品曲奇 (國際金融中心商場)

營業中

休息中

Wfh呢段時間喺屋企好少出街雖然食多咗零食但係嚟嚟去去都係嗰啲難得出咗去中環見到呢間賣嘅曲奇餅啲味道好得意所以就決定買嚟試下🤩🤩佢啲口味有鹹有甜 好多都係幾有香港特色XO醬曲奇🍪香辣蝦米曲奇🍪蔥油雞曲奇🍪陳皮子薑曲奇🍪鹹蛋蝦膏曲奇🍪特濃朱古力曲奇🍪香橙夏威夷曲奇🍪七味粉曲奇🍪仲有其他食左幾塊我自己就覺得啲味道好特別好少有鹹蛋蝦膏曲奇嘅蝦膏味都幾濃如果鍾意鹹鹹香香應該會幾鍾意自己本身鍾意XO醬所以一買返嚟就急不及待試咗未試過呢D口味既曲奇好新奇如果食薯片食朱古力食到悶真係不妨試下可能會有驚喜

最近多咗喺屋企，就梗係買多咗零食喺屋企做儲備，身為曲奇迷你的我，早前去到中環國金行街唞吓氣，見到一間裝修得好華麗、香港新派曲奇餅品牌 「 PIN Cookies 」，是一家以香港特色風味為主打的曲奇餅專門店，裝修環境好舒適，用白色襯托高貴嘅金色做主調，而且地方非常乾淨。入面陳列嘅曲奇口味仲好多添，採用新鮮特色食材，製作一系列創新口味曲奇餅，最重要係產品不含防腐劑，就算大人細路都可以食得安心又放心。見到好似扭計色咁的骰，而且包裝設計又七彩繽紛嘅PIN雜錦曲奇ASSORTED FLAVORS，一於就買黎試吓。當中同包括咗以下八款PIN崇尚香港風味，每款口味仲有三塊，而且口味喺出面真係食唔到，好新奇特別有趣，同屋企人朋友開心share都得啊。- XO Sauce Cookies XO醬曲奇 x 3
- Chili Shrimp Cookies 香辣蝦米曲奇 x 3
- Seven Spice Cookies 七味粉曲奇 x 3
- Scallion Chicken Cookies 蔥油雞曲奇 x 3
- Red Dates Cookies 紅棗曲奇 x 3
- Rosemary Aprico

PIN是一家以香港特色風味為主打的曲奇餅專門店，新店開左係中環IFC～買左幾款番屋企🥰PIN崇尚香港風味🇭🇰曲奇口味特別，越出越多款口味，四四方方包裝盒，雜錦曲奇有8款口味一共24塊，包括XO醬曲奇、香辣蝦米曲奇 、蔥油雞曲奇、陳皮子薑曲奇、陳皮子薑曲奇、花旗參提子曲奇、七味粉曲奇、紅棗曲奇；另外仲有全新口味有鹹蛋蝦膏曲奇、特濃朱古力曲奇、香橙夏威夷曲奇、南乳秋葵曲奇🍪真正香港製造，連包裝設計都十分獨特，包裝上有顏色去區分別口味，內有說書明介紹每款味道架～曲奇口感鬆化可口，牛油味剛好，多款口味，尤其是陳皮子薑曲奇、杏脯迷迭香曲奇 、蔥油雞曲奇較為特別，一打開就聞陳皮和子薑的香味道；杏脯迷迭香一入口就散發迷迭香味道配杏脯很夾的味道，另外蔥油雞香味很有雞仔餅風味很有特色呢😋

朋友之前俾我試過哩間鋪頭嘅曲奇餅，食過香辣蝦米味，個味超似，十分盞鬼!咁岩經過IFC，原來哩到都有實體店，即刻買番啲番屋企存貨。原來係有好多款口味，例如蔥油雞、陳皮子薑、鹹蛋蝦膏、提子花旗參等等。店員仲推介新推出嘅口味:特濃朱古力同香橙夏威夷，淨係聽過名都想試。由於我貪心，好多款都想試，所以買左一盒雜錦曲奇($208)，8款口味，總共24塊。我最鍾意陳皮子薑同杏脯迷迭香，兩款都好香，仲要係真材實料，有陳皮粒同杏脯粒，食落好有口感同埋曲奇餅都好鬆脆。店員仲介紹話由於產品不含防腐劑，要新鮮食，真係健康又好食！

