壽司派 (已結業)

好耐冇黎沙田, 原來開左咁多新食肆, 真係花多眼亂, 不過好彩一心諗住黎食壽司, 所以自自然然就揀左呢間壽司派.已經係下午茶時段, 所以唔駛等位. 打開餐牌, 壽司的款式有好多, 由最平的幾蚊都三十幾蚊都有, 還有不少比較特色的選擇.同囡囡兩個人點了7碟壽司同一碗鰻魚鳥冬. 壽司材料相當新鮮, 最好食係火焰三文魚同北寄貝, 飛魚籽軍艦壽司都唔錯, 不過最抵食一定係三文魚, 只係$9一碟.烏冬口感同味道都不錯, 不過鰻魚的細骨比較多, 囡囡食唔到, 同埋size太細了, 我諗只有平時食開的三份一左右.此店勝在用料新鮮, 地方乾淨, 而且價錢不貴, 有機會還是會再來的.

昨晚去左依間壽司店食野，結果一肚氣!!野已經唔好食服務更加~~~!!囡囡唔小心打瀉湯,我抺完佢同我身上嘅湯,全店嘅WAITER依​然無反應,我已經勁火,大叫唔該搵個人嚟丫。一分鐘後，一個WA​ITER行埋嚟望完個地就話：請問有咩幫到你呢？(好寸)我就問佢請問你​有咩可以幫到我呢？佢仲發我爛渣，話我好問佢​有咩可以幫到我!!!我問佢咁係咪要我自己抺番個地丫​...(結果佢一塊布或者一張紙巾都無俾過我!!!另一個WAITRESS拎住嘢行過大叫唔該借過，勁無禮貌​!我話叫經理出嚟結果嗰個好似呀嬸嘅負責人~~~仲幫住個waiter，我問​佢拎張公司咭片，佢居然話派晒!!離晒大譜!!!!!依餐除左一肚氣之外，咩都幾乎無食過，仲要成$300，真係背脊骨落!!跟住去咗廣源間麥當勞，囡囡都食咗一個包，員工服務態度好十倍!!!

上兩個星期日同左女友去左呢間店食晚飯,個門口派飛既知客出奇地黑面,問佢咩野,佢都唔想答你,可能生意好好掛,等左20分鐘,終於有位,佢來位好迫,坐得好唔舒服.佢地d壽司真係唔得,d魚生唔太新鮮,完全冇鮮味的,食左10碟都係咁,佢收費同出面壽司店差唔多,但質素差好遠,唔會再來.

未食過,諗住試下啦入到去,睇到個MENU,見D食物比其他店鋪貴諗住水準都有番咁上下掛點知.....唔好咁好食咯帶子壽司-唔太新鮮,又一大一細,賣相差三文魚壽司-算是不錯因為本身都幾鍾意食皮蛋,諗住應該會幾好食,點知...味道怪怪的,豆腐加埋皮蛋都幾難食,皮蛋味冇咩,豆腐味又唔知想點,難食到不能形容!!!海膽壽司-都OK吞拿魚壽司-吞拿魚色澤深,幾好味以咁既價錢,但咁既質素,實在物非所值,難怪喊臉這麼多....

嗯, 果日即興出黎食飯, 大家都諗唔到食咩, 只係諗住係沙田食壽司, 基於抗議某集團高價殺TUNA, 所以諗住試下依間啦, 但係一睇依度個食評, 個心有D寒一寒架, 事關有啲話貴到離哂路, 有啲就話難食=.=但基於二個都膽粗粗同肚餓既關係, 我地就話試佢一次咁多啦唔駛等位啦, 咁我地坐BAR枱, 因為想"睇"多啲壽司轉黎轉去wo。啲壽司睇落去又OK新鮮WO, 跟住點左三文魚啦, 就OK一般, 無咩特別。但係鰻魚呢, 正呀, 好厚好肥美, 我即刻encore la。另外, 個蛋壽司都好正, 其他魚壽司都OK, 新鮮既, 例如劍魚所以基本上, 我地都覺得依間既食物質素都OK, 中規中距啦, 有少少唔明點解咁多喊樣總結: 一試無妨,

