品香樓中西風味餐廳

營業中

休息中

今次去嘅餐廳，試咗佢哋嘅招牌菜：炒飯、鹹蛋炒白菜仔同沙爹肥牛煲。炒飯香氣撲鼻，粒粒飯粒鬆散唔黐，炒得金黃香脆，配料豐富，令人回味無窮。鹹蛋炒白菜仔清香爽口，鹹蛋嘅鹹香同白菜嘅清甜完美結合，一啖一口，好送飯。沙爹肥牛煲肉質鮮嫩多汁，沙爹醬香辣開胃，配菜金菇芽菜好索味，帶出菜嘅鮮甜。整體而言，呢三款菜式都係味道鮮美，烹調精湛，物超所值，價錢同外面大排檔差唔多，只可惜檯與檯之間嘅距離比較窄，環境頗嘈。如果你鐘意中式煲仔菜，呢度絕對值得一試！

想試試隻風沙雞，慕名而來，朋友另外推介南乳豬手，又試下。雞上枱，外貌ok, 一食就出事， 雞肉過熟無肉味，外皮一般。到南乳豬手，其實唔太差，本身都算夠味，反而另上嘅汁唔太掂，酒味太濃而變苦。豆腐皮炸得幾好，豆腐也滑，但豆腐味偏淡。白飯15蚊細細碗，又乾又硬，食唔落，無影相。總結應該無下次。

想食下鑊氣小炒可以嚟呢度，部分大學生嘅成長都有留下回憶。平靚正嘅中菜，食物選擇多，絕對係一定啱食。位置在南山邨內，包有水準大可以放心，記得訂枱先得😏———————————————————————————.🥢薯仔🥔牛柳粒🐮💬都要有儀式感，火焰🔥一下先夠鑊氣，牛柳粒入晒味唔韌，薯仔🥔好香脆😏.🥢風沙雞🐔💬人氣招牌菜式，雞🐓皮脆嫩滑香口，難怪係咁多人叫，餸飯餸酒都一樣出色😏.🥢酥炸蠔餅🦪💬絕對係非常酥脆，勁大塊又多蠔，唔係一定潮州菜館先至有正嘅蠔餅食😏.🥢啫啫芥蘭煲🥬💬又係「啫啫」芥蘭，一定都係大家喜歡嘅菜式，無論生菜🥬定芥蘭，只要有鑊氣就一定無問題☺️.🥢豉油皇炒麵🍜💬單尾唔叫返碟豉油皇炒麵對唔住自己個胃，亦係大廚嘅手勢考驗，好明顯係絕對過關，無可挑剔😏.🥢南乳炸豬手🐽💬臨尾加單整多碟南乳炸豬手，又係一樣唔油膩又香脆，豬手啖啖肉，停不下來😏.🥤凍朱古力🍫💬呢個係情意結，真係唔飲唔得，超濃朱古力加入大量忌廉，點會唔好飲😏

星期六晚上我去咗品香樓，想重溫下以前嘅味道。啫啫雞煲雞肉好嫩，但唔入味。南乳豬手接住試咗南乳豬手，皮脆肉滑，南乳味道正，食落去感覺幾好，係一道值得推介嘅菜式。蠔餅不過，蠔餅外脆，味道ok，仲好大份。沙嗲牛肉炒芥蘭沙嗲牛肉炒芥蘭就幾好，牛肉炒得剛好，沙嗲醬味香濃，搭配啲青菜食落去都幾開胃，值得一試。飲品飲品方面，我試咗朱古力同牛油果沙冰。朱古力味道濃，飲落去唔會太甜，牛油果沙冰就清新又滑，夏天飲真係好舒服。總結今個星期六晚上環境方面，品香樓比起以前少咗好多客人，職員人手充足，服務都幾好。坐喺呢度，真係有啲讀書時嘅回憶，幾有意思。整體嚟講，品香樓嘅食物質素保持得唔錯，值得再返去試下！#品香樓 #食評 #嘟嘟雞煲 #南乳豬手 #廣東話 #美食回憶

