大哥大嫂私房菜 (已結業)

主打晚市做生意,有火鍋,亦有小菜,價錢還可以,合理的,不太貴,小菜款式比較多選擇,但火鍋主要是羊腩煲,可能主要針對天氣凍,環境衛生不錯,又多一個朋友聚會落腳點了

大坑的一間小店，可容納少於二十人。叫了三個菜，啫啫雞、炒芥蘭和生炒骨。三個菜份量不大，但水準都不錯。生炒骨的美味程度，喺在其他菜出來之前，已差不多清碟。在機緣巧合下，還吃了啫啫龍躉。煮得剛好，肉質鮮美。期待下次再試新菜式。

我同朋友心血來潮諗住入去大坑睇下有乜好食，見到衣間新開中式餐廳，又無乜人，就入去試下.有幾幅油畫掛在牆上，都幾靚。餐牌上吾算多選擇，但Ｄ名好似好high甘，見到龍躉又吾算貴，所以叫左黎試下，再叫多兩個其他餸試下。等緊期間，見到佢地Ｄ人在門囗不斷吹水，不過吾知係吾係老闆娘，佢Ｄ態度好好。Ｄ野终于到左，賣相幾好，食物旁邊都有 配襯， 但味道就好－般，感覺同茶餐廳味道差不多，而且有Ｄ油膩， 所以我同朋友都有Ｄ失望。

Went to Taihing for lunch as it was close to the library.To be honest, I was attracted to the shop opposite because of the pretty pastel colours but somehow they said we could sit in this restaurant as they serve the food from over there.Anyway, the interior of this place was also nice as there were lots of pictures of Hong Kong.The only thing that was not in harmony was the cloth covering the kitchen as it was Japanese which confused me earlier as this is the first thing you will see when you l

大坑嘅餐廳實在轉手得太快，唔嚟一輪又有新野食，今日就走嚟試吓呢間新開嘅中菜館。嗰幾幅油畫實在太靚喇，忍唔住一路食一路望！翡翠龍躉球 ($118)賣相有驚喜，以一隻西餐用多嘅黑色碟嚟上菜，旁邊有沙律菜、玫瑰花粒及士多啤梨作點綴，整體色彩繽紛；龍躉肉冇魚腥味，肉質結實，成碟餸有超多蒜，蒜香非常足夠但唔會蓋過魚本身嘅味道；落單時要求少油少鹽，大廚都一一做到，雖然好有鑊氣但冇好油膩嘅感覺青梅醬燒骨伴鮮淮山 ($108)賣相又係好好，唔係求其炒完一碟就上菜，感覺用心；加入芝麻醬嘅鮮淮山口感爽脆，令人開胃，而且好大塊；青梅香氣濃郁，質感稠身味道微酸，有漿住咀唇嘅感覺；燒骨非常入味，肉質亦都軟腍，可惜其中一塊肥膏太多，咬清晒啲肉就要拋棄了，由於煮得好好味嘅關係，覺得好似食少咗一塊，有啲失落！留意一吓唔好用肥膏>肉嘅骨，呢碟餸就完美喇！應該係老闆娘嘅女士服務態度激好，不斷為我哋加茶。佢話而家仲熱緊，遲啲涼返啲就會做埋火鍋（其實我1年365日都可以打邊爐，快啲set好個menu啦！）。呢間小餐館啱啱開，連晚飯選擇都唔多，不過值得再試！

今日因工作關係路過大坑，正當午飯時候，肚仔咕咕响諗住進膳之際，眼見一間外觀企理、裝修束新，個名又幾有趣嘅餐廳(大嫂私房菜)，門口放置有一個午餐餐牌，價錢相宜，即管入去試一試點咗一份椒鹽豬扒，配上白飯一碗及例湯。上菜望吓先，睇落都好似幾好咁，豬扒咬落去口感都唔錯，唔會"鞋"口，又唔會太乾身，同出面食开嘅相比，绝對係水準之上，真唔錯！例湯飲落去出奇地唔覺有味精，真材實料。聽侍應哥哥講，原來隔離間"大哥食堂"都係佢哋嘅，有燒味食，喺大坑呢度嚟講都算係"唯一"，夠胆喺大坑呢個小區賣燒味，似乎必有過人之處，下次有機會都要試一試先。可惜因為掛住食嘅原固，所以忘記咗餵飽部相机先，唯有俾多個藉口自己，下次再嚟食時再影過D相

今天經過大坑，想同老婆揾Ｄ好野試吓，行行吓見到有一間私房菜，就係門口打量一番，見到門外貼左Ｄ食物相片，好似好好味咁，同老婆商量左一陣就決定入去試。入到去，侍應就好好咁幫我們倒茶，跟著問我們食咩，我們就話想清淡少少，但就一定要有肉，所以反問返佢有咩推介！佢推介左幾個餸。我們食完只可講一句＂正＂，真係＂正＂。埋單400左右，仲要冇加一！下次一定要再來試其他