北方餃子源 (皇后大道東)

營業中

休息中

中秋，同BB去左藍屋玩，附近搵食搵到間餃子店~我幾時都咁鐘意食餃子，可能前世係北方人先黎一個碗仔翅，個翅好重蝦味，好好味仲配蘆筍豬肉餃~鮮~食到停唔到跟住叫左5隻煎餃，BB一直擔心煎得唔好食，但係又OK,不過叫蝦肉餃食唔到有蝦。後來廚房大叫冇蝦……就咁。蒜泥白肉都幾好食，肉切得很薄，幾有口感最後點左個炸醬麵，佢係用黃豆醬撈嘅，都有D特色。

朋友話想試吓呢間餃子老店，所以一放lunch的時候即刻走來呢度排隊，因為實在太受歡迎了， 12點半已經有好多人排緊隊入面已經係人山人海，枱與枱之間都真係有啲迫，店員有啲忙。鎮江肴肉 好味道，點埋醋食都係一個不錯的選擇！白菜豬肉餃麵大大粒，個餡好足料，上海麵口感不錯。鮑魚露荀豬肉餃同樣大大粒，點醋食一流。鮑魚露荀切碎哂去包，兩隻味mix埋一齊，唔係好食得出咩味，不過都係好味道嘅。佢地係繁忙時間無得叫煎餃，又無得加單，如果黎食真係要一次過諗清楚食咩先，一次過叫哂

天氣時晴時陰，要不是出猛烈太陽，就是不停落雨，心情差，胃口都唔會好~為了改善心情，就不如來一點特別，午餐不吃飯，不吃麵，就去吃餃子！餐牌上有很多不同嘅餃子，可以放湯、煎餃 、仲可以配麵。點了韭菜豬肉湯餃，煎鮮蝦韭黃豬肉餃，煎京蔥羊肉餃，另外點了一份辣牛筋小食，但忘記了全名。。。餃子可選擇全分十只，或是半份五只，如果怕吃不完，或者想試多幾款，可以點五只！所有煎餃嘅外型都是一樣的！煎京蔥羊肉餃，上枱時很香，熱辣辣還出煙的 ，應該是即叫即煎咬開個煎餃皮，裏面有很多餡料，脹卜卜 的 ，吃五隻其實已經有七成飽，但人是貪心的，試多幾款未嘗不可！所以另外吃了煎鮮蝦韭黃豬肉餃，一樣是十分美味湯餃又是另一個感覺， 感覺沒有那麼油膩。如沒有講明，湯餃是沒有湯一齊上的，但仍然是熱辣辣！辣牛筋小食，全名忘記了。。。酸酸辣辣，十分醒胃，牛筋亦爽口山楂茶經濟實惠，吃過飽飽，又有唔同款，心情好返曬！

一心去食泰麵。點知竟然有落場時間。激死。睇openrice介紹。就試試。估不到3點多都多人。女友叫了2款餃（西洋菜同9黃餃）我就點了酸辣麵。凍奶茶及豆漿，餃子即做。所以都我了10分鐘。/款餃先上。第一口試了9黃。食出材料新鮮。點了小小豆板醬，好味。再試西洋菜餃。比較重味道。但咬落每啖都好足料。不錯不錯。酸辣麵最後到。酸辣湯較小。麵比較淋。但整體係可以再食奶茶唔錯。但18蚊比較貴。豆漿都可以甜味ok

餃子源係我平時lunch既飯堂~平時lunch好多人，一定要搭枱，成日都要等位！同埋午餐時間通常都唔供應煎餃，次次都無得食！今次我的起心肝，放工去食，少人好多，唔洗等或者搭枱，我就梗係叫煎餃啦！韭菜豬肉餃麵~ 有5隻~ 餃子同麵分開上，唔會浸林d餃子！一上枱係熱辣辣既！我一啖咬落去都辣親，入要出煙！條餃子皮邊好脆！菜同肉既調味好好！好鮮！有一隻有少少燶! 但我發覺原來我都係鐘意食湯餃子多d啊~ 煎餃有d熱的氣~個麵係好似上海麵個d黎架！ 粗的！好多澱粉質！正！

