和牛燒肉一郎 (荃灣廣場)

營業中

休息中

本人2025-2-5號晚上七點鐘左右來到食，兩個人同我男朋友一齊，佢話不如試下，就入左去食，炸物未炸透，薯條由我地入去到走都未換新嘅（見底）選擇種類都很少，壽司d飯酸到苦，截單前叫左牛舌（只有牛舌算可以）叫左8+8份到左之後得3塊同我講有8份，大佬我有俾錢食野既，唔係冇啊，俾返d人食嘅野啦，真心冇下次，真係唔明d食評點解會咁高，食過嘅真心冇下次，第一次食野嫐到走人，食100分鐘，45分鐘係食生果同飲野

午市12:00-17:00，店員說16:50前入座便可以$98 /90分鐘 。我在openrice訂座竟然還可以免加一！這個價錢肉質當然不算是很高級，但我覺得已經很不錯，大約是燒肉Like/RUD 那種平價燒肉的質素。而且選擇都幾多，有豬肉牛肉雞肉、蔬菜、沙品、飲品等環境舒適，空間感私隱度十足店員態度良好，上菜和收碟嘅速度都好快。

和牛放題黎講，我地最鍾意就係和牛燒肉一郎😋和牛味道真係好高級，啲肉入口即化，油香味十足，真係頂級享受！烤魷魚筒，外皮香脆，非常鮮甜，正！帆立貝係我地嘅最愛！貝肉好厚實，一啖食落去，又鮮又彈牙！講返燒肉，牛舌拚豬五花肉真係完美搭配！兩種食材都好新鮮，油香十足，一啖接一啖食到唔停口😆成日都驚食左生牛肉刺身會肚屙，但呢間啲生牛肉刺身就唔洗擔心，之前食左幾次都無問題😝口感柔軟，非常新鮮👍🏻👍🏻👍🏻牛脊肉牛味濃郁，燒咗之後更加香甜🐮🐷豬頸肉肉質鮮嫩，非常爽口！燒咗有啲焦香就更加好味！青口鮮嫩多汁，加上淡淡嘅海鮮味，食落都幾爽！黑毛和牛有六個唔同嘅部位。每一款都色澤紅潤，非常新鮮，燒好之後配埋醬汁一齊食，味道一流！

喜歡高級牛肉的朋友千萬一定要點套餐F‼️套餐入面除咗150幾款食品可以隨便吃，最重要是有整隻牛最嫩、最稀有部位—「夏多布里昂」可以吃得到‼️🔹極上夏多布里昂看著雪花紋理就知有多高質！牛肉汁水豐富不止，給他驚艷到的是他肉質柔軟細膩，還有最後口腔裡面回甘的滋味😇 完全沒有任何腥味，不愧是最柔軟最昂貴的部位😭🔹黑毛和牛六款頭盤一上枱就吸引晒大家目光🤩各種部位的牛肉一次過滿足，不用點醬就已經好好味！牛肉粉嫩色澤看上去就好新鮮，燒到自己鍾意的熟度，味道鮮美而且帶住彈性❤️每個部位都好好食啊，說不出哪個是我至愛😆🔹原隻魷魚筒、帆立貝、青口不止肉類，還有好多海鮮可以隨便拿🙌 新鮮魷魚筒配搭牛肉一齊燒嚟食，簡直是雙倍快樂🤩🔹牛脷拚豬五花腩厚切牛脷肉質好肥嫩，個人鍾意燒得熟點的牛脷，吃下去脆嫩口感簡直好吃到爆！五花腩都好正，美味多汁，一啖咬落去油汁四濺😍🔹三角腹肉三角腹肉雪花都非常豐富又靚，燒完之後脂肪溶化汁水誘人！雖然瘦肉比較多，但吃下去都一樣好滑嫩😌

一起吃和牛🐮，特地選了荃灣廣場專門吃和牛的，還特地看了網上評價…但或許是預期太高了，實際吃完後沒有驚豔，所有都是平凡，跟大鴻輝的安平燒肉其實差不多，又或許可能剛剛去日本吃完道地的和牛，所以….有點失望.除此和牛赤身還沒有解凍，唉😮‍💨…真的不知如何說…

