台食館 (豉油街)

營業中

休息中

係旺角行完街， 隨意入左呢間@twyummy 見到佢有大poster 就俾佢吸引住，即刻叫左黎食#軟殼蟹蟹肉蟹膏撈麵 軟殼蟹用左鹽酥雞既做法，食落鹹鹹脆脆好好味， 另外配蟹膏撈麵， 食落係一個蟹膏蟹肉同肉碎煮既肉醬，撈起麵上黎好好食， 好香濃好好味，仲要份量超多， 好食又抵食 🤣推介 👍🏾🌻🌻🌻🌻🌻#小食拼盤我地另外再叫左小食拼盤， 我地揀左台灣腸，魷魚鬚，地瓜條， 同埋睇個名開頭唔知咩黎既甜不辣， 原來係一款台灣傳統美食， 食落好似煎堆咁，口感好煙韌，好好味😋 一個拼盤可以多重享受， 正🌻🌻🌻🌻——————#旺角美食 #旺角好去處 #台灣菜 #軟殼蟹 #蟹膏 #撈麵 #先食奇兵 #food #foodie #eat #life #hongkong

🍞蜜紅豆芋泥吐司 $38兩塊吐司烘到金黃色但唔算熱辣辣 同冰過嘅蜜紅豆同埋芋泥加埋一齊好快變常溫首先要讚係兩塊吐司都算厚 口感超級好雖然蜜紅豆同芋泥好似佔咗個包嘅一半唔算多 但因為夾得好厚所以份量好多絕對會爆餡！蜜紅豆其實就係加糖再燜 所以都會偏甜少少 不過好欣賞佢哋嘅紅豆粒脹卜卜肥嘟嘟芋泥味道相對弱但質地綿密厚實 仲食到少少芋頭粒粒🧀️起司肉鬆蛋餅 $36蛋餅皮煎得香脆微煙韌  餡料多但未算爆餡芝士鹹香唔會拉絲 表現正常不過不失點睛之筆相信係個醬汁 鹹鹹甜甜更惹味

今日夜晚同老婆出街食飯揀左呢間野。老實講食物質素叫一般啦，唔算太差。食完之後老婆望張單，點解每個餐貴左5蚊同10蚊嘅？😦叫個姐姐過來問，佢就理所當然咁問我係咪攞左個午餐牌來睇？跟住一手搶左個牌走左去。作為一間食肆，唔係有責任確保個餐牌內容正確嘅咩？！我點知你午餐同晚餐個牌放埋一齊呀？仲要道歉都無聲！

見吾洗排隊入左去試下，員工服務態度其差，系咁反眼，放野食上枱掉比您咁，嗌左夜市香腸滷肉拌麵，個麵一pat野，無味，香腸就好乾，好似臘腸咁但又唔肥，無咩特別，野飲嗌左香芋珍珠奶茶少甜少冰，結果甜過可樂，完全飲吾落去，成杯野都係糖水，啲珍珠勁細粒一啲咬口都冇。老公嗌咗滷排骨魯肉拌麵，麵都系一pat野，個排骨d炸粉成吋厚，又油又難食，全部都系大骨，基本上淨係食炸粉，嗌咗台灣咖啡走甜，難飲過罐頭咖啡。完全吾明點解會有人食，希望大家唔好中伏。

時間有點趕要在熱鬧的旺角解決午餐，唯一要求就是有位，至少不用排太久。看到台食屋不多人，而且價錢算便宜，我們就進去了。鹽酥魷魚鬚滷肉飯 $58這是今天我們覺得較出色的，鹽酥魷魚鬚做得惹味，調味粉香濃，炸粉亦沒有太厚。滷肉有肥有瘦，加上醬油滷汁易下飯✿三寶牛肉麵 $68蕃茄豬軟骨麵 $59三寶麵正常，牛腱、牛肚都ok，另一個麵的豬軟骨則不太入味。台式飲品普通，沒驚喜沒投訴。總括來說快餐質素，對服務沒要求的話是滿意的。

聽同事講旺角豉油街開咗間新嘅台式餐廳，所以今日親自午餐時間做同埋佢哋一齊嚟試吓呢間新野。我哋去咗算早，所以唔係好需要等位就有位坐。餐廳主打台滷肉飯，我叫咗個台式鹽酥雞滷肉飯，同埋一杯珍珠奶茶。佢個鹽酥雞滷肉飯一送到上嚟已經香噴噴，於是我唔等其他人着自己一個食先。鹽酥雞揸得非常之酥脆，肉質亦十分嫩滑。滷肉飯亦都好有台式風味。佢個珍珠奶茶都只係加八蚊，相當實惠，味道亦不過不失。埋單人均五十幾蚊，都幾抵食。

