大家樂

營業中

休息中

好耐無食大家樂早餐，其實都好近我，不過一般就網上訂第2間自取。呢個早餐有令我重回大家樂懷抱嘅感覺。我連續食咗兩日，睇個包都知，第2日靚仔好多。雖然燕麥奶滑蛋系列都新咗一排，其實我係完全衝着個咸排骨粥來嘅，因為之前嘅太好食啦，成日令我回味。講返呢次個滑蛋堡，真係唔講得笑，好好味，份量仲十足，同事見我食，睇到個包，仲話比起‘’牡丹樓‘’個包大個好多，我自己都覺，好飽肚，其實唔食個粥都好够飽，不過我都話我係衝住個粥返來㗎啦，又點會掉低個粥呢。個粥真係某得頂，好綿滑咸香。我一直對咸骨粥都好情有獨鍾，自己時不時都會去凍肉鋪買啲排骨粒醃咸佢自己煲，但係都無呢度咁好味，所以不枉我咁念念不忘啦

我今日午餐去咗大家樂食佢新推出嘅太極鴛鴦炒飯，個炒飯分白汁同黑汁兩邊，好似太極圖咁。白汁係奶油味，黑汁係墨魚汁，兩種味道都幾香濃，味道好夾，醬汁好Cremay，唔會太膩。而炒飯炒得好乾身，唔會太油膩，而入面有蝦仁、蛋同青豆等配料，蝦仁又大隻又彈牙，蛋又滑又香，青豆增加咗色彩同口感。個炒飯份量足夠，食得好飽。仲送一杯低糖綠茶，可以解油解渴。好抵食！我覺得呢個炒飯好有創意，將中西合併，適合想試新口味嘅人。

今日去叫個魚柳煎蛋多士加炸菜米，飲綠茶。魚柳好食，正常水準。但碗粉有唔止一札米粉係生既，大佬，我本身都唔想寫。綠茶無冰、米粉生既，蛋煎到有鑊撈送。愈食愈差，我為左魚柳先食。真心改善下，貴就貴左，個餐$44。

每次黎上環做野要食平早餐，一定簡大家樂！究竟依間大家樂有咩咁特別？依到沖既奶茶特別有茶香，淡奶亦都岩岩好，每樣野都岩岩好！速食最擔心食物放到冷了，但依到既食物溫度好熱，煎蛋都亦唔會太老！值得推薦！

晏晝唔係好肚餓，求其係公司附近買個外賣食，見佢有個湯飯就嗌嚟食下沙薑鹽雞髀冬瓜湯飯 + 餐飲/湯 $47唔係好肚餓就嗌左半飯，嚟到真係有半飯到，廢事食唔曬浪費食物啦🤣外賣佢雞脾同湯會分開裝一打開碗湯已經聞到好大陣芫荽味，成碗湯個麵都飄浮住一堆芫荽，中意食芫荽嘅可能好滿足，可惜我係唔食嘅人🤢個人認為如果係呢個份量嘅芫荽可以寫埋係個名到，等人如果唔食芫荽可以嗌個陣走青，碗湯底都仲有芫荽碗湯撇除芫荽之外，入面都幾多冬瓜，仲有啲紅蘿蔔粒同菇粒，無咁單調 不過略嫌有啲油，一飲落口已經覺得有啲油，味道上其實都係啲味精湯嘅味，唔好預係屋企滾湯嘅味道，除左鹹鹹地都飲唔出用咩煲，不過啲冬瓜幾好食，清清地咁，夏天食下啲冬瓜都幾舒服雞髀都幾大隻同好重沙薑味，都幾重口味下，個雞皮係已經煮到個皮好腍好似滷水個種，食落唔會覺得一舊肥膏係個口到咁，我自己就幾中意呢種，雞髀肉都好滑，不過都係同樣問題，又係幾油下，雖然雞髀本身都比較肥，食到尾浸左啲雞髀落湯到就見到碗湯面真係好多油，但係味道上都唔差嘅跟餐有得揀野飲或者中西湯，見本身嗌左湯飯廢事再嗌多碗湯飲，都係嗌左杯熱啡，埋單$47，係快餐店食野都唔預有啲咩高質野食，不