上個星期，我同朋友去咗和牛燒肉一郎，享受咗個放鬆又愉快既晚餐。呢間餐廳唔單止環境舒服，食物質量真係頂呱呱，真係好值得一試！首先係原條牛舌，配上香水檸檬，肉質嫩滑，咬落去冇一絲嚼勁，檸檬既清香令整條牛舌嘅味道更加突出，真係好特別🍋跟住就係多春魚，色澤鮮亮，食起黎真係好新鮮，每一啖都充滿清新感，食完真係好滿足。然後就黎到生牛肉刺身，真係唔可以錯過！肉質滑口，配咗少少芥末，味道非常正。生牛肉壽司更加令我哋印象深刻，米飯夠彈牙配上新鮮牛肉，口感出色，食完仲想再叫多一份。另外，我哋試咗2色蔥花牛舌（鹽味），呢道菜既鹽味剛好，唔會過咸，配上葱花令牛舌多咗層次感，食落真係一啖接一啖。最後，薯條就係個小小驚喜，外脆內軟，味道正，搭配主菜食真係好舒服，完全唔膩🍟今晚既晚餐真係好滿足，食物新鮮又好味，和牛燒肉一郎真係荃灣嘅美食好去處，期待下次再黎享受美食！🥳

話說最近食完佐敦店好滿意～即刻book埋試佢嘅荃灣店至得～同樣有各式各樣嘅高級食材任食～仲有酒類任飲🥂係食燒烤嘅極致享受！！最緊要仲有和牛唔同部位可以食～可以體驗最正嘅和牛燒烤盛宴😃帶屋企人嚟食～一定唔會投訴啦～.🦑魷魚筒係成隻嘅～跟住間舖提供嘅方法燒～真係好香！外皮香脆～口感彈牙～成個感覺都好爽口！.帶子好大隻～貝肉都好鮮美～食落仲有淡淡嘅海洋味😉😉彈牙嘅口感喺口中咀嚼～係必點嘅海鮮！夏多布里昂真係頂級牛肉～脂肪分佈均勻～燒咗之後牛油香味十足🐂滑嫩鮮甜～點埋醬汁一齊食～真係無得頂✌🏻✌🏻牛脷拼五花腩係好特別嘅配搭～牛脷彈牙嘅口感配上軟嫩嘅五花腩有明顯嘅對比～口感好豐富～加上兩款肉都好鮮美🙆🏻‍♀️🙆🏻‍♀️簡直係味覺嘅享受！至於生牛壽司🍣味道係完全唔輸燒嘅牛肉！生牛肉新鮮到極致～原汁原味嘅味道喺口中散開～真係太正啦😆😆薯條燒得好香脆🍟份量都好足！點埋醬汁食～味道更加濃郁～食燒肉配薯條簡直係完美配搭😋青口香甜多汁～因為食材夠新鮮～所以食落好似食到海嘅味道～有海鮮獨有嘅香味～燒緊嘅時候就已經聞到海嘅味道🫰🏻六款唔同部位嘅和牛有靚嘅雪花～燒咗之後好香甜～軟腍腍～入口即溶！連屋企人都食到讚不絕口

好耐冇食放題喇！終於捱到星期五梗係要食餐勁嘅！同朋友嚟到呢間我哋成日嚟嘅燒肉放題，我哋點嘅Set D 120分鐘可以食到高級黑毛和牛仲有好多食材，每次都食到扶牆出去😆餐廳自助區有好多嘢食，炸物沙律汽水甜品等等都可以任拎～重點推介❗✴️和牛西冷和牛燒烤其實好易控制，好快就熟㗎喇～燒一陣就可以開食，油花溶化得啱啱好食落去入口即化🤤又香又濃超惹味✴️豬頸肉呢個部位香而不膩，一點騷味都冇仲特別香甜！食落去口感有彈性仲有好好濃郁嘅豬肉香味🥹 我最鍾意燒耐少少令到啲肉肉微焦，食落去外脆內軟嘅感覺我encore咗四五碟！✴️和牛肉眼呢碟肉眼份量都佔據咗碟嘅中心位！巨型到誇張！大理石紋路睇落就好高質，肉質好好而且肉味好濃郁！✴️海蝦 帆立貝海鮮類都相當出色，好多款嘅海鮮都好新鮮超足料～海蝦好鮮美而且個頭好大，燒完之後肉質更加彈牙👍🏼

