壹食堂 (已結業)

坐低環境算正常叫咗個焗豬扒飯,加杯低糖綠茶,侍應講焗飯耐d,大約要10min心諗正常10min我覺得快添.杯綠茶來到應該係無糖,但係好飲正常有茶味.跟住來個焗豬扒飯出事.佢塊豬扒係碎上,俾左3塊豬扒骨俾我,3塊骨係接近冇肉果隻,再加上一塊肉,果塊肉size大約手指公咁上下,仲要係薄到人地食火煱片咁.我諗係廚房俾晒d骨,砌夠數當塊豬扒俾我.再講佢薄到咁,就唔好叫豬扒啦！跟住再講個飯,焗飯唔係炒底都算,佢飯質低係超濕,加埋個汁一齊食,真係完全唔想罷落口！當時苦笑細細聲同個侍應講,個豬扒得3條骨俾我😅佢回應尷尬講句：唔好意思我當佢處理左,費事難為佢！😂最後我係飲完杯綠茶,個飯就食左兩啖就埋單73蚊！ps：當時我係好肚餓,但佢個飯真係接受唔倒,食唔落！（同埋唔記得影相）

在附近辦點事，想吃個早餐，見佢價錢都算正常，入去試吓。點了雪菜肉絲湯意粉，來杯咖啡。肉絲應該是自家做，味道ok，炒蛋比較油膩，多士薄有烘底，不錯，個杯咖啡認真麻麻，啡奶彷彿各有味道。整體來說普通，並不值得再試。

中午經過九龍城 「一食堂 」門口看見這個大餐牌，澳洲皇帝蝦喇沙麵配餐飲$78，就很自然地吸引我入去吃碗喇沙麵了 ！眼前的澳洲皇帝蝦 已經作了平民打扮，微服出巡！ 心裏面 有點兒失望，感覺上咁話畀我知，我應該將五隻中蝦最後才享用。整碗喇沙麵的造型是可觀的，齊齊整整靚漂漂亮亮的出場，魚蛋一開二 也方便隨著咀嚼 ，魚片和魚蛋都是爽口彈牙，豆腐和豆腐卜 掛著少辣喇沙汁是挺好吃的 ，麵質是我們食開的油麵質感，爽口的芽菜沒有太明顯的草腥味，最後， 壓軸出場 .....當然係澳洲皇帝蝦 ，打開蝦殼後 一條又長又粗嘅黑色蝦腸 ，呈現眼前.....我只好用牙籤小心地挑出，然後放在吃完畢的喇沙湯中清洗，這樣就可以放心食了！其實這五隻中蝦本身都算是幾鮮甜，不過黑腸就扣曬分喇！女侍應經常企喺門口招攬路過遊人進入幫襯，我的座位就近著大門口的雙人座位，女侍應係看到我挑蝦腸的動作，不過佢選擇性視而不見！

前排去幫襯食早餐，個老闆娘同煮野食個男人態度好差，當住甘多客面前罵員工，杯奶茶甜到不知所謂，入到去感覺唔乾淨，黏立立，最好服務就係收錢個下，其餘係0，我勸大家唔好入去食，貼錢買難受

齋睇個店名，大家可能唔會有太大興趣去試食，但如果你係父母就會明白帶住仔女出街搵食唔係一件容易既事，但「壹食堂」絕對係一個帶住又大又細既好選擇。囡囡6個月大開始，我想佢睇下人地點食野，俾佢見多d學多d，但好怕傳統既茶餐廳地方迫又嘈，囡囡學唔到野仲怕埋出街就大鑊。但「壹食堂」老闆娘真係超級有愛心，每次見我地又大又細，都俾張大枱我地，俾我地舒舒服服慢慢食。有次lunch time full晒，老闆娘怕囡囡驚，專登叫對面搭枱兩個大叔調位，俾晒成張4人枱我地兩母女慢慢食。愛心滿分，食物都好正，囡囡最鍾意食佢地既日本叉燒，雞扒飯仲可以一個小小兒食晒半碗，勁正！真係好多謝老闆娘俾左個咁好既地位囡囡學習table manner👍🏻👍🏻👍🏻