之前聽朋友介紹過PIN曲奇好好味，係一間以香港特色風味為主題的專門店，所以當日經過開中環，就忍唔住要去門市買黎試下我買左一盒雜錦曲奇同一包七味粉曲奇。雜錦曲奇有8款口味，包括有XO醬曲奇、香辣蝦米曲奇、蔥油雞曲奇、陳皮子薑曲奇、杏脯迷迭香曲奇、提子花旗蔘曲奇、七味粉曲奇同紅棗曲奇。味道非常特別同創新一盒入面有24塊，每種口味各有3塊。而且包裝好靚，送禮比人會好得體。我自己最鍾意就有XO醬曲奇、香辣蝦米曲奇、蔥油雞曲奇同七味粉曲奇，依4款味道都比較濃味，辣辣地好過癮，令我忍唔住食完一塊又再食。而我老公就鍾意陳皮子薑曲奇

之前係朋友屋企試過, 覺得好唔錯, 前陣子見工, 剛好見到間鋪, 間店裝修都幾有品味, 見到最新有d特別口味出左, 所以最終都係忍唔住敗左下來xp佢包裝都好好, 裡面係獨立包裝, 送禮或者做散水餅都唔失禮。最緊要佢既曲奇款其實外面好少見, 甚至部分都好有香港特色, 好似最新買獨立一包既陳皮子薑味, 仲有盒裝款裡面既蝦膏味等。比起外邊出幾乎都一式一樣既西洋口味, 呢間都真係比較別樹一格。上次係朋友屋企就試得2種味, 今次終於可以試曬啦。說起來最近都不時wfh, 其實都幾鬱悶心情上, 所以有時做做下野有好食既零食擺入口其實唔錯。頭2日試曬咁多味, 唔錯唔錯~

Pin.cookie雜錦曲奇多咗幾款新嘅味啦，佢哋以香港特色風味做主打，每次都好似拆驚喜包咁(๑´ڡ`๑)，唔知今次有邊啲新口味加入呢？雜錦口味入面有好多款你估唔到嘅香港本土口味，勁推蔥油雞、 XO醬、香辣蝦米味曲奇 ，咁睇我好似都幾鍾情濃味嘢😂但係真係好驚訝點解個曲奇有雞油香蔥香完全係會齒頰留香。XO醬、香辣蝦米味曲奇就偏向多少少海鮮嘅咸香味帶啲微辣，再配一杯紅茶真係好完美。佢哋全新嘅口味包括鹹蛋蝦膏曲奇、特濃朱古力曲奇、香橙夏威夷曲奇、南乳秋葵曲奇，好多你諗唔到嘅港式味道同曲奇係可以結合到。

PIN Cookies主打香港特色風味，曲奇款式別出新意，有別於坊間一般常見口味，例如有XO醬、香辣蝦米 、蔥油雞曲奇、陳皮子薑、陳皮子薑等，新店位於中環國際金融中心，不論作為香港手信送禮自用都一流。雜錦口味 ($208) 包括XO醬曲奇、香辣蝦米曲奇、七味粉曲奇、蔥油雞曲奇、紅棗曲奇、杏脯迷迭香曲奇、提子花旗蔘曲奇及陳皮子薑曲奇八款招牌口味，共24塊獨立包裝，七彩繽紛與包裝盒設計如出一轍。多款口味鹹甜俱備，然而每款雖配搭創新但卻毫不突兀，當中個人認為蔥油雞曲奇最有驚喜，蔥油香氣四溢反而帶點台式蔥油餅之風味。另外每款口味均可以獨立購買，亦有紙袋裝選擇，更有鹹蛋蝦膏曲奇、香橙夏威夷果仁曲奇、特濃朱古力曲奇及南乳秋葵曲奇四款全新口味；鹹蛋蝦膏曲奇 ($108) 將鹹蛋及蝦膏兩種鹹香十足的食材融為一體，濃郁惹味。香橙夏威夷果仁曲奇 ($108) 加入夏威夷果仁碎令口感更加豐富，淡淡橙香清新自然。

