十二味功夫 (已結業)

港式新派中國風餐廳環境寬敞主打酸菜魚和口水雞 份量十足餐廳亦提供成都小食如紅糖糍粑 川式涼拌小吃菜式如下 酸菜魚片午市定食套餐 終於搵到一間麻辣川菜係可以午餐都食到酸菜魚一人份啦!配白飯同麻辣木耳,仲包飲品一杯 服務真係要讚,一坐低無耐就比杯凍水飲,而家天氣咁氣未食已經降溫仲會比埋一個口罩袋酸菊魚好大碗,入面既去骨魚片份量都有十幾片,小辣已經好夠勁,無骨食好方便不用吐骨加埋白飯超級飽,因為酸酸辣辣好下飯! 見我食辣飲曬杯水又會幫我加水個湯咁正其實可以加粉條仲吸湯,一人份係無粉條既,要大鍋先有既服務好,食物好,值得一試On Wah Building, 40 Man Tai Street, Whampoa Estate, Hung Hom尖沙咀赫德道1-3A號利威商業大廈地下6號舖及1樓評分8/10消費$100

因為係食川菜所以佢哋好貼心咁提供凍水，基本上你一坐低佢哋就會擺支水同埋小食上枱。枱面仲會提供一個袋俾你裝口罩。今次兩個人嗌左一個酸菜魚同埋兩碗白飯。未上枱嘅時候，見到隔離枱啲酸菜魚好大兜，本身仲好擔心兩個人會食唔晒，上到枱先發現其實係得個碗大，入邊啲魚其實唔係好多，不過碗飯其實都真係幾大碗。嗌咗小辣不過感覺上啲魚同埋配菜都唔辣，淨係個湯底會有少少辣。兩個人食完超級飽，對佢個乾鍋都幾有興趣，下次有機會會再試同埋店員嘅服務都唔錯，見到你個杯冇乜水，佢哋都會主動走黎倒

夜晚收工經過見到間鋪有水煮魚食幾吸引，就諗住去試下啦好彩結果冇失望，一黎到勁香水煮魚既味 食落去有正宗辣味魚夠滑 好岩我口味。另外仲叫左份鮮椒田雞 冇諗過會咁辣好惹味 叫左呢2樣配飯真係一流 最後結果當然食唔哂拎走啦。

同友人行完黃埔，諗住搭地鐵返去既時候見到有間食川菜既就同友人講入去試下啦。點知比預期中既好啊😋😋！自選配菜香鍋揀左午餐肉，土豆，蓮藕仲有兩樣吾記得左係咩辣度吾會話非常之辣，一上枱既時候非常香！食落好惹味，同友人馬上加多左兩碗飯大盆花菜想叫多個清淡啲既餸，就問下侍應有無好推介，侍應推薦左個花菜，比想像中既好，係個豬肉有少少老，不過都可以接受值得一提既係侍應好熱情，一入門口就聽到大大聲既歡迎同好有禮貌咁問返我同友人幾多位坐低左之後雖然見到餐廳有好多客，但啲侍應都有不停咁幫我地加水同感受到吾會黑面（因為我同友人係咁問餐牌既野 哈哈）服務同野食質素都比我想像中好！

今次就係同朋友嚟 地理位置非常好 就係地鐵 出口一望就見到 一入到去 啲員工都幾親切 我發現換咗人 之前啲阿姐唔見晒 服務都好咗好多好細心 驚我哋冇位比多張凳我哋擺袋 同埋留意到個餐牌更變咗重點啦 佢個麻辣鴨血真係好好食 送飯一流 唔會有血腥味 酸菜魚 魚片真係好滑 無骨 個湯都好好飲 個湯係酸菜魚嘅靈魂 入邊仲有雞髀菇萵筍蘿蔔片等等整體好食😋😋值得再回頭幫襯 我留意到上菜嘅時候佢哋都好細心報完菜名 之后幫你調整最方便嘅角度 方便食用仲會同你講多謝晒！慢慢食！好窩心 🥰有一點要提一提 就係個地方有少少熱 整體上滿意程度非常好👍🏻👍🏻我哋會再回頭😊