同一大班朋友去咗品香樓中西風味餐廳食飯，聽講佢哋嘅凍朱古力好受歡迎，當然要試吓啦！🍽️🥩 火焰蜜椒牛柳粒呢道菜一上枱就已經好吸睛，牛柳粒用火焰點燃，香味四溢！🔥蜜椒有甜味，牛柳粒煮得啱啱好，肉質有嚼勁，真係好滿足！🥩🥬 啫啫通菜煲通菜炒得好香🍲唔會太油膩，蔬菜保持到清脆嘅口感，係一道好簡單但又好味嘅菜！👍🦑 椒鹽鮮魷鮮魷外層炸得香脆，內裡鮮嫩彈牙，配埋椒鹽嘅香味，食落去真係一啖接一啖。🌶️一啲都唔會覺得油膩，好惹味！🦑🥚 賽螃蟹🍳蛋白炒得好滑溜，味道清淡而帶有鹹香🦀🍢 七味椒鹽豆腐呢個豆腐外皮炸得好脆，內裡嫩滑，七味粉同椒鹽嘅配搭帶嚟少少辣味同香氣，口感好豐富。🌿豆腐嘅嫩滑同外層嘅酥脆形成強烈對比，食完仲想再拎多幾件！🧂🥦 西蘭花花枝炒帶子呢道菜嘅材料都好新鮮，帶子夠厚夠，花枝彈牙，西蘭花亦都煮得好鮮嫩。🥦🐚帶子嘅鮮味同花枝嘅口感互相配合，係一道健康又好味嘅菜式！🍗 凍檸檬咸柑桔蜜鹽香手撕雞呢個手撕雞真係好特別，雞肉嫩滑，咸柑桔嘅香味滲透入每一絲雞肉，配埋少少蜜糖，味道好平衡。🍋雞肉帶有清新嘅檸檬香氣，食完好醒胃！🧂🍫 凍朱古力呢度出名嘅凍朱古力真係唔可以錯過！🍫朱古力味道濃郁，唔會過甜，

南山村隱世美食-品香樓次次嚟南山村，都好鐘意執呢間餐廳架，好有大排檔風味🤣夜晚食飯時間已經好爆，要等咗一陣先有位，餐廳入面好有氣氛，我地點咗幾款小炒，款款都好惹味😌有椒鹽魚雲、炸豬手、黃金苦瓜都好正! 啱晒送酒🍺 聽講呢度嘅凍朱古力都好出名，不過今次太飽，無機會試到🥲要下次再嚟試，平日都已經好爆滿，連weekend 仲要等位，大家有興趣要早啲嚟排隊呀😝

經開九龍區，醒起石硤尾有間好出名嘅餐廳食小菜，於是星期六夜晚喺無訂位之下就即興去食6:30pm去到，一個人都無，心諗會唔會中伏😳叫咗呢度最出名嘅風沙雞同香蒜黃金蝦，另外叫多個牛奶津白等咗差唔多5-10分鐘就上齊曬餸，食物暖暖地唔夠熱，應該唔係即叫即炒🤨風沙雞味道的確幾好味，黃金蝦都好味，但就略嫌蝦殼炸得唔夠脆，平時我會食埋蝦殼🤭津白就一般，見隔離枱叫咗個啫啫通菜煲，打開煲蓋香到不得了，早知叫呢個煲啦大約7:00左右開始好多人，之後仲full曬，目測真係好多年青人去食出門口行前幾步，原來仲有多一間品香樓，一樣full曬埋單$455，如果食物熱d就更好啦

今晚又嚟食晚飯，6 點左右到，有啲食客仲食緊下午茶餐。南乳豬手，個皮好脆但有啲乾，都軟熟。魚香茄子桂花魚，份量大，似家庭餸。啫啫通菜煲，好香好惹味。韮菜豬紅，今次好鹹好味濃，個汁底好多蒜粒，所以食吾晒，淨左吾少。豉油皇炒麵，大量洋蔥芽菜，好有獲氣，但份量比較細。埋單$507/4 位。

今晚嚟食晚飯，可能系平日同埋6 點零仲早嘅關係，吾太多人。西蘭花花枝片帶子，賣相吾錯齊齊整整，冇乜特別。南乳齋煲，份量大多汁夠味。菠蘿咕嚕肉，青、紅椒幾多，肉粒脆口，幾好。韮菜豬紅，用個爐熱著，幾有特色，味濃而且個汁有大量蒜粒，好食。埋單 $440，都可以。餸嘅份量大，但食完好口渴，環境就比較嘈。

好耐無食過，見小朋友放學經過，入去涼下（因為南山村有冷氣的餐廳很少）本身想叫奶占多，佢話我叫錯，所以再另外叫奶占多，好可惜咬左一啖都唔想吞，連麵包質素都咁差，收銀既女士黑口黑面多謝都無句，環境非常差，張櫈爛的，無下次