My tea time favouritePin cookie 係以香港特色風味做主題既曲奇餅 真係每款口味都有驚喜!佢哋有得一盒或包裝一款口味或者一盒雜錦口味都得 有唔同既組合未試過既或好似我咁有選擇困難症既當然係揀雜錦口味啦 一盒8款!有XO醬味曲奇 / 香辣蝦米味曲奇 / 蔥油雞味曲奇 / 陳皮子薑味曲奇 / 杏脯迷迭香味曲奇 / 花旗參提子味曲奇 / 七味粉味曲奇 / 紅棗味曲奇每隻口味都好突出 特別鍾意蔥油雞 XO醬味同埋花旗參味真係好特別 一食落去就知!全部都係獨立包裝 夠晒衛生PIN cookie 啲口味全部都咁有特色 如果可以出國既話 可以買黎做手信就岩哂另外仲有全新口味鹹蛋蝦膏 特濃朱古力 香橙夏威夷同南乳秋葵曲奇都好吸引!下次都想試下鹹蛋蝦膏味呢

本身好鍾意食曲奇，在中環ifc見到呢間新裝修嘅店，就入去睇下，原來係賣香港風味fusion 曲奇的！可能係新裝修的關係，店內好光鮮。見各款味道都相當特別，就買了個雜錦曲奇來食下！他們的曲奇每塊都是獨立包裝的，非常衛生。雜錦曲奇可以一次過試到8款曲奇口味，性價比幾高～入面有鹹蛋蝦膏曲奇、香辣蝦米曲奇 、蔥油雞曲奇、陳皮子薑曲奇、花旗參提子曲奇、紅棗曲奇等。整體來說，曲奇的口感幾好，脆得來食到牛油香之餘就係各種特色風味～香辣蝦米曲奇食落去係味蕾嘅衝擊，一咬落去好香蝦米，之後係幾刺激的辣香味，估唔到曲奇都可以咁惹味。鹹蛋蝦膏曲奇都係香口之選😋蔥油雞曲奇食落去幾得意，真係好似食緊個餸咁😆另外仲有幾補身嘅曲奇款如陳皮子薑曲奇、花旗參提子曲奇、紅棗曲奇提子花旗蔘曲奇要慢慢品嚐，食落口中一陣會滲出幾濃香嘅花旗蔘味，再加曲奇牛油香balance返，好有層次感。下次要再去買埋其他新口味😋

經過ifc見到一間新開既曲奇店有好多個新口味好吸引，就買咗啲返去試下🤪✨雜錦口味曲奇 ✨七味粉曲奇曲奇烘得好脆身，唔算重牛油味，但每個口味都好突岀，就算唔睇包裝都會知道自己食緊係邊一隻味🤣 雜錦口味分別有-XO醬曲奇x3-香辣蝦米曲奇x3-七味粉曲奇 x3-蔥油雞曲奇 ×3-紅棗曲奇 ×3-杏脯迷迭香曲奇x3-提子花旗蔘曲奇x 3-陳皮子薑曲奇× 3我自己最鍾意係蔥油雞曲奇同埋香辣蝦米曲奇，少少辣加埋呢個香脆嘅口感係冇得輸🥰味道好濃郁突岀，出邊都真係好少有呢啲口味嘅曲奇餅，味道好驚喜🥰因為屋企人鍾意食辣，所以特登揀多盒七味粉曲奇，味道辣得好過癮！

The main point of the cookies made with Hong Kong flavor should be the most local store I have ever seen.Packed colourful, there are a total of 8 flavors in the assorted box of cookies, each 3 pieces, you can already try all of the flavors here. The flavors of XO sauce, spicy dried shrimp, scallion chicken, tangerine peel, grapefruit ginger, etc. are all very special to show the local flavor of Hong Kong .The taste of cookies is crispy and pure, and the taste of butter is low.

