大師傅粥品 (啟田商場)

營業中

休息中

啟田商場少左間粥鋪，想食粥已經焗住要去食間難食d既 大師傅粥品，新年多單大家理解，咁你要新年開鋪就唔好怪多客，態度極差，問又唔比問，買完個外賣就咁叫你行開，望多眼又嫌你阻住佢做野。卒之最後原來漏單，現場外賣都有得漏，漏完仲要喝個客嗌左乜，好似個客錯咁，外賣分單亂已經算，個客問句係咪都要望下。最後等左半小時，漏左單，然後唔好意思都無句，退錢仲要好似個客唔岩。幫手抵制換間好d粥鋪，態度差唔好食，請廣傳。

屋企最近就係呢間粥店，見人唔多就試試，叫左過豬骨菜乾粥和葱花炸兩，唸住好快到，點知原來呀姐漏單，結果等左15分鐘到，見碗粥有兩大舊豬骨响到，仲有兩三條菜乾，呢個唔知好唔好，見人見智，我就偏向鍾意食粥多d嘅，粥食落口真係好似漿湖咁，覺得好似無乜米落去煲咁，真係好難食，而葱花炸兩係唔熱唔脆嘅，我去過坑口分店果間食，坑口果間真係好好多，無論d粥同炸兩都係。呢間藍田分店真係無下次！！！！！！！！！！！！！

生滾粥：生菜🥬鯪魚球🐟粥一碗$36，生菜爽口；鯪魚球大大舊彈牙好味，要分啖食；粥底棉滑濃郁，味道佳！用料還有條條薑絲和香䓤段。一路等餐，一路周圍望望，嬸嬸都是用雙手棒碗拿著送餐，眼見碗碗盛得勁滿，好似多添一滴就會漏出來。叉燒腸，一碟三條$19，腸粉滑，包滿甜甜叉燒量豐富，叉燒粒多肉無燶，配合甜豉油美味一流。忍不住，多加一件油炸鬼，唉呀，是久違了的香、鬆、脆，鹹鹹香味，全部食曬…大師傅 — 大滿足 😋😋

10點幾嗰陣 肚餓見到有間粥店仲開緊 諗住入去食 坐低一杯水都冇 張枱冇抹過 樓面有個阿姐 矮矮哋 用個髮夾夾住個頭 穿咗幾個耳窿嗰個 就係佢啲態度好衰 叫佢過嚟抹完張枱問佢筷子喺邊 佢同我講隔籬枱囉 唔知問吓你好正常姐 呢啲乜嘢服務態度？ 嚴重投訴。 之後埋單等咗我15分鐘 佢一直喺樓面有同我眼神交流過 之後我就話埋單唔該 佢先至肯過嚟 之後仲要話咁我見唔到呀嘛。笑死 即係你喺樓面15分鐘係做緊啲咩呢？ 當時都冇乜客。見到你哋截晒單。