地道館車仔麵

營業中

休息中

從裝修上已經可看到這家車仔麵企理新淨，而且乍看餐牌，選擇不少，而且還有一些其他車仔麵店比較少見的配菜。三餸一麵，只需39元。➜五香牛展⧾牛柏葉⧾冬菇配粗麵推介五香牛展，醃得香入味很香，厚度適中，但不是淋身的肉質，需要咀嚼。牛栢葉則可不叫，雖然淋身，但冇咩味道，全靠湯底浸住。很欣賞店家會主動附有生菜。粗麵的質地跟我想像不同，我以為會是中式粉麵店的粗麵，但這裡用的比較厚。➜豬潤⧾豬大腸⧾豬紅配米粉大推豬紅，連我不吃豬紅的人也覺得入味好吃，絕對沒有平日我怕的血腥味。豬潤的生熟程度適中，但調味不太夠。喜歡這家的米粉，很滑很柔軟。

ғᴏᴏᴅɪᴇ ᴛɪᴍᴇ 今次去咗食地道館車仔麵💛餐廳嘅環境都乾淨，坐得好舒服😌車仔麵三餸一麵$39 (7.5/10) 我就叫咗柱侯牛腩+豬紅+蘿蔔米粉配秘制辣汁，辣汁唔會太辣，啱啱好😆三個餸都好好味，蘿蔔好清甜🤩柱侯牛腩要加$2，但係都好抵，份量都好多，好淋都好夠味😋😋

搵食新蒲崗重要的人帶我去好食車仔麵，果然無介紹錯！原來新蒲崗有好多好嘢食，唔係上堂唔會過嚟哩頭。哩間回頭率相當高，諗定下次食咩☺️.三餸車仔麵 $39 😋😋😋😋😋按你想食嘅餸，我哋選了牛展+$2，豬紅同午餐肉，豬血食落係「新鮮」質地岩岩好，必叫🉐，好好食！辣汁有驚喜，辣味加埋濃湯好吊味，最後成碗湯飲晒😂😂飲落好舒服，唔口渴。.滑蛋豬扒撈烏冬 $46 😋😋😋😋😋送一杯飲品，40幾蚊連埋飲品性價比絕對高，重要係味道好得！滑蛋以為係快炒嗰隻，no!係一隻生蛋，撈勻烏冬一齊食，蛋汁連埋炒過嘅烏冬，好滑溜，陣陣蛋香，少少洋蔥味，豬扒仲要好大塊，醃得好夠味，食到甜味，煎得香口，好食！.

自從地道館翻新完之後都冇食過，今日無啦啦發現原來車仔麵以外仲有好多選擇😱想試特別少少嘅嘢食，所以睇中咗滑蛋豬扒撈烏冬 ($46)😋 因為地道館主打車仔麵加上價錢相宜，我本身對個撈烏冬都冇咩期望，點知幾有驚喜！一開賣相已經好吸引，豬扒勁大塊，而且煎得好靚，好入味好好食🤤豬扒下面仲有蟹柳同日本魚蛋，幾多餸啵😍自問大胃王都夠飽🤣由於驚撈烏冬比較heavy，餐飲方面就嗌咗檸茶消膩，店員有加紙皮方便攞走👍

晚餐同男朋友落街食，諗唔到食咩好但見依間車仔麵店環境幾好咁所以最後決定食依間，本身真係抱住一試嘅心態，點知充滿驚喜我哋嗌咗個二人餐，因為見好似好平 咁多嘢，幾抵食咁一上枱，嘩左聲冇諗過咁大碗麵 比我想像中要大碗得多同埋真係有眼見超足料，多到成個碗放滿曬！男朋友同我叫嘅餸差唔多不過佢order左午餐肉，蘿蔔～佢話食車仔麵，識食一定係嗌油麵所以我哋兩個 都係食油麵真係唔係吹水超多料，大件夾抵食分量多到根本食唔曬，我嗌嘅餸有豬紅貢丸，鹵水雞翼佢啲牛肉仲要非常之大塊 一碗有成三四片咁多啲湯底好正，有味道得嚟飲得出唔係味精湯係新鮮淆出嚟嘅嗰種湯，唔會話太鹹 而且飲完之後真係好想飲曬成碗湯 好有鮮味每食一啖麵撈住一匙嘅湯底黎食真係正到暈，勁完美囉成件事啲餸全部都好好食，唯一我覺得麻麻地嘅係佢啲豬紅，反而有少少唔夠新鮮咁最後真係差啲食唔曬咁濟，實在係太大碗太多料，食淨咗少少豬紅＆少少麵 真係好好味，所以我都盡量清曬成碗麵另一樣有驚喜嘅就係佢啲飲品 我哋分別一人買咗一杯凍飲，熱飲 我嘅係熱美祿，男友嘅係凍谷古佢話依家冇乜幾可有茶餐廳仲有得嗌谷古黎飲，所以佢覺得真係好有驚喜充滿誠意，我杯熱美祿又溝咗奶去

