勝香園

營業中

休息中

閒日Lunch time去食，排左15分鐘左右。叫咗個蕃茄雞扒炒蛋麵，蕃茄湯好濃郁，雞扒肉質幾嫩滑，配埋炒滑蛋非常之開胃！另外牛油檸檬蜜糖脆脆，咬落非常脆口，味道甜甜酸酸的，但食唔到有牛油味，下次會試埋奶油脆脆。美味指數：😋😋😋😋環境指數：⭐️⭐️回頭指數：👍🏻👍🏻👍🏻👍🏻地址：勝香園 (中環)中環美輪街2號排檔

係附近睇完醫生就搵下野食，search open rice見依家好似大受歡迎就一於試下啦！本身都好中意有風味既老字號茶記，主食我就叫左佢地最馳名既茄牛餐蛋通，目測起碼落左幾隻蕃茄，牛肉都好鮮味，簡直份量十足又好味！小食叫左檸檬蜜糖脆脆，建議食麵之前可以食左先，酸酸甜甜好開胃👍🏻野飲就叫左杯凍奶茶，茶味濃郁但最衰唔記得叫少甜🙈總結而言勝香園都係一間非常值得試既地道風味茶座，在座都有好多外國旅客慕名前來！

勝香園聞名香港海外，除咗因為大排檔嘅佈局，仲有遠近馳名嘅蜜糖脆豬～幫襯嗰日都遇到好多韓國人，甚至連指示牌都有韓文，證明真係受到唔少旅客嘅青睞🤓我叫咗牛油檸檬蜜糖脆脆($23)同埋蕃茄鮮牛肉通粉($37)，見唔少人都係嗌公仔麵，但個人覺得蕃茄湯底同通粉更加夾😆蜜糖脆豬擺到米奇老鼠咁樣好得意，攞上手好輕飄飄、咬落去”sok sok”聲超脆，但咬多幾下就會發現好乾，好似有啲烘過龍😗而且冇咩牛油香味，表面嘅蜜糖亦都唔足以搽勻成塊麵包，愈食就愈覺得吸晒啲口水🙈睇嚟都係叫返普通嘅西多會好啲～因為通粉係會撈埋啲蕃茄湯底煮，唔似公仔麵咁啲蕃茄會淋喺面，所以望落啲料就好似比較少☹️不過勝在通粉嘅軟硬度適中，湯底亦都好濃嘅鮮蕃茄味、食得出真材實料，牛肉大大塊又唔會疏到冇曬肉質，的確係一碗有水準嘅茶餐廳通粉👍🏻

友人杯檸檬茶無叫少🍬，飲糖漿咁，我杯少甜就無茶味無甜無檸檬味。碗通粉，呢碗野係其他茶餐廳的話一早執笠，全部罐頭番茄懟落去d水度加少少鹽咁，就咁多年來都無數人排隊，無濃郁的味，無炒香番茄的味，唔甜唔酸唔鹹淡到不得了！！係乜嘢味都無，只要罐頭番茄的口感。裏面個炒蛋老到不得了⋯⋯提早炒定仲凍曬，個檬油豬又係，放左好多好多日，放到乾曬的了，再去烤番佢。救命做咩咁多人排隊，咁無誠意的野！呢間野，完全就係我成日講的，財神要來敲門，你擋都擋唔住。

🍊 餐廳名稱：勝香園🐝 味道：7.5/10環境：8/10整體分數：8/10/💰人均：$50———————————————————係中環依個熱鬧又急速步伐既地段，想食平d又想有本土特色情懷嘅氣氛，咁一定佢會上榜。從裝修設計上，佢選用綠色棚加鐵皮屋設計，有一種舊式茶餐廳既香港風格。無論遊客或者本地人，都很值得去嘗試一下這間餐廳。豬扒煎蛋公仔麵(鮮茄湯底) 💰$37蕃茄既料好多，冇太多配料味道，但蕃茄味就十足！啖啖蕃茄蓉、好足料，整體係一種好清爽既甜味～ 豬扒方面，佢係咬口，而且煎得幾香口，而且仲好貼心咁切開一塊塊。牛油檸檬汁蜜糖脆脆 💰$23檸檬脆豬係姐姐推介我地食的。味道好似檸檬夾心餅，口感非常鬆脆，但同時有佈滿檸檬汁係上面，但！唔會太酸，因為仲有蜜糖既甜香，兩者份量恰到好處。不過如果喜歡鹹食既朋友仔就應該未必咁喜歡。整體係一個有趣既組合。

