夜見燒鳥

營業中

休息中

位於塘尾道一個比較靜俏俏的街角，無意中發現到一間新開嘅日本🇯🇵高質串燒🍡居酒屋🏮，店舖門外有竹簾遮掩住，神秘度頗高🤔膽粗粗入內一試，過然有重大發現😅.🐚汁煮花螺點解可以咁入味，甜甜嘅汁同花螺真係好滋味😋🍡雞皮串🐔唔只淨係皮，仲有厚厚嘅油脂，有口感有嚼勁👍🏿🍡蒜心串🥬量多亦唔會老唔會乾☺️🐔德島手羽爐端燒必點，加上七味粉勁好食🍡豚肉蘆筍卷🐽🎋豚肉緊纏繞住蘆筍，入口爽脆汁多😋🍡豆腐串唔會好乾而且連埋木魚同醬汁好正👍🏿🍡鰻魚串🐟食過好多地方，呢度都係燒得幾滿意🍡牛舌串🐮唔駛講一定係好食，但係細件咗啲嘅🥴🍳明太子玉子燒即叫即製熱辣辣🔥，仲要係切好一件件先釀入明太子唔會食得好麻煩🤡.整體好滿足，師傳用心製作👍🏿，希望下次再來更有驚喜☺️

認識我嘅朋友，都知我好懶post野。更加唔好話打咁大篇字介紹餐廳。今次為夜見破例嘅原因好簡單。D野真心抵deal，性價比極高！鍾意飲酒嘅朋友，呢到仲要free corkage：）真正 好食、新奇又好玩。#自從我食咗夜見之後！啲腦筋好咗好多呀！次次考試都得一百分添呀！#食咗之後個人明顯高咗，大隻咗，個自信心返咗埋嚟！

香港難得有heart的小店，師父好有heart ,食物新鮮，尤其是是海鮮類，燒得恰度好處，不會燒得太over值得一試！還有燒牛舌，雞頸肉, 雞皮是必食之選！可以自带酒水，不收開瓶費！👍👍👍

串燒要好食，基本兩樣嘢: 用料靚，火候啱，無得呃。呢度，完美! 好嘅串燒衹需要用鹽帶出食物滋味，再靠師傅嘅功架表現出皮脆肉嫩鎖住肉汁嘅狀態。唔需要花巧，唔需要醃到無晒肉味。呢度主打燒鳥, 唔同部位提供足足佔一整版餐牌, 佢仲要用德島無激素雞，激讚! 仲有必食燒白鱔(鰻魚汁另上), 燒牛舌，厚身得嚟肉質超嫩，個白鱔既皮仲要係脆嘅!今次兩個人食唔得多，下次要帶埋朋友嚟，試佢啲小食, 天婦羅同鰻魚飯(睇住佢原條即叫即燒，每次都又厚又濶，差不多每枱都有點)，仲有原條燒魚。另外，鐘意食串燒都知，好既串燒真係慢工出細貨係要等既，咁當然就食下前菜叫住小食先啦。哇! 佢前菜係一大碟熱既蘿蔔薯仔牛舌，仲要整得好好味，超厚超腍，好感動！食完個高質串燒，埋單每人都係二百幾，堅係良心價！已經約定朋友encore!店舖唔大, 全場唔夠20個位(講真用心做串燒既一定無可能兼顧太多檯)，吧檯佔大部分，有心去都係訂定位先比較好。通風ok既, 我坐吧檯都唔覺油煙味。另外, 見佢有做埋午市, 不過唔係做串燒, 係日式定食

見到新開張看似日本的的店，外面有餐牌見有好多款式獨特就同朋友入去試下，就食左燒蠔，必食燒白鱔外脆內軟及牛舌火喉岩岩好juicy，燒飯團燒到好似有飯蕉咁香脆，秋都魚，燒羊串，我地估唔到香港有咁高質素串燒店，串燒是非常考功夫，控制火候亦要剛好先可以燒得款款都咁Juicy，食得出材料好高質，食物新鮮，好欣賞師傅用心製作，服務亦好好，細心留意到幫我地加茶，如此有水準料理，我同朋友一邊啤啤一邊食，超讚約好左一定要再黎encore 試埋其他款

同朋友放工想飲杯啤酒食少少肉，要香口嘅，但又唔想食太多，食咩好呢⋯⋯諗到喇⋯⋯去食串燒。於是就去試吓呢間新開嘅日式串燒，店名叫「夜見燒鳥」主打燒雞，老闆話：徳島雞 無激素 健康，隻雞各部份都有得食😲雞尾都有得食喎！不過我鍾意食魚，唔緊要，呢度都好多種魚俾我揀。於是先試試燒一條香魚，睇吓夠唔夠火候；好得喎！皮脆，魚肉香滑。 再叫銀雪魚西京燒，香滑美味，調味一流。咁好難唔試食其他串燒啦！ 好！來個極上牛肉、牛舌，再挑戰下自己，雞肝、雞尾、雞子，呢啲平時其他串燒店都好少做。 果然效果一流，串串都香香噴噴熱騰騰上枱，跟杯日本生啤， 完全味覺嘅享受！太野味喇！跟住想食燒生蠔、燒白鱔，我超欣賞佢個燒白鱔，認真極力推介燒白鱔。朋友話想試試大蝦天婦羅🍤再加南瓜番薯天婦羅，連天婦羅都好掂當！ 個皮薄薄好香脆，大蝦夠鮮味。 😋😋😋 好滿足嘅一餐。 一定會再嚟，細細間店，價錢合理，但味道超班！

氣氛好好，食物質素高！推介牛舌燒得岩岩好，食完一串又一串！大蔥，好濃味！燒飯團🍙，有飯焦，好脆，好好食！魚好新鮮，玉子燒，焼蠔好新鮮，好鮮甜！必食服務好好，可以好安心食野！