呢間野成日都好多人等位，不過好快就有位，最值得一讚，佢係唔做晚市維持2人1枱的良心小店黎。滑蛋豬扒蝦條飯係我既必食推介大過手掌的豬扒，即炸熱辣辣，又鬆軟！加埋滑蛋同蝦條醬油送飯一流，仲要讚既係平時d碟頭飯通常菜都無條，但佢好大方咁比足4-5條生菜，毒L一個人食，46蚊送埋熱飲完全體驗到街坊小店的良心。

同媽咪行新蒲崗，肚餓就搵啲嘢食，見到呢間車仔麵門面幾企理，就入去試一試座位整齊，職員有禮貌，未食已經感覺良好車仔麵湯底偏甜味，麻辣味有少少藥材味，飲落幾舒服豬潤非常大塊，爽口好味道！另外都推介牛腩！ 加埋杯特濃朱古力，一個字爽！

我地今日食左個車仔二人套餐，$125包兩碗自選三餸車仔麵，一碟腩汁時菜或炸魚皮，一碟小食同兩杯野飲。其實都幾抵，加上每樣野份量都好足，真係食到棒住個肚走！而且無論湯底定餸菜，全部味道都好正好入味，地道車仔麵黎講，我真係覺得佢算係性價比高而且高質！湯底:秘製汁(辣): 唔算係勁辣，好襯車仔麵麻辣汁: 唔算好麻，但都係辣嘅兩個湯底風味唔同，我自己鍾意秘製汁多d，下次會想試下腩汁！車仔麵餸:陳皮魚蛋 - 陳皮味好香，好懷舊嘅味道柱候牛腩 - 雖然我地點左秘製辣汁，但咬落食得出腩汁本身味道，勁好味，仲好淋魚皮餃 咖喱魷魚 - 咖喱似係咖喱魚蛋嘅咖喱而唔係平日飲茶嗰種，好似有少少怪但整體都好味酸齋麻辣豬肚 - 食豬肚係食佢個爽，但呢度燘到好淋好入味，估唔到原來淋食都好好味腩汁時菜: 唔只係得腩汁，仲真係有牛腩，個腩汁真係無得頂Juicy豬扒: 唔算好juicy，但味道都好好，煎到個豬扒好脆仲有濃邊。整體我都幾鍾意呢間車仔麵，懷舊味道keep到之餘，每樣餸都好入味所以就算個湯底濃味都好，唔會遮蓋左d餸本身嘅味道，真係大推！

落街買野食經過見到就入去試下好唔好食.. 叫左碗麵... 好大碗而佢湯底都好夠味好濃.. 啲餸都好好味... 仲有杯豆漿... 唔會好似出面果啲咁甜...啱哂我呀下次都會再黎食過..

💛💛💛💛💛💛💛💛🧡🧡🧡🧡🧡🧡🧡🧡去新蒲崗拎陶瓷嘅時候，本身諗住食重光弁当，但佢無開，之後係對面經過見到呢間好多人食，就心郁郁想試吓。******************************豬紅、蘿蔔、咖哩魷魚、油麵配秘制汁（辣）三個餸都好正，特別係咖哩魷魚，好入味，比起其他鋪無味嘅魷魚，呢個真係好好食！湯底味都好正，好濃好辣💦💦👍🏿麵底夠多，食飽飽😬******************************招牌豬扒蝦條蛋飯豬扒味道好香，又唔鞋，醃得好好味，蝦條就無咩特別😹😹😹******************************整體味道goodgood👍🏿👍🏿👍🏿不過環境較窄，枱與枱中間有隔板，但同隔離枱會好近。如果去開新蒲崗，不防一試。😁******************************

