同信士多

營業中

休息中

朋友介紹呢間, 無睇任何食評就去食物:款式算多味道夠都唔錯, 又有難得既厚多士(但放雪櫃唔知放咗幾耐)不過唔明點解有D一串串既野要續串入獨立膠袋 (以為外發出面做完交黎, 但又唔係見個呀叔坐响一邊穿完簽自己入袋)沙爹肉串又唔入袋, 咁有D入又有D唔入, 為乜呢? (因為覺得真係好唔環保)服務:入場個時都無乜services比到你, 去邊度攞野都係去過朋友識自己講返比我知但都會問你想要邊個位(因為我地到時仲有兩個選), 幫你搬埋椅同開爐知道係任食任飲三小時, 自己都係搏星期日無咁多人無咁準時趕你走但我覺得最不可以接受既係, 當應該係夠三個鐘時, 有個呀姐直接行埋黎好似話夠鐘喇之類 (因為我地都坐咗响枱食緊野, 又嘈都聽唔到佢講咩)之後就望住佢一野掃曬D响個網上面差不多燒好既食物落垃圾桶, 我個吓呆咗, 心諗咩事?跟住原來話夠鐘好多人等緊, 示意你地好走喇!!我話你都好D早15分鐘講聲丫, 我地可以拿拿臨去吓洗手間, 食埋D食物佢丫嘛, 跟住個呀姐話有D人唔鍾意催架, 寧願直接通知佢夠鐘其實我想講無人會想咁樣被人趕走囉, 我有比錢架!!如果唔係朋友話再去, 要我自己選我一定唔會再去，亦唔會

我家&狗狗前前後後已光顧7年有多(約廿零次)。 同信座位冇左近幾家寬闊, 但食物種 炭火 類全面而且獨立包裝又淹得好入味; 4~6種以上啤酒+飲料十幾種任飲是絶對優勢; 6七種調味料&炭任取(+$5O起爐費) 。 7年前我家比較大美督6家價格下 選中間價偏低 第1次試食就驚喜 直至2023.11.5日再試: 價未如左右大加 保持平日$130+50起爐費 節假$190+50利申: 食物種類味道 飲料任添 座位適合 是我擇選食店之要求。同信.:班中年女店員 中規中矩 勤快而不懂口舌冧客 (佢哋個個錫我大&細狗 大多是善良人並非店大欺客 而是有條件喝止阻路拖慢者

同信士多BBQ種類嘅選擇多而且食物係獨立包裝，比較衛生基本嘅肉類，例如牛肉豬肉雞翼等等都有亦都有海鮮，例如三文魚魷魚青口等等粟米番薯嗰啲基本都有齊亦都有醬料嗰啲可以自己拎飲品種類都多有一啲費用係要自己俾錢嘅，例如燒烤網同埋棉花糖環境方面，的確係比較狹窄因為燒烤爐比較多而且擺放得比較密集所以如果坐入邊嗰啲客人周圍都會食晒好多燒烤出嚟嘅濃煙而有嗰啲枱呢係比較近路口但係坐正個垃圾房隔離所以都唔係太理想我上次去嘅時候呢係坐近門口但係入返少少嘅位置望住過海 相對嚟講我覺得係舒服嘅不過坐嘅位置係我自己要求而職員都好配合所以我覺得啲職員嘅態度雖然語氣係惡啲但係以我當日即日冇訂位去而且又要求座位嚟講我覺得佢哋態度算唔錯但廁所環境真心惡劣建議去對面嘅公廁比較乾淨整體嚟講其實食物種類同飲品質素嚟講都唔差只係燒烤嘅環境上要要求座位有心考慮去同心士多BBQ嘅朋友仔可以留意

原來8月好多bbq場都會翻新/休息緊，無意中搵到呢一間bbq場，好慶幸自己搵到呢度😚位置方面好方便，大埔墟火車站搭小巴係龍尾攤落 一落就係，馬路同路都唔洗點行，30秒內就到☺️環境：每張枱都會有一部大風扇，31度係到bbq都唔算狂流汗，可接受😝今次4個人泥，佢俾左張6人枱我地，每張枱隔離都有個bbq爐，事前已經分派左相應人數既紙碟、叉、生熟碟，成件事都好衛生同方便食物：好多種類揀，有蝦、魷魚、芝士魚腐、雞軟骨串燒、鴨胸…..呢啲都係其他燒烤場唔會有既野，成件事好新奇😆感覺好良好，除左特別野，都有好多唔同種類既肉類，連雞翼都有唔同味，一早退哂冰，唔洗自己慢慢解凍👍🏼仲提供左唔同調味料自己調味^^飲品：種類好多，有汽水、菠蘿玉露、茶、水、王老吉、啤酒…..全部任飲，唔夠凍可以自己去拎冰同冰桶☺️安排好細心！好少見有燒烤場可以任飲，仲要有咁多選擇～正！衛生：野食一早pack哂一包包、雞全翼都一早串好哂，感覺好衛生，夾野食既夾，都係好乾淨，唔會痴哂啲醬同痴笠笠，所以感覺好良好，食得都安心啲☺️

