影片
港鐵觀塘站 D4 出口, 步行約7分鐘
繼續閱讀
電話號碼
23833089
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
平台係計對餐廳及食物，就先講下，食物擺盤幾好，食物係叮熱的，但味道沒問題。因為喺嚕貓店，只提供紙包飲品，這也沒問題。重點來了=空氣質素惡劣，嚕貓好開心滿意，但事後上番街道地面時（餐廳在地庫），我竟感到馬路旁的空氣比餐廳內更舒爽D。下面詳述環境，空氣質素及主子質素餐廳本身在地庫，樓底高，加建閣樓，分成2層。樓上放了好多雜物，主要讓小孩兼做手工班。當日係週末中午，唔知係我太早？（*其實都開門後2小時便入座）定職員清潔唔切。首先地下層正中，明顯有剛俾主子們用膳後的狀態，大部份主子都在休息間睡著，所以我地轉往閣樓先參觀，因為閣樓有活躍的主子們在徘徊，一上到去便有刺鼻的貓尿味？！好濃烈的阿蒙尼亞味（*我帶住N94口罩都聞到），我見到中央空調的隔塵網都黏滿貓毛，因為才初到餐廳，唯有強忍氣味先跟主子打卡，職員亦襯機將小食先送上，原意想我們未被主子包圍前可進食，但可惜氣味濃郁到打開口罩進食時已作嘔。我嚴重懷疑職員們的嗅覺是否已壞了，所以未能逗留15分鐘已落番地下層。地下層的氣味比只係比閣樓減輕，但仍是有氣味的，之前讓主子用膳的地方都被打翻水盆，整個中央位都是水。。主子們仍在週邊徘徊，可笑是職員們到底在做什麼，竟冇人發現，我唯有出聲要求清理，否則根本沒有太多空間跟主子互動。難得地下層的設計光亮及木色系，作打卡背景是一流，可惜氣味太惡劣。主子們本尊=大部分名種貓，數量多，毛順滑也乾淨，只看外面，我相信平常照料及補充品等都充足的，而且大部分主子都活躍主動會宴客，以嚕貓店來說，主子們質素及反應都好滿意。職員（客服）表現=初接待我們的，應該較資深，未入餐廳門時，只叫我們除鞋，套對腳套便可入去，但我地除左鞋，坐在門外板凳，等左5分鐘，未見有人取腳套出來，唯有又在門外揮手，個職員才出來話=你地著埋腳套入得來啦，我反問=我誤會你在店內拿出來俾我們呢，請問腳套係邊呢？個職員就指一指板凳旁的紙箱（*箱面是蓋好的）話=係裡邊。 然後就返入店內。。。令人無語，我又唔係職員，點知你的物品放邊，更唔會隨便打開一個類似淘寶到貨的紙箱吧？！進店後，資深職員派菜鳥職員先向我簡介收費套餐及嚕貓規則，還不避嫌咁指引及糾正菜鳥職員要怎樣表達用詞去向我們銷售收費套餐。。。。又一次無語，大姐，唔該你行埋一邊教啦，咪阻住客人時間。打後介紹主子們的姓名，性格及至serve 小食，店內打掃清潔都係菜鳥職員笑容可掬，語氣親切地一打十去做，資深同事合共2位只係適時出現，例如管理主子出場數量，教客人如何跟主子互動。其他食評提及的“黑臉”職員，我倒不見，但資深職員態度散慢，又不熱心待客，這是明顯的。在購買2小時套餐後，我認為集中跟主子們互動才是王道吧，主子無罪，嚕貓有理。所以對於店內的氣味問題，見到職員們都無動於衷，相必都已經鼻子失靈，搶救無效，正如食煙的人唔覺自身的煙味夠重。總結=成間店主子質素高，集中嚕貓，你不會失望。但食物只是合格，沒特出地方。
繼續閱讀