我第一次光顧港式車仔麵餐廳「地道館車仔麵」的時候，是在兩年前的「四月」，光顧當時仍然健在的「油麻地」「砵蘭街」分店，只可惜「油麻地」分店現在已經宣告結業，現在想再食多一次也不能了。不幸中之大幸的是「地道館車仔麵」，後來選擇了在位置更方便我，可直接坐專綫小巴前往的「新蒲崗」建立新分店，而且「新蒲崗」鄰近「采頤花園」，方便我在「西貢」坐專綫小巴，來到「新蒲崗」分店路途變得更短。即使「新蒲崗」「崇齡街」分店「地道館車仔麵」店裡面有很多食客光顧，迫使我需要先站在店外取籌號，等候一般時間之後才能等到座位，但是對於住在「西貢」的我，這些等候時間其實只是小菜一碟而已。儘管「地道館車仔麵」店舖樓面裡裝置了一部電視機，但是電視機播放的「99」台不是「新聞臺」，所以對我在餐廳裡面全程用餐的興致沒有構成重大影響，況且我不是面向電視機，不想看新聞的話，不望電視機就行了。不過我進入「新蒲崗」分店「地道館車仔麵」之後，發現現在的「地道館車仔麵」，相對於坊間大部分年輕的食店，「地道館車仔麵」竟然有提供炆「牛腩」食品，而且還有「車仔麵」跟「牛腩飯」任君選擇。以前我光顧坊間那些比較年輕的港式車仔麵店，那些車仔麵店很少向

今日去新蒲崗拎d嘢，就周圍去睇下有咩好食。經過呢間車仔麵，入去食左個下午茶，搵到一間有香港地道味道嘅小食，叫左香炸豬扒同埋韭菜豬紅豬扒即叫即整，1人份量，咬落去非常juice, 完全冇雪味，又食唔到酒味，唔老，肉質彈牙，見到好多枱都有叫到豬扒，就知道一定要叫韭菜豬紅，韭菜多但放在面就索唔到下面d 汁，但撈撈佢就非常好食，豬紅新鮮，唔會一夾就散，有豬紅味，但建議比多小小汁蓋過菜面另外叫左凍檸茶，茶味夠，唔澀，香港味道

平時食餐飯都$50，呢間3餸車仔麵麵都只係$38湯底同車仔餸都OK，加多啲餸埋單兩人都唔使$1003餸車仔麵$38蚊，2餸車仔麵$34，下午茶奉送餐飲小店價錢都好相宜，唔貴，部份車仔餸只係加$1至$2雖然係黃色店，但店內啲客人好似有啲似偏藍湯底+腩汁味道好濃郁會見到湯底有牛腩肉粒，唔係咩味精湯加辣汁會更濃香，每碗都送條生菜豬紅同蘿蔔係我必點嘅車仔餸今次蘿蔔幾嫩幾清甜，豬紅每粒都堅挺，唔會一夾就散鹵水雞翼好入味，如果點鹵水雞翼尖應該更入味本身想試蝦卷，但賣晒，改為試八爪魚卷魚卷幾彈牙同有咬口，有顆粒感但豬大腸就較遜色，唔太入味同乾淨而陳皮魚蛋更加係推介，好少街頭小食有得食今次車仔麵有少有嘅陳皮魚蛋，幾彈牙都有啖啖鮮甜魚香味同陳皮香味，有懷舊味道

呢間車仔麵已經食過好幾次，不過每次都吾記得點評，黃店愛心車仔麵值得支持地道館除左車仔麵之外，精選飯餐都好抵食，$43~$45 已經包飲品，豬手飯好味咖哩魷魚，豬皮，牛 ~ 3餸車仔麵蘿蔔，牛腩，雞翼尖 ~ 3餸車仔麵 + 秘製辣汁系車仔麵嘅靈魂(必試），如果吾怕辣的話配埋個罐裝檸檬可樂，爽晒，如果系支裝可樂就更加perfect.每次必食嘅系咖哩魷魚，蘿蔔，豬紅(好滑），今日賣晒無得食，牛腩，牛，鹵水豬大腸好入味，加上至愛秘製辣汁，會繼續支持，加油

新蒲崗黃店💛地道館車仔麵由於太夜冇咩選擇大多close左呢間都係臨時臨急搵嘅點知畀我食到間好嘢👍38蚊 三餸一麵某啲餸要另外加一至兩蚊佢啲豬腸係我食過最好味嘅醃到好入味好濃真係食過返尋味🤤🤤另外叫咗個豬扒蛋飯我唔係度度嘅豬扒都食佢個豬扒厚度適中juicy又脆邊配埋佢地自己調嘅豉油 兩碗飯都食得曬啦🙈號外套內都貼滿文宣負責舖面個哥哥仔又好有禮貌一定會再幫襯😋😋😋平靚正#黃金戰士 #黃店 #黃色經濟圈 #五一黃金週