北海道食堂 (已結業)

呢日黎到沙田呢間日本野食放題! 真係好期待! 因為太耐冇去過旅行! 要食番D 日本野思一思鄉~ 我地揀左要呢款極上放題, 入面都有好多野食! 刺身都有好多款! 一定有我最愛既三文魚! 仲有油甘魚! 刺身上枱既速度都幾快! 我地都係食幾多叫幾多, 最緊要唔好浪費~~ 佢仲有好多鐵板菜式可以叫, 估唔到鵝肝都有, 真係夠哂驚喜! 佢既天婦羅真係值得一讚, 茄子超正, 令人食極都停唔到口, 但由於新鮮即炸既關係, 都要D 時間等等, 如果好中意食, 建議一開始都可以寫多2件, 咁就唔怕要等~ 佢仲有好多串燒可以叫, 我最中意就係最邪惡既燒腩串! 食入口勁多油香, 好正, 仲要燒到D油脂脆脆地, 好吸引! 我地今次都叫左D 鍋物, 食下D 菜, 感覺上再健康D hahaahah

黎到沙田呢間都算係新開既日本放題店 北海道食堂，裝修格局都好乾淨衛生，座位安排恰當合理，一班朋友黎食坐得夠曬舒服，唔會話好逼。呢間仲將個廚房搬左出黎，用玻璃做間隔，等食客可以好似廚師發板咁，睇住廚師煮野食，體驗感真係一流，而且d天婦羅同燒物都係即叫即做，所以出枱都仲係好新鮮好熱，唔係翻熱出黎，香口程度真係夠曬出色，趁熱食就最岩。野菜燒，包心菜夠曬脆綠，而且炒得火喉恰到好處，夠曬新鮮，仲配埋菇去炒，調味又夠，食落好惹味，好考廚師既炒功。秋刀魚，燒得好香口，上枱仲好熱辣辣，夠曬好味，燒物黎講，真係必食既食物之一。雞肉菜煲，夠曬香口，湯底好好味，仲突登用埋個gas爐即燒即食，真係好正，一貫佢地即叫即做，食最新鮮食材，又係最即時食，先會係最好食！

這天下午，天文台掛起了8號風球，匆匆離開辦公室。本來想在回家之前去超級市場買餸煮飯，但超級市場人頭湧湧，很難揀到心頭號，於是索性去到北海道食堂，食一頓放題晚餐，免卻煩惱。晚市放題有幾款價位選擇，食物種類有所不同。這夜吃的是極上放題，食物有壽司卷物手卷、刺身、鐵板、串燒蕭文、炸物、料理、沙律和火鍋。飲品和甜品自取，包括汽水、茶飲、雪糕等等。點餐方法是在膠板餐牌上寫上低數量，每次侍應收走餐牌落單後，只需輕輕一抹，餐牌即可重用。這個方法相對環保，值得一讚。先來了青青的支豆，份量十足，一唧入口，少許香甜感不錯。海老天婦羅外表香脆，蝦肉仍帶有甜味，值得多點一些。多春魚天婦羅熱騰騰的，吃至中央時魚子爽口美味。炸墨魚咀非常彈牙，口感一流。串燒牛舌，非常非常彈牙，略略不夠牛肉味，唯口感補足了。燒日式海螺串比較乾身，但味道和彈牙程度都很出色。鐵板蝦火候十足，蝦味香濃，肉質彈牙。鐵板鵝肝非常肥美，油脂極為豐盛。唐揚雞件炸得鬆脆，但又可以保留了內裏的肉汁，相當不錯。想要加一些纖維，因而點了刺身沙律亦不錯。另外亦有芒果炸海老卷和三文魚加州反卷都是水平之上，絕比一般壽司店還要美味。飲品有凍有熱有室溫，例如熱茶、

榮獲北海道政府認證食材來源地嘅「北海道食堂」，一見到即刻book位食！店內空間寬敞，坐得非常之舒服，店員有善，而且有耐性地解釋不同套餐嘅分別，我哋就揀咗中間價位嘅極上放題套餐一定要讚嘅就係呢一張循環再用嘅餐牌，即使不停咁落單，都唔使下世做樹！飲品就自己出去拎，除咗有放喺雪櫃嘅凍飲品，仲有室溫嘅飲品俾你選擇，拎飲品嘅時候仲可以見到師傅喺度燒緊鐵板燒，鐵板餐點都係即叫即整，可能要等耐少少超級推介呢塊燒鵝肝，外皮燒到脆一脆，裡面好juicy 身為鵝肝fans，仲叫咗香芒鵝肝手卷，鵝肝同芒果超級襯，size細細夠食完都唔會覺得太飽仲有仲有一定要叫三文魚刺身，每$1都係厚切，，而且仲非常之鮮味，係出邊壽司店食嘅質素！好驚喜大家一定要叫!嘅種類非常之多平時食放題都好少食到，而且佢嘅餐具都特別靚，食落都非常開心!仲有火鍋食添，咁就唔怕食唔夠菜啦不論無炸物定係鐵板燒定係火鍋，都非常之出色推薦大家去食

