土司工坊 (新港中心)

營業中

休息中

好耐無食過嘅土司工坊去尖沙咀做完嘢都5點幾，有啲肚餓，但因為已經過左5點半，又攰攰哋唔想得咁遠，經過新港中心醒起有food court 就落去睇睇會唔會好彩仲有tea 。落到去food court 當然一如我所料係無tea 食。不過我見到我以前最愛嘅土司工坊。咁就食佢個肉鬆套餐，貪佢平平哋$40有交易。套餐有肉鬆土司、2隻煎蛋同埋嘢飲，凍飲要加錢。肉鬆土司，如我想像好味！肉鬆下有少少沙律醬，土司夠脆！蛋係半熟蛋，加埋醬油啱啱好，佢哋嘅醬油有啲似老抽，唔會太咸。凍咖啡一如以往夠濃，如果少甜會好啲。

午餐叫咗個新加坡椰漿飯配雞扒,椰漿飯上面嘅魚仔乾好好食,不過有少少鹹。椰漿飯都幾軟熟同埋幾香椰漿味,雞扒好脆相當唔錯👍🏻醬汁有啲似咖喱味辣辣地幾惹味👍🏻跟埋佢嘅南洋咖啡幾好飲,幾香👍🏻

平時比較少食吐司工房，今日唔想食甘飽，於是選左呢個餐雞翼幾脆口，煎蛋我覺得太熟，麵既湯底幾好味唔太咸至於熱奶茶因為用左練奶會偏甜，不過我鐘意甜整體味道來講係唔錯即是係FOODCOURT 人都唔太多，唔洗等位，等餐都好快

點解d店員唔會睇單？先講咖啡，明明已經寫咖啡走甜，外帶到公司飲到先發覺又冇走甜，都已經第二次咁，second time!其實店員係唔係唔睇單？定係外帶餐嘗下先？！再談下肉骨茶，打開真係驚，成個lunch menu 最貴嘅set $76，2⃣️啖肉，4⃣️塊豆卜，1⃣️塊生菜，會否我唔太了解肉骨茶？

今日系尖沙咀行過TOAST BOX 土司工坊，無咩人，未試過，裝修好復古，好似六十年代咁，店鋪擺左好多復古電器，裝修好有特色，座位又闊落，人又少就試下啦🥰星洲雞扒叻沙 Chicken Chop Laksa（HKD 66）湯底有椰汁，香茅的香味，辣辣地，味道豐富濃郁，香辣惹味。用料都相當豐富，豆卜索曬Ｄ湯，好好味，魚片好滑，但系無咩魚味，半只雞蛋，個粉都好滑仲有Ｄ芽菜，但系雞扒就一般，一Ｄ都唔脆，無咩特別。66套餐包一杯手拉南洋咖啡➕4蚊可以轉凍飲，咖啡好香濃，系一杯地道南洋咖啡

今日行咗陣，肚餓醫肚，見到呢間第一次去試，諗住應該唔差，叫咗份三文治加一杯咖啡，個三文治裏面有芝士、一隻熟太陽蛋、細薄片午餐肉，見到呢個賣相真係提唔起食慾，仲有杯咖啡，味道非常特別，咖啡無咖啡味，飲落似可可朱古力，試過一次就算。

好耐未去過土司工坊，未試過去一間食肆的餐具可以咁污漕，筷子匙羹都係立黐黐，第一次拎的匙已有污漬，心想可能咁啱一隻半隻，算吧，出去餐具筒再拎過一隻新，點知仲可以係更誇張，發霉的，嚇到我完全無哂胃口，成個餐食左2啖，放棄

今日經過尖沙咀，有d肚餓又諗起好耐無食過咖椰多士同埋熱奶茶就即刻諗起土司工房見到menu有新野飲- 蜜桃氣泡紅茶就試埋佢啦土司工房既熱奶茶無得輸，有一向既水準咖椰多士，咖椰甜甜地配埋牛油，新鮮熱辣辣既面包，咬落去脆卜卜，正！芝士雞扒撈面，個汁唔太喊但夠滋味，面底唔太硬，軟硬適中蜜桃氣泡紅茶，雖然無果肉，但有桃味，不過飲到尾，可能糖醬多左少少，偏甜但總體上算幾好飲，值得一試不過menu多年黎都無乜加新食物提議加多少少新食物

好耐冇飲奶茶，打算再試下，點知奶茶質素下降，味道好淡，溝左好多水嘅感覺，冇茶味，都冇奶味，唔好飲，同之前水準差很遠！希望之後水準有改善。另外，點了一個泰式雞扒椰汁飯，飯好香椰漿味，雞扒都可以，但份量太少，但可以一試。

