大快活 (已結業)

中午諗唔到食咩好，突然醒起最近大快活推出50週年復刻餐，有葱油超巨大雞脾，打算試下係未真係咁大隻，而家用大快活APP有幾張8折優惠卷，係APP落單有好處就係可以自己揀唔要咩配料都得，我就將白飯轉做左意粉。冇配飲品8折完只需要$34.4 扺到冇朋友。返到屋企未打開已經係透明盒見到隻雞脾超重份量，完全對得起尼個價錢。食落每一啖都係肉，連埋葱油一齊真係好好食，但意粉食落味道就差D，冇咩味到，都係配埋隻雞脾先好D，下次再叫都係配返白飯感覺好D。

今日放假休息諗住去建生呢間大快活食下午茶😠下午4點入去買咗個熱狗配春卷連紅豆冰,行到去水吧位畀飛職員,着住黑色制服個服務員唔知佢係咩職級😏大大聲講唔係你,我夠知吖都唔駛咁惡囉!影響我食嘢心情,好似唔憂做咁!呢區呢種快餐店服務係咁上下👎👎

今日臨返工之前，提早啲去咗屯門建生嗰邊嘅大快活買早餐食，我叫咗雞扒早餐外賣，加多個細火腿通粉，集團式嘅餐廳出餐速度快就基本，唔使5分鐘就攞得，當然可能嗰陣時太早仲未有太多人。返到公司打開個外賣盒諗住食個靚早餐，點知佢個脆炸薯餅竟然轉咗三粒燒賣畀我，而佢竟然冇通知我，當然攞嘅時候冇睇清楚都有唔啱嘅，但係全個餐最好食嘅薯餅咁就冇咗真係有啲唔抵。個餐嘅味道冇咩問題，雞扒皮煎得香脆，燒賣正常味道，火腿通啲通粉冇話煮得太淋，正常早餐一個。

今晚係公司附近的大快活用膳，睇餐牌款色都唔錯！最後揀咗火鍋，有兩個湯底選擇，肥牛肉質不俗也不太多脂肪，蔬菜也頗新鮮，其他就係一般打邊爐的用料，但足夠一個人食用的份量，而且價格一啲都唔貴！

常餐係我常食的之選，今日同阿仔照常買常餐返屋企點，因為阿仔常餐先可以食得飽佢點知佢一開盒意粉 ，佢嘅外賣碗換得一半仲要常餐嘅價錢唔係下午茶 ，大活畀我嘅感覺係抵食夾大件 點解而家會變成咁

最近見到「大快活」有焦香煲仔飯，最特別之處係「外賣自取+$6」就可以 原煲拎走返屋企慢慢嘆！我最後叫咗：1️⃣ 臘腸沙薑雞髀煲仔飯 $472️⃣ 原煲拎走 $6「外賣煲仔飯」真係第一次食，用一個訂製嘅紙皮盒裝起，盒上貼上了一張寫上「煲身高達100度，小心燙手」嘅貼紙，內附「自製隔熱咭」，整個外賣設計做得唔錯，值得一贊👍；另外，「按煲優惠」還返個煲連蓋即享$6現金優惠券價格💰：$53 ($47 + $6)味道😋：OK留意⛔️：即叫即做 (需時5-8 分鐘)

星期六放左工，我又唔算太肚餓，食下午茶就係最好既選擇。今次我叫了蜜味燒雞脾，加$9雪菜公仔麵，紅豆冰（$32+$9=$41）平時會叫蜜味燒雞翼，但雞脾啖啖肉，正好多。公仔麵似福麵，加左雪菜，小妹覺得有少少咸。紅豆冰是我至愛，都算多紅豆既，再多一點也無妨。今次我是外賣自取。下午茶時段都較多人，買回家嘆好一點。外賣等候時間不太長，5分鐘內都有，尚算快捷。現在晚市還提供職員送餐服務，適合我呢d懶人😂😂