豉油街本身都有好多台灣嘢食，呢一間我相信大家都會成日經過，我地都經過唔少🙈但平時就係唔會點入去食吓，所以今次決定同大家試吓呢間🤣［鹽酥雞滷肉伴麵 $53］呢一個伴麵嚟到嘅時候真係嚇親😱份量好多！小編我地兩個當下午茶食都好夠飽！本身就咁睇以為只係個麵只係用普通滷肉醬撈，已經有少少失望😂但食落去先知係用咗麻醬！麻醬好香，有幾件鹽酥雞略嫌鹹咗啲啲🙈可能係因為啲粉無撈圴。麵質方面就偏淋，不過而呢個價位有呢個份量，我地都覺得味道上係有做得好啲嘅位嘅，不過都真係好抵食嘅！☺️［烤小香腸蛋餅 $36］至於呢一個蛋餅呢，就相對有啲失色啦😢份量都幾細份，蛋香味唔出，食落嘅時候蛋餅同入面啲香腸餡料分開晒😢蛋餅外皮薄得黎好乾身，唔似出面啲蛋餅外皮煙煙韌韌嘅口感🤥如果以$36一份蛋餅，但做唔到台式蛋餅嘅外酥內軟嘅口感，的確係令人有啲失望🙁整體黎講，呢一間如果間唔中經過嘅都可以入去試吓佢地嘅伴麵，味道對比其他台灣店就一定無咁出色架啦，但旨在填飽肚仔呢就可以黎一試啦！

遲左食lunch🍴係豉油街揾食原來已經下午茶時段☕️見呢間人少少 想坐得舒服d 加上見到個Menu都幾多選擇🤩見最想食既蛋餅🥞芋泥吐司🍞大腸麵線🍜都有🤤但最後淨係試左A+B+C下午茶套餐😅$38已經食到咁多野 仲包埋飲品🧋好抵👍🏻🅐🍜小碗滷肉湯麵 麵既份量估唔到都唔少 滷肉真心唔錯 但滷肉份量好少 得幾粒🙁變相d湯無乜滷肉汁 同清湯麵無乜分別😅🅑(任揀3款小食😋)🍖夜市小香腸 - 同我平日掃開街既台灣腸有d分別 雖然味道差唔多 但偏乾🦐墾丁蝦卷 - 蝦卷有驚喜 夠彈牙🏓有蝦味👍🏻🍠甘梅地瓜 - 都唔差 但炸得皮少厚🅒鮮檸紅玉🅐🍜小碗滷肉飯🅑🐷醬軟骨 + 🍠甘梅地瓜 + 🐥鹽酥雞🅒醇香奶茶📍台食館 (豉油街) (旺角)旺角豉油街92號鴻都大廈地下7號舖…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗

行過鼓油街見到好多新餐廳 平日收工都好少出街食 呢日男友約我我地偏偏唔聽話 入左去一間唔洗排隊既咁就出出地事( •᷄ὤ•᷅)⚑⚐゛香酥綜合拌麵 價錢唔算平 不過帶有四款台式餸¹鹽酥雞 ² 魷魚鬚 ³滷肉 ⁴ 香腸兩款炸物唔算太差 只不過唔係新鮮熱辣炸出黎亦無平時既鹽酥味粉 同埋無乜味道 滷肉就係肥豬肉一堆 拌麵份量多 不過麵煮得較淋 上面係蔴醬質地既醬 味道就比較濃除左條腸 其他都食唔出台灣的味道⚑⚐゛自製多工水餃🥟 自製水餃係韭菜豬肉餡 上菜時剛剛蒸起熱到出哂煙不過神奇地煮到無哂韭菜味🤨 淡淡的 咁正好俾個機會試佢地個自家製辣椒豉油 辣味指數直接上升🔝 幸好既係水餃皮唔算太厚 ⚑⚐゛芋泥肉鬆蛋餅 眼見每檯都會叫蛋餅 我又點返份啦兩款餡料量都偏少芋泥比較稀 食唔出芋頭味 肉鬆都無咩味道⚑⚐゛BB 熊珍珠骯髒乳🧋完全被賣相吸引而叫 黑糖珍奶 點左少甜飲落完全無茶味 熊係舊冰🧊而且由另一支飲管督起但隻熊永遠都滑唔到落黎 佢完全同杯珍奶離線 係舊裝飾品要讚的話應該係珍珠幾彈牙啦✰ 其實我覺得嘢食普通都算 但服務態度真係麻麻︎︎我地拎住比較多野 而你點餐前同點餐後 都試過問佢可唔可以調去卡位佢答你出面

