名人飯堂 (已結業)

第一次光顧，一點半入場，剛過了最繁忙的午飯時間，餐廳有大量卡位任坐。餐廳用QR code點餐，我們點了星洲炒米和魚香茄子飯，上餐快，份量多，味道不錯，凍熱奶茶一般。不想等位，又想坐得舒服，價錢相宜的話又乾乾淨淨，這間值得考慮

路過觀塘去辦理些事情，有點趕，沒空去樓上 cafe 慢慢嘆，隨意行過這一間，見店舖門面幾乾淨及光猛，而且名字很有覇氣的，便入去試一試。坐低後看看 Openrice 的食評，沒有近期的，而且好似有點中伏，心裡十五十六，算罷，好又一餐，唔好又一餐 😅看看 menu 又有幾多選擇喎，而且未到3pm 仍可以叫「午餐」。我朋友點了乾炒牛河、我則叫了一碟椒鹽豬排飯。牛河炒得夠鑊氣，牛肉亦沒有吃得出的梳打粉味 (我最怕！)，而豬排亦煮得很香口。美中不足是奶茶不夠滑。侍應招呼亦好，沒浪費 quota

簡直不知所謂🤬今日2019年9月16號，在巧明街接過傳單後，看到傳單上的食物相咁靚，看到好像主打是海南雞飯，所以回到公司便立即打電話去叫了兩個海南雞飯! 外賣來到打開一看，都好像還可以。 但一食之下，d飯又硬又凍又有生米🤬🤬D雞又鞋囗又咸，海南雞係咁架咩？🤬 鹽焗雞吖？！ 鹽焗雞起碼d肉質都唔會咁鞋口，鹽焗雞都不如🤨咸到我舌頭又痛又紅，即時生左飛滋🤬簡直恐怖😣 D蠔油菜又係咸的. 仲有另一盒d雞有”酸噏味”😡😡😡😡😡😡😡好似焗左好耐咁，叫人點食吖？！之後打返去投訴，又係不知悔改，又話點會又乘，無得救😡真係比傳單呃左，d野食唔得就唔好害人吧！最基本的飯都可以咁難食，直頭食唔到😡唔會再幫襯🙅🏻‍♀️🙅🏻‍♂️😡😡😡

名人飯堂一向都人來人往，特別係午市既繁忙時間，附近返工既人多數都會揀名人飯堂食lunch，湧至而來。雖然多客人，但餐廳職員十分有禮貌同親切感，所以都好快安排到座位比我地。我地多數會選擇既都係佢既燒味雙拼飯，價錢公道，又好味。唯一要講佢地唔好既地方會係餐廳入面經常收唔到call/ message，如果想食就建議盡量避開有重要電話既日子去喇！🤪

下午茶餐都係30幾蚊，小食拼盤多啲野食所以貴少少。除左雜菜沙律其他都standard，沙律以外仲可以揀豬仔包等等（唔記得有咩揀）😂雞串啲醬幾好味，醬既份量岩岩好，但雞肉有少少雪味，又痴竹簽，應該係生既時候吉好晒雪左一段時間，但食落都唔錯。炸墨丸有椒鹽，都唔錯，夾泰式辣醬食，成個餐層次幾豐富 😂沙律都正常，粟米係罐頭😂 菜都有水份但唔算好新鮮。整體性價比幾好有兩種肉。坐都坐得舒服。又有電視睇，餐具櫃桶啲野都好齊。

轉左份新工今日跟同事去食Lunch，聽講呢間係佢地既飯堂，仲以為會好食又抵食啦！望望menu其實唔算太多選擇，求其揀左個海南雞飯套餐等左5分鐘就黎到，雞肉份量適中啦，不過肉質都係鞋鞋地，個飯就煮得太淋，件碟有花生同波蘿 (?)不過花生係淋既$5x其實以依家個社會黎講唔算太貴....不過食完唔覺飽囉...因為d雞既皮太厚我又唔食皮既，所以有一半係食唔到....

觀塘食肆林立，有些食肆是在工廠大廈入面。 我今朝想了很久在那裡用餐，最後選擇了名人飯堂。這應該是剛剛新裝修,傢俬全新,電視也有三個放在不同牆上。可以一邊看電視，一邊吃早餐，真是一舉兩得。我點了沙嗲牛肉麵，跟餐有餐旦和餐包。當然還有一杯奶茶。沙嗲牛肉麵沙嗲牛肉麵是我的最爱，可能是我喜歡食牛肉，這的沙嗲不辣， 不咸，味道剛剛好。麵也灼的剛剛好唔淋唔硬，十分滋味。餐旦及餐包餐旦煎得剛剛好熟，也不太油膩，食落好食。奶茶都是一般餐廳的奶茶，不太甜，不多奶，只有點茶香。一般星期六，不是太多茶餐廳開得早，這也是一個選擇。

今日獨自前往官塘名人飯堂，在官塘來說都是一間大件夾扺食的餐廳，今日我叫左個午餐G芥末炒雞柳飯一杯凍奶茶味道不錯雞柳美味十足份量適中，消費46蚊，希望有更多驚喜我會繼續光顧～

以往要在工廈一帶吃早餐，我的首選一定是"海潮"....但最近忽地裡亂打亂撞去到另一間試，出來的效果又相當地不錯....今天早上想食豪華一點，就點了一碟集五種料於一身的豐富早餐....點這一個，除了貪其內裡有沙律可吃可以平衡一下食肉獸的心理之外，那兩塊炸魚柳當然亦是其一的賣點。外皮金黃甚誘人，咬下去酥脆下油而魚肉軟滑，雪味亦出乎意外地不濃。醮少許沙律醬來食煞是不俗；蛋炒得頗滑溜的；法蘭克福腸外皮脆香肉味足；茄汁豆至就是屬正正路路水平無甚特別可書；沙律菜鮮度還可以，而且整個沙律組合內除了有菜之外亦有粟米加上蕃茄仔，陣容算是鼎盛的....嘢飲又是慣常只能點的熱檸水。有時真想像舊時一般呷一口茶走，人登時就醒神過來。不過為了健康著想，還是繼續乖乖喝我的熱檸水好了....