年廿九⋯⋯生日二重奏之第一奏：食盆菜美酒🍷佳餚配足料盆菜一千元都唔洗，一個10-12人份量嘅盆菜，但只係二人食，當然食剩一大盆😂無它，原因係呢個份量先有我至愛吃的鮑魚，料靚，而且仲係幾百元，咁有乜法子唔食咁大嘅份量😂⋯⋯足20款食材：仲要係又足又靚嘅材料，味道仲要係好食😋👍——————————-🟪鮑魚🦪：又有咬口、又大隻、又鮮甜、又好食👍————————🟫茄汁中蝦🦐：爽口好味，真係大大隻的中蝦🦐——————————-🟨蠔豉：好夠甜又好有口感——————————🔲油雞：夠滑又唔肥———————-🟥燒鴨：成隻脾嘅位置，正😁———————-🟧日本瑤柱：真係大大粒嘅瑤柱、認真抵食😋——————-🟩南乳炆腩仔：又有我最愛嘅豬腩肉，炆得夠腍又入味⋯⋯———————⬜️鴨掌：夠腍夠味————————🟪花菇🍄：夠肥厚身又夠甜———————講完主角，配角太多，不能䀆錄😁😂😅🟫魷魚🦑：🟨魚蛋：🔲粟子：🟥豬皮：🟧蘿蔔：🟩蓮耦：⬜️枝竹：🟪芋頭：🟫西蘭花🥦：🟥娃娃菜：🟨蠔菇：————————其他配科一樣咁好食😋真係超級飽，一定食晤曬😂😂😂😂😂十二人份量：二人吃😂😂😂食得開心😃、飲得盡興因為開心🥳⋯⋯就係咁簡單——

今日OT，係公司附近食晚餐，嚟咗大家樂叫咗快食晚餐- 滑蛋牛肉飯+涷檸檬茶 滑蛋牛肉飯- 晚餐都算幾大份，呈橙黃色嘅炒滑蛋，鋪係白飯面，蛋香撲鼻，賣相唔錯滑蛋食落去都幾香滑，有蛋味；牛肉都幾滑，唔太韌，但無乜牛肉味，同略嫌有啲咸喺上環速食晚餐，都係一個唔錯嘅選擇揚揚整體指數：7/10揚揚環境指數：7/10揚揚味道指數：7/10揚揚服務指數：7/10 揚揚抵食指數：8/10揚揚返食機會：7/10

有嘢做嚟一早嚟到上環，緊係要食個靚早餐先開工。雖然大家樂早餐食咗咁多年，質素都仍然維持到大家樂嘅「天天超值選」真係平、靚、正之選，$25蚊已有麵包、火腿、烚蛋和飲品。粉麵仲可以㨂配米粉/ 通粉/ 麥皮。另外，大家樂個奶茶茶底真係要一讚，同茶記差唔多，好香滑，唔係講少，真係咁多年都好少失手一般茶記早餐而家都至少要$3x，但大家樂仲做緊呢個價，真係抗通脹之選。食完飽到lunch 都未覺肚餓，真係「超值之選」

朋友約我去澳門點知遲大到 起碼等多佢個半鐘想坐低就周圍搵食 見到大家樂就即刻入咗去好耐冇食過大家樂嘅下午茶 而家都幾多款式揀 有雞翼茶餐配搭 雞翼西多士 仲可以加多碗米粉 飽肚之餘又可以俾你自由配搭心思思1516咁揀咗好耐 最後都係平實咁揀返一碗燒鵝瀨粉 點知佢話瀨粉無哂 最後轉左米粉 驚喜係 一望到係鴨髀 多謝師傅 鴨脾肉質實淨 米粉就正常發揮啦 ，湯就唔係好熱 呢點有待改善啦。但碗鴨髀米都令我由煩躁嘅心情轉為開心 ，希望呢碗幸運嘅瀨粉 令我澳門之旅繼續幸運。

