壹籠

營業中

休息中

不知所謂的鮑魚海鮮黃金泡飯，飯超硬，湯底無味，只有3粒似假鮑魚同一堆蔬菜粒，湯亦太少，完全無辦法浸過飯粒，浸左5分鐘個飯仲係又乾又硬。問經理點解個飯又凍又硬又乾又無味，竟然經埋話好香好味好受歡迎，好勁可以無試食就話好味，完全忽略食客感受，即係代表個飯係咁你只可以選擇食同唔食，但錢當然要照俾。。另一個點心紅油抄手，硬到好似石頭，又係無味，要自己點辣椒油，第一次食無味白雪雪硬骨骨既紅油抄手。唯一可取就係乳鴿，不過唔熱。最大問題係無冷氣，附近既幾枱客人話好熱，個樓面話好涼爽唔熱。無論經理同樓面伙計都好識講大話。佩服。

有位坐低，叫服務員執台，已經叫好多次完全唔理人我都算，終於過嚟執，留低晒D水杯，碗响到，我地當然問佢點解唔執走，服務員話上一手冇乜點用過都可以用，我地嘅反應而家唔係疫情都唔會叫D客用飲上一手壺水，有冇攪錯，服務員仲答你，出嚟飲茶係咁嘅啦！

前排屋企人生日, 因為屋企人喜歡食中菜, 但最近疫情嚴重, 不敢到酒樓食, 所以找了一間中菜餐廳食!!意想唔到食物幾有驚喜, 價錢又唔會好似私房菜般的貴, 而且裝修得幾華麗, 所以感覺唔錯!由於這裡出名食點心, 所以晚飯時間都點了個小籠包試試!南翔鮮肉小籠包 $32有3隻, 都算有點貴, 但皮幾薄, 肉汁幾多, 豬肉未太食到有鮮味, 但唔差!菠蘿拔絲咕嚕肉 $88貌相唔錯, 有拔絲的效果! 咕嚕肉幾多肉, 骨不算多!野菌海參豆腐煲 $88好喜歡豆腐, 好似玉子豆腐, 好軟滑!!但個人認為海參比較一般...以這價錢來講, 是成正比的, 有沙...酥炸美國生蠔 $134酥炸美國生蠔是個人大推的!! 大大隻炸生蠔, 生蠔好肥美!外面炸得好鬆脆! 跟酒樣有得揮!!黑松露醬蛋白炒飯 $78看似普普通通, 但食落味道好好!黑松露醬幾濃幾香, 蛋白炒飯炒到一粒粒!但都有需要改善的地方, 由於職員實在太少, 場地又大, 完全不夠人手...而且食物送得非常慢...很多枱都在催單...記得當日只有4-5枱客人, 但只有2個職員....

今日我老闆娘請我媽媽飲茶....又去返我屋企附近世宙嗰間壹籠雖然今日星期六都有特價套餐食我就叫咗兩個套餐加散叫一些點心先來呢個三色包有榴槤味...合桃味....仲有黃金流沙包一籠點心有三款味道都幾唔錯蝦腸都分量十足....套餐我叫咗一個$88有一碟餸一個燉湯一碗飯呢個係翠玉瓜貴妃蚌味道尚算唔錯另外叫多一個$168嘅套餐...有一碟叉燒和櫻花蝦炒飯呢碟炒飯都幾好食因為粒粒分明嗌咗一個炸生蠔...原價要$168....依家特價138另外我哋四個人....每人叫咗一客88元寮參湯...但這個湯很少分量....而且條寮參口感一般...不太抵食但總括而言都尚算合格

今日試吓呢間「壹籠」入到鋪，地方乾淨舒服，適合吹水嘆冷氣😆菠菜餃，但冇咩味道，偏淡黑金流沙包，一般味道，冇咩特別牛肉腸粉，腸粉皮做得好好味，一定要試👍🏻再點了一個套飯餐，有一個燉湯，好好味，冇味精，正！咕嚕肉做得好出色，外脆內嫩，汁調較得剛好，好味道

好精緻既點心壹籠主打做高端點心，走新式茶樓路線，價錢真心唔平，一籠平均都成30蚊，不過味道確實唔錯，特別甜品相當出色。榴蓮包係打卡之選，佢外形真係整到mini版既榴連咁，而一分開都見到唔少果肉但又唔太甜，值得一試。玫瑰奶皇糕相比失色唔少，睇落幾靚，但咬落好淡，煙煙韌韌，好似食左成舊粉落肚。呢個胡蘿白造型既係咸點，出面既皮香口，咬落唔會一口粉，都好吸引。總結黎講，食物質素真心唔錯，不過價錢確實係偏貴，間中食下就好。

3個人首次到壹籠品茗，星期六的1點，等了大概30分鐘左右被安排入內。不知是否疫情原因，跟原來的點心紙不同，少了很多點心可以選擇。幸好在沒有選擇下選出來的點心，水平也不錯，總算是不過不失，如果可以增加點心選擇度會更好。很意外的是1點半這麼早就已經沒有了金邊粉及干炒牛河，所以在員工大力推薦下點了肉絲煎麵，由於個人不太喜歡硬麵，所以感覺比點心相對失色了……另外員工3次把隔枱的食物送錯過來，令人有點擔心飛沫傳播…為食物加個蓋子會比較安心吧～