店家態度非常惡劣，看到她們直接踢別人的爐子，非常惡劣的態度，根本不是店員一樣，無論人多人少都態度非常惡劣，很有問題，建議大家不要再來了，不要看到其他食評就前來，它們店員非常態度非常惡劣，衛生也不好，廁所很髒，沒人打掃一樣，態度不好，衛生很差，食物掉了繼續放上去，調味區也很髒，沒人打掃。建議不要再來了

我地早一個月打去book 星期六去，180蚊，燒3粒鐘，建議唔好walk-in ，因為真係好多人。呢到好處係飲品包埋部分啤酒任飲，食物種類都好多而且質素都比其他燒烤場好。每枱都有基本調味料，孜然粉同鹽，蜜糖同蒜茸就要出去自己拎，但牛油就要另外收費。雞翼，雞軟骨丸類全部都包好晒，串好晒，放便去燒。食物有基本調味，又唔會過咸搞到好口渴。環境有d焗，因為上面有個帳幕，通風又唔係咁好，所以如果坐入面會幾焗。總結：會再嚟食！

去完小白鷺影鬱金香，即興去埋BBQ4點幾5點本着唔係一定有位嘅心態去，點知又有喎最鍾意佢哋啲嘢食獨立包裝，嘢飲又多款推介佢地d海鮮，試左魷魚大頭蝦青口，都好新鮮，欣賞佢地蒜蓉都唔使錢任你拎，蜜糖我都只係加左係丸同麵包到野食調味都唔會過咸，同埋種類選擇都多，仲有泰式串燒可以自己燒，唔怪得我IG一出，好多朋友即刻共鳴

食物非常多元化，食物衛生不錯有獨立包裝，川味雞翼好食，部份飲品都可以任飲。但係環境有啲擠迫，座位安排亦都較其他燒烤場差。初初燒冇乜嘢，係之後有其他人嚟就要其他人坐埋一齊，搞到鬼咁迫，但係明明成個場仲有幾多空位，完全唔合邏輯，擺明玩嘢，隔開少少都好吖，你話個場爆曬嘅咁就梗係合理啦，最弊又唔係喎！除咗班姐姐外，個別職員語氣態度惡劣。另外，加碳後完全冇任何工具可以撥火，大家係到乾等燒好啲碳。經過今次經歷，都係去返平時自己去開嗰啲場就算，寧願貴啲，好過俾錢買難受，真係不可一不可再！

#20230123 🤍📍 同信士多 大埔汀角路蘆慈田灣龍尾灘——————————————————————————————#任飲任食燒烤 #成人 #公眾假期 $190💭 先講地點，搭巴士一落車就到好方便🚌呢度係用網燒，一兩個人負責燒就得🤤食物種類好多，🐷一次過都試唔晒，#青口 麻麻有啲腥味，#蝦 就一早煮熟左反而唔太差keep到肉質仲彈牙🦐呢個價錢有海鮮食真係算係咁，#雞翼 好多隻味，又有分全翼同中翼，最有印象係檸檬汁雞翼幾特別🍋 #豬頸肉一大塊要剪開一粒粒食好爽口，#雞骨腸 好肥美咬落無乜口感😅#沙嗲串 高質，似足平時泰式串燒，一開始有個錫紙兜可以去拎菜，啲菜都係任拎不過兜得一個😅食完仲有#橙 可以拎，好少可燒烤有新鮮生果食🍊唔想飲啲肥仔水可以食橙解下渴，#蒜蓉 🧄#蜜糖 🍯同#豉油 都有預備，連野飲都可以任拎👍🏼基本上只係分任食區同自費區，🐷覺得任食既野食都好夠喇😎.#大埔美食 #🐷_食

由上至下每一位員工都不停係到趕客！ 唔知係咪人太多，無心機做！ 超級差的態度！就算D野食係唔錯，價錢唔貴但都唔去第2次！難得成啦朋友聚一聚兼幫朋友慶生，點知換來嘅唔係慶生而係興親！最離譜就係遲交埸比客，但一夠鐘就好冇禮貌叫人走，更加冇提人客快夠鐘，只係話15分鐘內要走否則每人罰$50！總括而言，只得食物較好外，其他就......唔信可以試試。