位於荃灣嘅呢間牛燒肉一郎係我同朋友每次聚會必到嘅地方，呢度環境舒適，有多款燒肉選擇，其中仲有頂級嘅和牛，仲有飲品、沙律同甜品都係任食, 非常抵食嘅套餐。我哋落咗單原條五花腩，五花腩嘅色澤好靚，燒起嚟特別香，口感軟嫩又油潤，唔單止味道鮮美，食落仲唔會覺得油膩，完全停唔到口。仲有呢度嘅牛里脊肉都非常之好食，完全冇多餘嘅脂肪，燒起嚟口感仲非常嫩滑，焦香濃郁，味道十分醇厚。食完燒肉之後，再食新鮮嘅海鮮換吓口味。青口色澤鮮亮，肉質微泛紅，鮮味十足，食落非常鮮甜。帆立貝嘅肉質肥美，食落好有咬口，爽滑美味。再嚟一盒爆谷邊食邊傾偈，真係好寫意。

前晚我同朋友去咗荃灣的和牛燒肉一郎，真係好抵食！我們點咗一套燒肉套餐，食物水準令人印象深刻，嚟同大家分享一下！😊 首先係極上夏多布里昂，肉質好滑，嚐落去好有肉味，口感唔油腻，非常適合鍾意細膩口感嘅人。接著有黑毛和牛六款，個個都好嫩，特別係牛肩肉，食起嚟特別Juicy，真係令人想一啖接一啖！ 仲有原隻魷魚筒，好鮮甜，只要烤得啱啱好，咬落去好有嚼勁，正好同其他肉類互相襯托。帆立貝同青口都非常新鮮，烤過之後，香味四溢，口感亦好滑，令人忍唔住想再多食幾隻。 另外，牛舌拚豬五花肉嘅組合都幾特別，牛舌鹽味嘅配搭，加上豬五花嘅肥美，味道層次分明，真係唔同凡響！再加上2色蔥花牛舌，味道更添一層次，蔥香味配合肉味，咬下去好香口。三角腹肉則帶有輕微嘅油脂，口感一流，整個套餐真係食得好滿足。 呢間燒肉餐廳嘅食物水準真係超高，服務亦好周到，環境舒服，絕對值得再回頭！如果你鍾意燒肉，絕對唔好錯過！

我男朋友都好鍾意食日本燒烤，因為日本燒烤俾我哋嘅印象係食材高質，食到最原汁原味嘅食材，所以我都好鍾意食呢間《和牛燒肉一郎》嘅放題，特登過嚟荃灣分店食，我哋訂咗位，跟住約埋一齊過嚟。見到餐牌嘅食物有好多選擇，樣樣都好想食！今次我哋揀咗set D。豬肉好厚身，食落好香甜，仲有油脂嘅香味，點埋醬汁一齊食，豬肉味道更加濃郁。呢度嘅牛脷好特別，有檸檬做配搭，酸酸甜甜，好開胃！而且檸檬嘅味道更加突顯咗牛脷嘅獨特嘅風味。和牛西冷同牛脊肉各有特色，和牛西冷燒完之後更加香濃，唔使配醬料都已經好好食，加上牛肉好鮮甜，食落更加爽！仲有牛脊肉嘅口感豐富，每一啖都係頂級享受！除咗燒牛肉，仲有生牛肉刺身，完全冇腥味，食落好鮮甜，令人回味無窮，食到停唔到口！仲有我最愛嘅蝦，蝦好大隻，燒完之後好鮮甜，真係太正啦！除咗食肉類之外，我哋仲叫咗薯條。薯條炸得好香脆，熱辣辣咁食，更加香甜，好啱做小食。呢度嘅食物新鮮又好食，下次一定會再嚟食！

今日班兄弟係嚟食放題，點咗Set E😇雖然大部分嘅食品都可以任食，但係有啲特別食材想試嘅話就需要另外收費.原條五花腩大舊厚實！而且層次好靚，啲肉望落去就好新鮮🤩 燒熟咗之後就可以感受到油脂喺口入面爆開嘅感覺，油香味十足但係又唔會令人覺得油膩！好好食啊啊啊原條牛脷配香水檸檬我本身其實一直以來都唔係好鍾意牛脷嘅腥味，但係呢道一點異味都冇！真係好驚喜！😍牛脷厚實多汁，食落去好新鮮，滴啲香水檸檬落去，味道更加清爽開胃🤤和牛肉眼肉眼油花豐富，燒到鍾意嘅熟度之後牛肉味飄香～望住啲脂肪溶化嘅肉片，我口水都流埋！食落去彈牙之餘仲帶住油筋，香嫩多汁！除咗肉類海鮮之外，仲有好多炸物壽司、甜品同埋飲品等等可以喺餐廳嘅自助bar拎. 我哋仲試咗佢哋嘅生牛大腹肉壽司同埋生牛拖羅刺身，食落去帶住微微甜味，肥而不膩，而且仲好嫩！一點都唔輸出面嘅壽司店😳