今日正正星期日....因為我母親一起出去下午茶...點知出到門外正正下雨....所以就去咗附近嘅酒樓試一試叫咗呢個叉燒腸$32....腸粉皮好細嫩而且幼滑呢個值得推介之後叫咗一個套餐....98元包括一個燉湯..我媽媽飲咗呢個燉湯都話好清甜...係一個燉螺頭湯但係呢個煮食咕嚕肉就一般般...因為肉質比較鞋身同埋硬咗少少另外我媽媽仲食咗呢個海魚片粥...48元一客...有3塊海魚片...粥底都綿綿地...幾好食雖然呢間酒樓環境清幽....但今天冷氣真的不夠..我一路食一路流汗希望下次你佢嘅冷氣會夠囉

今次同親戚飲中午茶，因為同行有14個人，所以分開左2張枱坐，呢間既服務生態度麻麻，同埋衛生做得好差，汁完枱都無抺一抺張枱要我地自己抺返，唔知係咪人手唔夠，啲野食黎得有點慢，食物質素都還可接受到，唯一係價錢有點兒貴，無下次

被新潮茶樓嘅包裝吸引左我黎因為落雨關係, 一入到酒樓就發現地下唔係鋪地毯, 一坐底, 真係覺得好嘈呀😅環境係唔錯, 亦有好多梳化位, 4人以下都有梳化卡位坐👍🏻星期日下午茶全部點心七折,叫左一人一個花膠灌湯餃,湯好香濃, 有小棠菜嘅香味,花膠係爽身果種, 同我想像嘅稔身花膠有所出入, 個人感覺爽身無咁夾.灌湯餃分量十足! 內有肉, 包有4隻蝦仁👍🏻七折價, 27蚊, 值得食!叫左個磨菇包, 係一個素食嘅磨菇包, 可能食唔慣, 覺得個味道好淡, 唔夠突出! 可以考慮下加返d 香料.炸兩好好食, 好食到, 6件食剩2件先記得影相!入面嘅油炸鬼好新鮮, 無油味, 好脆! 腸粉香滑, 可以話係我食過最好食嘅炸兩!👍🏻👍🏻仲叫左馬拉糕, 圓型一個, 分左6件, 好鬆軟, 味道一流!潮洲粉果的豬肉較多, 沙葛比較較少, 雖然食落無咁爽口, 但係味道都比出面嘅酒樓做得好! 可一試!食到後期, 人比較少, 就靜返d👍🏻下午茶, 每人85蚊, 推介👍🏻

陪家人到呢間茶樓飲茶 因為平時飲開嘅茶樓都有少少飲到厭呢次嚟到呢一間茶樓有驚喜叫咗馬拉糕，酸辣粉，糯米雞翼，春卷，椰汁糕等等味道比平時嘅茶樓好食而且今次坐係卡位嘅位置 坐得好舒服價錢比起平時嘅茶樓貴少少但係呢間茶樓真係味道唔錯好多食物都好吸引

早前🌙晚餐🍽去左元朗世宙食壹籠吾洗等位👍🏻👍🏻地方大又坐得舒服👍🏻👍🏻淮山炒翠玉瓜份量小（下圖係未食過）味道正常芝麻蜜餞雞翼生炸雞翼🐔配上🍯蜜糖🍯👍🏻👍🏻真係即叫即整，所以要放一陣先好食安格斯牛柳薯仔粒🐮牛柳粒🐮肉質好軟腍👍🏻冇筋👍🏻👍🏻炒得好香 & 好惹味😍😍😋😋原條酸菜魚🐟魚肉好滑好鮮甜👍🏻👍🏻無腥味👍🏻湯底吾會好油膩👍🏻🐟魚頭& 魚尾🐟都炸到好香好脆😋😋籠仔金蒜蒸蝦飯🦐🍚價錢$128💰💰用蒸籠蒸出黎既飯🍚好香香蒜 & 鮮蝦味🦐👍🏻😋炒飯底👍🏻

世宙商場地下開的酒樓 今日第一次來試假日午市都唔算太多人 不用等位👍🏻紅米春風得意腸 紅色幾特別 但食落其實同普通腸粉皮沒有太大分別 入面包住既油炸鬼好香脆 幾好味榴連酥 呢個出面酒樓比較少見有做的 幾鬆化 個餡有真榴連肉 個裝飾係用面粉做 好得意！棉花雞 又係唔係間間酒樓有做 好足料呢度d點心普遍係一籠三粒 外面通常有四粒的 變相貴了點 燒賣呀蒸餃呀都係得三粒 但有好大隻蝦 豬肉爽滑 所以都收貨😋總括而言價錢合理 坐得舒服 新舊點心都有 款式選擇多 會有下次

食物是不錯，剛開張的時候，常常來，最愈來愈嚴重人手不足，飲早茶，沒有人加水，上菜速度超慢，柴魚花生粥叫了半小時才到，和職員三催四請，才處理。每個人只有黑着面地工作，茶客只能無奈的等待，可憐的員工完全沒有支援，建議壹籠老闆注意人手安排，

不知所謂，落單冇人理，叫左餸又冇到，問完一個又一個，每個人都問非所答，太不負責任，太過份，元朗呢間咁嘅食嘢地方，係我個人角度就係當消費者太不利，全家人一至通過，唔會再去呢間壹籠食嘢。。。