名舫酒家

營業中

休息中

有個長輩喺附近住，諗住近近地喺度食算。點知點心麻麻都算喇，炒飯又硬。蝦腸粉係我食過最難食嘅,唔係之一！態度又差！搵佢哋攞兜豉油，都要15分鐘！仲要我要再問多次先攞嚟！

星期日晚去食飯，唔需要等位仲有好多空枱可以即刻入。細枱大枱都有方便大家食飯，如果行山之後去飲茶，佢都係一個唔錯嘅選擇。食咗咁耐先至有分店，下次會試吓去觀塘。叫咗一隻雞五個人食，份量都好足夠個皮炸得好脆，唔會好鹹同好肥，建議叫埋白飯配搭。另一個撈飯菜式柚子骨，啲肉唔會剩係得肥膏，而且唔係好大嚿，適合老人家同多人享用，柚子醬好足料全部都包住晒啲骨。趣事喺我哋問經理個白飯幾時到，佢話燒味部廚房唔吹得叫我哋耐心等吓個白飯今餐嘅蔬菜類叫咗呢個，龍躉球會得一細嚿，當然豆腐都好，配埋蒸魚豉油，侍應推薦帶子蒸豆腐多啲，但係我覺得呢個都好好食，下次大家可以試吓叫另外一個良心小店嘅位係最後發現竟然仲有糖水送知道而家生意好難做，希望大家都多多支持香港嘅舖頭姐姐話本身有紅豆綠豆同番薯糖水揀，但係番薯糖水好好賣，所以就剩返兩款希望佢都繼續可以做落去！

在有疫情之前都有來食過之後都差唔多三年冇食過了，今日聖誕假期，在親友的邀請便來這裡飲茶。先點咗蒸籠點心，有上素蒸粉果軟糯；粟米百花球，蝦膠未夠爽，粟米清甜好味；布拉腸粉好嫩滑。煎炸點心的安蝦咸水角，外脆內軟，豬肉餡料如果加少少沙角粒就會好味啲；鮮蝦腐皮卷，腐皮夠脆，蝦肉夠爽再佔上喼汁，非常勝胃。小食方面，沙薑鷄腳味道偏鹹；反而鮑汁鳳爪就好味得多了。另外，鳳城水餃味夠爽口，有啲失望。總括來說，如果10分滿分，我就會給7分。下次都會再來試吓其他款的點心嘅！

好耐冇舒展筋骨，今日就同阿媽一齊行路上水泉澳村當行山做運動第一次上去條村真係幾大，環境幾好，空氣幾清新欣賞完風景，想找個地方休息，就入左商場找個地方休息吓食d嘢最後見有間酒樓就入去坐低歎個茶先，大堂都幾寬敞，睇餐牌都幾多款式，兩個人食唔到太多，最後叫左：一款點心、一款小食和一碟炒飯鮮蝦菜苗餃：即叫即蒸，熱辣辣大大隻，皮薄晶瑩剔透，餡料飽滿冰鎮豬手：份量十足，彈牙爽囗，啖啖肉，美味可囗欖菜雞粒炒飯：下午茶都噤大碟，飯炒得好乾身，都幾多雞粒價錢適中，食物質數幾好，不過可能現在主張少鹽，個點心和炒飯味道，我覺得唔夠味，但又唔係太淡，味道常可

已經有兩年多沒有去食名舫的晚市了，昨晚終於再去品嚐，希望他們有改善！果然，他們真的有進步💪🏻💪🏻，食物味道、外相都比之前好咗好多，起碼隻龍蝦🦞似樣啲，隻燒雞唔會營養不良，蒸元貝都是30元一隻，白飯10元一碗，價錢街坊價，算係咁！希望他們能夠保持水準！我們就必定會常常「幫襯」🥘🍤🍜提一提，進食早市與晚市的服務態度是有分別的，當然晚市好好多，我指是較高級的職員態度有分別，而不是普通侍應！！

今日放假同囡囡行完街食飯，見好耐無食中菜，就嚟咗名舫。一於食海鮮餐😍首先到嘅係上湯龍蝦伊面，肯定係一大堆煮好架啦🤣不過夠熱夠份量，仲要係個師傅砌返隻龍蝦形出嚟，好用心，值得一讚👍🏻跟住上粉絲蒜蓉蒸扇貝，呢個差太遠了，叫咗4隻，而其中一隻粒肉超級細粒，而且仲要蒸到過晒龍，失望！跟住再嚟蒸龍躉仔，蒸得剛剛好熟，但啲豉油唔好味，所以搞到條魚都失色。最後就係我嘅至愛菠蘿咕嚕蝦球，個汁非常好味😋隻蝦炸到仲脆口，菠蘿同配料都夠，而蝦嘅奄料味亦非常足，下次一定再食👍🏻兩個人食海鮮餐五百幾蚊埋單，ok啦