講真, hip sushi 以前質素係幾好既, 因為想食壽司, 所以差唔多有一年冇去之後去食下。食物味道: 海膽: 唔新鮮, 份量少帶子, 劍魚, 池魚: 一般貨色鵝肝: 全晚唯一物有所值三文魚: 真係好嬲, 我同bf叫左3碟(6件)三文魚, 佢竟然全部都俾埋d差既部位!!!服務: 麻麻。本來都冇咩特別, 但我地叫左個燒蠔over 20分鐘催下, 第一個waiter 話已落單, 再等多10分鐘再催, 第二個waiter話就得, 5分鐘後佢竟然走過黎話: 隻蠔燒lung左, 你地介唔介意再等=.= 總結: 日本餐廳係香港多不勝數, hip sushi 真係要改善下d食物質素同服務態度喇

星期六, 到處是人, 基於輻射考慮, 所以冒險到此一試先來的是三文魚, 不過不失再來的是三文魚腩, 挺肥美的再來的還是三文魚卷物, 最愛的是置頂的"魚子"接下來的北寄貝, 還可以吧鰻魚是一貫的水準, 很香口最後以手卷作結, 軟殼蟹 VS 吞拿魚這款小吃, 還真特別, 連不愛皮蛋的我也忍不住要點

搵苯都不得了，收我千兩的價錢，質素仲差過元氣，唔抵食之餘，仲要難食~~海膽手卷$35海膽少又無鮮味牛肉稻庭烏冬$38收呢個價錢得四啖，烏冬滑，牛肉把鬼蟹籽沙律$15唯一可取的帶子壽司$26不過不失蟹肉加蟹羔軍艦$23果呢唔叫蟹肉，係蟹柳咋掛，仲要少到連個飯面都蓋不住軟殼蟹手卷$26蟹係唔熱的，乾爭爭又硬身，都唔知食緊乜甜薯天婦羅$18雖然熱到出曬煙，但炸粉厚，薯又硬掘掘，都唔知熟未？整體嚟講，啲飯又偏酸，紫菜又唔脆，連元綠都不如，啲錢去曬舖租度？收我呢個價錢？！被坤的感覺後悔無CHECK食評就盲中中撞咗入去，好耐無食過咁難食的壽司。送錢俾我都唔會再幫襯，浪費我個胃。

呢一間真係又貴又唔抵食, 完全不可以接受, 只此一次, 已有後悔的感覺。第一次去呢間食, 諗住之前見都幾多人, 都唔會差得去邊, 點知, 唉-一去到門口, 望兩望, 等左一大輪, 先有人帶位, 都冇咩所謂。其後見店內客人都唔多, 但係叫左野食成半個幾鐘先有野食陸續上檯。呢一樣野我都唔知係咩黎, 什麼JULLY.. 一咬落去原來係豉油糕...SUSHI 十分普通之餘見得師傅真係冇乜心機去整..太差了, 太貴了..

見到有人寫『又貴又難食服務又差』，哇，完全講中我的心聲！十年都唔黎沙田一次，昨晚同老公去完IKEA，就諗住係新城市食埋飯至走。見到喱間唔使排隊，就「中」左入黎喱間完全冇services的壽司店。首先，壽司比一般迴轉壽司店貴。 貴都唔緊要，但我冇諗過會細成咁；老公肚痛，所以只可食熟野，therefore我地叫左碗成40蚊的牛肉烏冬。碗烏冬基本上係用好似中式酒樓用黎載白飯的碗！仲有，個waitess放低碗烏冬時仲要倒左D湯落我老公條褲度。 佢只係講左句『唔好意思』，跟住就想行開。我同佢講，你淋到我地，at least 都俾D野我抹下丫。佢就俾在一張濕紙巾我地！其他waiters就望下望下，完全冇打算做任何野。成餐飯都冇人打算加水！我後來等到出聲叫人黎加水，佢就只係加左我果杯，我老公果杯就由得佢冇水；攪到我要再叫人又再黎加水！喱D乜鬼services黎架？！？！食物仲要等得耐；等完仲要唔熱，問你死未？假蟹柳壽司：最好食鰻魚壽司：又凍又有骨三文魚腩：OKOverall D壽司飯就唔得，又太酸，又唔夠實，飯又乾又硬一定冇下次！