疫情之後都好少出街食飯，見咁耐冇出去就想搵吓日本野食，估唔到沙田都有日式鐵板燒放題，個Menu超多選擇，極盛放題。上至刺身下至鐵板燒炸物乜都有。青口好鬼鮮甜，唔會有腥味。刺身方面三文魚超肥美，油甘魚帶子超新鮮，甜蝦非常新鮮呢個價錢有得任食簡直超值，唔同其他放題啲刺身高質素好多。蔥花吞拿魚手卷啲吞拿魚好新鮮，軟殼蟹手卷都算大嚿。燒大蝦配上黑椒好惹味，蝦肉食得出唔係急凍。壽司方面好多選擇芒果軟殼蟹卷，鰻魚壽司都係我最愛，蟹子壽司啲蟹子都好鬼新鮮。燒物竟然有羊鞍，，唔會好友羊so味，食兩三舊都回本。仲有啲羊肉唔會好un.燒生蠔好有水準，夠晒新鮮。好肥美。值得一提燒鵝肝竟然有得食，師傅整到好脆口超好味。傳銷方面，雞翼有肉汁唔會太乾身，燒牛舌雞腎都唔錯。大蝦天婦羅茄子天婦羅南瓜天婦羅到整得好好。牛肉烏冬好食到飛起個湯底好特別牛肉完全唔會好un

中秋夜突然約飯局，附近可以預約嘅放題／自助餐淨返呢間，所以就算食評好壞參半都決定一試。座位唔逼，而點食物係用白板筆寫落膠板度，幾好。我地揀咗中間價錢嘅極上。第一轉啲野食遲遲未到，但後面張枱就不斷上，之後仲聽到後面張枱話有部份食物唔係佢地點，職員周圍問人有冇叫，原來係我地嘅。過咗超過半個鐘都只係嚟咗好少野，食放題竟然可以成枱人等食……唔對路梗係嗱嗱淋嗌第二轉。追問職員，只話係分批整叫我地耐心啲等再等咗陣終於有野食，但都係第二轉嗰啲，好明顯第一轉嗰啲係落錯枱白白呆坐。之後啲食物雖然唔算係快速，都叫陸續有嚟。但總係有數量唔啱或有漏嘅情況。同枱朋友評價當然係好不滿啦。但論食物質素同味道，我覺得係OK嘅。

趁8號風球未打到黎，今日決定收工之後一定要食返餐飽飯獎勵吓自己！最後我哋決定揀返屋企附近嘅放題，佢就係位於沙田中心嘅北海道食堂喇～我哋揀咗佢嘅晚市任食2.5小時極上放題，menu睇落都算有好多選擇，例如：壽司、刺身、串燒、天婦羅、火鍋等等，都幾吸引㗎🥰除此之外，飲品方面都有唔同嘅種類，有成3個飲品櫃俾你慢慢揀，亦都有茶同啤酒等等🍻而我最推介嘅食物一定係佢哋嘅刺身，例如：三文魚！食落好有濃香嘅三文魚味，厚薄切得啱啱好，油脂分泌好平均，而北寄貝都好新鮮，食落好鮮甜爽口，放題黎講質素真係算係唔錯架😂另外日式火鍋都唔錯，牛肉份量好多，肉質都可以～炸物方面好多都做得唔錯，我最鍾意嘅就係咖喱角同炸餃子，餡料十足，食落又唔會覺得好油🥰燒物方面都正正常常，但略嫌調味太單一只有鹽燒，如果有孜然粉味應該會正好多〜甜品部份今日只係得任食維記雪米滋，店員話平時會有雀巢雪糕🍦