難得有事要去中環順便試下想食好耐既勝香園之前睇YouTuber白種元介紹過想食好耐中午12:30去到有4、5人等緊位大熱天30幾度都爆場好多人等位原來係有原因等左幾分鐘就有位坐咁耐涼足咁耐冇出過汗街邊檔黎講溫度控制得好好全場都好多大風扇每個角度都吹得倒唔覺得自己坐係街邊檔食緊野店員全部都上左年紀仲好好好好有禮貌啲老字號同港式茶餐廳都應該要學習下哩個水準！叫左例牌蕃茄牛肉麵、凍奶茶同檸檬脆豬啖啖蕃茄蓉、食到落底都仲係好濃烈既蕃茄湯味、足料、美味、店員又有禮貌、環境又冇預期中咁熱、出乎意料之外、我一路食都一路話哩度好評咁多而負評可以咁少真係有原因、用心經營既老字號檸檬脆豬、夠懷舊、好似小時候食既檸檬夾心餅、好味

勝香園真係超出名，係超過60年嘅大排檔，主要做早餐同埋午餐時段，最出名嘅就係蕃茄牛肉湯通粉同埋各式多士脆脆，星期日1點都排晒長龍，好彩等咗10分鐘就入得去坐！顧名思義大排檔真係我比較熱同埋衛生情況就一般，不過勝在食到香港老味道！溫馨提示3:30就會收檔👌🏻🍞混醬多士 $21 (7/10)多士係厚身嘅多士，烤到好香脆，混醬真係港式風味嚟嘅冇得輸！🍞 牛油檸檬汁蜜糖脆脆 $23 (8/10)豬仔包又係讀得好香脆，非常欣賞牛油蜜糖檸檬汁，甜甜地酸酸地，清新開胃，好食！🍅蕃茄牛肉蛋米粉 $40 (7.5/10)2:00就賣晒通粉，蕃茄湯似蕃膏罐頭去煮，都食到好多蕃茄肉，質感好濃稠，輕微蕃茄味，唔算好酸好甜。米粉比較粗身偏腍但有口感，牛肉份量足，比較厚身，比較瘦，有口感又唔鞋口，真係新鮮牛肉嚟嘅，雞蛋係半生熟，講真味道真係普通，主要係食懷舊。🥤凍奶茶 $15 (7.5/10)叫咗走甜少冰，第一啖飲落去茶味都好濃帶少少澀味，口感好滑嘅，不過冇想像中咁好飲，但都唔錯。推薦指數: 7.5/10其實就真係唔算得上好好食，主要係食嗰種人情味，全部都係60歲以上嘅老人家，手腳比較慢同埋會問候你，慈祥又可愛😆

勝香園係中環一檔歷史悠久嘅大排檔，喺芸芸嘅中環美食之中，佢哋出名好味得來又抵，所以每到食飯時間都會排長龍👬🏻👭🏻.要數佢哋最出名嘅，一定係佢哋嘅茄牛通🥫同埋檸檬豬仔包😋滿滿嘅蕃茄蓉，完全感受到佢哋用咗幾多蕃茄料去整依碗茄牛通🥰因為大排檔係戶外嘅原因，好多時候天氣都會比較熱，蕃茄就啱啱好令到客人唔會因為天氣熱而失去胃口，仲好開胃☺️檸豬亦十分香脆，大人細路都會鍾意食💕如果大家經過開又唔係太多人排隊嘅話，記得去試吓！

勝香園條人龍好似從來無減少過下就2點幾去都係好多人，排到就中暑🥵真係冬天限定，如無必要夏天都係唔去住🍅蕃茄鮮牛肉煎蛋米粉 | $40蕃茄湯底超濃郁！滿滿嘅蕃茄蓉，唔係罐頭茄醬嘅味道味道濃厚，同鮮牛肉絕配

之前已經好想試呢間大排檔，但就曾經摸門釘，今次終於食到呢間老字號。今次叫咗蕃茄鮮牛豬扒麵同埋牛油檸檬蜜糖脆豬，個人覺得還好，唔洗排隊都可以試吓。個麵嘅湯底好濃蕃茄味，但整體有啲酸，個人覺得唔太配麵，而牛肉、豬扒就正常湯麵嘅水準，不過不失。脆豬的好脆，口質一流，但味道就同某牌子嘅檸檬夾心餅好似，所以唔太鍾意食。另外講下個服務，之前有睇其他評論話佢哋服務唔好，但今次個人覺得唔錯，店員好主動咁服務我，同埋會問有咩需要，亦充滿笑容，呢方面體驗唔錯。

