影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
今日都係買啲嘢上朋友屋企煮飯，就去咗崇光下面買餸，佢假日都有好多唔同嘅嘢買，行行吓就決定食少少小食，就見到呢一間之前都食過外賣嘅八爪魚丸小店，佢仲有最出名嘅炒麵同埋煎餅，今日我哋就決定食八爪魚丸，同埋有少少唔健康嘅炸薯餅🙈🙈 炸薯餅，我哋每人一件，另外share八粒八爪魚丸！八爪魚丸再加埋燒汁再加紫菜碎同埋木魚絲，好正啊！🙈🙈 同埋都幾多人買，keep住有人排隊！八爪魚丸好熱，中間係軟心，再加上新鮮八爪魚！拍得住日本嘅水平🙈🙈
繼續閱讀
得閒過黎sogo行下，由下到上再落返去最下B2超市行，行一陣見口痕痕，又聞到香味，就去左則邊啲立食店。呢間門口做蛋糕特價，加上想食八爪魚丸😈😈就叫黎食。叫左個章魚丸子，加一粒熱櫃既炸蛋炸蛋唔多夠熱，而且皮有啲硬，好在蛋黃仲有小小流心，不過都係唔合格🤣🤣八爪魚丸就唔同，可能咁好彩岩岩做起，好夠熱，外脆內鬆，不過入面八爪魚太大粒，覺得唔夠平均，都ok既。特價焙茶卷蛋糕12蚊一盒2件，食落普普通通，其實唔算特別平。經過口痕可以食下。
繼續閱讀
店名：匠工房秀吉地點：崇光百貨菜式：日式小食八爪魚球 $38 八粒第一次試匠工房秀吉八爪魚球。八爪魚球熱辣辣整起，不過塊皮唔脆，較淋，面頭好多醬汁，味道好濃，仲有沙律醬同紫菜碎加木魚花。入面有大大粒八爪魚粒，好彈牙。都算真材實料。呢度比對面八粒價錢平$10，不過對面塊皮脆d，明顯係燶d。但係呢度都唔錯。店鋪有張木枱可以買完即刻食，就唔係用即棄碟，環保少少。#崇光百貨#匠工房秀吉#日式小食#八爪魚球
繼續閱讀
今日就落咗SOGO下面喺度行，行行吓就見到呢一間外賣嘅日式店舖，主要係買一啲炸物，八爪魚丸，同埋日式煎餅。我哋就買咗炸蠔同埋炸薯餅再加另外一份八爪魚丸。八爪魚丸質素非常高，每一粒都熱辣辣，而且入邊都有八爪魚，加上佢嘅燒汁調味同埋木魚絲，成個口感上嘅配搭都非常好食，忍唔住食完一粒又一粒，炸蠔再加埋他他sauce,亦都係另一個必食之選，而且價錢嚟講都唔算好貴，如果大家行開SOGO樓下買嘢食，不妨都可以試吓呢一間
繼續閱讀
➲ 銅鑼灣 匠工房秀吉➳ 紫薯餅 ⁽⁷/¹⁰⁾麵包糠唔係即炸起都仲脆卜卜，紫薯餡甜絲絲，奶香奶香，輕食之選。紫薯可樂餅。⤵ 匠工房秀吉銅鑼灣軒尼詩道555號崇光百貨B2樓15號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #紫薯 #紫薯餅
繼續閱讀