抱住試一試既心情離到呢間餃子源（初初係舖頭睇佢地個招牌以為是讀"源子餃"）我很喜歡食餃子，雖然我自己識包，但覺得北方人包既餃子令舎好食，所以成日都出去食。特別係北方餃子。呢間餃子店我想食咗好耐，始終未有機會，終於機會來喇。呢幾日成日落雨，間舖因為一啲都唔近地鐵站，落雨的話人客會少啲，好易有位。我地叫咗酸辣湯羊肉餃，酸辣湯就真心一般，但餃子🥟真係好好味。算係我食過全港最好食的餃子店。同事另外叫咗朱扒飯都好JUICY（雖然不是我杯茶）。各樣食品價錢亦都唔貴，有水準，無收貴。正！！見到最最多人叫的是白菜餃，猪肉餃之類。。。決定下次會逐款試試。（超期待中）

Recommend the zucchini pork dumplings, but not the celery pork dumplings. When I ordered celery fumplings, I expected crunchy and fresh taste, but this dumpling used a lot of the leafy part, giving it a very earthy taste that's not too enjoyable. And the pan-frying it promised turned out to be deep-frying. If you order, pls just stick with normal choice like zucchini and bakchoy, those are goooooood.

今日中午心思思想食水餃，比餃子源好搶眼既招牌吸引左入去，舖頭細細，同埋係午飯時間，要同人搭枱，都有啲啲逼，不過就唔駛等位Menu 既餃子有羊有牛有豬，款式都多，選擇困難症又發作，最後揀左一個荸薺牛肉餃同白菜豬肉餃白菜豬肉餃normal,係新鮮既，肉同白菜比例岩岩好，我略嫌餡料味道太淡，要後加醋先得荸薺牛肉餃就相反，餡鹹度岩岩好，濃味好多，而且有好多馬蹄粒，咬落sok sok 聲，好有口感，推介我幾鍾意呢到既餃子皮，係人手搓麵粉搓出黎，少少厚既皮好彈牙，正另外本身以為浸住水餃既湯望落白雪雪，似味精水，但原來飲落有少少清甜味，而且唔會口乾，意想不到$46 十隻大大隻，又足料，食完估佢唔到又好夠飽，會再黎食

本來就好鐘意食餃子，見到呢間評語都ok就黎嚐鮮，點知，有點失望而回第一次到，當然要食最普通的韭菜餃和白菜餃，我點了這兩款，每樣5粒，26蚊一碗，其實都唔平不過，試新野嘛，無所謂啦！5粒白菜餃，5粒韭菜餃，一杯豆漿，盛惠$63，對一個午餐而言，價錢有點偏高。試食開始韭菜餃咦？！點解唔熱既，只有微溫，隻餃子無煙出證明店家一早整熟晒，放在一旁，待有客點的時後才放上熱湯滾一滾，咁同車仔麵有何分別食餃子當然要新鮮整好才有肉汁從餃子流出，這個敗筆令我十分失望韭菜餃的味道尚算正常，但食下去沒有韭菜味，可能韭菜不太新鮮而致，加上不是很滾燙，普普通通吧，也沒什麼評語。白菜餃原來白菜餃是椰菜豬肉餃，為何不用椰菜豬肉餃命名而叫白菜餃呢？百思不得其解，可能是我見識少而味道，普普通通，沒什麼特別。只要不要抱住期望的心情入去食就無問題啦，沒有期望不會失望

have been trying different dumpling places in town but this is definitely just an average one. ordered 10 pieces of watercress and pork dumplings  at $57hkd, which is a reasonable price. skin is pretty thin and the dumplings are all fully filled. the ratio of veg to pork is 4:6. pork is quite fat as well which isn't really healthy. personally think they should add more veg to help the flavor of the watercress to stand out. i can barely taste the watercress now. the soup is clear but a little bla