行行吓…大家開始餓…就附近新港中心落去…睇吓food court有乜東選擇吧…簡單解決個lunch…巡左個圈…覺得可以一試Toast Box 既laksa吧?!...自己喜歡食laksa…雖然food court環境冇乜…都帶點期待啊…餐到了…賣相真可謂麻麻地…可能直覺只要加一點綠都已經可豐富了眼球…嘻嘻…好吧!! 或者不要事事”貪靚”…最緊要還是味道吧?! 超後悔啊~~~~ 一啖咬下隻蛋…凍o既…吾係室温凍…係雪住o既凍添…蝦又係咁…冷冰冰o既……感覺真太差勁了啊…完全係預先做定執配料上碗麵度…連翻滾熱都冇…莫非星加坡天氣熱…向來如是???!…豆卜吾特別有豆香…魚片冇乜好講都… ……麵係類似瀨粉…白色爽口果隻, 自己喜歡蛋麵配D……本來湯頭味道還可以…的……..真係為左吾可以浪費…好勉強食左碗麵佢咋…可以好決絶講句…吾會再幫襯…了!!

香港人至愛嘅食物— 公仔麵配午餐肉蛋麻油味再加熱奶茶。呢間佢唔係用出前一丁，但佢本身嘅公仔麵質素都唔錯嘅，再加煉奶配搭嘅奶茶，係我番工時朝早經常想食嘅早餐，個奶茶真係好好味😋不過成日食完都會好後悔，因為公仔麵真係好肥🤣

First time to try toast box despite walking past this chain many times. Ordered laksa noodle lunch set with cold barley drink for $64. The laksa soup base was not the most authentic but still quite flavorful. I could taste the coconut milk in the soup. It came with a few shrimps (crisp but not much taste to it), half a soft boiled egg, fried tofu puffs and sliced fish cake. The noodles were okay and not too soft. The barley stick was not too sweet and got plenty of barley at the bottom of the dr

今日行開尖沙咀諗唔到食咩諗起好耐無食過既土司工房，我就決定要再光顧佢喇尖沙咀既分店都叫多位，雖然係午飯時間，餐廳都叫仲有空位可以坐低食野真係太耐無食喇，一時間對住個餐牌都覺得花多眼亂最後我就嗌左「巴東牛肉配黃薑飯」「傳統土司」同「美祿恐龍」「巴東牛肉配黃薑飯」既牛肉真係好有濃濃既牛味，不過肉質就硬左少少，配合埋個汁同薑飯，味道配合到極致呀，而且飯份量我覺得幾好，仲可以食到土司傳統土司就仍然保持到一貫既水準，無論外觀同味道都保持到高水準，正呀「美祿恐龍」真係好好飲呀，濃濃既美祿鋪上多多既美祿粉真係令人懷念。下次都要繼續回頭呀！

早上係尖沙咀海港城附近搵一間可以坐得耐，咖啡水平又唔差既餐廳，選擇左中港中心呢間土司工房。 10點幾，仲有好多坐位坐， 舒舒服服，商場播住純音樂，Relax 收銀妹妹態度有禮貌。加4蚊轉左出前一丁。 首先講下杯南洋咖啡， 貫徹土司工房既水準， 熱，香，濃，滑提神之選。 等左5分鐘左右， 製作好個餐蛋面啦！但竟然……湯底不夠熱公仔面既面食煮得岩岩好， 餐肉好明顯唔會煎得過硬。 煎雞蛋係全熟蛋。 小妹個人覺得7成熟會比較好。 有少少失望， 雖然其他部分做得好好，但出前一丁湯底唔夠熱

由於天雨的關係，就到了food court 吃午餐。吐司工坊的午餐定價合理，而味道也不錯，是唔錯的午餐選擇。星洲喇沙$66這個喇沙是升級版，配料比以前的多。配料有蝦、魚片、豆腐泡、雞旦等。蝦已經去殼，口感彈牙。魚片有四片，算不上美味，但味道ok. 豆腐泡索哂湯汁，幾滋味。再吃埋雞旦，感覺都幾豐富。溂沙湯底富有椰香，十分惹味鮮美，帶微辣，再夾上麵缐和芽菜，真叫人滿足。南洋奶茶口感香滑，沒有港式奶茶的澀，茶味比較溫和，加上香甜的煉奶，幾好飲。簡單的喇沙午餐都幾唔錯，可以encore.