大家樂

營業中

休息中

我講明係要堂食雞扒鰻魚飯，佢哋冇堂食得返錫紙外賣又唔出聲，就咁畀咗錫紙合我🤔都算啦，雞扒正常size唔算大，不過鰻魚得手指尾長少少，仲要一啲鰻魚香味都冇，仲要有腥味🤮，大家千祈唔好中伏👎

都幫襯幾年....近期斬四寶飯大跌眼鏡.期望唔高仲要斬叉燒肉酸飛起成舊野睇見嘔,係咪外賣客人冇望合飯求其執頭尾叉燒件...堂食又唔你咁斬好睇....你咁樣職業操手 極之非常失望！！！

所謂龍蝦汁魚柳焗飯簡直不知所謂，收$56.00 完全唔值，魚柳係早餐嘅魚柳大件少少，同是最低價嘅魚，汁液少及完全唔見有龍蝦味，飯亦完全無炒過及可能放了大半天，中間唔熱嘅，大家樂越嚟越差。

諗住近近地喺長沙灣附近食個大家樂，點知去到呢嗰個收銀員個態度極為之差，圖中穿黃衫站在收銀處的女人為該服務態度極差的收銀員，佢已經唔係對我一個態度差，對住啲阿公阿婆都係咁差，所以我先要寫一篇食評點名批評下佢！事緣我去到嗰度諗住嗌一個粟米肉粒飯啦，但係佢就好唔耐煩同好急咁樣係咁問我，要飲咩嘢，係咪喺度食？係咪喺度食？重複咗起碼五六次，而當日我其實係有少少唔舒服，可能反應係會慢左少少，但都應該不至於要佢趕收工式咁不停問我同一句野咁多次掛🙂🙂而我因為俾佢吹到褲都甩嘅關係，我就答咗句飲綠茶，後尾先醒起我仲有少少咳，所以想轉杯熱檸茶，而佢就黑晒面！勁唔耐煩，服務態度極差！不過我唔係成日喺嗰一頭食野所以就算數啦，寫篇食評發洩吓就算數，但係真係替嗰邊嗰啲街坊辛苦，日日落街想食個大快樂快餐都要受氣，對住呢一個疑似經理級嘅收銀員，我見班員工都唔多開心！最後一張相就係個投訴熱線，如果大家係成日食呢一間大家樂，而又遇到類似嘅事件記得投訴佢！

係大家樂app到叫左2個外賣超方便唔洗去到排勁耐隊先買到落定單一行到去就拎得👍🏻👍🏻👍🏻完全想俾10個like皇牌完全係無得輸一哥焗豬扒飯⭐️⭐️⭐️⭐️⭐️芝士焗肉醬意粉⭐️⭐️⭐️⭐️⭐️熱奶茶⭐️⭐️⭐️⭐️⭐️

由於不幸地生病了，因此要戒口，沒有氣力行得太遠，只好選擇不用等位的大家樂，挑選了魚香茄子飯及加配上湯浸蛙蛙菜。沒想到等了五分鐘便可以開飯了，魚香茄子不算太咸，但沒有太多咸魚的咸香味，但勝在製作時間夠快，方便吃完馬上回家休息，亦是個不錯之選。

好耐冇食大家樂嘅下午茶，原來平過其他快餐店，而且質素仲好好添！不過講真真係間間都唔同， 我屋企附近嗰間食過幾次都好唔掂，餐具污糟，有一次食完我同個囡都肚ALL....慘慘但係呢一間喺學校附近嘅分店，質素就好好多啦，起碼乾淨，而且啲食物賣相都好好多。今次同幾個同學媽咪一齊食下午茶，一人一個餐。吉列豬扒手打烏冬，跟埋嘢飲都係$29咋，豬扒炸得好靚，烏冬都好好食，呢個價錢真係邊度搵呀！西多士配紅豆冰餐， $23 ，不過我唔飲紅豆冰嘅就轉左凍檸茶，同價！ 西多士炸得好好

好耐冇來依間餐廳食個早餐了，今天突然好想這裡的雞扒抄蛋多士餐加多1杯凍奶茶，這雞扒外脆多汁，配洋蔥汁美味又不鹹，加上抄蛋好滑又香，火喉剛剛好，而杯好茶就茶味夠又多奶非常之港式味道，而且價格很合理，總結來講，很好。

我未來奶奶最鍾意去嘅食店竟然係大家樂, 佢每次都會去長沙灣嗰間！！話D雞飯好好食同D店員好貼心, 見到佢係老人家會將食物送到佢面前而不須要自取, 而且話D店員好有禮貌同好親切！！我今次去開嗰頭都想試試先, 我叫左叉燒湯米粉, D叉燒肥瘦適中, 幾淋身, 仲加左幾條菜, 好窩心呀, 都幾大碗添!!我再加個上湯娃娃菜, 好新鲜, D湯清清地, 仲有配料紅蘿蔔同什菇！！好健康呀！！我男朋友就叫左個焗豬扒飯, 話好好食喎, 食到停吾到口添！！

難得假日不用出街, 先在附近吃個下午茶再回家打機。有點想吃燒味，於是去了很久沒有幫襯的大家樂。大家樂的下午茶款式選擇頗多，看了一會後，掙扎到底要經典公司三文治，還是吃燒味好...最後決定堅持初衷，點了燒鴨瀨粉配熱檸水！燒味部姐姐即叫即斬燒鴨，還附有燒鴨醬汁。燒鴨皮脆有光澤，看上去肥瘦適中。味道夠入味又不會帶腥味，好吃。瀨粉較腍，分量軟少，若多一點會更好，畢竟現在茶餐廳下午茶都要＄40，以$28來說，這個下午茶已經算不錯了！

呢個皇帝肉燥豬扒飯，只系平民價錢，正吖，肉燥份量好足夠，好似半份肉餅撈香菇一齊嘅感覺，啖啖肉，好有嚼頭，半個鹵水蛋好入味，蛋白好脆豬扒雖然勁炸過，但係距系外脆肉嫩，好有嚼頭，小小椒鹽味，如果重口味嘅，可以加甜醬油，我試過，好好味，溫馨提示，如果⑤想飲野，可以轉例湯架呢間嘅姐姐服務態度系超級好，每次去都好開心

今晚去老地方大家樂食飯，我喜歡呢間系因為員工好有歸屬感，見面會笑笑主動說Hello 你好，令我好窩心，海南雞飯，海南雞好滑，加左白芝麻吊味，去左骨的雞，啖啖肉，皮又好滑，又有雞味，點D類似泰式醬一齊食，更加好味，酸酸甜甜，仲配有酸紅白蘿蔔，可以中和一下，正吖呢個韓國泡菜鮮蝦滾燙，酸酸辣辣，都好惹味，不過可能我傳統D，都係比較喜歡距嘅老火湯，但係新野都想試試嘅，唯一喜歡鮮蝦，真的好彈牙

夜晚果餐可以隨便，可以隨便得好味，對比尖沙咀海港城的大家樂，長沙灣的大家樂更有人情味，我點左個最愛的煎肉餅菜飯，雖然賣相無海港城的甘靚，但係味道真係好好味的，肉餅兩面煎得脆脆地，但係咬落去系外脆內軟的，加埋秘製燒汁，甜甜地，系超級正，菜飯好正，好健康，菜好新鮮