影片
以上資料只供參考, 請與餐廳確認詳情
相關文章
自從啟德零售館開咗之後 多咗好多餐廳選擇四寶食堂 即刻被我哋屋苑鄰居瘋傳話「完勝」區內所有茶餐廳終於有間「好食的」茶餐廳 受歡迎原因好簡單：選擇多 質素好同其他分店有少少唔同加入了運動元素 幾特別 橙色主題 仲有單車裝飾養生燉湯 套餐加$28日日都唔同 都幾多料 蟲草花 + 姬松茸 仲有瘦肉 飲落唔覺有味精 幾正！一盅幾大碗招牌瑞士汁炒牛河瑞士汁甜甜地 有鑊氣 牛肉夠淋！經典茶餐廳炒粉麵做得唔錯份量比得夠足 ！男士都一定夠飽而且唔算太油膩除咗小炒仲有小菜「山渣汁脆皮拔絲咕嚕肉」仲以為去咗酒樓 擺盤出色 味道一樣好菠蘿全部食得 咕嚕肉粉薄 酸酸甜甜估唔到咁認真製作 ！醬汁真係拉絲靚！拔道腩水門雞（半隻）呢隻雞真係必吃 啱晒嗌餸食飯一齊食 雞肉又滑又幾香 半隻真心大份有水準！ 另外仲可以以優惠價 加購前菜小食印象中有20幾蚊 有個蒜泥白肉黑毛豬蒜香幾正 蒜油出色 黑毛豬片爽口檸檬桂花蜜糖冰茶，經典紅豆冰除咗平時檸檬茶 奶茶之外，呢度嘅飲品都唔錯之前喺銅鑼灣店 飲過呢個桂花蜜糖冰茶大大杯 桂花蜜糖口感順滑 唔會太甜 讚！分咗少少朋友嗰個飯「泰式香葉肉碎煎蘭王蛋飯」蘭王蛋煎得靚仔仲有脆邊 真係好加分辣辣地好開胃 🤤我想食多兩啖佢唔俾我食
繼續閱讀
假期往新地標逛，有不少新開業的商舖和餐廳，園區簇新富設計感，值得一遊。選了家連鎖港式新派茶餐廳試試，當中有些泰式美食，惟不像泰菜那般辣，合港人口味。鐵板泰式街頭沙嗲串燒，有6串，雞和豬各3串，鐵板上枱時是聽得出的炙熱，串燒有肉汁，不乾鞋。拔道腩水門雞半隻，即泰式海南雞，雞肉可算嫩滑。蜜椒金薯牛柳粒配米飯，蜜椒金薯蜜甜，牛柳粒惹味腍滑，美味！套餐加配花雕醉雞翼，杞子香甜，雞翼滑溜富酒香。另加配了蒜泥白肉黑毛豬，這是全餐唯一不滿意的食物，個人偏好較瘦的肉類，而這豬肉在我來說是過份肥膩了。套餐的精選養生燉湯有松草花、雪梨、瘦肉等，湯清甜而滋潤，完全不油膩，喜歡！蛋撻是酥皮的，蛋漿滑溜富蛋香，相當不錯。飲品點了鳳梨百香果冷泡冰紅茶和檸檬桂花蜜糖冰茶，兩杯皆不錯。前者較甜，茶香和果香平衡得不錯；後者充滿桂花香，又有檸檬中和甜度。兩杯皆值得一試。室內環境以卡位為主，卡位亦寬敞，玻璃外望運動場景，以港式茶餐廳來說，環境屬超班。服務殷勤友善，會推介菜式。
繼續閱讀
🍽️ 四寶食堂 🍽️今日去咗位於啟德三號零售館嘅四寶食堂，真係有好多好嘢食同埋好值得讚揚嘅地方！首先，一定要大大力咁樣讚揚佢哋嘅員工，真係超好態度，又有耐心！見到好多客人有無理嘅要求，佢哋都笑笑口去拆解，絕對冇鬧一句，呢一點真係非常非常值得致敬。👏👏我哋入到去係下午茶時間，啱啱起身未食早餐嘅我就梗係叫返個炒嘢先夠飽啦！而同行嘅朋友仔唔係太肚餓，就叫咗下午茶餐。🍜 XO醬黑豚肉炒讚岐烏冬：烏冬口感滑溜，黑豚肉嫩滑，配上XO醬，真係絕配！🍚 古早味滷肉飯配瑞士雞髀：滷肉飯濃郁香滑，瑞士雞髀味道一流，份量一啲都唔少，真係抵食又好味。🥧 雞批：皮脆餡多，焗得卜卜脆。🍮 蛋撻：蛋香濃郁，酥皮包住佢動L動L。🍧 雪山紅豆冰：忌廉好滑，紅豆同忌廉加奶嘅配合非常好。🍧 港式紅豆冰：經典港式紅豆冰，甜而不膩。佢哋嘅食物份量非常大，下午茶餐同午餐份量差唔多，真係好抵食！大家真係可以嚟試下。四寶食堂 📍 地址：九龍城啟德承啟道38-39號啟德體育園啟德零售館3 G樓M3-006號舖#四寶食堂 #啟德美食 #XO醬黑豚肉炒讚岐烏冬 #古早味滷肉飯 #瑞士雞髀 #雞批 #蛋撻 #雪山紅豆冰 #港式紅豆冰 #香港美食 #食評 #餐廳推薦希望大家都可以嚟試下呢間高質素嘅餐廳，享受一個愉快嘅用餐時光！🍜
繼續閱讀
自從啟德零售館開左之後 ，多左好多餐廳可以選擇呢晚揀左食四寶，平時係旺角食得多餐廳裝潢時尚有格調 ，以橙色為主調幾醒神好耐無食酥皮蛋撻，見到即刻叫返個蛋香味濃，酥皮夠鬆化山楂汁脆皮拔絲咕嚕肉份量幾多咕嚕肉粉幾薄 幾脆口，酸酸甜甜仲真係可以拔絲胡椒大蝦粉絲煲有三隻大蝦，幾彈牙粉絲會左好多胡椒粒調味越食越惹味豉油皇龍鬚炒麵又係份量十足，夠哂鑊氣，魷魚都有唔少養生燉湯幾足料，飲落幾清甜薑片炒介蘭簡單嘅薑片調味，清淡又健康，食落非常爽口最後再整杯雪山紅豆冰邪惡又幸福
繼續閱讀
啟德零售館這間四寶食堂，比起其他分店更加闊落舒服，坐正窗口位，仲可以見到運動場既風景。晚餐選擇都頗多，一人前養生燉湯套餐有四個主菜的選擇。蜜椒金薯骨，排骨及蕃薯炸得香脆，撈上蜜糖，味道甜蜜惹味，很好送飯。養生燉湯十分足料，清甜滋潤，不油膩。配上白飯及餐飲。招牌瑞士汁炒牛河，份量大碟都只是$68, 每條河粉都很上色入味，不會炒到一餅餅，夠鑊氣，牛肉切得厚薄適中，口感嫩滑，瑞士汁香甜。加$20 就可以追加餐前小食，花雕醉雞翼有4隻，好香花雕味。
繼續閱讀