大井町日式放題 (已結業)

二人世界兩公婆很久沒吃放題。我們發現荃灣有一間新鮮、多選擇、抵食的日本放題。地方大，好快就有位。坐下來就㸃了兩份刺身，慢慢食慢慢歎。大大隻的帶子、劍魚腩、吞拿魚和甜蝦都好新鮮。燒物多選擇 ，吃到舔舔脷。這款味噌蠔好鮮味😋，燒蟹肉好正。仲有燒甜薯，榴槤炸彈，全部都正正正，勁好味。服務態度好，食物上得快，真的值得讚。那兒有自助沙律、水果、甜品、飲料和雪糕👍🏻👍🏻👍🏻吃到最後差點忘了還有movenpick 雪糕，肚子飽到不得了😅好滿足啊！

太過份了，22號果1日打去book26號7點2位放題，初初仲驚book唔到，點知又比我book到啵，到左26號當日早上仲冇職員打比我confirm當晚book左7點2位放題，仲叫話最多只會wait10分鐘，過左當取消booking，仲話到時要講個booking no. ,咁就10拿9穩可以同老公食好啲啦，當日我地冇遲去仲要係早左10分鐘，點知去到，門口既職員竟然凅我地等到7點半，原因係因為佢地放題既第一輪時間係5點半開始，一輪2個鐘，第2 輪係7點半，都算啦，初初有諗過同佢理論既最後都冇，係我地到冇耐，之後有好幾枱係同樣booking 7點放題，但係人地有得入，原因係人地6個人，我地2個人?有冇攪錯呀……完全嬲到走左囉。我覺得有幾點要注意下囉。第一 點解我當初book位唔同我講呢？第二 點解同樣係book7點食放題，人地有得入，而我地冇呢？ 唔通真係人數問題？第三 當我同我老公走果時，竟然比我地行經餐廳入轉去搭果陣發現左原來係有好幾張枱冇人坐，仲要係唔放人入去呢？真心嬲左

我們的結婚紀念日選了大井町放題，要來大吃大喝的一個晚上。坐下看看揀選食物，又多選擇又多種類。我隨便點了蟹粥，想warm up 下個胃先。 蟹粥好鮮甜。 我吃了兩碗😋，配菜叫了清酒煮蜆，大大蜆肉沒有沙又入味。雖然個場好多人吃，但服務快又好。刺身出場，悉心擺設，賣相好，刺身新鮮👍🏻燒肉-羊架😍、塩燒海蝦😍都好入味帶子北海燒😘😘😘又吃了兩個😋榴槤炸彈..... 好香好脆。最後，還有movenpick. 肚皮滿滿，真滿載而歸。

嚟到荃灣大鴻輝中心book左食放題，20:15到已經有人等緊食20:30個場。3樓全層，好方便唔洗等lift，有扶手電梯直上。入到嚟裝修好開樣，空間好大，有藍白聖誕樹同軟音樂幾有節日氣氛。入到去準備開始。食物單全彩色又有圖書分哂類睇得好清楚。有3個飲品櫃，有韓國飲品，可樂，檸檬茶等。仲有生果bar同自家竹水飲品，好多元化！飲日本白桃同提子4%酒，白桃好香夠味。食太多，相不能盡post！另外有小甜品區，有櫻花和菓子，櫻花餅仔，抹茶，柿子餅咁。櫻花和菓子有一朵櫻花好有心思，皮薄好厚櫻花容，櫻花餅就相反地好好口感，有少少濃同甜味比前者重。柿子餅都好食，細細粒又有味，入面係紅豆溶少甜。好欣賞依到既甜點好細，比食容過到口引又唔會因爲放題而浪費。小食粟米同雜菇都好食大份，好香松露味。枝豆好飽滿。創作料理既章紅魚薄切伴柚子酢鮮。另外刺身好新鮮！甜蝦比較出色，好大隻好甜，見其成人個甜蝦仲大過我地，超勁。帶子大同份量唔會比少我地！希靈魚好爽脆同帶少少甜味。 三文魚係厚切！厚切！質素一啲都唔馬虎！北寄貝都係鮮，好大片！海膽手卷有一份仔海膽唔會腥帶甜。壽司無乜食，放題嘛hehe，可能深知食客咁，所以壽司卷物