時間唔多，小食店就係又快又唔使點等既最好又係最方便選擇🤣🤣🤣🤣咋咋淋鐵板什扒餐——🐔雞扒、🐷豬扒、香腸🥖．粟米🌽、洋蔥、番茄🍅。配上黑椒汁，味道ok，食物也夠熱⋯⋯。酥皮忌廉湯🥣——-酥皮唔脆，忌廉湯就成pat粉，太過杰撻撻，難食又唔好味。個湯🥣係做得非常之差😟😟咖哩牛腩飯—-咖喱做得唔錯，味道夠香，牛腩大大碗，咖喱可算是做得好味，味道也算好食，價錢亦算大眾化。😊😊😊😊😊

有兩年冇喺上環返工了，今日第一日返新工，上司同我去咗無限極嗰間大家樂食午餐，由於我哋工作性質嘅關係，所以我哋2:00先去食。原來2:00都好多人幫襯，而且有好多款下午茶餐推出，我見到流心西多士好吸引於是叫咗呢個餐。呢個餐仲可以配一碗火腿通粉或者榨菜肉絲湯米，由於本人麻麻哋榨菜，所以就要左通粉，加多杯熱飲都係$32。先講通粉，個湯底好好味，我清晒成碗！流心西多士係配煉奶，切開西多，入面嘅流心都唔少，鹹味比較出，食得出鹹蛋黃嘅味道，所以配煉奶可以平衡番個鹹味，而西多亦都炸得好香口。整體來講呢個餐抵食兼好食。

對於打工仔來說，開工前想吃一個靚早餐，通常都會選擇快靚正的快餐店，貪其配搭豐富。【滑嘟嘟銀針粉再度回歸】滑嘟嘟又短短嘅【肉絲湯銀針粉 】番來啦？這次加埋鮮嫩嘅豬肉絲，還有甘荀絲同紹菜絲，將銀針粉既口感提升到至另一個層次！加上冬菇香味升級，爽滑無窮～！享受一個【楓樹糖雞扒】，咬一啖煎得金黃香口嘅蜜味雞扒，口感超juicy，配埋楓糖甜甜地多滋味呢!再加$3轉餐飽，品嘗一個豐富早餐啦﹗嘆埋杯醒晨熱檸檬水，一個完美幸福嘅早餐時間就係咁簡單﹗

美味又豐富的早餐，往往能夠為大家提供充足的營養和舒坦的心情，展開美好的一整天。不少人更加提倡要每天吃早餐，來保持健康的體魄。今天早上就來了位於公司附近的大家樂，一嚐它們抵食又多配搭的早餐！$25抵食早餐有5樣食物 :牛奶粒迷你厚多~ 配上煉奶，簡直就是絕配豉油王炒麵~ 有水準！炒得幾好食，值得推介！烚蛋~ 健康之選，味道一般！腸仔~ 烚腸1條，味道一般！熱咖啡~ 喜出望外，好喝過好多茶餐廳！總括來說，大家樂25蚊的早餐，在上環絕對算是抵食！ 在上環其他的茶餐廳，早餐一般都要超過30蚊以上！

I seldom go to Cafe de Carol as I think the food quality is not good. However, I was in a rush this time and tried their lunch in Sheung Wan.I ordered a set with a mix of baked pork chop and curry chicken rice. The curry is not too spicy. I suggest you can eat the curry rice first, as the baked pork chop comes with sour and sweet tomatoes sauce, which strangely match with the curry. The chicken and pork chop are both soft. Changed my persception to Cafe de Carol

炎炎夏日的下午，我同frd frd 去咗游水。游完水，佢約佢嘅frd frd 食好西，所以得番自己一個人。見無幾遠有間大記，於是走入去醫肚。由於未夠6點，大記仲賣緊下午茶。我記得大記唔興賣沙嗲牛麵，但係今日居然俾我喺餐牌上面發現有沙嗲牛肉麵嘅茶餐，正！於是，我嗌咗沙嗲牛肉湯麵加多士，再整多杯凍檸茶，成個餐都$32.5，係一個茶餐廳都做唔到嘅價錢。加上，我喺大家樂會員，扣咗$5，$27.5，抵食！牛肉堅係大大塊，而麵係合味道果隻麵底。好耐無食過西多士，今日放縱一下！我要加牛油加煉奶！原來切開咬落去，仲有一層花生醬，認真美味！