抵食。

一直都發掘緊仲有冇💛嘅點心舖，跟住就搵到荃灣呢一間💁🏻‍♀️~Total 叫咗1個盅頭飯(鳳爪排骨飯 $28)同5個點心🍁 沙嗲金錢肚($26)金錢肚好夠味，燜到好淋身，完全唔韌，係推介之一🤤~🍁 黑金流沙包($21)流沙包一上檯就凹咗啲，可能係因為麵包比較軟熟所致，而流沙效果唔算好突出，奶皇餡唔平均，有個好多而有個就好少🙈~🍁 南瓜芋絲餅($25)份量比平時酒樓食到嘅芋絲餅細份，芋絲餅中間有啲南瓜蓉，但芋頭味蓋過咗南瓜味，不過煎得好脆口😇~🍁 脆皮蝦腸粉($32)本身以為係類似炸両，但原來係蝦同腸粉中間加左比油炸鬼仲脆嘅脆皮，食落都幾夾幾特別，值得一試🤩~🍁 鮮蝦菠菜餃($25)蝦大大舊，菠菜份量都好足，味道就不過不失，但餃子皮爛晒，可能蒸得太耐🙈

一直都發掘緊仲有冇💛嘅點心舖，跟住就搵到荃灣呢一間💁🏻‍♀️~Total 叫咗1個盅頭飯(鳳爪排骨飯 $28)同5個點心🍁 沙嗲金錢肚($26)金錢肚好夠味，燜到好淋身，完全唔韌，係推介之一🤤~🍁 黑金流沙包($21)流沙包一上檯就凹咗啲，可能係因為麵包比較軟熟所致，而流沙效果唔算好突出，奶皇餡唔平均，有個好多而有個就好少🙈~🍁 南瓜芋絲餅($25)份量比平時酒樓食到嘅芋絲餅細份，芋絲餅中間有啲南瓜蓉，但芋頭味蓋過咗南瓜味，不過煎得好脆口😇~🍁 脆皮蝦腸粉($32)本身以為係類似炸両，但原來係蝦同腸粉中間加左比油炸鬼仲脆嘅脆皮，食落都幾夾幾特別，值得一試🤩~🍁 鮮蝦菠菜餃($25)蝦大大舊，菠菜份量都好足，味道就不過不失，但餃子皮爛晒，可能蒸得太耐🙈

同朋友去荃灣食點心上次飲茶有fd 唔食奶皇包今次就點左流沙奶黃包.喺出面都等咗10幾分鐘門口張紙只接待廣東話人士好好笑😂鴛鴦燒賣原來係牛肉燒賣再加普通燒賣，同朋友都唔食牛肉球，見到上菜果時以為上錯菜，下次要睇真啲個Menu先得，不過佢味道似係7-11嘅牛肉燒燒賣而唔係傳統嘅牛肉球味。🙈🙈🙈 而奶皇包係冇流沙，但係朋友上次嚟食佢話係有流沙，只不過係今次唔好彩🤧😭.人均消費：$50-100.全記點心專門店 🍴荃灣兆和街16號地舖

父親節決定同爹哋飲茶！但好多茶樓都係態度唔好，嘢食又油膩！阿哥最後介紹左呢間全記點心。估唔到所有嘢都熱辣辣即叫即整。-臘味飯：廿零蚊有一大條臘腸同埋四舊臘肉，飯乾身再加上臘肉既油香，好食！-牛肚最驚酒樓食嘅牛肚咬唔到，呢個就唔會啦，一咬落去就可以分開。搭真啲仲有牛肚小小嘅蘇味！正-最驚豔都係灌湯餃。灌湯餃好大隻、皮薄餡靚加埋啲湯，無得頂！-黑金流沙包反而就失色咗啲啦！一上碟嘅時候表面都唔係脹卜卜、反而凹左落去。咬開之後都唔係好流沙，不過不失啦！