最近要囤各種貨，恰好經過IFC發現呢間香港本地曲奇品牌售賣多款充滿香港特色嘅曲奇餅。店舖環境同店員嘅服務質素都相當唔錯，讓我都安心逛了一會兒。雜錦曲奇($208)最吸引我，有8款口味，可一次試勻趣怪新奇嘅配搭真係超啱鍾意嘗鮮嘅我。雜錦曲奇內容物有XO醬曲奇、香辣蝦米曲奇 、蔥油雞曲奇、陳皮子薑曲奇、杏脯迷迭香曲奇、提子花旗蔘曲奇、七味粉曲奇、紅棗曲奇。我最鍾意就係蔥油雞曲奇同埋紅棗曲奇，前者有港式雞仔餅風味，後者食落幾養生。而最驚喜係七味粉曲奇，辣勁幾突出，夾雜埋堅果更增加口感。本身以為香辣蝦米曲奇同XO醬曲奇會好似，食後發現XO醬曲奇多咗陣油香同埋瑤柱嘅香氣。迷迭香平時用開嚟整西餐，加入曲奇再襯埋杏脯原來都幾夾，香料味溫和唔會搶咗杏脯嘅味道。提子花旗蔘曲奇嘅花旗蔘味香而不苦澀，都值得一試！另外佢地最近出嘅全新口味有4款，分別係鹹蛋蝦膏曲奇、特濃朱古力曲奇、香橙夏威夷曲奇、南乳秋葵曲奇。我有試咗其中兩款，香橙夏威夷曲奇係果乾同堅果嘅結合，鐘意香橙粒係入面幾清新！而鹹蛋蝦膏曲奇咸香十足，蝦味突出仲有脆脆嘅碎屑好似櫻花蝦嘅香脆口感。

前幾天到了位於中環國際金融中心3樓3022A店的「PIN」新店， 店舖以白色作主色， 布置高貴及優雅， 而且曲奇包裝色彩繽紛，帶給大家有種喜悅感。「PIN」是一家以香港特色風味為主打的曲奇餅專門店， 曲奇味道超地道。 這個什錦曲奇套裝，有8款香港風味，包括XO醬曲奇、香辣蝦米曲奇 、蔥油雞曲奇、陳皮子薑曲奇、花旗參提子曲奇、杏脯迷迭香曲奇、七味粉曲奇及紅棗曲奇。「蔥油雞曲奇」可以說是神還原， 未食打開已包裝已有香的蔥油味沖出來， 曲奇質地比較硬身，脆口不容易鬆散， 質感很好，不會吃到一地都是曲奇碎。味道超似蔥油雞， 不算太搶口，很有趣。「陳皮子薑曲奇」入口已充滿濃郁陳皮子薑味，醒胃又感健康， 令人眼前一亮，一點都不覺得曲奇餅邪惡。「香辣蝦米曲奇」 香香辣辣十分惹味， 想不到曲奇餅也有鹹香味， 值得一試。全新口味「特濃朱古力曲奇」， 朱古力味超濃郁， 口腔內停留香濃的朱古力味超過半分鐘，朱古力控一定大愛。

不少菜式都會Fusion帶來驚喜♾原來曲奇都可以咁有創意！PIN新店位於IFC，裝修簡潔光亮。主打香港風味口味手工曲奇🇭🇰將香港口味融入曲奇中🍪沒有添加防腐劑，所以要盡快食用。「雜錦味曲奇」禮盒就可以嘗到大部份口味禮盒入面有8種口味，共有24塊曲奇各3塊。「XO醬曲奇」同「香辣蝦米曲奇」味道差唔多，好香帶辣。蝦米鹹香。「七味粉曲奇」愈食愈辣，層次豐富。「蔥油雞曲奇」蔥味濃郁香口。「紅棗曲奇」口感煙韌，有粒粒紅棗。「杏脯迷迭香曲奇」外層加咗糖粒，多咗重脆脆口感。「提子花旗蔘曲奇」花旗蔘的甘香。「陳皮子薑曲奇」咬開有陳皮香氣，最後有子薑的味道。另外，「特濃朱古力曲奇」禮包有12片，朱古力香濃，不會過甜過膩，忍唔到口一次食左半包！