爸爸生日飯~ 近近地係荃灣食就算～見新開左間放題就試試佢（其實都唔新，但未有機會試）一早訂左位，由於我訂大枱7大2小，佢要落500 訂金。不過都值得一讚係佢唔分時段，任你book 幾點。 佢都多食物揀，最鐘意佢地的帶子刺身係一粒粒，唔係一粒比人切開幾舊果d飲品超多選擇。蘋果汁/橙汁任（針），有一枝枝的茶，又有酒等等.....依家冬天仲有熱飲，不過係維他奶果d, 我諗飲完都飽左一半講返食物，刺身就一般般，唔算話好新鮮，但都接受到。 其他食物都不過不失。佢仲有生牛肉壽司（我唔食牛，所以無食，唔知好無味）最後想講，刺身就黎得好快，但佢其他野食上得好慢，慢得有少少過份。食哂2轉刺身，其他食物先開始慢慢上。不過以呢個價錢黎講，佢其實都唔錯，以荃灣人黎講，我會再幫襯（唔駛下下出旺角/尖沙咀）

就快8點見好多好評就黎試下,門口約15人等侯,等左15MINS入到去落左第1ROUND 刺身例牌3文魚20,其他就5左右,連埋其他單知應該放唔哂所以分兩次比,點知先係刺身只黎左全部5件度,其次帶子無黎到,問職員係咪無哂,話唔係..此乃第1宗!之後黎左芝士焗蠔,蟹蓋都係不過不失..其他熟食創意手作壽司個D就落兩次單先黎一次.刺身又係再想1張無黎.一係唔黎一黎就黎左兩次根本唔係我地叫既野,其中一次個職員仲問食唔食到?我心諗咁都得?之後刺身數量都可以睇到自然幫你CUT半,問職員漏單野都仲有籍口話岩岩換場係咁,我又再心諗:你唔好話D廚房今日第1日返工?乜歉意都無..全程每碟之間最起碼都要等足5MINS先黎,耐就10MINS以上,初頭3文魚覺得幾口食,好似每啖都KEEP到個種味.無點淡.但之後2,3ROUND就巳經差哂變到淡同切得一舊舊,吞拿魚可以唔試..原全唔入味..帶子赤貝劍肉腩都係不過不失..牛柳粒失失地望.就咁一塊板內有D牛肉粒..口感同味一般般...個D鍋試左 蠔個個同埋松葉蟹.不知所謂的..乜味都無..食D菜都係一樣FEEL...D前菜又係.拎過黎兜野似足準備拎去煮既顏色咁..水多多

Ar Ta出左國讀書兩年都無見到啦！返左黎香港要見下面😊好耐都無食過放題既佢！搵左呢間餐廳環境舒適！出野食又夠快刺身我地起碼叫左10轉！次次都到齊！北寄貝爽口!食極都唔夠喉！甜蝦夠鮮甜～～～帶子大大粒! 甜味出～蟹味重！ 份量吾係好多👍🏻👍🏻👍🏻可以試多d吾同既野芥末八爪魚壽司壽司飯吾會過多！爽口芥末味略重！甜品有多款！ 泡芙味道較甜，同平日嘅放題一樣都係細細粒！容易入口又可以食多幾粒！滿足的一餐唔知幾時可以再同佢食飯！因為佢後日就飛走了

因為呢日太忙, 好夜至食飯  , 見到未CUT單所以入咗去吃消夜放題 , 見到都多選擇 , 味道唔錯, 不過由於好快已經到last order時間, 所以我地只入咗一轉單, 而之後, 廚房開始清潔至發現少咗嘢, 仲要係朋友好想吃o個個牛條粒, 個經理了解完之後真係叫廚房做返俾我地 , 但可惜, 我地吃緊時侍應姐姐手快快收咗....我朋友都係食唔到丫講返食物, 燒菠蘿好好味, 有d奄物咁的魚軟骨(其實唔知係咩名) 口感好得意, 酸酸地咁....不過對壽司就評價就一般, 因為同張相個樣差好遠, 我都唔知原來已經吃咗自己睇到相覺得好吸引而點嘅幾款壽司....