昔日大排檔買少見少，如果想體驗下舊式香港風味，🐷推薦呢間已開業超過60年嘅老店。 唔好睇少呢間大排檔，雖然坐得唔係太舒服，冇冷氣只得風扇風機，但食物質素非常高，難怪平日中午時間，即使烈日當空，都有好多上班族排隊用膳。今次🐷就一次過介紹3個招牌菜俾大家🥰 🍅蕃茄鮮牛肉通粉 $37相信好多人都認同蕃茄🍅同牛肉🐄係絕配👍🏻香濃蕃茄湯底，成個湯都係蕃茄茸同蕃茄粒，係滿滿嘅茄紅素呀！牛肉偏嫩滑，好食🥰 🍞牛油檸檬汁蜜糖脆脆 $23口感非常鬆脆，檸檬汁🍋唔會太酸，中和左牛油🧈嘅膩感，同時保留牛油同檸檬香味，兩者份量恰到好處👍🏻 🍸凍咸檸七 $23咸檸同檸檬🍋再加七喜，咸檸份量算多，飲到最後都未飲哂，消暑之選👍🏻

🥰 傳說中嘅 “鐵皮屋茄牛通” 算係香港文化遺產, 唔少遊客認識.🏘 “餐廳” 真名 “勝香園”, 細細嘅鐵皮屋, 搬幾張枱櫈出嚟, 就係大排檔, 地理位置喺 “九記牛腩” 斜對面.🤗 咁有咩咁出名呢? 就係電視劇集經典拍攝場景. 食物亦非常巴閉, 可能係 “蕃茄牛肉通粉” 同埋 “檸蜜脆脆” 嘅始祖.🥢 今日到此一遊, 嚟個 蕃茄牛肉餐肉通粉, 配凍奶茶. 人手落單, 人手心算埋單, 只收現金, 哈! 少於一千呎 “樓面”, 六個伙計, 兩個廚師, 哈哈哈!🍅 蕃茄牛肉通粉, 加餐肉. 聽講落咗忌廉雞湯, 比其他餐廳版本濃味, 蕃茄真材實料, 通粉軟硬適中, 再三建議點通粉, 蕃茄味冇咁夾公仔麵.🧋 凍奶茶. 天氣太熟, 飲唔到熱奶茶. 正常發揮吧!🤗 總結: 食物出色, 熱到流汗, “情懷” 真係無價嘅. 窮遊恩物, 必訪景點!

好耐好耐冇食勝香園啦，耐到都唔記得咩味🤣咁啱排到我哋就截龍，好彩等咗唔係好耐。· 牛油檸檬汁蜜糖脆脆眼見每枱都有點，麵包烤得香脆，牛油香👍🏻蜜糖同檸檬汁好夾，少少酸，唔會太甜，好味。· 番茄雞扒/牛肉麵湯底好濃番茄味，好多茄蓉，雞扒冇乜特別，配牛肉好味啲，感覺新鮮啲，另外有加配雞蛋，湯底取勝。· 奶茶茶底冇澀味，但偏甜。· 凍檸茶

這家餐廳的蕃茄湯腸仔餐肉煎蛋通粉真的是一道很棒的美食！通粉以蕃茄湯為底，口感酸甜可口，非常濃郁的蕃茄，不只有茄膏，會食到粒粒蕃茄，很足料。加上煎蛋，餐肉和腸仔，的豐富口感，味道非常搭配。搭配上一杯冰涼可樂，在夏天吃非常開胃！

☞ 中環 勝香園 ☜———————————————◊ 番茄鮮牛肉蛋通粉 ◊茄味都香，但如果可以加啲鮮茄肉感覺會更好。牛肉份量都幾多，唔會老。配上有半熟蛋黃嘅煎蛋，都幾滿足嘅🙈美味程度: ㊣㊣㊣.5/5◊ 牛油檸檬汁蜜糖脆脆 ◊加咗牛油、檸檬汁同蜜糖嘅豬仔包烤到香脆，係邪惡之選，而食落又唔會好膩😝美味程度: ㊣㊣㊣㊣/5———————————————📍:勝香園中環美輪街2號排檔#為食豬在中環 #中環美食#foodblog #茄牛通 #香港美食 #香港餐廳