食物味道質素一般，不太突出，餐牌有多款種類食物可供選擇，包括西式意粉主食、喇沙、日式拉麵和飯等，全部是套餐，沒有小食提供。有些似高級少少的茶餐廳。服務質素惡劣，服務員也相當粗魯，收碗碟時大大力掉落去個盤度，本來餐廳的環也尚算舒適，也內柔和音樂，但不停地掉碗掉碟，很吵耳！還有，用餐途中傳出鬧職員做錯嘢的聲音，破壞整體用餐氣氛！其實老闆要教人做嘢應該收埋教啦，有咁多客人在都咁大聲鬧啲伙記，真係唔係咁接受到，認真失禮曬。

頭盤是海鮮拼盤，我是第一次吃新鮮生蠔和螺肉的鄉下妹，但覺得完全不腥，肉質也很有彈性（男朋友說是新鮮的，老闆娘也提及是新鮮到貨的），很喜歡用來沾大蝦和青口的醬，感覺有層次，不只是茄汁，還有黑椒和其他味道的混合-然後上龍蝦湯，好味！很濃郁的蝦殼和忌廉味（男朋友說有蝦膏的鮮味），並不是水旺旺的忌廉湯，麵包控的我只吃得出湯上的麵包粒不是平常市售的，它似是歐式那種有著麥香外皮、越嚼越香的麵包。但很膩，剩了半碗給男朋友一下子清光～-接著來的牛仔架很大份，比手掌還要大😑它不是我喜歡的很濃郁牛味的肉，但也有肉香，而且煮成約七分熟，肉質很嫩很多汁。我喜歡牛仔架的調味剛剛好，不會過咸，配上也不算很濃很油的醬汁，合我口味，只是單說醬汁就有點普通，不會令人驚喜。-我愛那道與牛架同時送上的燴飯，未吃已聞到黑松露香，飯燴得很美味，還加了欖油、蘆筍和菜，雜菌不算多，而且可能吃得太飽，沒為意有多少蟹肉💩總之最後還是整盤全清了-甜點是Tiramisu內餡的泡芙，泡芙體一般，但內餡出色，有很香tiramisu味而且感覺介於半溶雪糕和鮮奶油之間，不會有油膩感，兩顆泡芙被我一口鯨吞完食😋👍-最後奉送兩杯飲品，我們飽到搖頭說不

餐廳位置喺樂富地鐵站行落去九龍城需時15分鐘Book咗1830，去到餐廳 入到去同我地講未準備好 未set好場 但係都俾我哋搵個地方坐住先去個廁所休息一陣。先講講佢嘅starter 海鮮拼盤蠔好夠鮮味八爪魚好煙銀 差啲咬唔到蝦 同青口都係普普通通啦全餐飯其實最好味 就係隆重期待嘅龍蝦湯龍蝦味夠濃郁 上面嘅麵包粒好好味 等左5分鐘左右 終於到主菜上場就正如你喺圖中所見西班牙海鮮焗飯 同 牛仔扒 西班牙海鮮焗飯 個汁超級奇怪但係滿意到我對食物嘅最低要求 就係熱另外 牛仔扒 經過店員一番解釋之後佢話呢個部位係纖維比較多總結: 成塊豬扒咁其實一路嘅服務都非常之好直到係甜品嘅部份有驚喜嘅 因為都幾好食 tiramisu cream係入面最後仲有一杯tea/coffee$300 ok la 不能要求太高哈哈

午餐時段，同屋企人去左九龍城食午餐。見裝修不錯就入去試下，點左一個安格斯牛扒配黑椒汁同意大利黑松露菌芝士忌廉燴野生雜菌飯。睇佢個名好似好勁，仲滿心歡喜好似好好味，不過黎到個牛扒有d失望，係兩塊薄牛配黑椒汁，不過其實味道都唔錯。而另外個飯，都幾creamy，不過份量都幾小。整體都唔錯，不過係價格有點貴，唔太扺食。