餐廳位於荃灣，餐牌都好簡單易明，分開3個唔同價位，食物質素同種類都會因應價錢有所不同，食物種類真係一點都唔少。今日就試佢最高級別個餐，可以食到超過152款食物，仲要係任食黑毛和牛120分鐘任食呢個餐除咗可以任食不同和牛同澳洲美國和牛，當然仲有一啲海鮮嘅選擇會多咗。因為食物種類繁多，我會揀當中我覺得好食或者比較少見嘅食物去推介畀大家。淨係肉類牛/豬/雞都有唔少選擇，但最出色一定係黑毛和牛六款，入口爽口彈牙，又有肉味同油花香。此外，極上夏多布里昂同牛舌拼豬五花肉，亦都相當一流，每次出菜個質素都keep到一致水平。仲有炸蝦都好高質，個人私心最推介，我一個人都食咗佢成10隻。套餐會包埋海鮮任食，海鮮好新鮮，尤其帆立貝同海蝦size好大隻，亦唔會有雪藏味，青口和原隻魷魚筒又香又滑，都係必點之選。佢哋嘅醬料及飲品擺位都睇得出好用心，餐廳佔地都大，有唔少卡位，仲有一列長枱可容納一班朋友一齊用餐，抽風亦做得算唔錯，唔會好重油煙味，整體環境都整潔乾淨光猛。呢度係用QR Code落單，但一埋位職員都好用心介紹menu，態度認真唔錯，上菜同收碟速度都好快，亦無漏單嘅情況出現。呢度嘅食物質素又好，相當合理抵食

同幾個好同事收工之後，嚟呢度和牛燒肉一郎燒嘢食，我哋隔幾個月就會嚟呢度食，呢度嘅地方舒適又大，真係好啱收工同班朋友同事一齊嚟happy hour！呢度嘅食材又有質素，又新鮮，全部都係靚嘢！五花腩：五花腩嘅肉質彈牙，味道香甜，燒咗食更加食到豬肉嘅風味！牛肉：好多唔同部位嘅牛肉真係食到好爽！，每一款都好軟，燒咗之後油香四溢，脂肪分佈均勻，簡直係人間美味！我最鍾意就係一口牛，食落口感好豐富，仲好鮮甜，一啖食落去，真係好完美！鹽味牛脷：加咗鹽味嘅牛脷味道更加香濃，仲好彈牙，成個味道都好有特色。豬頸肉：豬頸肉肉質嫩滑，完全唔輸牛㗎，而且仲鮮嫩多汁，好爽口！多春魚：多春魚燒得好香，香脆嘅魚皮配上滑溜嘅魚肉，有明顯嘅對比，口感好豐富！青口：青口肉質鮮美，咬落仲有淡淡嘅海水味，燒咗之後更加香甜，正呀！今次嘅燒肉體驗真係好滿足呀！

我之前喺和牛燒肉一郎其他分店食過，印象非常好，真係好爽，和牛可以任食。荃灣呢間分店環境比較現代化，好乾淨，食放題用餐非常舒適。和牛西冷真係頂級牛肉，非常軟，烤咗之後更香，令人回味無窮！牛脊肉嘅脂肪較少，食起來非常厚實，完全唔輸其他部位嘅牛肉！牛舌放咗鹽味後，味道更加濃郁，仲好彈牙，越食越爽，完全停唔落！仲有我每次嚟必點嘅生牛肉刺身，非常新鮮，分量好足，每一啖都可以食到牛肉本身嘅甜味，太完美啦！多春魚烤咗之後好香脆，魚肉非常軟，完全冇腥味，真係非常美味！沙律食起來好清甜，仲好新鮮，食完烤肉嚟一盤，非常解膩！薯條炸得金黃酥脆，內餡滿滿，完全唔會油，特別適合作為飯後小食！我一個人食到非常飽，真係太滿足！