講起想食鐵板燒，Google鐵板燒放題見到有文章介紹同食評都幾多滿意，就黎左一試。訂到位所以唔洗等，黎到見到出面好多人等緊位，入面裝修幾靚，卡位闊落坐得舒服，叫左野食都比起其他放題等得耐，漏單呢d就實有架啦，都唔係重點，但野食質素真係有待改善。1. 刺身刺身其實都唔錯算係咁，但就冇其他d食評d相咁靚囉，好似就咁放一堆野落隻碟度，有d魚切到得一忽仔咁，不過都算係好食既一類。2. 鐵板燒入到黎梗係諗住食鐵板燒架啦，等都預左等，但嚴重懷疑究竟係咪塊板已經吸收左日月精華既鹽分，不論係帶子、蠔、西冷、鯖魚定三文魚排，食完真係包寶你生幾粒腎者之石，除左鹹我真係諗唔了其他字形容。3. 串燒都係個個字，鹹。食到有d懷疑人生，究竟係周圍既人都咁重口味定我地食得清啖，返去飲十杯水都搞唔掂。4. 炸物天婦羅算係咁啦，不過d粉都真係有d厚，不過不失。5. 一品料理驚唔飽見到有牛肉烏冬同叉燒拉麵諗住試下，湯底係普通既豬骨湯底，比起串燒都唔太鹹，但最費解係點解連條烏冬都係鹹既? 真係呆左，條烏冬好似點左鹽咁，仲鹹過個湯底，真係食拉麵算啦。6. 日式火鍋食過咁多食完會生腎石既野之後，最正常係呢個，個湯底終於係正正常

颱風過後，諗住食番餐好，見之前屋企人介紹過哩間野唔錯打算去食。去到現場既時候都要等20，30張飛，但已經係兩點幾既時候。咁入座既時候就嘗試左佢地既極上放題，眼見餐廳內都頗為多人 中，心諗食物嘅質素應該唔錯掛？但真係恕我諗太多。首先，餐牌主要分為：刺身、串燒、鐵板、天婦羅同一啲沙律，仲有熟食。喺刺身方面，魚生刀功非常差，時厚時薄，連角切都敢同我講係一件。落單數量永遠同現實數量不符。加洲卷細件過擦子膠，連鋪滿少少魚子都做唔到。蔥吞手卷個pat醬細過手指甲，寒酸到呢⋯其次，串燒真係該店最大嘅敗筆，所有腩肉柴到練緊牙力咁。更不得不提佢嘅牛舌，唔明點樣佢可以做到每串第一舊正常，第二舊韌過橡筋既效果， 叫咗三串，三串都係同一樣效果。鐵板方面，得廣島蠔稍為係正常少少，其他都真係一般，火候控制得極差，質素非常參差。天婦羅同沙律好簡單：冇咗影。直到last order係嘅時候先識得俾返兩碟接我哋，又厚粉，又好大浸油味。$258人頭，可以有大把選擇，請大家三思。

星期日食個午市放題，佢分3個唔同既餐，我簡咗中價既258/位首先一黎到嗌刺身，足足等咗15分鐘先黎第一碟，場內人手嚴重不足，全場樓面只有3個，廚房刺身既同燒野既分兩邊，各3個，難以應付星期日爆滿既情況。另外，呢度標榜自己既串燒同鐵板即叫即燒，燒既時間長 導致食到尾段（一個半鐘頭後）先一次過第一張單既串物同燒物！！！刺身方面，三文魚好多筋 有兩舊有鱗！仲有魚骨咁其他嘅刺身都可想言之。鐵板燒既調味係零 大部分都無味 一係就得黑椒，海鮮一個字概括：腥。串燒既肉類一律過熟，硬！柴皮！完全咬唔郁（唔係我自己一個問題，同行五人，無一例外所有炸物既油温都唔夠，迫唔到啲油出嚟，導致皮唔脆，咬落成口油。結論：如果大家想考慮喺度食放題，唔建議。但見佢呢度有定食既，我未食過就唔一概而論啦。

話係沙田既隱世高質放題絕對無誤！位於新城市廣場隔離既沙田中心商場裡面，北海道食堂好似一間遺世獨立既高級食店咁，總係覺得同間商場有啲格格不入😂而今次我同fd試既就係裡面最高級既極盛放題！極盛放題包左過百種美食，除左有只有嗌極盛先會送上既鐵板大蝦之外，仲有無限魚生燒物同炸物可以嗌，當中以鐵板燒系列最為出色，我翻兜左燒鵝肝過十次都有😆魚生都好厚切同新鮮，淨係嗌依兩樣都值回「放題價」😀反而炸物我覺得嗌一round 就夠皮，啲炸物（e. g. 天婦羅） 既油溢感有啲重😗另外，依度既串燒係行清淡風路線，如果大家慣左食濃味野，依度既串燒或者都唔太啱你😝