雖然有人鍾意拎住d 叉燒，有人鍾意網燒，有時網燒都幾方便😀😀佢呢到選擇都多。。雖然佢d 豬柳轉左平價豬柳款，無咁好味～其他野食選擇都多😀😀雞翼種類都好多款～而且都鍾意佢d 食物一包包pack 好～.多春魚，不同種類的丸，同魷魚～🦑🦑.⚠️每張枱只會提供一個錫紙兜同一張錫紙.呢個蕃薯。。本身出面已包好～好味🍠🍠...飲品款式都多。。.一袋袋pack 好，感覺上都干淨d 😀(圖中有些肉串已拆袋）..5 個人。。2hr...$686....好抵‼️😀😀👍🏻..蒜蓉燒茄子超正😍😋🔥🍆🍆

不愉快的經歷地點方便 食物有獨立包裝 感覺衛生但登記的員工姐姐態度惡劣明明好多位 又話冇位 再問等幾耐佢話嗰個都係到問問問仲可以同你講唔鍾意就唔好喺度食其他姐姐見到咁 就話有位 帶左我哋入去座加炭時男員工都主動同我哋講有個風機可以用其實大部分員工都有傾有講 好主動個別那位員工 真的不敢高攀

一個平日星期五，搭巴士75K寶鄉橋上車，蘆慈田（龍尾泳灘）落車，技術所限，先在附近單車舖租單車踩入船灣淡水湖來回，及至2點幾還車後就折返泳灘對面馬路幾間相連燒烤場附近，最終選擇此規模相對較小之燒場。入座接近3點，舖外目測以為無客，入座方發現已坐1/3人，估計五十張4-6人枱左右。見人人都熟練取食物飲品之類，熟客為數不少。男女廁所各兩格獨立廁，蹲廁，衞生情況可接受。先俾讚係用具齊全無需同鄰枱share。例如多把廚房剪、錫紙盤、不銹鋼筲箕、食物鉗等可自行去燒烤包處自取。燒烤網入座後即派新一個，並且用較硬身而能承重的不銹鋼網。炭鉗扣在爐旁，燒至中途亦有職員放低整包炭以備用。調味粉如淮鹽、孜然粉、辣粉等等一干一樽樽任取用。蒜蓉醬一大盤自己勺；蜜糖是有點稀釋感，總算一盒盒仔分裝好任拎。真正自取其肉。蔬菜類茄子🍆、脆肉瓜、娃娃菜、粟米🌽蕃薯🍠、金菇、秀珍菇等自取，甚至有包裝手切菠蘿。大部分已醃凍肉用真空袋分裝，自行去屋仔外或室內凍櫃取即可，而無需拎個紅膠盤等職員提供配給。其中包裝雞腎份量頗多，每包量合6-8人。揀肉揀到愛不釋手，雞翼都五六款醃味，檸檬、孜然、黑椒⋯⋯每包約6隻，另有青口、多春魚、鮮

十二人燒烤，有兩爐。平日可用四張台。但太密，十分焗速。 爐與爐很近食物獨立包裝十分衞生方便，還可任飲，十分抵。款式勁多，雞翼也有六七款味。還有蝦、蜆、青口免費取。還有啤酒、汽水多款任飲整體十分好，是位置較密，空氣不流通

大尾督的燒烤場林立，但自從朋友介紹這家同信士多之後就每次都回訪這家了🤣全因食物選擇多﹑蔬果至肉類都有大量調味選擇，甚至連飲品都是任飲。很多人推薦這裡的原因是因為他們的肉類都有膠袋獨立包裝裝好，優點是更衛生，而且膠袋亦註明了肉的種類及調味👍🏻但如果人少少來燒烤的話，一大包就未必食得完呢🥲除了醃製肉類之外，這裡還有少許海鮮的選擇👍🏻另外也有很多不同種類的豆製品，例如燒豆卜等，亦有大量蔬菜類包括茄子﹑娃娃菜﹑翠肉瓜等，旁邊還有大量蒜蓉供人調味，連我們同行有吃素的朋友也吃得滿載而歸呢～場地還有大量的調味粉供人使用，我們用錫紙盤裝著娃娃菜， 加入蒜蓉及剪了些辣椒碎調味，非常惹味呢🌶燒烤是有網架架著的，不用手扶住燒烤叉，非常方便。雞軟骨加上孜然粉調味，與在外頭串燒店吃到的質素一樣呢！😎店裡還有一些特色的食品，例如這款有葉子包住的魚肉，是香辣的東南亞風味，十分特別🐟總括而言包裝的醃製肉類質素不錯，加上食物及飲品種類多，環境又能遠眺到龍尾泳灘，是CP值非常高的燒烤餐廳。❤️