自從我六年前實習和同事食這間之後，我之後那兩年一有機會經過就食。不過我搬遷後住得太遠都沒再來。六年後的現在，我巧合地再以另一個實習生的身份在灣仔上班。機會難得，當然要放工來食吓。 今次我選了茴香牛肉餃。料好充足，茴香令牛肉味更著色。食落彈牙。不過可能個厨師揑得太緊，我覺得有點實，變左似食漢堡。🤣餃子皮仍舊滑溜👍🏻雖然牛肉都好好食，但我比較喜歡朋友點的白菜豬肉餃，因為比較清甜同埋沒有咁實。另外，我好喜歡飲佢嘅餃子湯！清甜而且有些許鮮味。毫無味精成份，飲晒成碗湯仲覺得舒服解渴。此外，我還買了些生餃外帶回家。經理好細心咁教我點煮，冷藏方法和期限👍🏻我外帶了一打西洋菜豬肉餃。（利申：麵不是這店的）餃子一樣鮮甜，皮滑餡靚。連家人都問我在哪兒買。🤣雖然闊別了多年，但這店的水準仍能保持著！這六年來我經歷了好多，人事全非，但不變的是我對這間餐廳的愛依舊。哈哈

呢排開始係灣仔返工，都會留意下附近有咩地方有好味既餐廳。今日放工之後要去睇黃子華棟篤笑，次次開場之前紅館既食肆都好多人，所以今次決定係灣仔食完先過去  咁岩公司附近有呢間餃子店，鐘意食餃子既肥鴿當然會黎試下 坐底之後發現其實佢地既餃子有好多唔同既款式選擇，除左有一般既豬肉餃，都有牛肉、海鮮等唔同種類，仲有唔同既京川小食，多D朋友黎既話可以試多幾款。最後肥鴿就叫左西洋菜豬肉餃同雞絲粉皮，等左10分鐘度就有得食。早到既係雞絲粉皮，落左既中式麻醬同豉油 (鐘意辣既朋友可以叫佢落辣)，加埋滑溜既青瓜同粉皮，食落感覺清爽。唯一唔好既係成碟粉皮係熱辣辣...對平時習慣食開凍雞絲粉皮既肥鴿黎講有D扣分食完雞絲粉皮啦，唔知西洋菜豬肉餃又係點呢? 餃子一共有10隻，剛剛煮起熱辣辣，夾起既時候覺得表皮唔會太痴，但食落就覺得餃子皮好薄，又唔會太易爆 所以食得出餡料既鮮味。餡料調味適中，豬肉又唔會有太多肥膏，非常美味 北方餃子源的餃子做得非常出色，而且有好多款式可以一試再試，但小食就有D貴同略為遜色。建議多D朋友一齊食既話就可以試多D唔同款色既餃子 

又來到灣仔工作，今日自自由由的，很好。Lunch hour約了在附近工作的好朋友S吃飯，唔熟路的我當然叫佢推介一下啦，佢話要帶我去吃餃子。.身為專業認路白癡，帶著地圖和指南針就出發了。由運動場附近走到灣仔街市先打電話問朋友，原來就係附近。叻。.到埗，看看門口，就是一副老店的牌面，有氣勢。朋友S推薦了入門的餃子。白菜豬肉餃子 - 大粒，多汁，皮不厚，味道剛剛好，點d醋食，堅正。香炸🐷豬扒米線 - 豬扒炸得香脆鬆軟，配上微微微🌶的調味料，連小胃口的我也差不多把整碗吃完。酸辣湯麵🍜 - 吃酸辣是專業的朋友S表示味道不俗，麵質剛好，但略嫌過辣而不太酸，很認真的在品評。🧐HAHAHA,, 報告完畢。只能説，這裡令一向對餃子沒太大興趣的我有點改觀，我會再光顧的。

十隻韮菜豬肉餃，55蚊，十隻都係燶。上菜果時睇住啲鑊燶震震下，食落水有苦味燶味，但條餃子皮邊又唔脆，咬落去又苦又韌，最基本都搞成噉，其他不試也罷。連埋檸茶，埋單$73。檸茶啲冰有大半杯，兩啖就無曬。

大概七年前嚟過吃，然之後中間都一直冇黎，見到好多評論話啲服務好差，我帶着孩子來有點戰戰兢兢。今天第一次帶着孩子來食，叫咗15隻餃子，味道相當惹味，酸辣湯亦都好夠味道濃郁。服務完全沒有其他評論寫的服務那麼負面，職員固然少帶微笑，但並無黑面不耐煩冇禮貌，叫咗兩次白水佢哋都願意，頗帶善意。到最後我要走的時候，一位年輕的男職員見我帶着推車，非常有禮貌地推開大門，我覺得咁樣嘅服務好好，我下次亦好願意帶着孩子嚟食。