北海道食堂 (沙田).自從grad後就好耐無黎沙田，今日係特別日子要吃放題食好野獎勵下自己( ̀⌄ ́).▪️極上放題▪️.佢有三個價錢嘅放題，特上極上同埋極盛，我地揀左中間價位嘅$268/person🥰黎到就緊係自選飲品先，之後再叫刺身！刺身嘅選擇都算多，魚類有油甘魚，希靈魚，𩶘魚等，仲有帶子啊八爪魚等.另外呢到嘅鐵板都幾唔錯，特別推介鐵板廣島蠔及帶子，即叫即整，所以等嘅時間會長啲.串燒同炸物方面，燒雞腎雞軟骨呢啲必叫，個燒大葱愛葱人士必叫，雖然對我而言生得濟辣左啲😂炸物男朋友完全咁愛上左個餃子，encore左三四轉，外皮薄薄炸得香脆，而我都encore左兩轉食炸甜薯，好好食！入面又甜又綿滑！.如果食得多凍嘢想食熱辣辣嘅，仲有鍋物俾你揀！甜品方面選擇唔多，得雀巢雪糕同埋維記雪米糍，不過都有啲特別啲味道，例如紅豆味😆.📌 北海道食堂 (沙田)沙田橫壆街2-16號沙田中心商場3樓50及57號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

想係沙田食放題終於有好選擇啦, 同老公試左”極上放題” $268 + 10% (小童長者仲有85折) 1.5 小時任食, 岩晒我地。刺身有12款選擇, 我最愛既帶子都有, 而且好大粒又鮮甜, 推介!! 希靈魚, 八爪魚, 三文魚都係必食之選。野食上得好快又齊, 無漏單。另一主打係串燒/燒物, 平時出面食串燒都唔平, 呢度有得任叫, 爽呀! 我最愛牛舌, 雞軟骨, 雞腎, 仲有秋葵同大蒽添, 樣樣好味, 唔太油, 夠爽口, 唔會一食就飽。之後仲試埋牛肉日式火鍋, 好多菜, 好入味, balance 返食左咁多魚同肉 😊😊 其他天婦羅都未試就已經飽了, 唯有下次再黎試過! 飲品都有10 幾款有凍/室溫既罐裝自己揀, 仲有雪糕杯同雪米糍, 唔錯唔錯~~呢個餐食到咁飽真係抵呀! 所以都見到好多一家大細黎食 都幾full, 星期六日可能要book定位 😊

沙田日式放題之選🍣🍤🍥🍡🍘🍢🔸極上刺身比較推介油甘魚同白玉豚，油脂充足👍🏻🔸極上鐵板推介鐵板蝦，爽甜香口👍🏻 鐵板野菜用黑椒拌炒，蔬菜爽甜，唔會太油👍🏻 鐵板三文魚扒油香十足，唔會太鹹，細細件啱晒放題想食盡所有嘢嘅你🥰 鐵板香煎廣島蠔，蠔味濃郁但略嫌油咗少少🤏🔸極上串燒/燒物燒牛舌唔錯，爽口唔鞋唔韌👍🏻 燒大葱極正，爽嫩多汁，好多串燒舖會燒得太鞋太乾，呢間燒得好好，encore咗兩次💯 燒秋葵、秋刀魚同雞軟骨都唔錯，幾香口🥰 其他串燒就比較普通啦🔸極上炸物炸甜薯同炸南瓜薯餅必食，炸漿勁薄，甜薯軟綿，南瓜甜到好似食緊奶黃月餅咁，超正超鍾意🥰 青椒天婦羅都勁正，炸漿一樣勁薄，青椒爽脆多汁，椒味十足💯🔸日式火鍋牛肉火鍋唔會太鹹，娃娃菜同小棠菜幾清甜🥰🔸自助甜品甜品有維記雪米糍，勁多選擇，有綠茶、荔枝、雲呢拿、芝麻、香芋同芒果😂 仲有雀巢雪糕，有我最愛嘅香芋味🥰🔸自助飲品選擇勁多，有無糖茶、無糖可口可樂同無糖百事，啱晒唔鍾意飲糖嘅我😂 另外仲有韓國Lotte，同埋幾款啤酒🍻

有部分嘢第一輪落，去到最後都未上！一直唔上，我地一直冇得食，就一路加單！尤其鵝肝會等勁耐先有！落單後起碼等一個鐘！你問佢，佢就會話，要夾埋所有單一次過整！奇就奇在，鵝肝上得特別慢！仲有雞翼，秋刀魚 都要等一個鐘以上！！！鵝肝（碎上！！）第一張單填左8, 5：30落單 ，6：30先上仲要碎到咁，想再加單？咁又要等一個鐘囉！第一輪5：30已叫嘅秋刀魚 去到而家呢刻7點都唔見影！鐵板魷魚鬚唔好以為係食剩；呢個係一份嘅份量黎總括黎講 得刺身上得快 其他上菜上啲唔上啲，最後亦有部分菜冇出現過！唔止我，其他枱都有投訴！就算食物唔差，價錢ok, 都冇用㗎！你上菜上到咁，唔會有回頭客囉！