大快活 (連勝大廈)

營業中

休息中

The dining room is really spacious and clean for a fastfood chain. The food itself is pretty good, especially for it's price. Also the food alert buzzers were very useful during dinner.

過年度度都好多人，黎左水車館街嘅大快活，呢邊叫住係較為少人。叫了兩個茶餐，攞住飛等攞野食。E3餐，一條脆皮腸，一隻雞翼，同一碗碗仔翅 $27脆皮腸幾香脆，係細條啲。雞翼燒得香口，甜甜嘅外皮同帶香草味，ok啦。碗仔翅有驚喜喎，上次食勁咸又勁甜好奇怪，今日ok，個味調得唔錯，一絲絲瘦肉同素翅，又唔過傑或稀，合格收貨。另一個S5餐，迷你糯米飯同熱奶茶 $30糯米飯香軟，臘腸花生好正，雖然係迷你，但作為下午茶份量ok啦。呢個餐包熱飲，杯奶茶香奶好飲。

我相信我吃過的，我感受過的。其實，大快活都幾好食吖!大快活在我的記憶，是供應跟大家樂差不多的餐點。兩者最DISTINCTIVE的分別，是一哥焗豬及阿活咖哩。可是，其實我覺得一哥焗豬，阿活咖哩及肉醬意粉係呢兩間形象好相近的連鎖快餐的名物。當中大家樂的是焗版，香口一點，而阿活的兜頭淋版本勝在意粉不會變浮屍，仍能保持一定的嚼勁。身體抱恙最緊要吃個大早餐。於是11點整遇上這家很久不見的連鎖店，是我們的緣份吧。此時我體內"孤獨的美食家" MODE ON，看過那琳瑯滿目的餐牌，最後依然是情歸肉醬意粉。大家對小時候的紅汁有沒印象? 這個肉醬就是細個那種CASUAL紅汁嘅茄味濃版。當中也有雜菜的甜，肉醬又夠濃，加上那不易變腍特有嚼勁的麵質，又沒有坊間茶記最易賴野嘅水汪汪。我是在吃一個好吃的港式肉醬意粉。跟餐的凍齋啡濃而不酸，是新鮮的咖啡的証明。不過看到這兒的人流，是咖啡新鮮的保証吧。不得不提服務，我從來沒吃過咁有心的茶記，莫講連鎖快餐店。我要求多肉醬，看圖都知肉醬是倒瀉咁多! 最後收盤子的大姐更禮貌地問我"請問需要牙簽嗎?" 從圍裙拿出牙簽給我! 我是來了大快活嗎?

我很久沒有去大快活食早餐.在我記憶中去大快活食早餐的次數肯定是5次以下.自己今天懶惰.拿完免費報紙.懶得行.就去了眼前的大快活食早餐.環境:呢間大快活是樓上舖.一上電梯就見到收銀枱,買完食物一看環境坐無虛席.令我很驚訝.環境迫迫的.位與位之間條窄巷.肥些也過不到.只有半手位距離.什至有些位置面向厠所門口.洗碗地方門口更差.如果選最迫的大快活,呢間分店肯定榜上有名.服務:除了收銀姐姐態度親切外.其餘員工態度也一般.全部也黑口黑面.可能客人多.忙.人始終有血有肉.有情緒亦是難免的.值得一提樓面阿姐見我影相.本來想阻止我.但開不了口.只同我講了10聲hello.行為古怪.我標題充滿騷味.食家門肯定估我飲奶.或者食羊.哈哈.首先.我本來點.炒蛋,魚枊.多士咬一口才知給了豬扒...多士放了很久.入口硬度十足.凍冰冰的.豬扒同樣是硬度十足.肉質乾涸.毫無味道.炸粉厚厚,厚至皮肉嚴重分離.溫度同樣是冰冷的.連保溫也慳.炒蛋更恐怖,不單止沒有蛋汁.入口更有一股不明來歷的奶騷味.蛋味同滑度..當然無.火腿通粉:通粉入口呈粉狀狀.火腿絲亦少.湯底是微暖的忌廉湯.味道不過離譜.凍華田;華田味欠決,也只得恐怖

點都唔落味精系列之咕嚕肉配料只得洋蔥青椒，以及主角肉塊。醬汁過多，肉塊太稔，酸味過重，唯一好處就係可以撈飯食。洋蔥青椒份量適中，只嫌部分洋蔥重疊，而炒既時間又唔夠，仍然好生好辣。

