大家樂 (荃灣中心)

營業中

休息中

今(4-9-2011 Sun)朝同男友起身後我建議去大家樂食早餐,去到,人龍好長,我o地搵到位後,男友去買o野同攞o野都用o左10分鐘.男友買o左一個吉列豬扒餐,要炒蛋牛油多士,飲凍檸茶同一個吉列魚柳,要煎雙蛋牛油多士同凍奶茶.煎雙蛋幾靚,凍奶茶調味o岩o岩好,但魚柳鯹,唔得.多士凍晒但好彩都仍脆.而男友o既吉列豬扒,皮脆到有啲硬,炒蛋幾嫩但蛋汁都係同麥當勞一樣,淋生o既蛋黃上去L.衛生:呢間有蚊滋.啲洗乾淨o左o既碟冇抺乾水就放食物上去,男友話咁件多士會腍o架.

6-7-2011(Wed)放工後返到荃灣join買o左o野o既男友上荃灣中心,中途又撞到大哥,佢話去買飯食,我講笑叫佢買埋我o個份就分開,點知佢搵我o地,話一齊去食飯,我問佢去邊o度?佢答大家樂,由於我應承o左爸爸會返屋企食飯,只係我o地要等人又有少少餓,所以我同男友食一個餐.o黎到,我要$27.00o既油雞飯,男友要加$3.00o既凍檸茶,大哥要切雞飯同凍檸茶.開餐喇,油雞都幾多同深色,食落,啖啖肉同微甜但好味,飯夠軟熟,加上甜豉油,真係食到唔停口.而凍檸茶茶味足,又唔錯.

時間: 5時半左右食物: 叉燒油雞飯 + 凍檸茶問題: 1) 唔知咩原因，我無要求過d叉燒大件上，見到碟飯d叉爆同油雞可以切到3吋咁長，咁大舊點食呀2) d叉燒乾身到不得了，我無要求過要瘦叉噃，全部係瘦叉而且仲要係又難咬又凍 3) 油雞既質素同叉燒不相伯仲4) d飯唔熱5) 杯檸茶甜到滴，我飲左兩啖頂唔順去換過杯，但佢今次走糖，比個糖水我自己落..... 總結:其實係半年前我係呢度食過叉燒飯覺得好食，諗住回味下d叉燒，點知今次有咁不快既回憶，唔係醫院覆診都唔會去呢間大家樂食野，雖然荃灣中心真係無乜選擇，但請以良心去好好對待客人。

今晚同左女友去左呢間店到打邊爐做邊青,叫左個特級肥牛鍋同殼飼肥牛鍋,叫左個沙爹湯底,一個豆乳湯底,兩個湯或都係冇味o既,火鍋料比之前少好多,縮曬水,如果想加要另外叫，每樣都要$5-$17,真係晾水....食物質素一般,而且d小二唔會幫你加水,最好都係$己帶水好d.

因為小弟住係荃灣中心，所以成日都會幫襯呢間大家樂。呢間大家樂真係幾特別，因為開住荃灣中心入面，加上遠離市中心，所以真係唔會好多人。多人既時間只集中係星期六日，同埋平日既午飯時間（勁多學生），正正因為無咩人，我就可以成日坐耐ｄ，慢慢嘆佢杯奶茶。大家樂既奶茶一向出名，呢間都唔例外，ｄ奶茶味道岩岩好，唔太甜唔太淡，第一推介啊！第二推介係熱狗，佢條腸好大條，加上ｄ醬味道好好，夾埋一齊既熱狗真係幾好食；之後想推介佢既鐵板餐，唔知係咪因為唔太多人食，佢既鐵板水準同質素都幾高，真係岩岩整好拎出黎，有次「zi」到成間大家樂都聽到，好勁！跟住仲有佢既小菜餐，真係好足料，同埋ｄ師傅手勢認真唔錯，炒得好有穫氣啊！仲有仲有，就係佢早餐既炒蛋，去到必試，因為佢真係炒得岩岩好，唔太生唔太老，滑得黎又有口感，正啊！除左野食之外，我欣賞佢早餐時間可以去到十一點三左右，假日就去到十一點半至十一點九，岩曬我地呢班遲起身一族～～不過呢，雖然佢既野食係唔錯，不過份量真係比較少，尤其係下午茶，上次食墨魚咀串加著條，得個一串之餘，薯條都係得八條，咁就十七蚊真係唔抵；同埋大家要小心，佢好多飯款都係無野食，要加幾蚊先有（尤其係午餐）