上週日心血來潮就同4個朋友試下新放題開頭黎既食物質素都幾好刺身夠新鮮，尤其係呑拿魚質量比美拖羅壽司都唔錯，火炙三文魚入口即溶骨頭腸很有特色其他食物如炸物，天婦羅都可接受都諗住可以再黎點知後期就變差第一輪食物黎完之後等好耐都無5人份量加單幾次但甩單問題持續都無跟進枱面上長期置於空置狀態到最後last order有接近5成既食物無出現過叫待應跟進，又話廚房有單，食物準備出緊點知last order後都係得2碟，好失望！

俗語有云「冬大過年」，就是一家人圍在一起，吃一頓豐富的晚餐，不過，今年實在不想媽媽太辛苦，決定帶家人出外用餐，傳統的酒家怕他們已經吃厭了，就帶他們吃日式放題 「做冬」吧。 沒想到這天的人客這麼多，單單從甫入門口的那一刻，就已經看到大量食客在排隊入座。當然，由於一早預訂座位的關係，我們就不用等了，直接入座。 這裏的甜品款式及選擇極多，全都是自助形式無限任食，當中有大量不同口味的精緻日式和菓子，還有西式的泡芙、布甸及brownie。而另一邊側設有沙律吧，備有多款新鮮水果及沙律菜供應。 而這裏的飲品選擇超多，足足放滿了三個雪櫃，而當中更有較少見到的水果酒。 而餐單上的食物種類非常多，刺身、壽司、卷物、手卷、前菜、炸物、燒物、天婦羅及一品料理等等。 由於第一次來這裏吃放題，不知道會否出現漏單情況，所以加重份量，每款都點了一些，沒想到這裏的上菜速度極快，幾本上完全沒有漏單問題出現，服務員非常勤快，時常為我們清走吉碟，讚~ 第一款送上來的是刺身~ 個人來說極愛吃這裏的赤蝦，大大隻，而且蝦肉鮮甜，肉質結實，而三文魚入口甘香油潤，而有任何脂肪膜及筋位，而鮑魚片爽滑彈牙，口感爽脆，不會軟軟淋

一行人連埋bb同媽媽慶祝生日，即日bk位都有位，魚生新鮮 ，熟食款多，味道好味，上菜快，服務ok。有成本菜式選擇，熟食推介焗蠔類，好味同份量啱啱好 ，蟹粥都ok。海膽手卷也是推介之一，創作壽司也ok。

超抵食又多款式剩係食魚生同羊架都值回票價。自創壽司特別又好食！出餐又快😋😋😋😋飲品任飲款多果酒.解茶.汽水.啤酒連維他奶都有！服務態度極佳！！👍🏻👍🏻👍🏻值得一試

卷物: 軟殼蟹卷很出色，口感香脆,做到外脆內嫩。壽司:特別喜歡花之戀,三文魚跟壽司飯比例剛剛好,新鮮美味!炸物:餃子,芝士年糕,芝麻雞翼:唔會太硬,口感岩岩好,外脆內嫩。面:冷烏冬,夏日炎炎食增加胃口,烏冬爽口配芝麻醬汁更開胃。

各式開胃水果,新鮮嘅沙律菜同其他蔬菜新鮮任君選擇。甜品種類多,有CAKE,和果子,甜品控大愛! 餐後還有我喜愛的MOVENPICK 雪糕提供。SASHIMI擺盤種類多有三文魚,劍魚腩,吞拿魚係厚切爽口有魚油,增加了囗感,赤蝦也新鮮,爽口,鮮甜。天婦羅係必食之選,天婦羅外脆內嫩,外層不會太厚炸粉,口感非凡。

今晚約左東涌住的朋友仔行街聚舊， 一路行一路諗下食乜，直至收到張傳單,係食放題，有新張優惠同埋睇埋開飯app無伏就上去試下。 好耐無行街，未到五點就攰到行唔郁，上左去睇下有無得入， 原來要五點半先開始入得,好彩有櫈坐下一早路傾，一路等! 到五點半就開始多人排隊了。 有人帶我哋入去，細心講解分怖( salad, drinks and desserts,etc) 同交枱時間。 職員有禮貌及專業。 有兩本點菜紙俾客人選擇， 刺身選擇有很多，我鍾意既全部都有，例如有至愛而呢家好多度都無既吞拿魚，另外有肥美既油甘魚同油份高既劍魚腩，仲有帶子同赤蝦。 最為特色既係劍魚腩， 因為我都算食得唔少放題了，呢度的係特別新鮮同很香，唔會無呢嚟味道似食膠咁，似出面刺身店買的級數。 帶子亦都係一粒粒上，唔係碎濕濕，十分鮮甜。 朋友特别欣賞Salad Bar,放題有Salad Bar 已經特別係有火箭菜同凱撒沙律菜等，醬汁都多，佢食左三盤，話食火箭菜食到回本才是王道！ 值得一提係羊架，唔只唔蘇，仲好瘦，好多時食嗰啲都肥膏多過乜咁！ 我Encore左8次嘅三文魚軟骨，超爽口加