難得見到吾洗等位今日終於入咗去試實在太興奮地叫得太多嘢食酸辣土豆絲 又酸又辣 薯仔絲又爽口干扁四季豆 咸度辣度適中 食唔到太辣既我都食得到朋友係素食者 佢都有好多選擇除咗萵筍同土豆絲 仲有一款花菜都炒得好香又好味 好味到我問職員係咪用豬油炒點左一款麻辣香鍋 點左6樣野 份量好多 必點午餐肉 魚腐 雞軟骨！ 午餐肉同雞軟骨都勁香口 魚腐好入味！啲職員都好Nice 我係咁問佢哋問題 佢哋都好樂意解答我 個個睇落都好年輕但又好好禮貌同態度 相比起其他川菜館 我覺得呢間服務同食物水準真係認真唔錯

早幾個月去過這間川菜館印象不是太好但朋友這兩天吃了 推薦我再去一試 說有點改變 那就去唄。點了一份鮮椒田雞還有辣椒乾炒肥腸加個花菜田雞好入味！！！超惹味 配飯吃一流肥腸也不會太焦 辣同咸都剛剛好 香脆但又能吃到肥腸的香味另外點了一個糍粑 服務員還很貼心幫我安排了吃完東西才上甜品這次跟朋友的飯局真的令我對這餐廳有點刮目相看不只是菜的味道 特別要讚一下服務員的態度很親切，都很忙了還會幫我們加水 換碟子美中不足的是吃到一半感覺冷氣沒那麼強可能因為辣椒的影響吧

話說夜晚黃埔附近食野地方就好多就收左鋪,之後就想嘗試下十二味,去到都唔洗排隊既,地方無我想象中大雖然,但食物都幾好食,尤其雞軟骨比較入味,香鍋都幾好食,其次員工服務態度都幾好,比較積極,值得推介

我食過最難吃的十二味。麻煩你們換個廚師！！！不要做壞你們的品牌！每次點外賣的時候量都特別少，所以只能去店裡買。麻辣香鍋一點都不進味，食材吃起來都很老，腐竹都咬不動，午餐肉都能做的不好吃。小龍蝦🦞全都是死蝦，又貴又小，好多肉就只有蝦頭的三分之一，肉還很柴，太不新鮮了，蝦還沒撥完，肉就碎了，肉看起來黑黑的，太難吃了不知道為什麼跟其他分店差別那麼大，要不是開在這個位子，估計都不會有什麼生意。麻煩你們注意食材選擇，和廚師招聘！

某訂位平台有半價優惠，就黎食個early dinner。人見人愛酸菜魚 偏酸，識食一定係加寬粉杏仁青檸蝦球份量都幾多！蝦球冇乜味，一定要點汁。秘製醬香鍋，好味！又係要有寬粉！😆紅糖糍粑即炸，好煙韌👍熱情果梳打 - 超巨型！有半價嘅話唔錯😊。

放假夜晚黎到紅磡想食辣野, 即刻就諗起附近的十二味, 雖然已經8點幾, 但仲有人排緊隊, 好彩等左15分鐘已經有位. 雖然我地得兩個人但都叫左兩大碟酸菜魚同自選麻辣香鍋, 連侍應阿姐都問我地食唔食得哂😂. 說回味道酸菜魚用左大大塊生魚片同好多酸菜, 生魚片好鮮甜, 酸菜味亦好足, 略嫌辣味再多少少就更好. 自選麻辣香鍋我地就揀左餐肉, 田雞, 土豆, 腐竹同薯粉5個餸, 田雞都算幾新鮮, 薯粉同土豆夾麻辣永遠都咁好味, 而且中辣嘅辣度我地覺得剛剛好, 而且會愈食愈辣, 比較之下我地覺得香鍋更出色. 因為太辣, 飲品叫了酸梅特飲, 又係大大杯好解辣. 最後雖然已經好飽, 但都不忘試埋甜品冰粉, 有啲似桂花糕但係涼粉形態, 又幾特別. 但餐廳入面冷氣唔夠, 左右隔離都投訴無冷氣, 阿姐亦好坦白話冷氣壞壞地, 所以要扣一扣分.

