原果店

營業中

休息中

嗌左一杯香蕉果昔，餐牌寫住smoothie，結果比左杯香蕉奶昔比我⋯⋯而我唔飲得奶⋯⋯兩名店員定唔知老闆話係咁⋯⋯明明餐牌上面一隻奶字都冇⋯⋯最後被逼加錢要芒果+香蕉，再三強調唔好落奶。得到一杯灰灰啡啡、睇落唔多新鮮仲加左啲冰嘅果昔😫果汁都唔係平㗎！原本淨香蕉果昔係$32，加芒果之後仲要$38，呢個價錢我可以喺其他果汁店買到鮮榨冇加水冇加冰冇加奶既新鮮純果汁！而且佢擺出嚟賣既水果都唔覺特別新鮮☹️唔知點解可以喺海之戀生存到慘痛經歷！冇下次😢

呢間生果店位置方便，令趕時間嘅我上檔😮‍💨😮‍💨表面睇過完全無問題嘅橙，竟然可以成袋無一隻係食得，爛又有，乾爭爭又有，怪味又有！😰😰😰仲要望下啲橙，無用力壓啲橙，都俾個大嬸職員鬧，真係鑲金嘅咩？海之戀其實有超級市場，唯有行多幾分鐘去買有信譽嘅舖！去街市買生果就可能俾人呃、無得揀無得怨！但海之戀咁大嘅商場都容忍劣質商店好奇怪！睇返其他評語都係差！咁差嘅舖都可以滾到幾年！海之戀仲要同佢續租約😮‍💨😮‍💨

係大新買完野先醒起想買個檸檬為新雪櫃除味，經過見到呢間生果舖有檸檬，拎起一個去俾錢，點知一個中年男士（店員/老闆）態度極差+冷笑一下：下，一個？一個真係好難賣比你喎！我唔介意你收我貴d，理解買多平多，或者你話一個唔賣比我，但係你一邊收錢一邊冷嘲客人買得少真係幾cheap，我又唔係開茶餐廳買咁多檸檬返去做咩？諗住呢間生果舖方便買小小野姐，無諗過咁白鴿眼，下次有咩都係去返super market買算，睇返一睇其他僅有既留言都係負面，睇嚟呢間店做生意既態度真係好差

呢間平時主要都係賣貴價少少嘅生果，今日行到口渴，又想懶係健康😂就嗌咗一杯果汁嚟飲呢杯係提子蘋果汁，嗌完之後店員直接將啲材料扔去榨汁機，即叫即做，望住佢扔咗差唔多十幾粒提子同成個蘋果落去🍎🍇一開頭見到杯嘢係黃色嘅時候唔係好聯想到係我嗌嘅嘢飲，後未先醒起蘋果同提子果肉都係咁嘅色🤣飲落去仲會飲到少少果蓉，同埋都幾甜，飲落以佢咁足料嚟講定價都算合理👍🏻見到OpenRice好多人劣評又未至於掛🤭

明明寫住32蚊香印提子汁，佢就話58蚊先係純香印提子，一飲就知溝左水同梨，提子汁底有埋黑黑啡啡既剩餘物，我問負責渣汁個員工點解溝水同梨，佢叫我問返老闆娘 甘即是佢心知咩事 後黎老闆娘話換過第支比我 最後變成青提溝水 仲問我今次係咪無食到梨肉呢，難飲到🤮 仲差過原本個支 重點係佢收返我原本飲左幾口個支 但無見到佢掉垃圾筒⋯⋯希望我走左之後佢會掉返原本個支啦 衞生情況幻想唔到 開頭仲以為商場鋪會明碼實價 原來都係甘無保障

行海之戀，覺得好口干想買杯野飲解渴.眼前見到呢間賣高級水果的果汁店.和朋友買了兩杯牛油果蘋果汁，用透明杯，果汁顏色係咖啡/鐵銹色/生銹色，入口係澀.無牛油果口感 都無蘋果香 唔係重點.重點係視覺上從未見識過如此核突的果汁色，像💩色既果汁，極度令人反胃.一見顏色，已誠懇平和地向店主反映「你杯果汁既色咁既？！咁核突既？」他「係咁架！我哋無溝水架！氧化左係咁架啦！」我地好無言成杯感覺用已壞已氧化了 ，好核突一杯$23-25的果汁 佢水吧建起得好高，客人根本唔會望到店主選用剛切開既蘋果定切開好耐既生銹水果蘋果/牛油果好快變，但店主唔係用已氧化/已爛的水果點會一制作成功就秒變💩色？嬲到扔咗 咁既品質/咁既回應 有興趣想知真假，自行買黎試

最近開始減肥之旅食完韓燒想飲杯西柚汁彌補下罪惡感😖專登由荃新天地行到海之戀飲呢間睇住老闆娘冇落水 冇落糖 冇落冰用足3個西柚！我覺得酸得黎甜甜地好好飲！男朋友就話超級酸，飲到喇哂口面！

最近喜歡行荃灣，因為可以行吉之島，又可以去行驚安。行開海之戀，見到呢間水果店，見到佢嘅車厘子又大又夠深紅，買了一磅黎試。咬左一啖，真係夠晒甜，一點酸味都冇，真的物超所值！

身為荃灣街坊，第一次行海之戀商場，經過呢間新開嘅水果店，見到金枕頭榴蓮外表好似幾吸引，價錢不平，都成$30/磅(買左$20x一個), 諗住物有所值，味道一定比平時超市賣廿零蚊一磅既好食好多，同店員講左我地4個人想食creamy 啲，佢就話呢個榴蓮一定無揀錯，係，我地唔係好識揀，佢亦冇為我地要求好似d老手用刀劈下聽下聲比較下，就開了。拎到返屋企，更不好講creamy, 完全無金枕頭嘅香甜, 有啲失望，亦唔會再幫襯佢買榴蓮了～