近日該餐廳推出二人海鮮套餐優惠劵，因有我喜愛食嘅海鮮及牛扒，故買咗試試!適逢上星期日晚有事要到九龍城，剛好用得著優惠券，故即日致電到餐廳訂位，接線服務員態度親切，她知道我不熟九龍城，也很樂意教我如何到餐廳位置。因當晚我們訂了晚上 6:30 食飯，故成為當晚最早一枱客 (尤如包場般)。當晚套餐我揀咗牛扒要 medium rare，侍應也細心解釋俾我知，要我留意番所揀嘅生熟度跟牛扒厚度所煎出來嘅分別。點餐後不久，先來一盤海鮮，海鮮質素不過不失，廚師也提供了2款醬汁作調味! 之後到頭盤及龍蝦湯，賣相不錯，也很足料! 接著是我最愛的牛扒，牛扒雖然不太厚，但煎的熟度恰當，最後送上甜品及飲品。大約7點開始，已有幾家人來晚膳，接著仲有位大台有名甘草演員也來進膳。餐廳也變得熱鬧起來!整體而言，是次晚餐也很滿足，我可一次過嚐到海鮮及牛扒! 用埋優惠券更是抵食!值得一試

太太與女兒去左呢間坐低叫左碗烏冬，點知分一碗比女兒時，發現有條頭髮😱，立即同職員講，叫佢換，佢叫我再叫另一碗，佢地繼續係碗烏冬搵條頭髮，話搵唔到，唔service我地，叫我地走，好似我地玩佢咁😡😡。。。我話個職員行埋黎時比左佢睇，佢地個態度極之差😡😡，唔怪得佢Lunch time 咁少人啦～🤦🏻‍♀️🤦🏻‍♂️本來碗烏冬有頭髮，不是很大的問題，問題是他們的處理方法及態度，我們不會再去這間店。

$85 換來一個又扁又乾又異味的牛排，一碗完全沒有味道的雜菜，及惡劣的服務。唔好話九龍城，單單福佬村道上都有很多更好選擇。服務人員態度超差，完全不接受客人comment。 之後看了其他網友的食評才知道原來這餐廳已經出了名態度差，價錢貴，食品質素極普通。連鎖快餐店都好過這裡多多聲。其實如果店員態度好一點，講聲會同廚房反映，客人都不會嬲到要上來寫食評。畢竟大家都要搵食。但本人係九龍塘住左40年都還沒遇到過一家東西難吃還敢態度這麼差的餐廳。希望大家不要跟我一樣中伏。

最近才知道原來壹食堂前身是Cityfresh Gourmet，印象中以前幫襯過一次而已，最近老公介紹到壹食堂吃早餐，發現款式選擇多，用料較一般餐廳高質素，尤其喜歡他們的番茄湯底鮮牛肉通粉，湯底頗濃，牛肉新鮮，炒蛋用的雞蛋味亦濃，喇沙𥚃的魚蛋出自九龍城德興，雞扒亦是無荷爾蒙的那種......睇得出厨師的心意。跟樓面姨姨談開，才知道餐廳是他們倆公婆一手一腳打理，丈夫便是廚師，無怪乎一進入餐廳便感受到每樣食物的出品都是非一般的，而且價錢十分相宜，早餐由三十多到五十多元包即磨咖啡呢！

看到這餐廳的餐飲可升級為意式咖啡，即本試試。點了一個標價$63的「滑蛋牛肉飯」，再加錢將餐飲升級為espresso。「滑蛋牛肉飯」份量比較小，有點失望。一般成年男性應該都吃不飽。除了整體份量小，滑蛋和牛肉都很少。（不過店員亦很細心地拿來日式醬油，假如有需要還可以醬油撈飯）值得一讚的是除了滑蛋牛肉，還有幾片椰菜及西蘭花，以及少許雜豆，亦不太鹹，以健康角度來說都算不錯。espresso是全自動咖啡機制作的，只得薄薄一層（半層？四分一層？）crema，味道也是一般。最後埋單合用$78。

本應一家大細開開心心去九龍城想食一餐豐富開心的午飯，點不知去咗一間地獄食堂，一家大細懷著希望食好野的心情準備進入這間所謂食堂，一開門入面一個客人都沒有，唔緊要，我們一家都入去想坐低，點不知個老闆娘輕聲對著侍應講：「橫掂都無人，就俾佢地入黎喇」我們都嚇了一跳，點解佢哋咁講野，之後我們諗住坐卡位，突然有個男侍應同我們講：「你地唔好坐卡位喇」我們呢個時候覺得好奇怪就問佢點解唔可以坐卡位，佢地咁樣答我地：「你地啲袋、手袋會整到我地啲梳化」我地即時怒火冲天，點解今時今日仲有咁既餐廳，我地即時爆火走人，真係一間估佢唔到既餐廳。一個很不愉快既經歷，令我們一家好唔開心。