諗唔到去邊度食 lunch, 今日就同老公嚟大快活,o依, 原來呢度我已經寫過兩次食評!今次食 lunch 都算 ok 嘅,咖哩牛腩飯的咖哩幾香, 牛腩一般啦我叫咗個韓式年糕加和牛, well..... 係個名同張相吸引囉, 實物完全都唔係嗰回事.....牛只是好普通的貨式, 仲有點 'un',炒年糕 - 又硬又冇味囉...煎蛋餅　－　又乾又硬。。。唉, 下次都係嚟食早餐好D

放工老公話想食打邊爐, 就去o左大快活啦,不過, 勁唔掂.... 除o左o個幾片仔的肥牛, 完全冇乜其他料可言....全部都係菜令人睇上去好似好大碟,烏冬仲要係切開俾得半個你,下次都係返屋企打好過喇

成日呀媽都話大快活早餐好食~但係無奈佢既分店唔多~而每一間都唔係我既附近,所以當我約左FD食早餐,又知道呢頭有大快活,就梗係要去下啦~要左個吉列魚柳,滑蛋,多士,雪菜肉絲米,熱啡=$22一如媽媽所講,吉列魚柳炸漿唔厚,面積唔大,但厚身~i like~滑蛋,多士當然不及澳牛,但已經好過好多茶餐廳及大家樂...食完呢三樣野已經飽飽添~早知就唔加$2要雪菜肉絲米啦~食左幾啖就浪費了~coffee唔錯~好過好多茶記~其實而家好多茶記既早餐已加左價,所以以咁既價錢食到咁既質素都算係咁啦~

呢間大快活無教育路個間甘多人, 唔知點解對我來講反而係好事, 因為我唔喜歡同人逼叫左一個滑蛋早餐, 有滑蛋, 火腿, 麵包, 皮蛋粥, 咖啡滑蛋有水準, 雖然比起澳奶仲有一段距離火腿例牌貨麵包有驚喜, 等於一塊細少少既厚多, 搽滿牛油, 好味皮蛋粥, 水汪汪的, 一般般咖啡, 比起一般餐廳已經有水準(但不及初推出個時)五款野先$18.5, 係非常超值的

有點肚餓，朋友提議去食下午茶（要連鎖快餐店的），那就去我想去的大快活吧（可以吃美味豬扒包～嘻）脆脆豬扒包，咖哩魚蛋，凍綠茶：豬扒包正正！包外脆內鬆軟，無骨豬扒大大塊；魚蛋實到像石頭，咖哩色很紅很怪，估計是’煲底魚蛋’。脆脆豬扒包，蜜糖雞翼，凍綠茶：這個包反而烤得很濃，而且豬扒對比下不夠我那份的大。XD

今日去試豚肉火鍋,要番茄湯配梅子沙冰,其實個賣相就真係唔錯,d豚肉(豬肉片)個樣色水幾好,雖然係雪藏貨,但是剛切片,唔會等到出晒血水咁恐佈,火料除了豚肉外,還有雞片,3粒牛丸,3粒魚旦,幾片豬皮,豆腐,生菜,油麵,個湯有好多番茄及一隻雞腳,本來都幾滿意,但果煲湯足足煲1小時15分,都唔滾,唔知係個火唔夠孟,定係個煲唔傳熱,本來想食完快d走,點知搞到佢收工我個煲都係死死下咁,佢咁點做生意呀,我消費$44食個半鐘,佢d碟又大,放要佔2個位,好在佢生意麻麻,如果唔係點搞,人想快d走都唔得啦,個鍋煲極都唔熱!

個火其實好好食, d 材料好新鮮, 餐具都比大家樂o既乾淨但係個火爐仔好唔掂......燒o左半個鐘, 煲湯都唔滾, 你話我可以點呢???下次想幫襯都要諗過另外吉烈豬扒飯都好正, 豬扒係似豬rib 的部分, 炸得好脆配埋蕃茄汁食就一流!

其實，smartgon的留言是我以前留的，而家仲有keep住估唔到，隔左一段時間無去。間野d野食進步左，無以前咁難食。早幾日食左個有翅的雞餐相比，人地美心既"蒸營系列"好食好多!佢d 菇好油，一patpat咁，d 飯唔好食好似冷飯咁。個雞就唔錯啦，幾入味。不過個翅飲飲下已經變晒水。最慘係，一邊吃，那蒼蠅大哥在煩著我....算啦，快餐店始終是快餐店。

我自中學時代幫親到而家...以前好好食。而家...好難食，以前有紙合奶，而家無。而且蘿蔔糕是煎過的，有陣(縮)味....試過佢d茄汁用是已變壞，結果薯條無得食...，個廚師真係煮得好頭其。我情願比貴d食好d 。我覺得千色間/元朗廣場間美心仲好食過大快活。