今日約左一家人去水泉澳行山 呼吸下新鮮空氣🌳母親大人話好耐無一齊飲過茶所以我地喺起點位附近既商場飲茶~~我地3個人嗌左個7個點心+1個煲仔飯點心同煲仔飯都正常發揮略嫌腸粉皮厚左少少🤏特別推介: 🌽粟米百花球 因為一般酒樓都係煎成餅 但蒸都原來幾好食😋由午市食食下食到有下午茶😛見到下午茶點心紙有個九菜煎魚餅($13.8)好似幾特別 所以試下~~應該係兩塊餃子皮夾住韭菜同鯪魚肉炸味道ok 不過炸始終油膩感重 食一件就好!每人$80食到飽一飽 都幾抵👍🏽

點心難食，唔好抱任何期望。諗住同屋但人放假嘆下茶，成個屋邨唯一一間間茶樓係冇得簡既情況下入左去試下。入到去啲點心已經唔係抵食，叫完點心之後啲野又凍又難食，完全冇質素。

第二次幫趁，今次完全唔需要等位，個場都幾多人。今日2人叫咗7樣點心，埋單200都幾貴下，但味道唔錯。回到正題，叫咗蟹子燒賣，叉燒腸，蝦餃，菜苗餃，牛肉球，鮮竹卷同埋家鄉咸薄罉（睇落似煎蛋捲，但甜既）。燒賣，腸粉同牛肉球同出面味道差不多，不過不失。蝦餃同菜苗餃塊皮太厚，味道稍差，菜苗餃係菠菜餡，冇咩道，不建議試。家鄉咸薄罉完全係意料之後，煎蛋捲咁既樣，上面灑咗啲白糖，有少少焦，食落係似糯米整成既煎餅，好飽肚。至於服務方面，加水同清吉碟幾快手，唔需要人提，值得一讚，環境唔算好大，但唔嘈吵同頗乾淨，值得一去。

今天瞓醒就落樓下嘆茶， 9:30都不是太多人嘆早茶，但這間酒樓不好處是需要搭枱的，所以我就選擇了兩人枱，然後就攞起點心紙開始叫點心，酒樓漸漸多人需要排隊入座，點心在10分鐘至15分鐘內已經到齊，師傅做的點心比起剛剛開張的時候差了，服務態度都沒有以前這麼好，今次叫了一碟鳳爪蒸過龍了不好吃👎好希望有改善上次去吃雙皮奶又是不好吃太甜了沒有奶味，其他點心的味道都是一半，佢應該會去市中心喝茶，希望我看了這食評會有改善

星期日飲茶，等位正常，等左半個幾鐘，三個人细枱，過了一會，居然要搭枱給一個人，有乜可能呀，張枱巳經细到冇得再细㗎啦，重要加一個吾識嘅人，点食野呀，茶壼都冇地方放啦……乜酒樓呀，於是起身即走(食物未來)……冇下次……差差差差差差差差差差差差差

星期日打算落去飲茶，見到唔算好多人係度等位，行埋去想攞飛，我話2位，個西裝友同我講冇2位呀，咁就算數，飛都唔俾我，火都黎呀，2位就唔可以飲茶嗎?我見落大雨，同埋好耐冇入去食過諗住試下有冇改善，點知咁巴閉，2位唔俾食架!!!!啲嘢又難食，茶餐廳好食過佢!!!!!!!

去咗水泉澳商場嘅酒樓飲下午茶。 係附近行完山可以順便黎飲下午茶時段都幾多人，平日都幾乎滿座，但都唔需要等位。帶位嘅服務員都好有效率兩個人叫咗4樣野食~~蟹籽燒賣: 普通🆗都係平時酒樓食到嘅味道鮮蝦腐皮卷：香口野最緊要夠熱又夠脆鳳爪排骨飯：無咩特別。沙律明蝦角：都唔錯新鮮炸出黎熱辣辣下午茶既menu。其實去屋邨酒樓飲茶都無期望太多，下午茶價錢又平，兩個人食4樣野，埋單都唔洗$100，但食物質素又ok喎！

食物燒腩仔飯： 皮脆肉軟， 每次去都會叫。手拍青瓜雲耳： 青瓜不太新鮮， 有點脫水。雲耳好爽， 同啲醋好夾。衛生：親眼目睹客人離枱後， 伙計用餐牌掃哂啲垃圾落地， 唔換枱布就咁放杯碟上面！ 我同伙計講衛生問題， 伙計話遲啲先換。 結果我要同部長投訴先有新枱布換。 眼見都咁唔衛生， 眼不見的更難想像。

服務員態度極差, 裝曬龔耳陳咁款。明明前日訂枱但一樣要排隊無留位。8點3嚟到等入席等到9點先有得"坐"，成9點半先有得食, 有老人家更加唔好嚟呢間。個經理問多兩問仲要失蹤埋, 成班街坊喺出面勞嘈啲服務員可以黑面。到底訂枱既定義喺咩？開酒樓開到咁不唔好開。