嚐樂餃子

營業中

休息中

呢間餃子店真係令我深深留下印象㗎。首先，佢哋嘅選擇真係好多元化，無論係素食定係肉食嘅朋友都可以揀到啱口味嘅餃子。佢哋有傳統嘅豬肉餡，仲有啲素菜餡。其次，即做嘅方式確保餃子嘅口感同味道係最好嘅狀態。每一口餃子都有豐富嘅餡料同鮮美嘅湯汁，真係令人好滿足。另外，佢哋嘅餃子皮亦都好出色。皮薄而有彈性，唔會太厚重或者好油膩。呢個令餃子更加好食，因為餡料同皮係達到咗完美嘅平衡。總括而言，呢間餃子店真係留俾我好好嘅印象。如果你都係個餃子愛好者，我好推薦你黎呢間餃子店試下。

嚐樂餃子🥟位於荔枝角工廈地下，除了售賣小食外，主打就是餃子及雲吞，也有一些簡單麵食。餃子可單點或是配成麵底/菜底的套餐。粟米芝士豬肉煎餃 (8隻)，煎餃外皮微脆，不會太厚。粟米芝士豬肉餡的份量適中，芝士味不算濃厚，但都能嚐得到芝士味，入口不會太膩。鮮蝦雲吞 ($38/6隻)，加了$8配麵餐，四款麵之中選配上海麵。湯底亦有兩款可選，選了紅蘿蔔粟米豬骨湯，湯底是住家湯的味道，清甜又無味精！雲吞皮夠薄，惟肉香多於鮮蝦香味。不知是否因外賣分湯的關係，上海麵不夠吸湯，雖然麵質爽滑，但味道好淡。韮菜豬肉湯餃 (8隻)，同樣是紅蘿蔔粟米豬骨湯。水餃皮薄，餡料飽滿，韮菜香與肉香平衝，是點的三款之中，最好吃的一款！雖然外賣過程中有點甩漏，店員包少了一盒食物，我們需折返取回，但店方都主動送了樽飲品給我們啊！無味精的一餐健康外賣，間中嚐嚐也不錯～～～

咁啱黎荔枝角做嘢 又係選擇困難症嘅時候今次已經第2次幫襯 Lunch time前半個鐘落單，去到即拎。叫左白菜豬肉湯餃 & 蔥油撈麵 白菜餃皮薄同滑，個味幾好食，見佢地有人係到不停包，應該都幾新鮮。我兩次都有飲晒D湯😂青紅蘿蔔湯，起碼飲完唔口渴同無味精👍🏻 蔥油撈麵，味道正常，唔太咸。平時唔係度度有，所以先叫呢樣試吓。我覺得個蔥油都幾香，不過可以再濃味少少就好。不過最正係個菜脯，好好食，我撈埋落個麵到食好正！少少辣，甜甜地，好惹味！如果有菜脯撈麵就好😆小店黎講都算唔錯，都叫有啲誠意。下次試埋個肉醬撈麵。

由於見到其他分享話會等好耐，所以放飯之前就order定個湯餃面餐～餃子有好多選擇，我揀左西洋菜豬肉餃+鳳城水餃 配青紅蘿蔔湯🥕食餃子最怕d豬肉唔新鮮/雪藏，拎外賣果時見到啲員工好努力包就覺得應該唔會差食埋落口就知真係好新鮮，餡料好足而且餃子皮好薄好滑，薄到啲餡可以透出嚟湯底方面很清甜，而且佢會俾少少湯渣你食同有兩片生菜，感覺健康d秘製肉醬撈上海面，肉醬係偏向番茄味，唔是辣果隻，肉眼都見到有番茄蓉，撈埋上海面好開胃

外賣拎上樓食，最多15分鐘，已經乾過我條命，又要唔好味，係咁加水想救佢，都救唔到😞😞 都唔知自己食緊咩.餃子都好普普，皮好厚料無特別.諗住小店有吸引之處，可以長期食，點知88😖😖😔又少間舖頭可以食

有次lunch經過見到新開左間餃子，過兩日就黎試左。叫左個西洋菜豬肉餃雙拼鳳城水餃湯麵餐，西洋菜餃子唔會苦，同埋個湯麵底試到應該無味精嘅豬骨湯底👍🏻👍🏻同事叫左粟米芝士煎餃拼蘿蔔芹菜煎餃撈麵餐粟米芝士煎餃有驚喜😍雖然係等得耐咗少少，可能因為新開張同埋係即叫即整，不過幾好食，同埋佢哋仲有自家製嘅蘋果雪梨茶同埋薏米水，唔會太甜 幾正！下次會再試埋其他餃子🥟😋建議預返時間早少少落單，因為即叫即整都要時間

開左OPENRICE咁耐，真係好少會寫負評，而係今次真係忍唔住12:32分網上落單，等到1:35分先有得拎1) 韮菜豬肉餃拼雲吞 (8隻) 配上海湯麵 (鮮味濃湯)變成韮菜豬肉餃拼雲吞 (6隻) 配上海湯麵 (紅蘿蔔粟米湯)2) 鳳城水餃拼芫茜豬肉餃 (6隻) 配特製蔥油撈麵 變成 芫茜豬肉餃 (8隻) 配特製蔥油撈粗麵 時間長、食物錯都算，仲要唔好食............韮菜豬肉餃同芫茜豬肉餃食唔出有咩分別，肉部份都唔夠味，上海麵同湯都唔夠熱，同事表示撈麵都唔好食最後成個LUNCH剩得10分鐘食，搞到完全無時間休息慘被白白浪費左一個LUNCH