味千拉麵 (已結業)

朋友成日提住相撲拉麵既配菜幾豐富...相撲拉麵 ($45加一): 有浸稔左既天婦羅蝦, 同幾特別既福袋 --- 腐皮包著日本年糕, 煙煙韌韌, 不過袋頂既腐皮幾硬下 什菌牛肉石燒飯 ($52加一): 炒得幾香既飯, 可惜飯粒太硬身

$25 早餐蕃茄湯肉碎烏冬 + 牛油方包 或 多士 + 炒蛋 + 熱飲蕃茄湯肉碎烏冬 -- 蕃茄湯幾濃, 應該是罐頭蕃茄湯 烏冬硬身, 煙韌彈牙, 好食!!! 肉碎原來是煎香既午餐肉切件, 配料還有嗚門卷及椰菜

日式炒烏冬 + 凍檸茶 (tea $30 再加一) tea份量ok, 不會太細碟 即炒烏冬, 夠熱, 醬油超濃, 好惹味!!! 烏冬滑溜煙韌彈牙, 正!!! : 配料有雞肉, 洋蔥, 青椒及甘筍. 洋蔥較生, 雞肉幾多

係荷里活商場, 晨咁早想食早餐, 又有充裕時間, 就去味千拉麵早餐不用加一, 所以價錢同大家樂/茶餐廳差不多 等左好耐, 點知炸豬扒唔熱, 微暖都無, 而且太乾身, 肉質鞋, 好失望 牛油方包原來只得半件 茄汁焗豆好少

今日行過味千拉麵，見到佢出左款芝味烏賊燒拉麵；又咁啱要TEA一TEA；而且又唔洗等位；就入左去囉～～～本來個侍應安排我地坐2人位，但最後都比我地自己揀左個3人枱，都唔錯啦～睇完餐牌，味千除左２人餐同幾款１人餐，就無Ｄ下午茶套餐，真係有少少失望．．．．．睇左好耐，最後決定叫個芝味烏賊燒拉麵同埋個辣麵套餐芝味烏賊燒拉麵個烏賊燒同拉麵分開上，啱啱上碟即刻食，Ｄ芝士仲溶緊，外面炸得脆口，裡面配熱芝士，但配埋烏賊的味道……又唔多合我口味辣麵套餐辣度對我黎講，啱啱好；加上濃濃豬骨湯底，肥瘦適中既叉燒，真係好好食，基本上我去味千一定會叫；而且，而家仲有套餐：麵加有氣利賓納，抵呀！！！

幫完老友, 一齊去味千tea一tea, 去到冇乜人唔駛等, 諗住冇死叫左炸雞拉麵, 和風冷麵加多個肥牛卷做小食.炸雞拉麵就ok, 冷麵同小食就真係等少又等都未到, 舉手又冇人理. 出到黎個冷麵仲要超鹹..真係除左落單快, 收錢快之外, 只可以講3慢.. 反應慢, 出菜慢 同 找錢慢..

去味千食個LUNCH。唔多人,唔洗等位, GD~叫左個和風冷麵,$39, 咁熱既天氣食冷麵就最岩啦。冷麵上配有火腿絲, 蛋絲, 青瓜絲, 蟹柳絲, 再配上冷麵汁, 正呀! 另外叫左一碟$26煎餃子, 有6隻, 煎得香脆, GD!呢到D 人既服務仲好好tim~讚!!

因為見工而路經此地，諗住搵間最大眾化的地方醫肚，所以就選擇了這裡。其實我主要想說一下他們的沙拉，味道是不錯的，但不知是不是我常光顧某分店，我覺得對比下，份量好像少了點。又或者是我太肚餓，所以有點兒嫌份量不夠。整體上食物一樣是有保持原有水準的。

阿媽鍾情味千拉面,何解呢?可能貪就腳,款式多吧.我都好耐冇食過喇,順你一次意咁多啦~平日晚上8點半左右d人都食飽飽喇,所以兩個人都好輕易坐到5~6人卡位座.諗左好耐好耐,最後決定叫一個餐,再散叫一客.是日晚餐:- 咖哩炸雞定食>> 好懷念起日本既日子,買一包咖哩汁,去超市買一串炸雞.煮個飯就食到好滿足.炸雞好熱, 雞肉軟熟.咖哩汁夠多,每粒米都可以佔到咖哩, yummy!!!定食跟埋面豉湯, 簡直似置身起日本一樣呀~~~ 味千拉面+煎餃子套餐>> 拉面類我麻麻, 不過不失吧. 餃子都係一般, 個皮冇想像中咁軟,不過都叫好薄皮. 阿媽就食到停唔到口.味道好似十年如一,不過款式確實變化多了.我會耐唔耐幫襯架!