好耐都冇食個大快活早餐，今日難得放假，就試吓呢區唯一快餐店，今次試吓新野，叫咗個吉列豬扒丶配太陽蛋丶配多士丶飲熱茶走！首先，主菜吉列豬扒，塊豬扒用把鐵刀，切極都切唔開，可以用非常un嚟形容，仲要係塊豬扒已經好油，好耐之前食過都冇咁差，估計係隔夜豬扒！放棄佢反而太陽蛋有少少暖，叫做有啲驚喜，多士就冇乜特別，貪佢好過其他快餐店，可以另配奶醬唔使加錢，杯茶走就貫徹一貫快餐店，都係一般！可能呢間大快活係獨市關係，越做越差，啲食物成日好似唔新鮮，啲職員又成日鬧交，期望果兩座新樓有其他快餐店加入戰團，咁就可以提高質素。

昨天同阿豬爸出去搵野食~見到大快活7點幾坐滿人~ 發現好多人點了火鍋食~天氣凍凍地~一於試下食~同平時食的吉野家比較下先~首先~只有牛肉/豬肉 (沒有雞肉), 沒有飲品, 價錢也是比吉野家的貴一點....買完等職員"送餐"肥牛有D肥, 半磅就2份, 4安士就1份吉野家的菜是一早放入鍋內的, 這個就自己慢慢放, 看起來多菜一些?有白菜餃,芝士丸,貢丸各2粒花膠菜膽雞湯好似清湯....我搵到手指尾咁細的花膠3件酸辣雞湯就濃味D~overall是吉野家多野食D同平D, 個湯好味D~不過呢條村無吉野家想近近地食火鍋都可以考慮下P.S. 個餐唔包飲料.....差咗D囉

建生邨呢間大快活一向好多人食, 平日就好多師奶帶完仔女返學之後食, 星期六,日又有好多唔煮早餐的人幫襯~絕對要排隊買早餐, 仲未必搵到位坐!雖然多人幫襯, 但味道水準都係普通大快活咁, 不過不失, 都係貪佢位置方便, 價錢正常咁囉~今朝踢住人字拖落去買早餐(全場爆滿) 所以外賣回家慢慢食~值得讚下大快活的分工好有效率, 阿姐手腳都好快~等了一陣就拎野食~拎回家盒內食物還是溫暖的OK~英式多士可以轉成羅白糕, 味道OK, 特式腸食落似芝士腸(但又唔多芝士個種), 味道正常, 今天個滑蛋炒"老"了少少, 不過可接受~忘記了個麵名堂是什麼, 迷你版的上海麵, 作為早餐份量是夠晒的, 有少少肉碎, 有少少辣, 味道正常最近要了杯奶茶, 味道唔錯~

剛好剪頭髮來到附近，午餐還沒吃，見5點半還有下午茶，就這家了。S8－烤雞髀，熱狗，紅豆冰 ＄37S8－烤雞髀  烤得不夠脆，但帶點蜜糖的味道，不想吃炸的時候另一選擇，想吃香口炸的可到大家樂。S8－小熱狗 蛋黃醬有醋的味道，醬很足但配料很少，只有生菜跟脆皮腸，麵包不夠鬆軟，整體來說普通但可以。S8-紅豆冰紅豆夠沙，沙跟整粒的相間，有點太甜，奶不夠香但算滑。奇怪的是，紅豆冰價錢比較貴，但轉其他飲品卻要加錢？S7-西多士 ＄37老實說這不能稱為西多士，薄薄一片麵包，炸時沒有包花生醬，吃時的醬也只有牛油跟味道淡的煉乳，傳統港式的蜜糖在那？這普通的炸麵包，為何還比小熱狗費＄1?

快餐店不常光顧，食親都係十居其九是午餐﹗地盤附近一向都無啖好食，好食又貴過份糧，咁就梗係快餐店搞掂啦﹗原來這兒有厚切的吉豬或吉雞飯，同工友一人叫番一種，試試佢﹗吉豬較吉雞為細，不過都相當大塊，差唔多有成半個碗咁大﹗估唔到又炸得幾好，肉雖然係雪藏凍肉不過都幾鬆軟，加入炸粉後炸得金黃香脆，吃時還脆卜卜的，大快活吃到已算不錯﹗其實食完件扒都已經膩左八成，再食埋個日式咖哩飯，真係夠哂皮，飽足整個下午﹗