前幾排去到呢頭，就呢度食個下午茶啦。簡簡單單要個燒髀配紅豆冰。呢間都算唔錯，下午茶又唔會太多人。燒髀本來對佢都無乜期望，但食落又唔錯。外層就比較深色，似係明爐燒味既感覺。個味道都可以，有小小蜜汁既甜。而且雞肉唔鞋口，仲有咩要求呀，又大隻過快活。已經唔錯啦。紅豆冰跟餐唔使加錢，粒粒煙韌紅豆，唔錯呀。雖然快活既燒髀係好食過大記，但佢地都有個通病，就係外皮太乾，但大記既就唔會。希望可以保持水準啦。

13-10-2008經常在大家樂吃晚餐，而菜飯也常常成為我的選擇，因為我無菜不歡呢！ ^^糖醋排骨拼麻婆豆腐，兩款菜，味道來說，兩款都只是普普通通。麻婆豆腐，味道夠辣，但是豆腐沒有豆香。糖醋骨，醬汁味濃，但排骨不太入味。這兩款配搭天天一樣，何時才有新的款式呢？

放左學就來呢度食下午茶，我想用5元既優惠券啦。就要西多加凍奶茶，17元,,,,都係爭1元。最後都係要叉賴加凍奶茶。呢度可能唔多近市中心，所以唔算多人。叉賴都係咁上下水準，叉燒肥瘦適中，賴粉唔會太硬。好唔錯既，凍奶茶係呢度都咁好飲，唔通有fomula跟住整。不過可能食客唔太多，所以少人做樓面啦。整體而言，呢間大家樂都幾好啦。但我覺得荃灣區果好既大記都係昌耀大廈。

16/9/2008從屯門完成體能測驗回來，已經是六時多了，餓得很，所以想也不用想便買了鐵板餐。鐵板餐要了西冷牛扒，這塊牛扒相當厚，肉質挺嫩，沒有過火的情況。焗薯配以碎蛋沙律醬，味道不錯。甜品是香蕉船，吃完整個套餐，就覺得足夠了。四十多元的鐵板餐，有這樣的質素，已經算是不錯了。

10/9/2008很久沒有寫過大家樂的食評，在這段期間，物價也漲了不少。以前四十元以內的小菜套餐，現在也要四十多元了。這天晚上買了個老火湯套餐，主菜是菜膽雞，配以白飯、老火湯和中國茶。我就是喜歡這個小菜菜的份量較多，總覺得一頓飯沒有吃過蔬菜，是有所欠缺的。菜膽雞的菜是用芥菜，如果是菜心便好了。 ^^ 雞肉挺滑的，但總不能以新鮮雞比較吧。(一分錢一分貨。)老火湯份量很多，好像喝不完的，再加上一杯普洱茶。結果一肚水，滿足回家去。

17/5/2008今天下午，試了日式咖哩雞扒飯。加$7配了日式蒸蛋和蘋果綠茶。先試試蒸蛋，很滑很香，很喜歡蒸蛋裏的冬菇，很鮮甜，不錯！而主菜的日式咖哩雞扒飯，用的是圓米，口感不錯。咖哩汁就普普通通，不夠香。而吉列雞扒的炸漿太厚，有點鞋口，有點過火，感覺很乾。雞扒頗厚，但沒有香味。媽媽說鰻魚飯不錯，下次還是試試鰻魚。 ^^

3/5/2008最近早餐推介是魚柳，諗住好耐未食過魚柳，就試試啦。首先皮太厚，炸漿太厚，就好「鞋口」。另外，個魚柳我實在食唔出同可以有乜野分別，普普通通，唔見得特別出色。而驚喜就是炒蛋，都幾大份。熱的，幾滑，好味。而家食早餐要二十蚊多d了，唔好再加價啦~ >.<

16/3/2008一點半才來到大家樂吃午餐，選擇只剩下很少很少，所以便點了脆皮燒腩五寶飯。這五寶，沒有叉燒。主角燒腩，普普通通，個人感覺有點肥，但比上次的好。上次吃了這個感覺有點膩，今次沒有了。我還是喜愛叉燒。

成晚瞓唔著,諗住索性去飲早茶,點知漏氣的我遲遲還未出得門口,結果就落下搵野食,但大家樂又冇早餐啱食,最後只買了一杯熱奶茶走了.走了過對面的即,買做早餐!

一直是大家樂下午茶的fans...但從未寫過下午茶的食評......見到樓下ge食評，想回應一下。今日又o黎左食下午茶(其實係當午餐)。太耐無o黎，加左價都未知......例牌，叫公司三文治。感覺，好像比以前差了一點。我印象中饀應該有雞蛋、生菜絲、火腿、煙肉等。好鍾意煙肉的香味。但係今日ge公司三文治，真係唔夠熱。如果可以熱d就好了。搵日試下其他快餐店ge公司治都好。