午餐兩條友都係去名人填飽肚既空虛. 原來早到一人派一個例湯，送完即止例湯火喉唔錯好耐冇嚟唔想諗咁多, 要左個八寶燒味飯同海南雞飯要脾, 配熱咖啡, 雖然呢度既燒味餐都幾貴下, 但好食的話可以接受吧.燒味賣相不俗，份量真係太豐富,义燒燒得夠香, 夠火喉, 食落肉質軟熟, 而且夠入味. 少少脂肪食落無咁易起渣.至於燒肉係個皮唔夠脆, 肉部份都好軟, 肥瘦得宜, 亦唔會太咸.切雞同油雞麻麻地，全部骨位燒鴨幾香仲有肉汁...咸蛋半隻沒有甚麼特別熏碲同紅腸一般般白飯都幾多, 熱的, 祗係唔夠薑蓉同汁罷, 可以再多少少至於朋友的海南雞飯我試試他的香油飯完全唔香亦唔油好似白飯差不多...加拾元而改雞脾似乎得半隻脾放上面下面全部都係雞胸位。不過都叫做幾滑...一月同二月都來過半年無來！裝修了以前中間檯改卡位。變成全埸卡位，全部改白色檯面及卡位感覺光猛咖啡唔錯，午餐時間都好旺不過咁旺要搭枱食完嗱嗱聲埋單去麥當勞慢慢飲咖啡囉收銀姐姐說已經舊年復活節已經改了。相信應該今年先改裝修...公司在附近點會年多冇來呢我話半年無來已經比多了！服務員都有禮！有機會再光顧...

收到傳單就去試吓。開聯工業大廈地下直入，地點易搵。地方好寬敞，坐席9成，乾淨企理咁，牆上有電視，阿姐都有禮貌。2:00pm一行入黎就有位，不過冷氣爭少少，有d 熱。餐牌嘅相好靚好吸引，但一叫到上枱...上菜非常的快，個瑞士汁叉燒河粉都幾大碟，碎咗d, 可能因為最後一碟。個蜜桃咕嚕班腩飯d飯硬咗，唔係好夠汁，斑腩ok. 價錢都ok嘅。1:50後午餐減$5，幾好。下午茶嘅價錢都ok. 都值得下次再黎發掘其他嘢。

星期五便服開工，同事突然约去「名人飯堂」，早知著靚D。話唔定見到劉生，劉華定大劉？ 定十歲已收100000嘅小劉生？點知來到一睇。茶記格局。其實應該明白劉生們又點會嚟觀塘呢。侍應(應該叫伙計)帶位，沿途見燒味好似有D睇頭。一坐低叫就叫咗叉燒燒鴨。識途老馬的同事提點要肥叉。果然唔錯。叉燒肉質冧滑，燒鸭有D肉地厚但唔“諧”。同事們叫午餐中焗咖哩牛柳粒。一個跟飯，另一個跟意粉。咖哩都好香。味道茶記來講算唔錯。茶記竟然提供WI-FI。加分。不過亦同時提供五星級飯店的服務水平。即係，你一食完，即刻收咗你隻碟！然後每2分鐘問你D嘢到齊未？ 有冇嘢加？

是日下大雨，搵間近近嘅餐廳食飯，好想食茶餐廳，就食呢間啦。間飯堂都大喎，坐到都幾多人，4嘅倍數嘅人係最啱。兩個係繁忙嘅時候要坐一邊，面斥不雅（諗起黃子華棟篤笑）。睇定餐牌就叫啦，好多款式可以揀，好多都想食。朋友叫咗沙牛，佢話好好味，勁夠味。佢大讚餐包上個陣係熱，鬆鬆的，加埋厚厚嘅牛油係一流。另外一位友人係喇沙肥牛讚岐烏冬，夠哂辣，但又唔會搶其他料嘅味道，勁開胃。我呢個係黑椒牛意，炒得勁均勻，食落係好入味，唔會好油溢，牛肉剛剛好，唔會老咗，難得夠佬味。估唔到一間裝修唔錯嘅茶記，夠火喉，完全唔貴，絕對可以encore！

冇黎一排，今日正黎已經裝修得靚靚仔仔，可以坐得舒舒服服。今日食左個海南雞飯，4x蚊黎講算係好唔錯，配埋菜飯，需然唔係無骨但勝在雞肉夠敕，皮肉勻稱，皮下重有d海南雞觸有嘅啫喱凍，算係不錯。

其實一向好少會係公司自己叫下午茶，因為每個月總有兩次公司請食下午茶今日都係有下午茶食嘅日子，今次就叫咗【名人飯堂】下午茶😎 聽個名就知不得了😂 應該係啲魚翅燕窩九大簋😆 當然係諗多咗!下午茶有十多款選擇，應該會搵到想食嘅野😋我就目標明確 《炸雞脾配薯角+凍檸茶》炸雞脾 外皮脆卜卜，而入面啲雞肉仲係嫩嘅，一啖咬落去時，裡面嘅肉汁湧出黎😍平時個啲炸雞脾，皮係脆，但入面啲肉已經硬咗乾咗🙈薯角份量唔多，而且逃唔過一般外賣炸物嘅命運🙈淋晒🙈有機會就試下去堂食先，要一睹名人飯堂風彩😎😁