耐唔耐都買下嚟食，勝在少人唔洗排隊，隔離幾間舖好多人，咁熱真係唔想等之前整體質素一般，唔貴都ok，餐牌都算多選擇宜家食物水準差哂有個女員工態度仲要極差，唔知想點，唔洗你好好服務都唔好黑口黑面啦出單價錢唔同 menu, 佢話電腦係咁出無辦法，要跟電腦，唔係啩 🙄食左個吐司，芋泥凍凍地無乜味又唔香 (出面好多都係咁 😂) 唔緊要少少肉鬆唔夠多，而且唔好味 (可能 cheap肉鬆...)食個吐司 $39都唔太平啦，希望改善員工態度，回復當年普通質素

從未食過如此難食的東西，嚴重觸犯食物商品條例，圖片與實物完全沒有一點像様，味道更加入唔到口，叫了兩個下午茶餐， +2杯飲品，全單$143 ，以下午茶來講呢類菜種已屬於很貴，入店前就係見佢價錢屬於中高，以為有一定的水準，叫店員比兩個碗仔及匙羹，攞到面前的時候全是水，問該店員有沒有餐紙，想自己抹乾淨，店員回應餐紙要$3一包，我回應該店員說請你們用點良心保持應有的衛生水平，碗筷都如此，難怪食物水平可以差到呢個程度，現在我要清潔你們的餐具，還要自己付款買紙巾，店員聽後完全沒有反應及表情，最後當然要自己付款啦，叫的食品每樣只吃一下，已全部放下，同行的小朋友都叫我不要再吃，說太難食了，以後都唔食台灣嘢、其他都不想說了，由於我是在於能近門口的位置，見到一兩對情侶入嚟，我真的第一個反應就想叫他們不要入嚟、不要再中伏！.唉、如果這店的老闆有看到的話：請你將你這品牌的分店全部結業，不要為害港人，請問你食品及飲品自己有試過嗎？你的分店咁多負評，一點都沒有改進，我代表所有受害過的食客，請你們尊重這個行業的營運及出品！！！

/ 經過開旺角，突然間同男朋友想食台灣野，見到呢間好似唔錯(其實一開始係俾個蛋餅吸引左🤪🙈)我地最後叫左麻醬雞絲麵($45)、芋泥肉鬆蛋餅($36)，同埋飲珍珠奶茶🧋(走甜) (跟餐+$8)我同男朋友都覺得呢個麻醬雞絲麵麻麻地，唔太好食😢而呢個芋泥肉鬆蛋餅就幾好食，好新鮮既感覺🤪，令我地好懷念喺台灣食既味道，好想快d可以飛去台灣食🥺

今日午飯去得遠了一點，為的就是一碗台灣牛肉麵。同事介紹當然搵佢一齊去食喇！實行二人同行一人比錢。🤣這裡店子雖然不大勝在有卡位坐低都幾舒服空間感十足。餐牌除了牛肉麵，還有台灣鹽酥雞滷肉飯都好似好吸引，就由我決定喇！😂🥢招牌紅燒牛肉麵 $59牛肉炆得入味，軟腍而不失嚼勁。👍🥢鹽酥雞滷肉飯 $48鹽酥雞又幾香脆，面層的五香粉惹味酥香，滷肉啖啖滷香，珍珠米煮的飯黏口油潤好食。🥤珍珠奶茶跟餐只需要加 $3 ，嘩正😍！二個字抵食。👍

出咗旺角，老婆晚餐想食火鍋，但walk in冇位。 唯有轉食其他嘢，剛好這店有位，所以便試一試。 店舖裝修簡單，面面積不大，座位有點密集。芋泥肉鬆蛋餅 ，芋泥軟綿綿，口感豐盈唔會太甜。蛋餅煎得香脆又夠煙韌。 肉鬆味道偏 鹹，但整體味道配合得剛剛，好口感豐富。紅燒牛肉麵 ，牛肉炆得好冧，個湯底有少少藥材味都唔錯， 呢碗麵是要粗麵的， 粗麵的口感略厚，有啲似刀削麵，麵身可以掛滿湯汁所以都幾好食。三寶牛肉麵個湯底同紅燒牛肉麵一樣 ，配料就畀紅燒牛肉麵多了牛肚牛丸，冇咩特別。麵底改了要幼麵 ，但個人喜歡粗麵多啲。叫了一杯飲品，檸檬愛玉，飲品很酸，愛玉偏小，可以不用試。

lunch time 叫左個鹹酥雞滷肉拌面$53 +$8 有珍珠奶茶，甜到傻左，大家記得叫返小甜。正餐大大份，鹹酥雞同麵都好多，一個正常女仔應該食唔曬，但味道就麻麻。鹹酥雞唔係好夠味， 好乾好柴。 個麵比較似濕炒牛河變左做麵咁🤣🤣 個麵有青瓜、花生、榨菜同滷肉，食落真係有d奇怪，加左辣椒油就好d最後最後都係食唔落d 鹹酥雞，可能加上食得慢凍曬就更加硬🤣🤣呢個價錢呢個份量黎講都算抵，但質素就唔值，應該都唔會再食🤣