今天去馬鞍山探朋友，之後我們二人一起往沙田新城市食晚飯。由於是週曰，間間餐廳都很多人等往，呢間hip sushi也不例外，我們等了半小時才有一張二人抬。這次是我第一次將會是唯一一次在這里食嘢。服務：差差差。常常上錯食物，起碼五次。無點的食物來了，點的無來，催個侍應...坐在收銀側個男人大大聲話：＂食左話無食，廿幾蚊，我請你食囉＂咩態度？好差,之後無人道謙，無人調解，完全無人介意d客人。食物：未食過苦的芝士焗蠔。同侍應講，又系無道謙，黑面。

The servise is not really good, some of the waitress were even yelling. It takes more than 10 minuets to make 2 sushi, but the taste of the food... Well, not bad, not good. Fortunately I'm not in a hurry at that time. I cant think of a reason that why people are coming to this restaurant and i don't really know why did they take so long about the meal. Overall, I'm not recommending this restaurant. The strawberry soda drink taser like 咳藥水. If I really need to recommend a food that tasted the be

上次已經有少少想試呢間...果日終於有機會試下~拎左飛 初初幾乎無叫過突然間叫得好快 以星期日咁多人既沙田 都唔算等得太耐覺得環境麻麻 因為迴轉位有少少迫夾 加上冬天會著多d衫 又有袋果d...如果迴轉台下面裝個橫架比人擺袋會好好多!!坐低叫左個甜蝦miso soup,,除左海苔,仲有d菜係入面,有兩隻蝦但係個湯好濃味 係有少少怪怪地既"壓"味 唔係人人都接受但係果兩隻蝦好恐怖 霉得好緊要 肉醬咁 如果用黎入味不如唔好比我食 霉到喊叫我心愛的飛魚子比我平時食既平少少 以為好抵食啦雖然都裝得滿 但係d飛魚子無咩口感 唔夠脆 顏色都無平時食果d咁好平時食果d鮮豔d 脆d 味道都好d 可能呢到入果d貨唔同啦叫左帆立貝 都ok 但較乾身仲有個火焰海膽帆立貝 呢個幾好味三文魚$9碟 都幾抵食見係sushi bar入面係咁燒鰻魚 應該都幾正~但係我唔鐘意鰻魚所以無試..我唔鐘意佢d卷物 因為我好唔鐘意d七彩既魚子同埋我鐘意d original d既 唔鐘意太多自創既野 哈哈仲有一d我個人既執著果度主要係sushi bar 但入面d師傅都唔

Today was 十月二號假期,心情not bad.不如就sushi la. Therefore I chose this restaurant. Before I came to the eatery, I had never look at any of the blog entries for the restaurant. My motto @ a 日本restaurant is: "u paid for what u get" . Based on my past experiences, I didn't want to try those exotic sushi, because the prices seem to be too good to be true. There were some sushi that I would definitely wanted to try. I looked at the menu. I ordered six pieces of salmon belly sushi, 2 pieces of flying fish roe

went there for tea set at around 4pmtheir sets are combination of snack, sushi and soup.miso soup was ok, fried beef potato was ok, sushi was also ok, but none can go up to "tasty" standard... the biggest problem was the udon and the soup served together.... they were not only tasteless , but also taste strange ! no more again anyway !