我和朋友两个人去这家店吃饭，准备想着吃点好的，犒劳一下自己。我们是预订的，到了这家店，就有位子了。只不过位子非常的小。我明白香港寸土寸金，但是我们点的菜已经超出了桌子边缘。我想这是因为商家为了得到更多顾客，赚更多钱。我们也不好说什么。我们点了两道菜，酸菜鱼和麻辣香锅。酸菜鱼属于平均水平，不能说难吃，也不能说好吃。我在香港本地也吃到过鱼很滑的酸菜鱼。这家店的鱼一般。等我们第一道菜快要吃完的时候，第二道菜才上来。这是麻辣香锅；我们点了豆皮、藕片、牛蛙、油麦菜和（好像是）宽粉。上来菜之后，我的朋友就开始找豆皮，找了半天也没有找到。我们就问，他们答说忘记加了并且问我们回锅可不可以。我们急等着吃，说行吧。（按道理，应该是商家重新做一份给我们，用那一份来换这一份没有豆皮的。）回锅之后，我们尝了，藕片即使回锅了也没有入味，豆皮是甜的，只有回锅翻炒的时候外面带点辣味调料。酸菜鱼吃完了，麻辣香锅吃了一半。其他不说了，没有下次系列。

見多人排隊唔想等就外賣返屋企食，返到去仲熱辣辣。酸菜魚有水準，同以前返大陸食嘅味差唔多，夠酸夠辣！魚好嫩滑，可惜酸菜食落麻麻。份量算多價錢偏貴，兩人食啱啱好，自己加個麵或少少餸如午餐肉就好夠飽！

平日下午2點半入座 餐廳有一半空枱 大部份食客都係午餐客快將離開 一個人入座 侍應竟然要求搭枱 咁多空位要搭枱 係疫症期間合理嗎？ 乜政府唔係建議社交距離？佢有空位都唔願意實行 想將所有食客坐埋一齊 增加感染風險？餐廳係除口罩既地方 咁既防疫意識點講得過去？我以防疫理由堅持唔搭枱 侍應服務態度惡劣 即刻拎左張咭紙泥我張枱 一張靠牆既四人枱 係中間放張大咭紙 意思是一陣都會安排人坐我隔離 一定要我搭枱 迫我接受佢欠缺防疫意識既入座安排 係我臨走3點幾時 餐廳既入座根本好少 阿姐日日係度點會唔會唔知閒日有幾多食客係2點半後入座？ 所以佢咁樣對客人（入座安排同態度）有咩理據？ 作為一個有文化既人 雖然感覺很差 但唔同啲阿姐嘈 佢竟然見我無太大反應（好蝦掛？）企係我面前 兩手放枱上（即係好似老闆好威嚴咁企係你面前）迫我盡快點菜 這是禮待客人嗎？感覺真的好差 但我一心抱住 根據我過往經驗呢間餐廳係紅磡區食川菜算環境舒適 疫症期間唔想同人迫 寧願坐舒服啲食一餐 就忍佢既服務態度 同時向餐廳枱上面「誠邀」食客俾意見既網站反映左 希望餐廳真係有聽食客意見會改善點知。。食食下 有隻大曱甴係枱上走過 好有

酸菜魚係我至愛，太耐無食喇，今日心癮經過黄埔新村(十二味)分店，好想食酸菜魚，見又唔洗等位，即刻入去食啦，依家疫情，店裡都準備口罩信封套比客人👍午餐價錢一直都keep住$68🥗有前菜🍚飯🐟酸菜魚🥤飲品最喜歡呢個前菜有些微辣，食落開胃酸菜魚我選擇辣🌶🌶肉質非常滑，魚又新鲜，但我覺得味道冇以前咁辣，但食落都濃味同足料，如果可以再辣啲就更加好😆飲品點了熱菊花,唔算太甜好啱我呢個價錢$68午餐套餐👍咁多野算抵啦