🔸動物穴🔸🔆有冇人都好似我咁，一直都好想好想養貓，但因為屋企環境唔係太適合，一直都未有機會養。今次有機會係動物穴睇下同摸下啲咁可愛嘅貓貓真係好開心呀。仲有小小野可以食，所以好想同大家分享下~🔆今次依間貓cafe係觀塘，距離地鐵站5分鐘路程，不過門口就有啲隱閉，大家可以參考佢社交平台嘅教學搵到佢門口。入去之前都要著佢地嘅襪同消毒雙手。入到去見到地方有2層，非常非常之寬躺，就算眼見到有好多貓，都唔會覺得逼，除左咁多貓貓之外，仲有2隻🦁先生最中意的雪紹。咁始終都比較多動物，難免會有小小味，但我覺得可以接受的。🔆我地係平日6點幾去，佢就有個用餐優惠，138/1.5hr包埋食物。唔同時間去都會有唔同優惠，大家可以係佢地社交平台睇到更多詳情!🔆前菜佢地前菜唔一定次次都一樣，我地今次係芝士年糕。年糕都烘到暖暖，好chewy，芝士就冇拉絲，但鹹鹹地幾好食。🔆公司三文治公司三文治相對就乾啲，主要配料係午餐肉同蛋。但勝在大大份。🔆菠蘿豬扒焗飯焗飯熱辣辣，豬扒軟熟又有咬口，啖啖肉，亦唔會勁酸個隻茄醬。我地一致覺得佢幾好食。🦁先生話佢好食過大X樂焗豬扒飯😂😂信不知由你啦就。🔆甜品就簡單雪糕同小蛋糕，味道就普通啦~🔆不過大家去得依啲cafe都係志在啲貓貓架啦，所以食物質素就冇好期待，係咁嘅情況之下，佢地都算做得好好，仲有咁多貓貓陪你一齊食，真係好開心。食食下，佢地仲會係你腳邊行黎行去/跳上你到，真係好幸福，好悠閒。🔆場內仲可以比小朋友整下小手工，不過我地掛住同啲貓玩就冇特別整到啦。想比貓貓寵幸都可以買啲乾糧同濕糧，只需10蚊，你就可以統領貓界(講笑😂🔆Overall🐭🦁都玩得好滿足，亦有種真係自己養緊貓的feel，真係好開心! 我地覺得依個地方岩哂大人細路，同未能夠養貓的貓奴們！🔆Pleasure指數（滿分5粒🤩）🐭小姐：🤩🤩🤩🤩🦁先生：🤩🤩🤩🤩📌地址：觀塘觀塘道436-484號觀塘工業中心第一期地庫F室🎐Foods are powerful🎐#Pleasure食#Pleasure觀塘#Pleasurer#hkfoodie #foodie #hkfood #hkeat #food #foodstagram #hongkongfood #kwuntong #cats #ferret #chill #hea #觀塘 #貓貓cafe #觀塘推介 #觀塘好去處 #合家歡 #小朋友好去處 #拍拖好去處 #朋友聚餐 #好食 #美食推介 #吹水 #動物穴 @honeymoon_pet
繼續閱讀
動物穴是一家位於觀塘道觀塘工廠區的動物餐廳，這裡有許多可愛的貓咪，是一個由寵愛動物人設立的人性化、人寵共用的空間。如果你在假日想找個地方放鬆一下，喝杯咖啡或茶，做手工藝，閱讀一本書，甚至和朋友一起拍照打卡，這裡是個不錯的選擇。然而，不得不說，食物的質素真的有點讓人失望。或許因為餐廳的主要焦點是動物，所以對於食物的品質和味道沒有太多的關注。無論是菜單的選擇還是菜品的味道，都讓人感到一些失望。儘管如此，如果你是個動物愛好者，而且只是想找個舒適的地方與可愛的貓咪互動，動物穴仍然是個值得一試的地方。但如果你對食物品質有較高的要求，可能需要考慮其他選擇。
繼續閱讀
到訪時間喺一月 補寫食評第一次去，店員好親切介紹店內規則、貓咪名同性格。大部分貓咪都好親人，好容易就摸到貓咪👍店內空間好大有兩層，可以隨便坐下和貓貓玩😁當日六點入場，入場費包一份小茶點，亦有其他套餐選擇，詳細資料可以在店舖社交媒體網站瀏覽❤️
繼續閱讀
阿女考完試好早放學，嗰晚我有班，例牌帶佢去搵新cafe打卡玩兼影相，結果搵到觀塘一間好多嘢玩貓cafe，又有新小動物雪貂，又有好多可愛貓貓同貓B😻😻，大部分可以抱住玩(以往去其它貓cafe唔畀抱架😅)同影相，入場員工好細心介紹不同貓同雪貂名字同性格，分兩層樓環境靚，又可以餵貓食零食，又可以玩手工(我地揀相對簡單嘅馬賽克杯墊)仲可以扐走，又有一罐飲品同精致小食🤤, 仲可以追蹤網頁自制棉花糖，好多嘢玩好忙呀🤣🤣2小時都爭d唔夠，Jana仲記得用成語 樂而忘返🤣, 下次會再嚟玩過，平日下午每人$78＋50=$128都好抵啊😻😻
繼續閱讀