怕多人等位一早訂咗位, 不過訂咗位都冇用要齊人先比入座, 一行5個叫咗好多小菜食, 原本諗住試個手撕雞見到隔離枱有叫, 賣相好靚個盆下放咗乾冰, 打卡一流, 但原來要預早兩日前訂既, 唔緊要慳返三百佰煎蠔餅 - 蠔肉唔算少, 但個炸粉超厚, 做唔到潮式蝦餅既效果, 咬落滿口油同炸粉, 最後食法係棄炸粉只食蠔肉風沙雞 - 半份都幾多, 雞肉都嫩火焰黑椒牛柳粒 - 特色在有火焰效果, 味道係唔錯, 牛柳粒好似過火了椒鹽豆腐 - 必食! 外脆內軟, 豆腐超滑炸魚皮 - 冇試過炸魚皮係咁既做法, 味道不錯冇咁熱氣椒鹽鮮魷 - 炸粉唔算好多, 因為我最怕食炸嘢尤其有炸粉面, 鮮魷爽口, 不錯炒通菜 - 夠獲氣益力多沙冰 - 個個嚟到必定叫既凍朱, 但我偏偏就要試下其他野, 唔知用咗幾多枝益力多先做到呢一杯咁濃既味道呢? 幾好飲呢到都係一間屋邨既小菜館, 冇話特別好好食, 只係靠口碑, 人傳人咁, 加上屋邨有打卡位, 所以一定吸引到唔少外來客嚟

南山邨 品香樓有朋友返嚟香港度假， 約咗一大班人出嚟食飯， 去咗品香樓， 去到一睇嚇一跳， 果然名不虛傳， 座無虛席， 如果唔係訂咗位，都唔知食唔食到～叫咗梅菜蒸菜心、 琵琶豆腐、炸豬手、 花枝片炒西蘭花、黑椒牛柳粒、 當然唔少得個招牌風沙雞同埋凍朱古力～個梅菜蒸菜心係用竹籠同荷葉蒸嘅， 唔單止有荷葉嘅香味， 而且蒸出嚟嘅菜心比起普通烚既菜心更加嫩同淋， 而且加咗梅菜一啲草青味都冇好好食～琵琶豆腐炸得夠香口， 加埋啲芝士汁好濃郁，又唔膩， 好似可以加面底但係嗰次叫左好多野食所以無加～炸豬手都唔錯， 唔會炸到好柴好乾爭爭， 而且啲肉都好入味～花枝片炒西蘭花有啲驚喜， 通常外面嗰啲乜乜炒西蘭花，一係就烚到啲西蘭花過淋， 一係就好似生生地好硬， 依次食嘅西蘭花軟硬適中， 同埋好難得咁炒到有蒜蓉味～我自己就覺得冇乜太特別， 同外面嗰啲分別唔係好大～最後係隻雞， 隻雞個整法有啲似炸子雞，然後上面鋪咗好多炸蒜碎， 隻雞啲皮炸到好趣啲肉仲係好滑仲爆汁， 而且好惹味， 同埋上邊啲炸蒜好好味， 唔會好似外面有啲咁苦苦地， 我聽有啲人講話隻雞要預先訂， 有啲人又話唔使， 所以如果大家想去試嘅話，安全起見都

一去到石硤尾就會諗起呢一間餐廳：品香樓無論係鑊氣小炒、煎炸食物、中菜、鍋物等等，樣樣都咁出色！好多人嚟到都會試佢哋嘅招牌飲品忌廉朱古力，我自己就覺得朱古力味唔夠重，但係打卡嘅話都係一個唔錯嘅選擇。至於食物方面，南乳炸豬手同埋黃金蝦都係必點嘅，推介👍🏻

之前，返BU個時一直聽人講呢間是city同bu 眾會好地方！啱啱好而定完左sem就約朋友一齊去朝聖一下！椒鹽豆腐一般無太大問題,不過可惜豆腐唔夠嫩滑！金菇肥牛煲，嘅分量就有少少不足。不過火焰牛柳就真係好正架!即場燶火好有feel,牛柳粒又夠肥美,仲帶有啲蜜汁,真係食落爽口極了!啫啫通菜就更加幾fancy~將個燒熱咗嘅窩放喺枱面,然後現場食譜落通菜,咁樣仲好似好新鮮同夠鑊氣嘅感覺。再加上腐乳香味,真係幾好味呀!另外記住要叫杯凍朱必飲飲,消消暑囉!總括嚟講,餐廳大部分菜式都幾正,個別地方仲要加強吓。不過呢間店嘅創意做法同視覺效果真係有夠精緻同有心思架!

同事強力推介品香樓，品香樓是以小炒為主，主打快靚正，當中火焰蜜汁牛柳粒是必點，上菜時店員點火，蜜汁馬上溶化，加上牛柳粒香甜可口，再嚟煎蠔餅，一樣美味最後金沙花技，簡直色香味俱全店內裝修偏舊，始終都係舊屋村樓下，但就係依種人情味，先食得開心