包點潮人

營業中

休息中

28蚊2餸飯係好底，但係份量小得可憐，可能真係一分錢一分貨，不過都唔好做到一個薯仔牛柳粒你淨係比薯仔先得架，個做生意心態唔好，偏向左比小d就買多盒，其實可以係價錢收多幾蚊，咁份量係咪可以又多番d呢

建議男士們如要在這家買飯，要買三送，兩送份量少得可憐，食完都唔夠7成飽，特別係有個男人做不送既時候，份量特別少，好心啦成日諗住依度偷啲，嗰度偷啲去賣多盒，唔該有良心啲啦

應該係呢一年內開張嘅，早兩個月去光顧，應該仲算新開張時，份量爆燈，$28兩餸嚟講係抵到爛👍🏻味道亦非常好，唔會重味精/乾爭爭，送飯一流。飯口感適中，岩我胃口嘅，亦好足份量。上兩星期食點心，唔抵！長春卷：燶到不得了，用熱燈照到唔脆口，好韌。蝦肉份量應該係三條加埋用1-2隻細蝦毛🫠鵪鶉旦燒賣：正路，不過細粒，無乜味見到其他蒸籠點心，都好細份，絲毫不吸引，可skip。到今日！！再食兩餸飯（份量如圖）甜酸骨得三件，每件一半係肥膏。但真心好食，肉無雪味，唔油膩感覺。上次都有食豬扒，今次啲肉好碎。份量唔多，但仲飯、餸分盒，唔環保，亦無必要（之前食一盒過）$28嚟講都仲係好抵嘅其實，不過真係急跌份量，希望最少保持現狀。

我都想講 真係垃圾成個包同餡係80:20我懷疑緊自己係食齋包去唐×無咁嬲雖然平姐 但係質素真係勁差鰂魚涌好多餐廳都有早餐仲有好多選擇而且分分鐘高質過呢間希望呢間店可以改善下

見到佢裝左個八達通機，早上路過無現金就幫襯左，之前同事食過菜肉包已經評價過個包係垃圾，話啲菜肉仲少過粒餃子，個時我諗肉貴姐，素菜包應該會好啲掛～.點知！！佢個麵包體好足料，睇得出99%都係包，無厄你架素菜包啲餡你唔認真妹下佢，真係唔會發現佢嘅存在，食左一半都以為自己食緊饅頭，個包size偏細，好似平時酒樓一盅包入面嘅其中一件，相對起唐記個啲賣蒸包嘅鋪頭，真係細左好多，整體黎講，唔推薦，附近早餐有好多好野食～

包點潮人好似哩條街同下面街都各開咗一間對於多公公婆婆or打工仔搵食又多一個選擇但對於唔帶錢出街嘅後生仔嚟講有小小期待佢哋可以多d俾錢方法 例如：alipayhk/八達通⋯